Fráleit fyrirsögn á forsíðufrétt

  • Að stjórnarandstaðan hafi sigrað ríkisstjórnina.

Ákveðnir þingmannahópar á Alþingi sigra ekki aðra þingmannahópa. Annað hvort sigrar réttlætið og sannleikurinn eða tapar.  Öðruvísi gerast hlutirnir ekki.

alþingishúsið

Líklega er núverandi þing með þeim bestu sem við höfum lifað, þar sem þingmenn þurfa sameiginlega úr báðum þingmannahópum að koma sér saman um lausnir í öllum málum. Samt er það svo að það er ríkisstjórnin sem leggur fram nánast öll málin.

Mál sem er verulegur ágreiningur um eða eru illa unnin fara ekki í gegn um þingið. Sjónarmið almennings hafa haft mikil áhrif á afstöðu þingmanna eins og í brennivínsmálinu og er það gott.

En það er ákveðin ómöguleiki á dagskrá þingsins sem er eftirlætis mál forsætisráðherrans  eða stefnuskrá ríkisstjórnarinnar í efnahagsmálum til 5 ára.

Ríkisstjórnin getur ekki ætlast til þess að stjórnarandstöðuflokkarnir kingi þröngri stefnu Sjálfstæðisflokksins í efnahagsmálum sem er í andstöðu þeirra eigin stefnu.

Ef stjórnin nauðgar þessu máli í gegn á einu atkvæði verður það að teljast mikill ósigur fyrir þá hagsmuni og stefnu sem Sjálfstæðisflokkurinn berst fyrir.

Það yrði þá samþykkt sem hefði nákvæmlega enga merkingabæra þýðingu. 

En til þessa hafa flestar ríkisstjórnir myndað sér stefnu með samstarfssamningum.


mbl.is 38 mál á dagskrá Alþingis í dag
Tilkynna um óviðeigandi tengingu við frétt

Silki- yfirfrakki eða bitlingar fyrir flokksgæðinga

Steingrímur J. Sigfússon, þingmaður Vinstri-grænna, kann að koma orðum að hlutunum.

Hann segir hugmyndir hægri stjórnarinnar vera ógeðfellda aðför að sjálfstæði Landspítalans ef sett yrði pólitísk stjórn yfir spítalann.

Slík stjórn yrði auðvitað bara einskonar silkihúfa enda engin þörf fyrir slíka stjórn, nema til að útvega rétt trúuðum aðilum bitlinga.

Er gæti einnig gert það auðveldara að útvista fjölmörgum verkefnum til réttra velvildarmanna.

Íslendingar þekkja þessar gömlu aðferðir hægri flokkanna úr sögunni. Þegar Sjálfstæðisflokkurinn var að hygla sínum mönnum.

Steingrímur J. Sigfússon, þingmaður Vinstri-grænna, sagði það vera ógeðfellda aðför að sjálfstæði Landspítalans að ætla að setja stjórn yfir spítalann. Hann gagnrýndi tillögur meirihluta fjárlaganefndar Alþingis þess efnis. Með því væri verið að setja „pólitíska…
RUV.IS
 

mbl.is Ógeðfelld aðför að Landspítalanum
Tilkynna um óviðeigandi tengingu við frétt

Ekki hagsmunir launafólks

  • Það eru ekki hagsmunir launafólks að þessi sundabraut verði byggð
    *
  • Því slík framkvæmd verður meira og minna greidd fyrir

    íslenskt skattfé, að lokum ef að verður.

    sundabraut

Það er einmitt launafólk sem eru hinir raunverulegu skattgreiðendur á Íslandi.

Fyrirtækin, fjármagnstekjufólkið og atvinnurekendur greiða sáralitla skatta.

Það verða einnig erlendir aðilar sem byggja upp slíka vegagerð en ekki íslensk fyrirtæki með íslendinga við störf.

Það yrðu því þrælar frá erlendum starfsmannaleigum sem bæru hitan og þungan af vinnunni. 

 


mbl.is Sundabraut vekur áhuga fjárfesta
Tilkynna um óviðeigandi tengingu við frétt

Enn er reynt að fara gegn vilja þjóðarinnar

  • Hvað eftir annað hefur verið kannað af víninnflytjendum hvort ekki megi breyta lögum um sölu á áfengi.

brennivín

Samkvæmt þeirra hugmyndum um að samfélags fyrirtæki komi ekki nærri alkóhól – sölu. 

Alltaf hefur þjóðin sagt sína skýru skoðun sem er að vera algjörlega á móti meira frjálsræði í sölu víns.

En hin þægu þý heildsalanna í gamla valdaflokknum hafa hvað eftir annað reynt að taka vínsölumál á dagskrá Alþingis.

Unga fólkið í heildsalaflokknum reyndi nú fyrir helgi að fara á bak við samnefndarmenn sína í allsherjanefnd.

Pöbbaflokkurinn er auðvitað innilega sammála.
Enda með lepp fyrir vinstra auga.

Viðhorf þessa fólks eru orðin ansi lúin og komin frá gömlum tímum, eldgömul sjónarmið íhaldsmanna og frjálshyggjufólks.

Ekki er tekið tillit til lýðheilsu sjónarmiða þjóðarinnar.  Þótt samtök kaupmanna vilji þetta háttarlag er alveg víst að verkalýðshreyfingin er á móti.


mbl.is Sópa sannleikanum undir teppið
Tilkynna um óviðeigandi tengingu við frétt

Allir flokkar eru sammála þessu.

  • Auðvitað eru allir stjórnmálaflokkar í borginni sammála um það, að vilja leggja á skattgreiðendur lágmarksútsvar
    *
  • En mikilvægt er að tekjustofnar dugi fyrir úgjöldum borgarinnar.

ráðhús Reykjavíkur 1

Það væri auðvitað hægt að lækka útsvarið ef allir íbúar borgarinnar greiddu útsvar hafi þeir tekjur yfir persónuafslætti.  Taka skal fram að allir njóta persónuafsláttar .

T.a.m. greiða þeir sem lifa á fjármagnstekjum einum saman ekki útsvar. Langflestir eigendur atvinnufyrirtækja í einkaeign greiða lítil sem engin útsvör.

Öllum er ljóst,að þetta er bara ódýrt kosningabrellu útspil hjá Sjálfstæðisflokki sem hann myndi aldrei standa við komist flokkurinn til áhrifa.

Hann yrði einnig að svara því hvar hann myndi skera niður í kostnaði á móti. Þessi flokkur hefur aldrei staðið sig í efnahagsstjórnun.


mbl.is Vilja lágmarksútsvar í Reykjavík
Tilkynna um óviðeigandi tengingu við frétt

Þau takast á, fjármagnsöflin, útgerðin ásamt landbúnaði og ESB hópurinn í flokknum

  • Það hefur lengi verið vitað og er ekkert leyndarmál að mikil og sterk þjóðernishyggja hefur ætíð verið ríkjandi í Framsóknarflokknum.

Væntanlega er hún á ýmsu rófi, allt frá fánahyllingarhópnum til nokkuð hófsamari hóps.

Framsóknarflokkurinn er ekkert eini flokkurinn í sögunni sem ber einhvern vott af þessum einkennum.

En þessi spurning er samt einkennileg:
„En hver er sú stefna, hverjir eru þeir straumar, af hverju erum við að missa; vilja menn feta sig á slóð forseta Bandaríkjanna eða Le Pen í Frakklandi og fleiri úr þeim ranni? Er einhver í þessum sal sem telur að þar liggi tækifæri Framsóknarflokksins? Er einhver sem telur að með því að víkja frá hefðbundnum gildum flokksins muni fylgið sópast að honum?“

Formaðurinn spyr ekki bara um hvort menn vilji feta í fótspor þessara aðila sem hann nefnir. Hann þarf ekki að spyrja því hann veit að þeir eru fjölmargir í þessu liði sem vilja það. Hann beinlínis varpar sérstöku ljósi á þessa aðila.

En Sigurður Ingi spyr hvort flokksmenn telji að þar liggi tækifæri Framsóknarflokksins til þess að auka fylgi og áhrif flokksins.

Hann spyr ekki flokksmenn að því eða víkur orði að því hvernig flokkurinn getur gert þjóðinni mest gagn.

Hvaða hópar takast á?

Er það ESB hópurinn sem hafði öflugan og massívan meirihluta í flokknum fyrir örfáum árum og hefur tæplega skipt um skoðun siss svona?

Eða er það hópurinn sem er undir styrkri stjórn útgerðarinnar og landbúnaðarelítunnar ásmt fjármálaöflunum?

Það vantar meiri samstöðu í þingflokki Framsóknarflokksins, sagði Sigurður Ingi Jóhannsson, formaður flokksins, í ræðu sinni á miðstjórnarfundi flokksins í morgun. Hann gagnrýndi þá sem hafa sett sig upp á móti forystu flokksins sem kosin var á…
RUV.IS
 

mbl.is Mun aldrei styðja ríkisstjórnina
Tilkynna um óviðeigandi tengingu við frétt

Enginn vill þurfa að borga

  • „Kjart­an Magnús­son, borg­ar­full­trúi Sjálf­stæðis­flokks­ins, seg­ir að flokk­ur­inn sé and­víg­ur inn­heimtu nýrra gjalda til að fjár­magna borg­ar­lín­una. Hins veg­ar sé rétt að efla al­menn­ings­sam­göng­ur“.

Auðvitað verður þessi flokkur sem lýsir þessu yfir að svara því fyrst hann er á móti þessari aðferð til að kosta þessa nauðsynlegu framkvæmd, borgarlínahvernig hann vill fara að. Þessi framkvæmt kostar mikið fé.

Það er ljóst að veruleg hækkun á lóðaverði verður ekki með öllu velt út í verðlagið af íbúðarframleiðendum, vegna þess að álagning og verðlag á íbúðarhúsnæði er þegar í hæstum hæðum og fólk hefur ekki efni á að greiða hærra verð.

Hið eðlilega væri að þessum kostnaði yrði skipt á milli lóðaverðs og fasteignagjalda sem eru svo sannarlega þjónustugjöld vegna fasteigna,lóða, skólabygginga o.s.frv. í borginni og þar með taldar samgöngur.

Fráleitt væri að hækka útsvörin.


mbl.is Andvígur nýjum innviðagjöldum
Tilkynna um óviðeigandi tengingu við frétt

Litlir kallar í útúr snúningum

  • Beiðnin var sett fram strax eftir að skýrsla var lögð fram um fátækt á Íslandi og það eru nokkrir mánuðir síðan.

Það var löngu búið að biðja um þessa umræðu áður en Gunnar Smári fann upp trixið til bjargar andlitinu. 

En núverandi stjórnarflokkum hefur tekist að tefja þessa nauðsynlegu umræðu og á skammast sín fyrir. 

brauðmola stjórnin 1

Þetta er bara umræða sem þarf að fara fram reglulega í þinginu. Það er vissulega allt of langt síðan þessi vinkill var tekinn á þessu máli.

Slík umræða hefur ekki farið fram síðan að rústabjörgunar ríkisstjórnin starfaði. Á þeim tíma var reynt að huga að stöðu fátæks fóks á Íslandi og eitt og annað gert s.s. að lækka skatta á efnalitlu fólki.

Við íslendingar sem erum komnir á eftirlaun þekkjum mjög vel stjórnarfarið á Íslandi þegar Sjálfstæðisflokkurinn stjórnar í stjórnarráðinu.  Fylgifiskur slíkra stjórna hefur alltaf verið landlæg fátækt á Íslandi.

Þorsteinn Víglundsson 1

En nú býr þjóðin við alveg sérstakar aðstæður.  Fyrrum framkvæmdastjóri heildarsamtaka atvinnurekenda á Íslandi er félagsmálaráðherra. En þessi samtök hafa alla tíð barist fyrir því að halda niðri lægstu launum á Íslandi og einnig öllum öllum launum sem Tryggingastofnun greiðir.

Þótt framtak ASÍ sé gott í húsnæðismálum dugar það engan vegin til að bjarga þeim sem verst standa í lífsbaráttunni.

Það framtak er ekki framtak ríkisstjórnar þótt þeir hafi neyðst til að svara kallinu enda verða það lífeyrissjóðirnir sem koma til með að leggja fram lánsfé.  

 


mbl.is Fátækt stelur draumum barna
Tilkynna um óviðeigandi tengingu við frétt

Ný atvinnutækifæri skapast er rútufyrirtækin verða útilokuð frá miðborginni.

  • Þetta er auðvitað bara áfangasigur íbúa í miðborginni innan tíðar má reikna með því að það verði mun stærra svæði sem rútur geta ekki farið inn á.
    *
  • Gæti verið stórt skref í átt að fjölskyldu-og umhverfisvænni miðborg.  

Með þessu hefur lengi mátt búast, því rútufyrirtækin hafa sýnt íbúum fádæma átroðning undanfarin ár. Það er eftirtektarvert að algjör samhljómur var um þessa samþykkt í borgarstjórn.

strætó1

Nú skapast ný tækifæri, fyrir nýja tegund miðborgarökutækja sem væru rafbílar skráðir fyrir 7 farþega með rúmu farþega rými, hannað fyrir gott aðgengi fyrir fatlaða ásamt góðu rými fyrir mikinn farangur. 

Nauðsynlegt er að slíkir bílar aki fyrir lágt fast gjald á miðborgarsvæðinu og væru einnig valkostur fyrir íslendinga. Er gætu keypt sér kort til að ferðast með slíkum bílum. Ökumenn hafi leyfi til að fylla bílanna af farþegum enda séu fargjöld miðuð við hvern farþega.

Best væri að sömu reglur gætu gilt um strætisvagna og stóra flutningabíla, en nýja borgarlínan hefði aðrar reglur


mbl.is Mismunað með rútubílabanni
Tilkynna um óviðeigandi tengingu við frétt

Íslenskir ferðaþjónustu aðilar skila nánast engum virðisaukaskatti.

  • Það eru orð fjármálaráðherra og kemur fram í svari hans við fyrirspurn Oddnýjar Harðardóttur.

Mikill er munurinn á þeim tölum sem koma frá ferðaþjónustuaðilum um hvað ferðamenn í dag greiða í virðisaukaskatt og þeim tölum sem fjármálaráðherra segir að greinin skili.

ferðafólk

Ferðaþjónustumenn telja að greinin skili um 80 til 100 milljörðum króna vegna virðisaukaskatts fyrir árið 2016. 

En ráðherranna segir eftirfarandi um vask greiðslur ferðaþjónustunar:

„Útskatt­ur hót­ela og gisti­heim­ila í fyrra nam sam­tals 7.205 millj­ón­um á síðasta ári og hækkaði úr 5.483 millj­ón­um árið áður. Reiknaður innskatt­ur var hins veg­ar 6.442 millj­ón­ir í fyrra og 5.026 millj­ón­ir árið 2015 og var því virðis­auka­skatt­ur sem rann til rík­is­ins 763 millj­ón­ir í fyrra og 457 millj­ón­ir árið 2015“.

  • M.ö.o. 763 milljónir, þ.e.a.s. enginn skattur.

ferðafólk 1

Það er á hreinu, að ef erlendir ferðamenn þurfi ekki að greiða sama virðisaukaskatt og íslendingar almennt á allri þjónustu kallar það á hækkun á sköttum á almenning. Það er vegna gríðarlegs kostnaðs sem samfélagið verður fyrir vegna ferðamannastraumsins.

  • Slík skattahækkun verður síðan að skoðast sem styrkur almennings til ferðaþjónustufyrirtækja.

Rétt er að minna á það, að það er fyrst og fremst launafólk sem greiðir skatta á Íslandi, fyrirtækin eru ekki að  greiða skatta og ekki eigendur þeirra. Það  gera íslenskar skattareglur.

Ef erlendar þjóðir vilja vera gjafmildar gagnvart ferðafólki kemur það íslenskum skattgreiðendum ekkert við. Íslenskir skattgreiðendur þurfa ekki að elta aðrar þjóðir í þessum efnum.


mbl.is Tölurnar koma Benedikt ekki á óvart
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband