Færsluflokkur: Vinir og fjölskylda

Náungarkærleikurinn stendur ævinlega fyrir sínu

 

  • Þetta er auðvitað alveg eðlileg hugleiðing hjá borgarstjórn Olslóar. Nóg hafa norðmenn styrkt okkur íslenska þjóð í gegnum tíðina.
    .
  • Nú er svo komið að Reykjavík er sjálfum nægt um grenitré sem ná góðri hæð. Skynsamlegast hefði verið að nota lifandi tré fyrir jólaljósin.  

Það er gjörsamlega út í hött að hræra makrílnum saman við þetta mál. Makrílmálið eri er auðvitað kennslubókardæmi um hvernig fer þegar hagsmuna aðilar stjórna viðræðum við vinveitt nágrannaríki um viðkvæm hagsmunamál.

Á næstu áratugum má reikna með því vegna hlýnunar á noðurslóðum að fiskigengd breytist í hafinu á milli Íslands og Noregs með meðfylgjandi átökum hagsmunasamtaka.

Það voru ekki þjóðirnar sem voru að takast um þennan fisk, heldur útgerðirnar í þessum löndum. Eins og það er nú skynsamlegt eða hitt þó heldur.

Það þýðir ekkert að ergja sig vegna stöðu Lundúnaborgar, englendingar þurfa á þessu gjafmildi að halda. Við Íslendingar ættum að skoða hvernig við getum stutt við þessa þjóð með því að færa þeim eitthvað fallegt fyrir jólin.

„Þar fóru leifarnar af Evrópustefnu ríkisstjórnarinnar, sem átti að byggja á samstöðu með Noregi og Færeyjum,“ segir formaður Samfylkingarinnar...
EYJAN.PRESSAN.IS


mbl.is Íslendingar fá ekki fleiri jólatré
Tilkynna um óviðeigandi tengingu við frétt

Réttur ungbarna brotinn af foreldrum þeirra

  • Eru foreldrar ungbarna að brjóta á rétti barna sinna til að fá alla þá heilbrigðisþjónustu sem þau eiga rétt á samkvæmt íslenskum lögum. 
Það hlýtur að vera hæpið að foreldrar hafi rétt til að láta eigin skoðanir á bólusetningum, bitna á rétti barna sinna til að fá bólusetningar við fjölmörgum alvarlegustu sjúkdómum sem herjar á mannkynið og heilbrigðiskerfið á Íslandi og stjórnvöld hafa ákveðið að öll börn eigi að njóta 

En Margrét Guðnadóttir prófessor hefur miklar áhyggjur af þeirri þróun að fleiri foreldrar virðast hafna bólusetningu samkvæmt nýrri skýrslu sóttvarnarlæknis og segir það stórmál. „Við Íslendingar eigum gott með að verja okkur. Þeir sem mæta ekki með börnin í bólusetningu bera ábyrgð á því ef hér breiðast út sjúkdómar“.

Þessir foreldrar bera einnig ábyrgð á því að börn þeirra njóti réttinda sinna, eins og þeim að hafa verið bólusett. 

Lúxusvandamál

 

  • Ég skil vel að fjölmargir stúdentar eigi í húsnæðisvandræðum vegna þess að fjárhagur er það knappur að þeir eiga í vandræðum með húsaleigugreiðslur í glænýjum húsum sem eru sérbyggð fyrir námsmenn.

 

 

Ég skil einnig vel, að alþingismenn hafi sérstakar áhyggjur af  lífskjörum háskólastúdenta, enda hafa þeir allir með rennilás og tölu verið háskólastúdentar.

Í þessu sambandi er rétt að rifja það upp, að stuttu fyrir síðustu aldamót (1998) var félagslega húsnæðikerfið lagt niður.  Þ.e.a.s. að eina húsnæðiskerfið sem láglaunafólk gat reitt sig á og gat ráðið við að búa í með fullri reisn.

1974 samdi verkalýðshreyfingin um að atvinnurekendur héldu til haga 2% af launum starfsmanna sinna  og greiddu þennan hluta launa í sérstakan sjóð hjá Húsnæðisstofnun, sem síðan yrði notað til að niðurgreiða vaxtakostnað af félagslegu húsnæði.

En alþingismönnum er hjartanlega sama um láglaunafólk. Það voru aldrei atvinnurekendur sem greiddu þessi tryggingargjöld, það gerðu launamenn.

Þegar þetta félagslega kerfi var aflagt, fengu launamenn ekki þessa peninga sína í hækkuðum launum.

Frumvarp Bjartrar framtíðar má finna hér á vef Alþingis.


mbl.is Aðstæður stúdenta á leigumarkaði verði jafnaðar
Tilkynna um óviðeigandi tengingu við frétt

Traust stjórnarfar í Sjálfstæðisflokknum

Menn eru ekki með rugl um dreifða valddreifingu í þessum flokki. Það eru margra áratuga hefð fyrir því að völdin í þessum valdamesta stjórnmálaflokki landsins eru ekkert að fara út fyrir réttar fjölskyldur eða ættir. 

 

Þetta geta þeir svo sannarlega lært vinstrimenn af hægri mönnum. Þetta má sjá ef skoðað úr hvað fjölskyldum helstu áhrifamenn flokksins koma. 

  • M.ö.o. afar traust miðstýring og ekkert múður.
  • Þetta er rétt eins og hjá helstu konungsættunum, þetta eru erfðir. 
  • Svona eiga bændur að vera 
  • eflaust vænsti piltur

 


mbl.is Magnús nýr formaður SUS
Tilkynna um óviðeigandi tengingu við frétt

Kostuleg og skammarleg fullyrðing menntamálaráðherra

  • Auðvitað skiptir uppeldisnám fyrir starfsfólk máli sem starfar við uppeldi ungbarna.
    .
  • Menntamálaráðherra fer fram með bull þegar hann segir að það sem gerðist á Leikskólanum 101 hafi ekkert með menntunarstig starfsfólksins að gera.
Það er nú þannig að kennarar læra að vinna með nemendum. Leikskólakennarar a.m.k. með börnum sem orðin eru ársgömul og eða komin á þann aldur að geta farið í leikskóla. Þar er unnið vandað og faglegt fræðslu- og uppeldisstarf. 

Það er aldrei auðvelt að vinna með ungbörnum og fólk sem sérhæfir sig í slíkum störfum eru örugglega hæfari til slíkra starfa. Enda fólk sem hefur valið sér þann starfsvettvang af áhuga og köllun.

Auðvitað er ófaglært fólk á þessu sviði oft mjög fært að fást við þessi störf en það er ekki alltaf sem er skiljanlegt. Það er algengt að fólk lendi í þessum störfum vegna þess að aðra vinnu er ekki að fá. Ekki eru launin það há, að þau hvetji beinlínis ófaglært fólk til afreka á þessi sviði.

Menntamálaráðherra á bara að skammast sín fyrir þessi orð. Hann hefði mátt hringja í Hafnarfjörðin til að fá faglegar ráðleggingar áður en hann svaraði.

Þetta er allt eftir bókinni

  •  Alveg samkvæmt kosningaloforðum Sjálfstæðisflokksins
  • .
  • Nú er hægri stjórn við völd

Í fljótu bragði sýnist mér að ófaglærða fólkið sem einnig hefur greitt lífeyrissjóðagjöld í þessi 43 ár fái eitthvað lítið út úr þessum breytingum. Þeir fá mest sem búa við fjármagnstekjur eins og t.d. tekjur af útleigu húsnæðis og eða skuldabréfum og hlutabrefum. 

 

Einkum þó sérstaklega atvinnurekendur sem eru komnir á eftirlaunaldur sem hafa greitt lítla skatta í gegnum tíðina og ekki greitt í lífeyrissjóði. 

 


mbl.is „Skýr skilaboð til aldraðra“
Tilkynna um óviðeigandi tengingu við frétt

Íslendingar notuðu almennt ekki borð fyrir 200 árum

Þeir t.d. boruðu ekki, þeir átu úr öskum m.a. og sátu með vasahníf eða annað áhald á rúmstokknum í baðstofum landsins.

 

Hvort þetta borð er virðulegt og eða vönduð smíð veit ég ekkert um, en þau húsgögn sem sýnd eru og eru til á þjóðminjasafni eru sjaldnast vönduð smíð og flest innflutt til landsins. 

Íslendingar tóku almennt seint upp danska borðsiði þar sem borðað var við sérstök matborð með hnífapörum. E.t.v. 100 ár eða svo.  


mbl.is Eitt elsta og virðulegasta borðið
Tilkynna um óviðeigandi tengingu við frétt

Allir greiða fé til að halda lífi, þannig hefur það alltaf verið

 

  •  Enginn vill greiða skatta en vilja samt fá allann mögulegan kostnað greiddan af ríkinu

  

Í  dag telst ég vera einstaklingur með alvarlegan sjúkdóm og ekki bara einn sjúkdóm heldur fleiri alvarlega sjúkdóma. Ég var hjartastopp fyrir rúmu ári síðan. Þ.e.a.s. ég dó raunverulega en var af góðum mönnum endurlífgaður en sit uppi með verulega skemmt hjarta ásamt alvarlegum afleiðingum.

Ég er á fríum sykursýkislyfjum og hormónalyfjum en greiði þess utan fyrir a.m.k. 7 lyf. Öll eru þessi lyf dýr sérstaklega þar sem ég dreg fram lífið á eftirlaunum sem eru eftir hrunið í fátækramörkum þrátt fyrir a hafa greitt í lífeyrissjóði í 43 ár. Mín lífsgæði hafa rýrnað verulega eins og von er auk þess sem ég mæti í hverri viku í 2 - 3 skipti á meðferðarstöð undir lækniseftirliti sem ég greiði fyrir. Þá er ég í hreyfiprógrammi sem tekur til allra daga vikunnar. 

Árs lyfjakostnaðurinn minn mun samt í heildina séð minnka verulega. 

Síðan gera nýju reglurnar ráð fyrir sérstökum úræðum fyrir fjölskyldur þar sem eru börn fleiri en eiit með sykursýki og eða aðra alvarlega sjúkdóma . 

Í minni fjölskyldu kom það upp,  að einn aðili var látin fá tvo lyfjaskammt af flogaveikislyfjum af mjög merkilegum sérfræðingi þar sem hvort þeirra kostaði um hálfa milljón. En ríkið greiddi kostnaðinn að fullu.

Eftir nokkrar vikur með þessi lyf kom í ljós að viðkomandi átti alls ekki að taka þessi lyf. Þá kom nefnilega í ljós að ekki var um flogaveiki að ræða. Þetta voru svo sannarlega dýr læknamistök fyrir ríkið. Það er mikilvægt að fara vel með það fé sem notað er í niðurgreiðslur lyfja.

Eftir þessa kerfisbreytingu mun fólk njóta jafnræðis þegar um niðurgreiðslu á lyfjum er að ræða og það er nauðsynlegt. En sérstaklega dýr lyf verða alltaf í sérstökum úrræðum.


mbl.is „Greiða fyrir að halda lífi“
Tilkynna um óviðeigandi tengingu við frétt

Kostuleg viðbrögð krossritarans

 

  •  að berjast gegn skoðunum fólks og krefjast þöggunar.  

Í Fréttablaðinu 11. Mars 2011 segir m.a. orðrétt:
„Alls hafa átta konur nú sakað Gunnar Þorsteinsson, forstöðumann Krossins, um kynferðislegt áreiti. Konurnar stigu fram, þó ekki allar á sama tíma, í lok síðasta árs. Meint brot áttu sér stað þegar konurnar voru meðlimir í söfnuðinum. Tvær þeirra eru systur fyrrverandi eiginkonu Gunnars“.

  • Gunnar hafnar alfarið öllum ásökunum. 
Krefst þess að biskup víki Sigríði úr starfi
  • Ég viðurkenni að ég trúi þessum konum.
  • Það er ekki hægt að loka eyrunum fyrir ásökunum þessara 8 kvenna. 
  • Þessar ásakanir segja, að það þarfnast að rannsaka málið 
  • Gunnar þessi verður ekki talinn sekur nema að hann verði dæmdur. 

Allir eru frjálsir af því að trúa hvorum málsaðila fyrir sig , í hvaða máli sem er og að segja frá því opinberlega. Það er auðvitað hrein kúgun ef hægt er að nota dómskerfið til að þagga niður skoðanir fólks. 

Þ.e.a.s. ef í því felast engar mannorðsmeiðingar. 


Það er ekki að sjá að í orðum Sigríðar Guðmarsdóttur felist einhverjar mannorðsmeiðingar þótt hún kjósi að trúa konunum og segi frá því opinberlega. 

Hér er færsla hennar orðrétt:

„11.4.2013   Konurnar í Krossinum 
Gunnar Þorsteinsson áður forstöðumaður Krossins hefur stefnt konunum sem studdu konurnar sem ásökuðu hann um kynferðisbrot. 

Það er grundvallarréttur í lýðfrjálsu landi að þau sem telja sig hafa orðið fyrir kynferðisbrotum fái að segja sögu sína opinberlega án ógnunar. 

Það er líka grundvallarmál í réttarríki að hver maður fái að verja æru sína. 

Þversögnin liggur hins vegar í því að vilji maður sýna fram á að maður sé ekki ofbeldismaður er ekki hjálplegt ærunni að stefna fólki sem ásakar mann um ofbeldi. 

Ég styð rétt Krosskvennanna til að lýsa opinberlega ofbeldinu sem þær hafa orðið fyrir. Ég hef líka valið að trúa þeim og sögu þeirra. 

Þær eiga stuðningshóp á Facebook og slóðin erhttp://www.facebook.com/groups/126714100854993/. “

 


mbl.is Krefst brottvikningar Sigríðar
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband