Utanríkisstefna Íslands er eins og rótlaust þangið

Eru íslendingar bara oftaníossar Trump?

  • Það vekur auðvitað athygli og furðu að Ísland styður ekki laga­lega bind­andi alþjóðasamn­ing um bann við kjarn­orku­vopn­um.

herþyrla 1

Í árs­lok 2016 greiddi Ísland at­kvæði gegn því að hefja skuli und­ir­bún­ing og gerð á samn­ingn­um, sem nú hef­ur litið dags­ins ljós.

  • Á vefn­um seg­ir að Ísland haldi fram að banda­rísk kjarna­vopn séu nauðsyn­leg fyr­ir ör­yggi lands­ins.

Ég veit ekki til þess, að fram hafi farið umræða um þessa stefnu Íslands í kjarnorkuvopnamálum í þingsal Alþingis.

Það væri a.m.k. mikilvægt að fram færi könnun á því hvort þessi stefna njóti meirihluta stuðning á Alþingi. Einnig væri mikilvægt að fram kæmi hverjir það eru sem styðja þessa stefnu og hverjir eru á móti.

Það væri ótrúlegt ef þessi stefna njóti stuðnings þjóðarinnar.

122 ríki samþykktu sáttmála um bann við kjarnorkuvopnum í gær á sérstakri ráðstefnu Sameinuðu þjóðanna. Sáttmálinn getur leitt til lagalega bindandi alþjóðasamnings…
MBL.IS
 

mbl.is Samningur um bann við kjarnavopnum samþykktur hjá SÞ
Tilkynna um óviðeigandi tengingu við frétt

Nú er kátt í höllinni

  • Ég hef heyrt að dansað verði í Valhöll nú í kvöld, einu sinni enn hefur elítan haft sigur á almenningi
    *
  • Enda eru lögin sniðin að hagsmunavörslu þessara aðila. Í dansinum er lögð áhersla á þjóðlegan dans og því mun verða dansaður vikivaki við trumbutakt og langspil.

Nokkrar krónur í skaðabætur skipta íhaldið engu máli enda greitt af skattgreiðendum. Skjólstæðingar íhaldsins greiða almennt lítið hlutfall af launum sínum í skatta. En skaðabætur eru enn óútkljáðar fyrir réttinum.

valhöll
Í augum elítunnar skiptir mestu máli, að í dómarastétt verði engir sem ekki hafa trausta þræði inn í valdaflokkinn og hafa rétt viðhorf.

Svanur Kristnsson fyrrum prófessor bendir réttilega á þá staðreynd í grein í Sundinni í gær 6. Júlí að valdastéttin á Íslandi reynir að halda um alla þá þræði sem skipta máli þegar um völdin yfir Íslandi er að ræða. Af þeim sökum hefur ekki mátt breyta stjórnarskránni samkvæmt vilja þjóðarinnar. 

Núverandi stjórnarskrá gefur valdhöfum kost á því að mismuna þegnunum á ýmsa lund. Stjórnmálaflokkar elítunar Sjálfstæðisflokkur og Framsóknarflokkur hafa nánast alltaf setið að völdum í landinu, annað hvort annar þeirra eða iðulegast báðir saman. Þótt þessir flokkar séu ekki saman í ríkisstjórn liggja traustir þræðir milli þeirra og saman standa þeir um ákveðna hagsmuni.

Aðeins einu sinni hafa þeir ekki haft þræðina inn í stjórnarráðin í hendi sér. Það var þegar vinstri stjórnin var við lýði. Ríkisstjórn vinstri flokkanna undir forystu Jóhönnu og Steingríms er gerðu kraftaverk. En þá notuðu þessir flokkar hagsmuna aðila atvinnulífsins. 

Eitt af því mikilvægasta í valdatafli þessara flokka er að stjórna atvinnulífinu, efnahagsmálunum ásamt skattamálum þjóðarinnar auk stjórnarráðanna. Einn mikilvægasti þáttur þessa valdastöðu-leika er að ráða því hverjir skipa dómstólanna einkum hæstarétt og nú þennan nýja Landsrétt.

Nú beitti valdsstjórnin Alþingi gammbít, ríkisstjórnin var óánægð með tillögur valnefndar og vísar málinu til Alþingis í nafni ráðherrans og þar var allt pottþétt enda Framsókn í stjórnarandstöðunni. Alþingi hefur æðra vald en ráðherra og þingið fékk valdið og kaus auðvitað að styðja tillögur elítunar. 

Í mínum huga er það morgunljóst að Alþingi íslendinga ber alla ábyrgð á skipan dómara í Landsrétt. Þar sem ráðherrann vísar málinu til Alþingis, en kemur með nýja tillögu um fólk til að skipa dóminn. Þá sem þingmaður.

Hún vísar í raun frá sér þessum kaleik um að velja sjálf og Alþingi og hver þingmaður þar gátu lagt fram sínar tillögur um fólk og um málsmeðferð með sama rétti og ráðherrann.
Ráðherra starfar í umboði Alþingis sem hefur æðra vald en ráðherra. Allir þingmenn hafa jafnan rétt í málstofunni. Breytir þá engu hvort þeir eru ráðherrar eða ekki.

Þetta virkar bara svipað og þegar Alþingi vísar máli til þjóðarinnar eftir að þingið leggur fram tillögur um niðurstöður máls. Alþingi starfar í umboði þjóðarinnar er hefur æðra vald en þingið.

Breytir þá engu þótt niðurstaðan hafi orðið bæði súr og óeðlileg. Var tillaga ráðherrans samþykkt af 31 þingmanni ríkisstjórnarflokkanna gegn 24 atkvæðum VG, pírata og Samfylkingar. Framsóknarmenn sátu hjá, þ.e.a.s., þeir samþykkja niðurstöðu þingsfundar og gengu þar til liðs við ríkisstjórnina. 

Þjóðin situr uppi með dómarahóp sem ekki speglar almenning í landinu en er greinilega gæsluaðili valdsins í landinu. Auðvitað ber forsetinn enga ábyrgð á þessu ofbeldi þótt reynt sé að klína því á hann.

Fyrirfram hefur auðvitað verið vélað um málið, stjórnin hefur valið þessa leið algjörlega án nokkurar áhættu. Þ.e.a.s. samið hefur verið um hjásetu Framsóknarflokksins. Ráðherra var háður auðvitað vilja meirihluta Alþingis fyrst valdadaflokkarnir vildu hafa annað val á fólki til að vera dómarar var þetta aðferðin. Valdaflokkarnir eru ýmsu vanir í valdataflinu.


mbl.is Kröfum Jóhannesar og Ástráðs vísað frá
Tilkynna um óviðeigandi tengingu við frétt

Getur leiga á sumarbústað verið heimagisting?

  • Sumarbústaður er ekki heimili og er ekki skráð sem slíkt og engin er með skráð lögheimili í slíku húsi.

sumarhús

Sumarbústaður ber einnig lægri fasteignagjöld en íbúðarhús og fær minni þjónustu af sveitarfélögum en íbúðarhús.

Það er einnig fullkomlega eðlilegt að leiga af slíkum húsum beri einhverja skatta til sveitarfélagsins þar bústaðurinn er staðsettur.

Þetta er hreinn atvinnurekstur og erlendir ferðamenn greiða gríðarlega háa leigu fyrir slík hús. Slíkur rekstur skilar engu til sveitarfélagsins þar sem húsin eru og ýmis kostnaður fellur á íbúa í slíku sveitarfélagi. 


mbl.is Deila um hækkun gjalda á sumarhús
Tilkynna um óviðeigandi tengingu við frétt

Vinnumálastofnun á ekki að vera dómstóll

  • Það eru einnig furðuleg vinnubrögð að Vinnumálastofnun skuli úrskurða um þessar skerðingar
    *
  • Raun og veru óeðlilegt með öllu
    *
  • Hið eðlilega væri, að það væru skattayfirvöld sem er í raun, eini bæri aðilinn til að úrskurða um slíkar skerðingar.

Makalífeyrir og dánarbætur skerði ekki
Makalífeyrir frá lífeyrissjóðum vegna andláts maka og dánarbætur eiga ekki að skerða atvinnuleysisbætur. Þetta eru niðurstöður umboðsmanns Alþingis.
RUV.IS
 

mbl.is Dánarbætur skerði ekki atvinnuleysisbætur
Tilkynna um óviðeigandi tengingu við frétt

Fiskimið við Færeyjar eru erfðarauðævi færeysku þjóðarinnar

  • Þetta er auðvitað góð og réttmæt umræða hjá frændum okkar Færeyingum
    *
  • Þetta er þjóð sem hefur barist fyrir sinni landhelgi til að verja sín erfðarauðævi
    *
  • Færeyingar eru með veiðileyfakerfi þar sem þarlendum útgerðum þjóðarinnar er gert kleyft að veiða fisk í auðlind Færeysku þjóðarinnar.

Ástandið er bara svipað á Íslandi, erlendum aðilum er heimilt að eiga allt að 49% í íslenskum útgerðum sem hafa haft veiðiheimildir í auðlind þjóðarinnar.

Síðan geta erlendir aðilar átt óformlega enn stærri hlut ef útgerðin skuldar viðkomandi erlenda eiganda fé.

Er skapar þá hinum erlenda eiganda enn meiri völd yfir útgerðinni og afla hennar. Auðvitað eru skipin veðsett bak og fyrir.

  • Útlendingar einkum breskir hafa fyrir löngu keypt sér aðgang að íslenskum fiskistofnum og stunda nú miklu arðsamari útgerð en þeir gerðu áður á úreltum og gömlum togurum.

En það er auðvitað óskiljanlegt hvað íslenskum stjórnmálamönnum kemur þetta við, þetta sem færeyingar eru að hugleiða. Það getur ekki verið eðlilegt verkefni stjórnvalda að hlaupa eftir hagsmunum einstakra fyrirtækja á Íslandi.


mbl.is Samstarf í Færeyjum í óvissu
Tilkynna um óviðeigandi tengingu við frétt

Auðvitað eru alltaf einhverjir hagsmunir í húfi

  • En reikna má með því að þeir séu gagnkvæmir
    *
  • Það er augljóst að bretar hafa haft mikla hagsmuni af viðskiptum sínum og samskiptum við íslensk fyritæki.

Svona tölur segja ósköp lítið fyrir íslenskan almenning eða hvort þetta eru hagkvæm viðskipti fyrir íslenskan almenning.

fiskiskip

Þá hafa margir íslendingar áhyggjur af því að breskir hafi keypt sig inn í íslenska landhelgi með því að kaupa stóra hluti íslenskum útgerðum og þannig náð sér í gjafakvóta. 

En íslenskar útgerðir mega vera í eigu erlendra aðila allt að 49%. Auk þess geta slíkar útgerðir verið skuldsettar  þessum erlendu aðilum sem þannig öðlast enn sterkari stöðu í íslenska fiskveiðikerfinu.

Öll taugveiklun gagnvart bretum er ekki af hinu góða, auk þess sem þessi þjóð hefur hefur alltaf farið sínu fram gagnvart íslendingum af fullri hörku. Það er algjörlega óþarfi að vera með einhverja hnjáliðamýkt gagnvart þessu gamla og fyrrum heimsveldi. Það er ekki ásættanlegt að íslendingar verði á einhvern hátt háðir þessari þjóð.


mbl.is Miklir hagsmunir Íslands í húfi
Tilkynna um óviðeigandi tengingu við frétt

Flott heimili í sögulegum húsum

Húsgögnin höfða til mín eðlilega, en þetta eru húsgögn sem voru í framleiðslu þegar ég var að læra mína húsgagnasmíði.

Fólk virðist ekki gera sér grein fyrir að húsgagnasmíði og hönnun þeirra er gömul listgrein. Húsgagnasmiðirnir sem ég var samtíða er ég var í námi litu flestir á sig sem listamenn.

Ég hitti í gær unga konu og fyrrum nemanda minn úr grunnskólanum er tilkynnti mér að hún væri að fara læra húsgagnasmíði. Ég hitti hana fyrir tilviljun ásamt móður hennar er hún sagði mér frá þessari ætlun sinni.

En mér fannst matborðið í eldhúsinu hjá Greip mjög flott og skemmtileg hönnun.  


mbl.is Heimilislíf: Sögulegt heimili í Vesturbænum
Tilkynna um óviðeigandi tengingu við frétt

Mosa sárin í Vífilfelli

  • Verða á næsta ári 50 ára.

Það var þá haldið skátamót í Jósepsdal, einn skátaflokkurinn merkti sig þarna með nafni flokksins. Þetta var svona unglingaflokkur og félagarnir nokkuð miklir fyrir sér.

skátamót

Þeir hafa væntanlega fengið miklar skammir fyrir hugsunar-og tillitsleysi sitt á þessum tíma.

Satt að segja held ég að enginn hafi áttað sig á því hversu lengi þessi sár væru að gróa.

Umhverfismál voru þá ekki komin í almenna umræðu en það var samt lögð rík áhersla á það í skátastarfinu að bera virðingu fyrir náttúrunni og ganga vel um hana.

Félagar í þessum skátaflokki hafa fengið þá refsingu að horfa á þessar skemmdir sínar í öll þessi ár. Þessi skátamót hafa verið eins og perlur í safni minningabrotanna.

(myndin er ekki frá þessu móti)


mbl.is Sárin í mosanum grædd
Tilkynna um óviðeigandi tengingu við frétt

Hvað er að gerast?

Þetta er ekki boðleg framkoma þeirra sem stjórna Strætó.

 
Mynd frá Foreldrasamtök gegn áfengisauglýsingum.
Foreldrasamtök gegn áfengisauglýsingum

Helstu viðskiptavinir Strætó eru börn og ungmenni - Byggðarsamlagið Strætó, er eins og myndin sýnir, algerlega laust við að sýna samfélagslega ábyrgð og finnst við hæfi að útbúa keyrandi brennivínsauglýsingu - Fyrirtæki eins Strætó bs ætti að vita það að þeirra helstu kúnnar, börn og ungmenni, eiga lögvarinn rétt á því að vera laus við áfengisáróður - Burt með þetta drasl - þetta er algerlega óboðlegt :( - Sýnum hug okkar í verki dreifum þessu innleggi sem víðast.


Ótrúleg mistök að velja rangan mann sem formann nefndarinnar.

  • Samkvæmt venju rifjar fyrrum framkvæmdastjóri heildarsamtaka atvinnurekenda Þorsteinn Pálsson, upp gömul stef í greinarkorni sem hann birtir í Kjarnanum
    *
  • Ekkert er nýtt og frumlegt í greininni hjá þessum fyrrum vikapilti LÍÚ. Enda einnig einn harðasti hægri maður í íslenskri pólitík.
togaraverkfallÞað var eins köld gusa framan í flesta reyndari íslendinga þegar núverandi sjávarútvegsráðherra tilnefndi vikapiltinn í nefndina sem formann.

Verkefni hans átti að vera að leiða fram mismunandi sjónarmið samfélagsins og einnig stjórnmálaflokkanna til að reyna ná sátt um starfsskilyrði sjávarútvegsins.

  • Þorsteinn er einmitt einn helsti skapari veiðileyfa kerfisins sem enn er við lýði og hefur alltaf reynt að standa vörð um það.

En auðvitað gat verið að þessi smáfríði fríðleiksmaður væri risinn upp úr hyldýpi hagsmunagæslunnar til að skapa réttlæti fyrir alla þjóðina jafnt. Hvar sem þeir búa og við hvað sem þeir starfa.

Að hann tæki þátt í réttlátri baráttu þjóðarinnar til að njóta þjóðarauðsins. Þannig að þjóðin í heild sinni og allir þegnar hennar nytu eðlilegra landsgæða fósturlandsins jafnt.

Þorsteinn að venju veður úr einu í annað í grein sinni og þyrlar upp sem hann getur, en að lokum kemur greinilega fram að hann ætlar sér að standa vörð um hagsmuni gömlu húsbænda sinna.

Sáttarleiðingar rebba gamla byrja á því að ráðast á flesta fulltrúa í sáttanefndinni sem hann hefur tekið sér að láta sættast á tillögur til sátta. Hann ber beinlínis óhróður á fólk sem vill taka þátt í að skapa sáttargjörð.

Það er og hefur alltaf verið stefna VG að allir sjálfbærir þegnar samfélagsins greiði jafna skatta til samfélagsins. Allir, ekki bara sumir. En að standa fyrir slíkum viðhorfum kallar þessi vörður misréttisins að VG vilji hækka skatta.

Sannleikurinn er sá, að VG vill lækka skatta á láglaunafólki sem svo sannarlega greiðir háa skatta og aðrir sem bera meira úr býtum greiði greiði einnig samskonar skatta.

Það eru einnig viðhorf VG, að þeir sem fénýta auðævi þjóðarinnar á einhvern hátt greiði fyrir það með eðlilegum sanngjörnum hætti. Slík nýtingargjöld eru ekki skattar eins og Þorsteinn gefur í skyn.

  • Þorsteinn var sjávarútvegs-, dóms- og kirkjumálaráðherra í fyrstu tveimur ríkisstjórnum Davíðs Oddssonar, einkum til að tryggja sátt og einingu meðal flokksmanna. Þorsteinn er sá maður sem lengst hefur farið með sjávarútvegsmál í ríkisstjórn Íslands.
Þorsteinn Pálsson segir Viðreisn og Bjarta framtíð hafa náð að koma stórum málum á dagskrá í stjórnmálum. Með hæfilegri einföldun hafi Sjálfstæðisflokkurinn einungis farið fram á skattalækkanir og annars óbreytt ástand í stjórnarmyndunarviðræðum.
KJARNINN.IS
 

mbl.is Ósætti innan veiðigjaldanefndar
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband