Gleðileg málalok

Þótt við Jón Valur séum iðulegast ósammála um fjölmörg mál, að þá held ég að hann gæti sig á því að bera ekki einhvern óþverra á borð við lesendur sína á bloggsíðum sínum a.m.k. Heldur ekki um einhverja einstaklinga.

Hann hefur vissulega róttækar og allt að því fornlegar skoðanir á mörgu sem snýr að trúmálum, að mér finnst. Þá finnst mér hann oft fara út á ystu nöf en ekki lengra. Hann sýnir samt alltaf sanngirni í málflutningi sínum.

En þessi málaferli sýna þótt óþægileg séu og allt að því ósanngjörn, að nauðsynlegt er að gæta sín í málflutningi sínum. 

Það yrði nú algjörlega bragðlaus tilvera ef allir væru alltaf sammála um alla mögulega og ómögulega hluti.

 

Jón Valur sýknaður af hatursorðræðu

Athugasemdir

[Jón Valur Jensson, 24.4.2017 kl. 15:51]

Ég þakka þér þína sanngirni, Kristbjörn, drengilega gert, ég met það mikils. 

Svo getum við áfram verið ósammála eða sammála eftir efnum og ástæðum um "hin ýmsustu mál", rætt þau í þaula og krufið til mergjar. 

Ad multos annos! (megi það vara sem lengst).

[Kristbjörn Árnason, 24.4.2017 kl. 19:44]

Við erum ekki ólíkir þótt við höfum ólíkar skoðanir. En það skiptir máli að tosast sé á um hin ólíkustu mál

[Jón Valur Jensson, 25.4.2017 kl. 19:30]

Einmitt. Lifi frjáls umræða, hún er grundvallaratriði í leitinni að sannleikanum.