Guðsmaðurinn er ekki sýknaður.

• Þessi ágæti maður hefur fengið á sig ýmsar kærur sem borist hafa saksóknara og sumar mjög alvarlegar.

Ekki hef ég fylgst með því hvernig þessi mál hafa farið. En ef margar konur ásaka einn mann um kynferðisleg áreiti og eitthvað meira verður að teljast nokkuð víst að eitthvað af því er rétt. En ég er ekki dómari og dæmi ekki. 

En Gunnar hefur aldrei viðurkennt að hafa gert nokkuð bröndótt í ferli sínum hjá þessu trúfélagi. 

Í þessu máli er hann kærður af fyrrum félögum sínum um að hafa farið óvarlega með fjármuni trúfélagsins. 

Athygli vekur, að hann er ekki sýknaður af þessum kærum, ef fréttin er rétt. Aðeins kemur fram, ,,að mati héraðssak­sókn­ara telst það sem fram er komið í mál­inu ekki nægj­an­legt eða lík­legt til sak­fell­is og hef­ur málið því verið fellt niður". 

Þetta hlýtur að hafa verið nokkurt áfall fyrir Gunnar. Því því saksóknarinn segir beinlínis að hann teljist sekur, en sökin sé ekki nægileg til þess að hann muni verða dæmdur. Þ.e.a.s. fyrir þjófnað.

Þetta verður að teljast merkilegt, menn hafa nú verið dæmdir fyrir minna. Eins og að hnupla ýmsu smálegu matarkyns. 

Mál á hendur Gunnari fellt niður

Athugasemdir

[Ómar Ragnarsson, 19.3.2016 kl. 20:43]

Þetta er röng fullyrðing. Samkvæmt meginreglu íslensks réttar skal maður talinn sýkn saka, nema sekt hans sé sönnuð.

[Kristbjörn Árnason, 19.3.2016 kl. 21:06]

eftir frétt blaðsins segir orðrétt: 

,,að mati héraðssak­sókn­ara telst það sem fram er komið í mál­inu ekki nægj­an­legt eða lík­legt til sak­fell­is og hef­ur málið því verið fellt niður"

,,ekki nægjanlegt".

Hvað þýðir það?  Í mínum huga þýðir þetta orðalag að maðurinn sé ekki alveg saklaus. Þ.e.a.s.  að verknaður sé ekki nægilega alvarlegur til þess að maðurinn verði sakfelldur. Það væri æskilegt að orðalagið sé skýrara.

Ég vildi miklu fremur að maður væri bara sýknaður af þessum ákærum.

Með atvikið í huga, þegar hungraði umrenningurinn var dæmdur fyrir að stela sér smá matarbita í Austurstræti forðum.

[Kristbjörn Árnason, 23.3.2016 kl. 17:11]

dæmi um sýknudóm:

„Að mati dóms­ins leik­ur því það mik­ill vafi á sekt ákærðu að þessu leyti að ekki verður hjá því kom­ist með vís­an til 108. gr., sbr. 1. mgr. 109. gr. laga nr. 88/​2008 um meðferð saka­mála að sýkna ákærðu af öll­um kröf­um ákæru­valds­ins í máli þessu,“ seg­ir í dómi héraðsdóms.