Jólin í aðsigi

Bjarni er á síðum buxum

og Benni í bláum kjól.

Enda eru að koma jól

Flýtileið í: http://www.youtube.com/watch?v=AWwPl9yn_ro

brauðmola stjórnin 1

Bankamenn í banka stuði

bónusar koma í bráð 

frá Mammons góða guði

 

Óttarlegt, Óttarlegt er þetta með frjálshyggjuna


mbl.is Fleiri notaðir bílar fluttir inn
Tilkynna um óviðeigandi tengingu við frétt

Stórhættulegur ruglukollur

  • Þessi 3500 km. veggur verður aldrei byggður þótt kallinn verði forseti í áratugi
    *
  • Slík framkvæmd tæki áratugi og Bandaríkin kæmist aldrei upp með það
    *
  • Slík lokun á þessum landamærum skaðar fyrst og fremst bandaríkjamenn sjálfa. Bandaríkin eru háðari Mexicoum en Mexicoar Bandaríkjunum
    *
  • Bandaríkin eiga heldur ekki peninga í þessa framkvæmd
    *
  • Síðan eru landamærin milli þessara ríkja ekki óumdeilanleg. Bandaríkin lögðu undir sig hluta af Mexico með hervaldi.
 Donald Trump, Bandaríkjaforseti, í varnarmálaráðuneytinu í gær.
RUV.IS
 

mbl.is Sýrlenskir flóttamenn fá ekki inngöngu
Tilkynna um óviðeigandi tengingu við frétt

Reyndar hafa sjómenn og útgerðarmenn verið að bíða eftir lagasetningu lengi

  • Sjómenn voru sagðir dáðadrengur
    *
  • Í slagarasöngvum æsku minnar

Sjómenn gangast alveg við því að vera ekki láglaunamenn, heldur oft á tíðum það sem ég myndi telja til hálaunamanna. 

fiskiskip

Atvinnugreinin sem þeir stunda  er freklega ríkisstyrkt, nokkuð sem stangast á við alla réttlætissýn.

Atvinnugreinin stendur raunar utan við alla alþjóðlega viðskiptasamninga sem íslendingar hafa gert. En fleytir rjómann af ávinningi þjóðarinnar af samningum við t.d. ESB. Á meðan launafólk í iðnaði ber kosnaðinn á herðum sér.

Nú eru sjómenn í verkfalli og gera eðlilegar kröfur um frítt fæði um borð í skipunum. Þá er ákveðinn ásteytingasteinn er snýst um skilgreinda þátttöku sjómanna í rekstri og endurnýjun skipana. Nokkuð sem er bara fáránlegt fyrirbæri. 

  • En auðvitað er það hlutskipti alls launafólks að taka þátt í rekstri, endurnýjun og fjárfestingum þeirra fyrirtækja sem þeir starfa hjá. En það er ekki formlegt
    *
  • Átökin um kjörin eru alltaf þetta sama meginstef í öllum vinnudeilum. Þ.e.a.s.um réttláta skiptingu á arði fyrirtækjanna milli launafólks og eigenda fyrirtækjanna.

Síðan koma kröfur sjómanna um að endurvekja sjómanna afsláttinn. Þeir telja að hann eigi að vera 2000 kr. á hvern úthaldsdag.  Ef miðað er við að þeir dagar séu 21,65 á mánuði eins og hjá landverkafólki myndi sú upphæð nema kr. 43.300.oo  á mánuði skattfrjálst.

Upphæð sem jafngildir rúmum 65 þúsundum í brúttótekjum hjá verkamanni sem greiðir skatta af sínum tekjum.

Þetta er ansi rífleg upphæð ef miðað er við laun verkafólks sem starfar eftir launatöxtum Starfsmannasambandsins sem í ákveðnum tilfellum nær ekki 300 þúsundum hvern mánuð.

Þá segir í Mogga litla í dag að síðasta ríkisstjórn hafi boðið sjómönnum 500 kr á dag í sjómannaafslátt ef þeir samþykktu síðasta samningsuppkast.

Er þýðir væntanlega hækkaða skatta hjá skattgreiðendum en þeir eru fyrst og fremst launamenn á Íslandi.

Mest greiða láglaunamenn, þessu var auðvitað haldið leyndu fyrir þeim sem greiða áttu kostnaðinn. Slíkur verknaður væri auðvitað bara aukinn styrkur til útgerðarinnar til viðbótar við stórfelldar niðurfellingar á veiðgjöldum. 

Mogginn rifjaði það upp í morgun að sjómanna aflátturinn var fyrst tekinn upp 1954, þegar Ólafur Thors var forsætisráðherra. En allir vita um þátt hans í útgerð ,,Kveldúlfs" og hann var einnig árum saman formaður félags eigenda botvörpunga sem var undanfari LÍÚ. Þannig að Ólafur Thors hafði mikla hagsmuni í þessu máli á sinni tíð.

  • Ekki lýgur Mogginn. 

 


mbl.is „Óttumst ekki lagasetningu“
Tilkynna um óviðeigandi tengingu við frétt

Gjafastarfsemi landvirkjunar lokið?

  • Þetta hlýtur að kalla á endurmat á útsöluverði á raforku til allra erlendra fyrirtækja á Íslandi. Segja verður upp orkusölu samningum
    *
  • Enda séu þessi fyrirtæki að greiða lægra verð fyrir orkuna en innlend fyrirtæki.

Nú er svo komið að íslendingar eiga enga verulega góða virkjunar kosti eftir fyrir sjálfan sig.

álverið Reyðarfirði

Á þessa þróun hefur verið lengi bent og hafa erlendir aðilar verið með mikil völd á Íslandi síðustu áratugina og þæg þý hafa þjónað þessum erlendu aðilum endalaust.

Það er mikil þörf fyrir hreina orku á Íslandi fyrir íslenska hagsmuni og eðlilegum kjörum sem ekki eru lakari en þau kjör sem stóriðju fyrirtækin.

Það þarf að rafvæða samgöngur og einnig þarf að vera til næg raforka fyrir öll skip sem leggja að landi við Íslenskar hafnir. Ekki má gleyma þörfum íslenskra fyrirtækja og þörfum þjóðarinnar í heild sinni.

Eina raforkuverðið sem eðlilegt er að niðurgreiða er það rafmagn sem notað er til íbúðahúsa upphitunar á köldum svæðum.

Raforkufyrirtæki verða í framtíðinni að greiða markaðsverð fyrir afnot af náttúruauðlindum í almannaeigu.

Þetta er niðurstaðan af samskiptum íslenskra stjórnvalda og Eftirlitsstofnunar EFTA, ESA, sem í fyrra fór fram á að fyrirkomulag…
RUV.IS
 

mbl.is Greiði markaðsverð fyrir náttúruauðlindir
Tilkynna um óviðeigandi tengingu við frétt

Hægri menn eru ótrúlega fúlir eins og oft áður

  • Vinstri grænir er eina stjórnmálaflið sem hefur sýnt að því er treystandi til að standast yfirboð freistarans
    *
  • Sjálfstæðisflokkur vildi að Vinstri grænir yfirgæfu stefnu sína og tækju upp hægri stefnu Sjálfstæðisflokksins. Gáfulegar hugmyndir eða hitt þá heldur. 
    *
  • En Katrín stóð vaktina með sóma enda er grasrót flokksins um allt land algjörlega á móti ríkisstjórnar samstarfi með Sjálfstæðisflokki
    *
  • Vissulega varð hægri stefna niðurstaða kosninganna.  

brauðmola stjórnin 1

Nú er tækifæri fyrir mikilvægt nýmæli á Alþingi að þeir stjórnmálaflokkar sem hafa 47,6% atkvæða fylgi á bak við sig sameinist um stefnu í helstu málaflokkum er stæði þá öndvert við stefnu ríkisstjórnarinnar  sem hefur aðeins 46,5% kjörfylgi bak við sig.

Þetta skapar stjórnarandstöðu flokkunum miklu sterkari stöðu og getu til að gera raunverulegar málamiðlanir þar sem báðir aðilar standa jafnt að vígi. 

Einnig er nauðsynlegt að takast á við þessa spillingu sem er að hrista stjórnkerfið. Þetta er ekkert nýr grautur en hann verður að uppræta.

Sigmundur Davíð steig til hliðar að vísu mjög tregur, en samt axlaði hann sína ábyrgð og er ekki lengur ráðherra.  Innanflokks krónikan er annað mál og líkllega erfiðari. 

En Bjarni og Ólöf hafa enn ekki stigið til hliðar og axlað ábyrgð og sýna raunar af sér alvarleg siðleysi af mínu mati.

Það gera vissulega einnig þeir aðilar sem geta hugsað sér að starfa með þessu fólki.  Ég er sannfærður um að  Sjálfstæðisflokkur hefði tapað miklu fylgi ef þessi skýrsla hefði verið birt fyrir kosningar.

En Sjálfstæðisflokkur taldi sig  geta ráðið því að flokkurinn hefði formennsku í 5 fastanefndum Alþingis og Viðreisn einn formann.  En staðreyndir  eru auðvitað allt aðrar.

Hugsanlegt er að ríkisstjórnin fái aðeins 4 formenn og andstaðan fjóra. Ekki er ólíklegt að stjórnarflokkarnir geti þess vegna verið í minnihluta í einhverjum  nefndum.


mbl.is „Enn ákveðin stjórnarkreppa“
Tilkynna um óviðeigandi tengingu við frétt

Fast verð fyrir hvert kíló af fiski eftir tegundum er eðlilegasta veiðigjaldið

  • Forsætisráðherra boðar að breyta veiðigjöldum í skattagreiðslur, er þýðir að mörg útgerðar-fyrirtæki komast hjá því að greiða veiðigjöld.

Þessi orð nýja forsætisráðherrans:

,,Bjarni Benediktsson, forsætisráðherra, segir svigrúm til að taka hærra auðlindagjald af útgerðinni en gæta þurfi þess að leggja ekki of háar álögur á þau fyrirtæki sem ganga verr með styrkingu krónu".

RUV.IS
Bjarni benediktsson 1

Hann segist þar með vilja breyta veiðigjöldunum í skattagreiðslur, þ.e.a.s. að þau fyrirtæki sem hafa arð greiði veiðigjöld en ekki útgerðarfyrirtæki sem rekin eru með halla. Orð hans verða ekki skilin öðruvísi.

Það yrði skelfileg breyting og segir um leið, að hann ætlist til þess að almenningur í landinu þurfa að bera hallarekstur í útgerð í enn meira mæli en áður.

En þetta eru sjónarmið útvegsmanna og reyndar sjómanna einnig. Því miður, en þessi sjónarmið hafa einnig náð inn í raðir vinstri manna.

Sjómenn krefjast einnig sérstaks afsláttar af sköttum er þýðir bara það eitt. Að annað launafólk verður að greiða meiri skatta, fólk sem hefur ekki þriðjung af tekjum margra sjómanna.

Þetta segir einnig, að pólitísk sjónarmið margra ráðast persónulegum hagsmunum þeirra en ekki af hagsmunum samfélagsins í heild sinni.

 

mbl.is Fjármálastefnan fyrst
Tilkynna um óviðeigandi tengingu við frétt

Allt opið í báða enda

  • Þessi stjórnarsáttmáli, þ.e.a.s. það sem sést af honum minnir auðvitað á borgarísjaka
    *
  • Því aðeins 1/7 hluti hans er sjáanlegur almenningi og eða öðrum en þeim sem koma beint að málinu
  • Það má segja, að það sem birtist séu aðeins rúmlega kafla fyrirsagnir og engin veit hvað er í meginmáli textans.

brauðmola stjórnin 1

 

Þetta virðist vera einkenni þeirra stjórnarsáttmála sem Sjálfstæðisflokkurinn kemur að.

Ríkisstjórn með slíkan samstarfssamning fær iðulegast í byrjun forskot í þinginu.

En þetta færir einnig gamla valda flokknum sem teygir tengsl sín um allt, miklu sterkari stöðu í samstarfi með smærri flokkum.

Smá flokkarnir eru þá ekki með opinbera viðspyrnu möguleika sem þeim eru nauðsynlegir. Þeir fá þá einnig miklu minni möguleika á stuðningi frá þingmönnum annarra flokka á Alþingi, vegna þessarar leyndarhyggju.

Það er augljóst að meðreiðarflokkar valdaflokksins eru í miklu veikari stöðu en Framsókn var í samstarfi með Sjálfstæðisflokknum.

Einnig virðist þegar grannt er skoðað, ævinlega gætt að því í þessum sáttmálum að skera ekki alveg á böndin við Framsókn og það sama á við þegar Framsókn hefur leitt samstarf við vinstri flokkanna.

En almennt eru stjórnmálar vinstri flokkanna miklu ýtarlegri á yfirborðinu en hér sést dæmi um.

En greinilegt er að gamli valdaflokkurinn er að gefa eitthvað eftir í mörgum málaflokkum sem hafa verið sígild baráttumál vinstri flokka á Íslandi. Hvað þessar fyrirsagnir svo þýða, veit nú enginn.


mbl.is Getur strandað á takmörkuðu fjármagni
Tilkynna um óviðeigandi tengingu við frétt

Stofnanaflokkurinn heldur völdum og fjölgar ráðherrum

  • Brauðmola stjórnin

Nú sýnist mér ljóst, að Sjálfstæðisflokkurinn sé að fjölga ráðherrum upp í 11. Það gerir flokkurinn með þessari gamalkunnu aðferð sinni að halda leyndu fyrir þjóðinni áætlunum sínum fyrir fram svo koma málin bara í ljós. 

brauðmola stjórnin

Það var sérstakt verkefni einu vinstri ríkisstjórnar á Íslandi að fækka ráðherrum úr 12 í 8 ráðherra.

Eftir þær breytingar hafði hvor flokkur 4 ráðherra og ýmsir urðu sárir á eftir sem von var.

Nú er það ljóst að mínu mati að þessi flokkur hugsar meir um hagsmuni ýmissa ráðamanna í flokknum en um hagsmuni þjóðarinnar þegar kemur að sparnaði og ráðdeild.


mbl.is Svona verður skipting ráðuneyta
Tilkynna um óviðeigandi tengingu við frétt

Hefur fjármálaráðherrann brotið siðareglur sem honum ber að virða?

Siðareglur ráðherra

Inngangur.

Í því skyni að efla traust á stjórnsýslunni hefur ríkisstjórnin samþykkt meðfylgjandi siðareglur ráðherra, sbr. 2. mgr. 24. gr. laga nr. 115/2011 um Stjórnarráð Íslands. Siðareglurnar veita leiðsögn um það hvers konar framganga hæfir svo veigamiklu embætti en jafnframt gefa þær almenningi færi á að bera hegðun ráðherra saman við skráðar og útgefnar reglur.

Hver og einn ráðherra gætir að því fyrir sitt leyti að farið sé eftir reglunum. Ráðherra getur í vafatilvikum leitað ráðgjafar hjá forsætisráðuneytinu, sbr. 1. mgr. 25. gr. laga nr. 115/2011.

Ennfremur má koma ábendingum á framfæri við umboðsmann Alþingis en hann gætir þess meðal annars að stjórnsýslan fari fram í samræmi við siðareglur settar á grundvelli laga um Stjórnarráð Íslands, sbr. 1. mgr 2. gr. laga nr. 85/1997 um umboðsmann Alþingis. Telji einhver að brot á siðareglum hafi jafnframt falið í sér að hann sjálfur hafi verið beittur rangsleitni er unnt að bera fram kvörtun við umboðsmann Alþingis, sbr. 2. mgr. 4. gr. laga nr. 85/1997.

1. gr.

Störf ráðherra.

  1. Ráðherra sinnir starfi sínu af alúð, trúmennsku og heiðarleika. Hann beitir því valdi er fylgir embættinu á grundvelli laga og stjórnarskrár af hófsemi og sanngirni og án tillits til eigin hagsmuna.
  2. Ráðherra sýnir ráðdeild við meðferð fjármuna hins opinbera og hvetur starfsfólk ráðuneytis síns til hins sama.
  3. Ráðherra notfærir sér ekki stöðu sína, eða upplýsingar sem hún veitir honum sérstakan aðgang að, til persónulegs ávinnings fyrir sig eða aðila sér nákomna.
  4. Ráðherra hefur í huga að skyldur hans eru fyrst og fremst við almenning.

2. gr.

Hagsmunatengsl og hagsmunaárekstrar.

  1. Ráðherra forðast árekstra milli almannahagsmuna annars vegar og fjárhagslegra eða persónulegra hagsmuna sinna eða fjölskyldu sinnar hins vegar og gætir þess að persónuleg tengsl hafi ekki áhrif á störf sín. Takist honum ekki að koma í veg fyrir hagsmunaárekstra af þessu tagi skal hann upplýsa um þá.
  2. Ráðherra upplýsir um fjárhagsleg hagsmunatengsl eða önnur slík tengsl sem valdið geta hagsmunaárekstum  með því að fylla út eyðublað á vegum skrifstofu Alþingis, sbr. reglur um skráningu á fjárhagslegum hagsmunum alþingismanna og trúnaðarstörfum utan þings. Forsætisráðherra getur í samráði við ríkisstjórn ákveðið að kalla með skipulögðum hætti eftir frekari upplýsingum um hagsmunatengsl ráðherra sem birtar yrðu almenningi.
  3. Ráðherra beitir sér fyrir því innan ráðuneytis og þeirra stofnana sem undir það heyra að tekið sé á hagsmunaárekstrum strax og þeir koma upp og hann fær vitneskju þar um. Þá skal hann beita sér fyrir því að starfsfólk sé sér meðvitað um mögulega hagsmunaárekstra og leiðir til að koma í veg fyrir þá.

3. gr.

Fjármál og launagreiðslur.

  1. Ráðherrastarf (að jafnaði ásamt þingmennsku) telst fullt starf. Ráðherra gegnir ekki öðrum störfum á meðan.
  2. Sinni ráðherra öðrum tilfallandi verkefnum er honum óheimilt að þiggja greiðslur fyrir nema þær séu innan hóflegra marka og að fengnu samþykki forsætisráðuneytisins.
  3. Ráðherra er ekki heimilt að hafa einkanot af gæðum starfsins nema að svo miklu leyti sem lög og reglur leyfa.
  4. Halda skal skrá um þær gjafir sem ráðherra þiggur í krafti embættis síns og skulu þær renna til viðkomandi ráðuneytis. Það á þó ekki við um minniháttar persónulegar gjafir.
  5. Ráðherra þiggur að jafnaði ekki boðsferðir af einkaaðilum nema opinberar embættisskyldur séu hluti af dagskrá ferðarinnar.

4. gr.

Háttsemi og framganga.

  1. Ráðherra forðast allt athæfi sem líklegt er til að vekja grunsemdir um að hann notfæri sér stöðu sína í eiginhagsmunaskyni.
  2. Ráðherra gætir þess að framganga hans gefi starfsmönnum ekki tilefni til að ætla að litið verði framhjá brotum á lögum eða siðareglum.
  3. Ráðherra gætir jafnræðis þegar kemur að því að greiða götu einstakra fyrirtækja á erlendum vettvangi.
  4. Ráðherra efnir ekki til móttöku fyrir hópa og samtök, sem hefur í för með sér útgjöld, nema slíkt samræmist starfsemi ráðuneytis.
  5. Ráðherra gætir þess að rýra ekki virðingu embættis síns með ámælisverðri framkomu, skeytingarleysi um lög eða virðingarleysi við manngildi og mannréttindi.

5. gr.

Ráðherra og starfslið ráðuneytis.

  1. Ráðherra leggur sig fram um að tryggja að faglega sé staðið að skipun embættismanna og annarra starfsmanna.
  2. Ráðherra virðir hlutleysi og faglegt sjálfstæði embættismanna og annarra starfsmanna.
  3. Ráðherra leitar faglegs mats starfsmanna ráðuneytis síns áður en ákvarðanir eru teknar um einstök mál eftir því sem tilefni er til, sbr. 1. mgr. 20. gr. laga nr. 115/2011.
  4. Ráðherra gerir skýran greinarmun á flokkspólitísku starfi, svo sem í tengslum við kosningar, og verkefnum ráðuneytis síns hverju sinni. Hann felur starfsmönnum ráðuneyta, öðrum en aðstoðarmanni, ekki verkefni sem tengjast hinu fyrrnefnda.

6. gr.

Upplýsingagjöf og samskipti við almenning.

  1. Ráðherra skal upplýsa almenning og fjölmiðla með reglulegum og skipulegum hætti um störf ráðuneytis síns. Leiðrétta ber eins fljótt og auðið er rangar upplýsingar eða misskilning sem upp kann að koma varðandi störf ráðherra.
  2. Ráðherra leggur sig fram um að gera upplýsingar aðgengilegar eftir því sem lög leyfa og sér til þess að starfsmenn ráðuneytis vinni í sama anda.
  3. Ráðherra leynir ekki upplýsingum sem varða almannahag nema lög bjóði eða almannahagsmunir krefjist þess að öðru leyti. Ráðherra ber að hafa frumkvæði að birtingu slíkra upplýsinga sé hún í almannaþágu.
  4. Ráðherra leitast við að eiga greið og opin samskipti við frjáls félagasamtök, fagfélög og hagsmunahópa, með almannahagsmuni að leiðarljósi.

7. gr.

Ábyrgð.

  1. Ráðherra skal sýna samstarfsvilja séu störf hans tekin til skoðunar af hálfu Alþingis eða eftirlitsstofnana þess og eins þegar þingmenn óska eftir upplýsingum á grundvelli laga um þingsköp.
  2. Ráðherra bregst við ábendingum starfsmanna um siðferðilega ámælisvert eða ólögmætt athæfi í ráðuneyti hans eða á starfssviði ráðuneytisins. Hann gætir þess að starfsmenn sem benda á slíkt gjaldi ekki fyrir það.

8. gr.

Gildistaka.

Reglur þessar öðlast þegar gildi. Jafnframt falla úr gildi siðareglur ráðherra nr. 360/2011.

Forsætisráðuneytinu, 3. maí 2016

Sigurður Ingi Jóhannsson

Birtar í Stjórnartíðindum, B-deild nr. 400/2016. Sjá einnig fréttatilkynningu á vef forsætisráðuneytisins.


mbl.is „Hefði breytt umræðunni“
Tilkynna um óviðeigandi tengingu við frétt

Otrúleg frétt ef sönn er. Skýrslan lagfærð fyrir birtingu.

Skattaskjólsskýrslunni var breytt af fjármálaráðuneytinu rétt fyrir birtingu

Breytingasaga skattaskjólsskýrslunnar sýnir að henni var síðast breytt 6. janúar af fjármála- og efnahagsráðuneytinu skömmu áður en skýrslan var birt.

Gunnar Thorberg, framkvæmdastjóri Kapals Markaðsráðgjöf ehf., bendir á þetta í stöðufærslu á Facebook. „Ég er nú ekki mjög pólitískur „en til gamans“ skoðaði ég skýrsluna um eignir Íslendinga á aflandssvæðum. Hér sjáið þið svart á hvítu hvernig átt hefur verið við hana, hver gerði breytingar og hvenær. Ég velti fyrir mér hvort eðlilegt sé að átt hafi verið við skýrsluna í Fjármálaráðuneytinu?

Voru gerðar breytingar á skjalinu eftir að það var afhent frá starfshópnum sem lokaskjal til ráðuneytisins? og ef svo er hvaða breytingar voru gerðar á upphaflega skjalinu frá starfshópnum?“ skrifar hann á Facebook.

Þá spyr hann: „Er þetta ekki skjalafals ef átt hefur verið við þetta skjal í ráðuneytinu og ber að rannsaka sem lögbrot?“

Breytingasaga skýrslunnar

Breytingasaga skýrslunnar

Skýrsla starfshóps fjármálaráðherra um aflandsfélög var stungið undir stól af Bjarna Benediktsson, fjármálaráðherra, fram yfir kosningar. Þrátt fyrir að hafa fengið hana afhenta um miðjan september og að boðað hafi verið til kosninga vegna heimsmets ríkisstjórnar Framsóknarflokks og Sjálfstæðisflokks í ráðherrum í skattaskjóli. Panamaskjölin afhjúpuðu tengsl þriggja ráðherra við fyrirtæki í lögsögu skattaskjóls. Nöfn þeirra Sigmundar Davíðs Gunnlaugssonar, Bjarna Benediktssonar og Ólöfu Nordal var öll að finna í panamaskjölunum. 

Auglýsing 

Skýrslan var birt 6. janúar eftir að Kjarninn hafði ítrekað fjallað um málið og krafist skýrslunnar.  Bjarni segir í kjölfar birtingarinnar í viðtali við RÚV:,, Skýrslan er í raun og veru ekki komin til okkar svona í endanlegri mynd fyrr en eftir að þing er farið heim.”  Nú er komið í ljós að Bjarni sagði ósatt um þetta atriði. Þegar Bjarni segir að skýrslan hafi ekki borist honum í endanlegri mynd fyrr en eftir tiltekinn tíma felur það í sér að hann hefur fengið hana í annarri mynd áður og þá væntanlega til umsagnar og til að fá færi á að hafa áhrif á endanlega útgáfu hennar.

 

Hvar eru nöfnin???


mbl.is Kynna stjórnarsáttmálann í kvöld
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband