Það er sama rassgatið undir báðum herveldunum

• Ef þetta er niðurstaðan, að hæstiréttur getur stöðvað áætlanir Umhverfisstofnunnar Bandaríkjanna í loftlagsmálum er niðurstaðan einfaldalega sú, að Bandandaríkjunum er ekki treystandi í alþjóðlegum samskiptum.

Það hlýtur að vera niðurstaðan í flestum öðrum málum einnig.

Ekki bara í umhverfismálum.

Nákvæmlega sömu vinnubrögðin og hjá rússunum. Bara aðeins öðru vísi aðferðir en sömu niðurstöður. 

Loforðaflaumur bandaríkjamanna á loftslagsráðstefnunni í París á  dögunum er m.ö.o. bara froðusnakk sem ekki stendur til að standa við.

Það er ekki bjart yfir kosningaslagnum í Bandaríkjunum Þeir eru ekki glæsilegir valkostirnir sem bandaríkjamenn geta valið sér til að verða forsetar.

Sá aðilinn sem mest fylgi hefur hjá hægri flokknum beinlínis hótar heimsbyggðinni valdbeitingu með gífuryrðum, minnir einna helst á Hitler.

Það eru einmitt slíkir aðilar úr þessum flokki sem íslendingar eiga í viðskiptum við með rekstur á nokkrum stóriðjufyrirtækjum.

Við eigum eftir að finna enn frekar fyrir þessum aðilum. Því óttast ég hingað komu Bandaríska hersins sem þjónar einmitt þessum herrum um víða veröld.

Starfsmenn álversins í Straumsvík hafa einmitt fengið slíkar hótanir undanfarna mánuði.

Sama liðið sem heldur uppi styrjöldinni gegn Palestínumönnum og almennir borgarar eru stráfelldir í umboði Bandaríkjanna. Hverskonar flygildum er haldið á lofti bæði stórum og smáum hvarvetna um heiminn til að drepa fólk.

Bandarískur almenningur er að gera sér ljóst að Glinton er af sama meiði og íhaldskarlarnir, sjálfumglöð yfirstéttarkerling.

Vonarljós almennings í Bandaríkjunum í dag virðist vera Sanders sem lítur út fyrir að vera frjálslyndur jafnaðarmaður við fyrstu sýn á mælikvarða Evrópumanna

 

Loftslagsstefna Obama í uppnám?

Hæstiréttur Bandaríkjanna hefur fryst tímabundið áætlanir Umhverfisstofnunar Bandaríkjanna um samdrátt losunar gróðurhúsalofttegunda frá orkuverum í Bandaríkjunum. Áætlanirnar eru hornsteinn í loftslagsstefnu Obama forseta, sem…

RUV.IS

 

Fundað um hermálið á morgun

Enn vælir saumaklúbburinn

• Samtök ferðaþjónustunnar eru vissulega aðilar að deilunni milli Icelandair eins og félagið heitir nú eftir útreið síðustu ára í höndum ævintýramanna. 
  .
• En samtök atvinnurekenda hefur samningsumboðið frá þessu lánlausa flugfélagi og Samtök ferðaþjónustunnar er aðili að þeim samtökum.

 

Þótt ferðamannaiðnaðurinn teljist vera stærsta útflutningsgrein landsins verður hann að bera á byrgð á því að greiða sínu starfsfólki eðlileg laun og að eiga eðlileg samskipti við launafólk í greininni. Það gerir þessi grein ekki. 

• En Samtök ferðaþjónustunnar tók fullan þátt í því að væla út lög á flugmenn, þótt vitað væri fyrir fram að lög sem þessi bíta ekki á flugmenn. 
  .
• Þótt gerðardómur falli getur dómurinn ekki skyldað flugmenn til að vinna yfirvinnu. Því leysist málið ekki nema að dómurinn fallist að miklu leiti á kröfur flugmanna. 

• Það er fullkomlega eðlilegt að því verði til haga haldið, að þetta yfir-vinnubann skapar enga neyð í samgöngum þjóðarinnar. Það eru t.d. mörg flugfélög sem fljúga til landsins.
• .
• Ætli samtök atvinnurekenda og félagar þeirra í ferðamannasam-tökunum geri sér ekki grein fyrir alvarleika málsins. Það sem verra er fyrir þessa aumingja atvinnurekendur, að flugmenn eru bara pollrólegir og hafa engan áhuga á viðræðum. 

Þá er löngu kominn tím til þess, að samtök atvinnurekenda fari að bera fulla virðingu fyrir launamönnum landsins. Það mjög vel hægt að koma í veg fyrir slík átök ef notuð eru ný og nútímaleg vinnubrögð væru tekin upp í kjaramálum. Einnig samtök atvinnurekenda hættu nú að ögra samtökum launamanna eins og landslægt hefur verið í gegnum áratugina.

Er ekki kominn tími til þess að Samtök ferðaþjónustunnar hafi frumkvæði að því að hækka laun fólks sem starfar í þessari grein sem hvarvetna vinnu á algjörum lágmarkskjörum og jafnvel á launum sem eru fyrir neðan umsamda launataxta.

 

Gífurlegt tjón á hverjum degi

Þetta er hrein valdníðsla

 

• Það er mín skoðun og að þessi níðingsskapur fari gegn hagsmunum almennings í landinu
  .
• Það hafði aðeins verið gerð krafa af hendi íbúanna í Vatnsleysu-strandahreppi að þessi nýja lína sem á að byggja sérstaklega fyrir Helguvíkurálver verði sett í jörð.
  
  
• Þeirri kröfu er hafnað.

 

M.ö.o. iðnaðarráðherra tekur hagsmuni erlends fjölþjóðafyrirtækis fram yfir hagsmuni almennings í þessu máli.  Það hefur mörgum sinnum komið í ljós, að það er ekki þörf sérstaka háspennulínu af þessari stærðagráðu á Suðurnes fyrir íbúa á nesinu og fyrir eðlilega íslenska uppbyggingu á atvinnulífi.

Það var troðið á íbúum hreppsins og flokksfélagum ráðherrans tókst með óþverrabrögðum að koma upp klofningi með sveitarstjórnarmanna. En þeir landeigendur sem neituðu að fallast á þessar loftlínur lægu um land þeirra verða þá að sæta því að missa sitt land.

Enn það er merkilegt að línan fer í jörð gegnum land Reykjanesbæjar og gegnum Hafnarfjörð. Þá vaknar spurningin um Heiðmörkina. Ætlar borgar-stjórnin að fórna hagsmunum Reykvíkinga vegna þessa álvers. Það er eins gott að Sjálfstæðisflokkurinn komist ekki í stjórnunaraðstöðu í borginni.

• Þetta er aðeins eitt dæmið um valdníðslu núverandi ríkisstjórnar gagnvart almenningi í landinu

Heimilt að taka jarðir eignarnámi

Skrautleg sýndarmennska

 

• Þessi skilyrði í þingsályktunartilögunni fyrir því að ekki verði teknar upp viðræður við ESB að nýju nema að undangenginni þjóðaratkvæðagreiðslu eru haldlaus með öllu.
  .
• Því eitt Alþingi getur ekki skuldbundið annað sem er skipað öðrum þingmannameirihluta.
  .
• Því önnur ríkisstjórn með ríkan vilja til þess að hefja þessar viðræður að nýju getur hæglega lagt fram nýja ályktuntillögu og fengið samþykkta um að hefja viðræður að nýju og um leið ógilt þessa sem nú stendur til að samþykkja. 

Þetta er auðvitað hrein sýndarmennska sem hér er ritað:
„Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.“

Þetta eru auðvitað ótrúlegir orðaleikir sem hefur aðeins gildi meðan meirihluti Alþingis er þessu samþykkur og er fyrir neðan virðingu Alþingis að gera slíkar samþykktir.. 

• Til að breyta stöðunni til frambúðar verður að verða þjóðaratkvæðagreiðsla sem ákveður þetta og e.t.v. breyting á stjórnarskránni.

 

Ekki sótt um án atkvæðagreiðslu

Strengjabrúður í ráðneytum

 

• Er  leika sér að sannleikanum á Alþingi og fara ansi frjálslega með hann 

Núverandi umhverfisráðherra virðist greinilega vera strengjabrúða ýmissa hagsmuna aðila. Aðila sem virðist geta nú farið sínu fram, algjörlega á skjön við hagsmuni almennings í landinu. 

Það hafa farið fram skoðanakannanir þar sem spurt hefur verið um vilja almennings um að byggð verði fleiri álver í landinu. 

 

Mikill meirihluti landsmanna er á móti fleiri álverum. Ef eitthvað er að marka slíkar kannanir,  því þær ber að taka af varúð. En þetta var ekki bara ein könnun heldur fleiri sem allar sýna svipaða niðurstöðu.

Þá er það ekki í boði þjóðarinnar, að bjóða erlendum fyrirtækjum innlenda orku á undirverði og jafnvel á verði sem er undir framleiðslukostnaði þegar heildar-myndin er tekin með. Slík vinnubrögð verða ekki liðin af þjóðinni lengur, rétt eins og gerðist með Kárahnjúka hneykslið.

Umhverfisráðherrann og iðnaðarráðherrann virðast vera á mála hjá einu þessara fyrirtækja sem hefur á undanförnum mánuðum verið að vinna á bak við tjöldin til að ná markmiðum sínum um að fá keypta orku á tombóluverði. Þá hafa þessir aðilar einnig tekið þátt í pólitískri starfsemi í landinu, bæði ljóst og leynt.  

11:51 Náttúruverndasamtök Íslands fordæma þá ákvörðun Sigurðar Inga Jóhannssonar, umhverfisráðherra, að breyta friðlýsingarskilmálum Þjórsárvera þannig að hægt verði að ráðast í gerð nýrrar útfærslu af Norðlingaölduveitu. Mörk friðlandsins verða dregin í kringum hugsanlegt lónsstæði.

Mörkum friðlands Þjórsárvera breytt

Norðlingaölduveitu harðlega mótmælt

„Þjórsárverasvæðið með hátt verndargildi“

Friðlýsing Þjórsárvera breytir engu 

Stangast á við svar síðasta haust

Króatar sluppu billega frá þessu atviki

 

• Það er orðið algengt í austur - Evrópu að stórir hópar af fótboltabullum sem aðhyllast fasisma nýta stóra knattspyrnuleiki og ýmsa íþrótta vettvanga til að koma fram þessum fasistaskoðunum sínum. 

 

 

 

• Það hefði engum þótt það óeðlilegt, að Króatíu hefði verið vísað úr þessari keppni 

 

En þetta er í fyrsta sinn sem jafn þekktur knattspyrnu maður og leikmaður í landsliði króata skuli nota misnota landsleikjarvettvang til  að koma til skila slíkum áróðri og að standa fyrir slíkri ósvífni. Það er ljóst, að fasistasamtök í Króatíu hafa skipulagt þessa uppákomu.

Króatar voru þekktir stuðningsmenn Hitler á stríðsárunum og sýndu af sér einstaka grimmd  í þessu stríði. Þessi átök hafa ætíð verið í Króatíu í þessu landi. Landið er mun styttra komið í allri þróun frá stríðsárunum og það er almenn fátækt í landinu.

FIFA búið að kæra Simunic

Landsnet á í vök að verjast

 

• Sífellt fleiri íslendingar hafna þeirri lausn yfirvalda og þar með Landsnets að lagðar séu háspennulínur þvers og kruss yfir landið. 
  .
• Er þá sama hvort um er að ræða staurastæður í byggð eða um ósnortið land, t.d. í hálendi landsins.

Umhverfisvitund og umhverfiskröfur landsmanna hafa gjörbreyst undanfarin ár og einnig atvinnuhagsmunir. Gerðar eru mjög harðar kröfur  um  að allar raflagnir fari í jörð og ef því fylgir einhver aukakostnaður eru neytendur tilbúnir að greiða þann kostnað. 

Haugryðguð háspennuvirki

En Landsnet hefur haldið því fram staðfastlega að það sé margfald dýrarara að leggja háspennulínur í jörð heldur en með risaháum  möstrum milli landshluta.

Morgunblaðið segir frá því í gær:
„Jarðstrengir á hárri spennu, 132 kV eða 220 kV, eru dýrari en háspennulínur með sömu spennu en ef tillit er tekið til líftíma, bilanatíðni og fleiri þátta er munurinn ekki nægilega mikill til að hægt sé að réttlæta að kostir jarðstrengja séu ekki skoðaðir til jafns við háspennulínur þegar framkvæmdir eru undirbúnar.

Þetta kom fram í fyrirlestri Þórhalls Hjartarsonar, forstjóra kanadíska fyrirtækisins Metsco Energy Solutions, í Norræna húsinu í hádeginu í gær“.

 Þá segir frá því Morgunblaðinu nú í morgun:
„RARIK reiðir sig á jarðstrengi.  Rarik stefnir að því að nánast allt dreifikerfi fyrirtækisins verði komið í jörð á þriðja áratug aldarinnar.

Þurfi RARIK að endurnýja hluta af dreifikerfi hvarflar ekki að starfsmönnum að reisa loftlínu, nema í undantekningartilfellum.

Ástæðan er sú að kostnaður við lagningu jarðstrengja er mun minni, að því er fram kemur í fréttaskýringu um mál þetta í Morgunblaðinu“

Greinilegt er að umhverfisskaði og lýti á landslagi því sem loftlínur fara um eru ekki með reikningum Landsnet. Þá reiknar þetta fyrirtæki ekki með vilja landsmanna er lúta því að allar raflínur fari í jörð og þeir eru tilbúnir að greiða viðbótarkostnað.

Því verða erlendir aðilar einnig að sætta sig við slíkan aukakostnað ef einhver er í byrjun sem greinilega fara tvennar sögur af. Þeim aukakostnaði verður ekki velt yfir á íslenska skattgreiðendur.

Erlendir aðilar verða að greiða fullt verð fyrir raforkuna þar sem tekið er tillit til umhverfisskaða  og flutnings um jarðstrengi og vegna frágang á slíkum lögnum þannig að ekki verði eitthvert lýti í landslagi á eftir.

Nú eru stóriðjumenn farnir að þrýsta mjög á stjórnmálamenn og má heyra það á málflutningi sumra stjórnmálamanna. Þetta fólk virðist taka hagsmuni erlendra fjölþjóðafyrirtækja fram yfir hagsmuni þjóðarinnar. Íslendingar þurfa sjálfir á mikilli raforku að halda til að knýja áfram farartækin í framtíðinni.

En það gleðilegasta er það, að atvinnulífið er sem óðast að jafna sig af sjálfsdáðum án inngripa stjórnvalda. Það er  einmitt þannig atvinnulíf sem hefur einhverja von til að spjara sig,  en ekki atvinnulíf sem sett er af stað með vænum eiturlyfjaskammti.

Pólitískur þrýstingur á Landsvirkjun

 

RARIK reiðir sig á jarðstrengi

Ekki verða allir hlutir eins og maður helst vildi

• Fyrr eða síðar verður lagður vandaður uppbyggður hálendisvegur með bundnu slitlagi þvert yfir landið sem tengir saman suður- og norðurland. Einnig vegur sem tengir austurland við þennan veg. 

Trausti Valsson hefur árum saman bent á hagkvæmni þess að vegurinn kæmi á veginn við Kárahnjúkavirkjun. Langbesta niðurstaðan væri því að Landsvirkjun og eða öllu heldur Landsnet kæmi að þessari framkvæmd eða báðir aðilar.

Vegna þess að nauðsynlegt virðist að tengja betur saman raforkukerfið milli allra landshluta. Jafnframt vegalagningunni væri tilvalið og eðlilegt að setja stokk við vegkantinn fyrir háspennulínur milli landshlutana. Slíkur vegur verður nær örugglega tvíbreiður og þannig gengi frá honum að ekki verði hægt að aka út af honum út í ósnorta náttúru landsins.

Það er ljóst að íslendingar munu ekki sætta við háspennumöstur þvers og kruss um ósnortið land í hálendinu einnig mynda það stríða gegn miklum hagsmunum ferðaþjónustunar. Því myndi það vera hagkvæmur kostur að sameina þessar framkvæmdir í heildstæða lausn

Sprengisandsvegur á dagskrá

www.ruv.is

Prófessor í skipulagsfræðum vil heilsársvegi um hálendið

Jarðstrengir lítið dýrari

Hagsmunatengslin afhjúpuð

 Teitur skrifar í DV.

Svarið komið - Jörðin Selskarð

Margir hafa velt vöngum yfir furðulegri vegalagningu yfir Gálgahraun/Garðahraun.  Andri Snær Magnason benti á fáránleika þessarar framkvæmdar í góðri hugleiðingu.  Ýturnar fóru nú samt af stað og lætin hófust fyrir alvöru.  Þau náðu hámarki í gær þegar fjöldi fólks var handtekið  við að mótmæla eyðileggingu þessa hrauns (sem er á náttúruminjaskrá) 

Mótmælt var fyrir utan innanríkisráðuneytið og tilraun gerð til að afhenda Hönnu Birnu Kristjánsdóttur mótmælaskjal. Hún var auðvitað ekki á staðnum.  Það er í stíl við allt annað en látum það liggja milli hluta.

Spurningunni um hversvegna vegurinn var akkúrat lagður þarna var aldrei svarað.  Sú spurning dagaði uppi í látunum.  Það var svo loksins í dag sem eitthvað gerðist í því.  Vefsíðan Skandall.is birti úttekt á ákkúrat þessari spurningu og niðurstaðan er jafn augljós og hún er sjokkerandi.  

Allt þetta mál snýst um jarðarbrask og að því er virðist, tilraunir eigenda jarðarinnar Selskarð, að auka virði jarðarinnar með því að færa veginn til þess að auka byggingamagn.  Eftir því sem greinin í Skandall.is segir eru eigendur Jarðarinnar Selskarð, m.a. Engeyingarnir Einar Sveinsson og Benedkit Sveinsson, faðir Bjarna Benediktsonar.  En samkvæmt sömu grein var hann í Skipulagsnefnd Garðabæjar á þeim tíma þegar þettavar ákveðið.  

Getur einhver sagt mér hver vegna aðalskipulaginu var breytt eins og kemur fram á myndinni fyrir neðan. 

Rauða svæðið er fyrirhugða byggingarland og ég sé ekki betur en það sé meira og minna á  Selskarðslandinu.  Það er verið að auka byggingamagnið.  Svo mjög að vegurinn er meir að segja látin liggja í gegnum íbúa-hverfið.  Hvað var um hætturökin hjá framkvæmdavinunum?  Hérna er gömul grein úr Mogganum sem sýnir að eigendurnir hafa verið að spekúlera í íbúðabyggð þarna.  

 

Nú skulum við aðeins spyrja okkur nokkurra grundvallarspurninga og setja í samhengi við þessa framkvæmd.

-Hvers vegna var gerð tillaga um að breyta vegkaflanum?  Hver hagnast á því?  Eru fleiri en Engeyingar sem eru tengjast með beinum hætti inn í ákvarðanatökuna um nýja aðalskipulagið?  Hverjir þá? 

Þetta mál hefur bókstaflega öll einkenni íslenskrar spillingar.  Það er vaðið af stað með túrbínutrixið.  Þeir sem hagnast eru valdættir með stjórnmálatengingar bak og fram. Náttúruperlum er fórnað fyrir peninga og skattgreiðendur taka á sig stóran hluta kostnaðarins því að Vegagerðin er látin borga fyrir veginn sem forsendan fyrir framvkæmdunum.  - Nokkrir miljarðar þar gott fólk

Þetta er birt fyrir lesendur Mbl.  

http://www.skra.is/lisalib/getfile.aspx?itemid=8348

SKRA.IS

 Þessa framkvæmd verður að stöðva eins og skot og rannsaka í þaula.  

Þetta er skyldulesning:  http://skandall.is/?p=630

Mótmælendur sungu ættjarðarsöngva

Bein lýsing á graðhesta ríkisstjórninni

Frjáls nauðgun auðlinda

AUÐUR JÓNSDÓTTIR RITHÖFUNDUR

Í Þýskalandi eru bæði vændi og vændiskaup lögleg. Þannig hefur málum verið háttað í meira en áratug og því er komin nokkur reynsla á lögleysuna, ef svo má segja. Hún átti jú að stuðla að bættu starfs­öryggi vændisfólks, greiða aðgang þess að heilbrigðis­kerfinu og færa þjóðarbúinu skattpeninga. En með þessu móti er verið að normalísera vændi og stuðla að fjölgun vændiskvenna, segja sumir. Og þeir sömu segja að þýska ríkið sé helsti hórumangarinn í stærsta hóruhúsi heimsins: Þýskalandi. Þessar raddir urðu háværari eftir að sjónvarpsstöðin ARD sýndi heimildarmynd um vændi í Þýskalandi. Þar höfðu faldar myndavélar tekið upp heldur svarta mynd í dumbrauðum herbergjum hóruhúsanna og við blasir atvinnu­grein sem gengur út að gernýta kvenlíkamann. Samkvæmt umfjöllun fjölmiðilsins The Local um þessa heimildar­mynd er búið að gera konur að auðlind sem er nýtt til fullnustu.

Hóruhlaðborð

Þýskaland er ekki bara eitt stærsta hóruhús heimsins heldur stefnir það líka í að verða eitt hið ódýrasta. Í Berlín einni eru um fimm hundruð hóruhús og talið er að í Þýskalandi kaupi daglega um ein milljón karlmanna sér þjónustu vændiskonu. Hóruhúsin eru víða um borgina, skammt frá leikskóla sonar míns er til dæmis eitt af þessum vinsælu hóruhlaðborðum. Það kostar 49 evrur að fara á hóruhlaðborð og háma í sig eins margar konur og maður getur í sig látið á klukkutíma eða svo. Sagan segir að fæstir hafi lyst á fleirum en einni eða tveimur, í mesta lagi þremur, þó er gaman að gorta og menn þykjast gjarnan hafa innbyrt meira en þeir gátu. Þeir allra hörðustu borga 99 evrur fyrir nóttina og fylgir þá áfengi með konunum. Hamingjusamur kúnni líkti þýskum hóruhúsum við lágvöruverðskeðjuna Aldi, svipað fyrirbæri og Bónus á Íslandi.
Hóruhlaðborðin eru hákapítalískt fyrirbrigði. Eigendur þeirra þéna á tá og fingri meðan konurnar sjálfar bera skarðan hlut frá borði. Eins hafa þau gengisfellt matseðla úti á götuhornum þannig að nú geta hagsýnir menn jafnvel keypt sér tippasleik fyrir einn Big-Mac. Þetta takmarkalausa frelsi á markaðstorgi vændisins hefur einnig aukið mansal; það auðveldar samviskulausu fólki að víla og díla með auðlindina stúlkur-frá-útlöndum eins og Búlgaríu og Rúmeníu, allt í nafni frelsisins, enda eru erlendar vændiskonur nú í meirihluta, þó að ég þori ekki að fullyrða hversu margar ríði svart og hversu margar borgi skatt.

Neytendur auðlinda

Til hvers eru auðlindir ef ekki til að nýta þær eftir fremsta megni? Til hvers að meta auðlind ómetanlega þegar hægt er að selja hana hratt og ódýrt? Til hvers að huga að vandkvæðum þeim sem geta fylgt skorti á lögum og reglugerðum þegar frelsið seður neytandann á augnabliki? Til hvers að hugsa um framtíðina þegar nóttin er ung? Til hvers að hugsa um börn hórunnar andspænis girnilegum (en útjöskuðum) líkama hennar?
Að annarri auðlind: íslenskri náttúru.
Undanfarið hefur borið á því að lög og reglugerðir sem eru í burðarliðnum til að vernda íslenska náttúru hafi farið fyrir brjóstið á sitjandi ríkisstjórn, þá einkum og sér í lagi ráðherra umhverfismála. Jafnvel þannig að ætla mætti að maðurinn hefði aldrei heyrt um alþjóðlega sáttmála né mikil­vægi þess að þjóðir taki höndum saman í umhverfismálum og lagi til hver í sínum ranni. Að hver þjóð sýni gott fordæmi ef það á að vera einhver von til þess að börn heimsins eygi framtíð fyrir börnin sín.

Náttúruverndarlögin í stuttu máli

Síðast bárust fréttir af því að ráðherra þessum væri uppsigað við náttúruverndarlögin sem áttu að taka gildi 1. apríl 2014.
Í stuttu máli eru nýju lögin bæði umfangsmeiri og heildstæðari en gildandi lög (lögin frá 1999). Með nýju lögunum er verið að leiða nýjar aðferðir inn í íslenska náttúruverndar­löggjöf í því skyni að tryggja betri árangur í náttúruvernd og uppfylla um leið þær skyldur sem Ísland hefur gengist undir með aðild að ýmsum alþjóðlegum samningum. Á undanförnum árum hefur Ísland dregist aftur úr öðrum Evrópuþjóðum á sviði náttúruverndar og er nýju lögunum ætlað að snúa þeirri þróun við. Í lögunum eru lögð fram ítarlegri markmiðs­ákvæði og meginreglur umhverfisréttar settar í lagabúning. Rauði þráðurinn er að taka upp vinnulag Ríósamningsins um líffræðilega fjölbreytni, eins og aðrar þjóðir hafa gert, en leiðtogafundurinn um sjálfbæra þróun í Jóhannesar­borg 2002 hvatti til að allar þjóðir tækju það vinnulag upp eigi síðar en árið 2010. Vinnulagið byggir á svokallaðri vistkerfisnálgun sem beita skal við vernd og nýtingu náttúruauðlinda til lands og sjávar.

Vistkerfisnálgun er aðferð sem miðar að vernd og sjálfbærri nýtingu náttúruauðlinda með sanngirni að leiðarljósi. Hún gerir ráð fyrir að fylgst sé með lykilþáttum vistkerfisins og brugðist án tafar við breytingum á þeim. Vistkerfis­nálgunin er útfærð í nýju lögunum með áherslu á skipulega skráningu og flokkun náttúrunnar, áætlanir um skipulega vernd hennar, t.d. með neti verndarsvæða, og á árangursríka vöktun lykilþátta lífríkisins. Lögin byggja á faglegum og traustum grunni sem lagður var með viðamikilli skýrslu: Náttúruvernd, hvítbók um löggjöf til verndar náttúru Íslands – en hún kom út í ágúst 2011 eftir nokkurra ára undirbúningsstarf. Þessu starfi og nýju lögunum vill ráðherra umhverfismála kasta fyrir róða og byrja upp á nýtt en færir ekki rök fyrir þeirri ákvörðun sinni. Segir bara að í lögunum sé of mikið um boð og bönn. Eitthvað svipað sögðu eigendur þýskra hóruhúsa á sínum tíma.

Almannaréttur víkur fyrir jeppum

Í lögunum er almannaréttur styrktur, stjórnsýsla náttúruverndar styrkt og náttúruminjaskrá ásamt framkvæmda­áætlun gerð að meginstjórntæki náttúruverndar á Íslandi. Þar er jafnframt brugðist við hættu sem fylgir innflutningi jafnt sem dreifingu framandi lífvera og stjórnvöldum veittar auknar heimildir til að bregðast við brotum gegn ákvæðum laganna. Fleira mætti nefna …

Það sem helst virðist fara fyrir brjóstið á nýja ráðherranum er að í lögunum er brugðist við akstri utan vega, sem hefur verið mikið vandamál og erfitt að taka á vegna veikra lagaákvæða. Einnig virðist hann hafa samúð með skógræktar­fólki sem vill engar hömlur á athafnir sínar í íslenskri náttúru. Það vill fá að planta hverju sem er hvar sem er án afskipta annarra eða nokkurs samráðs, athæfi sem getur ógnað íslenskri náttúru. Ráðherrann virðist líka andvígur því að styrkja vernd tiltekinna vistgerða, vistkerfa og jarðminja eins og lögin gera ráð fyrir; kannski vegna þess að hann vill sem minnstar hömlur á framkvæmdir athafnamanna.
Ef lögin taka ekki gildi mun Ísland halda áfram að dragast aftur úr öðrum þjóðum á sviði náttúruverndar; þannig stendur þjóðin ekki við alþjóðlegar skyldur sínar með fullnægjandi hætti. En skiptir það máli? Skiptir nokkuð annað máli en augnabliks fullnægja? Af hverju megum við ekki bara riðlast á íslenskri náttúru á stóra jeppanum okkar? Af hverju er ekki sniðugt að gróðursetja pálmatré á Látrabjargi?

Vestrænt svall

Ráðherra umhverfismála setur einnig sáttina sem náðist um flokkun virkjunarkosta í uppnám og hunsar þannig margra ára þverfaglegt starf vísindamanna. Hann krefst þess að verkefnastjórn rammaáætlunar endurskoði átta virkjunarkosti hið bráðasta með það fyrir augum að koma þeim strax í nýtingarflokk. Þar á meðal eru Þjórsárvirkjanirnar þrjár sem settar voru í biðflokk vegna skorts á gögnum um laxfiska í ánni. Jafnframt stöðvar hann friðun svæða í verndarflokki sem kveðið er á um í samþykkt Alþingis og þar ber stækkun friðlandsins í Þjórsárverum hæst.

Einhvern veginn finnst mér að bæði ráðherra umhverfismála og ríkisstjórninni sé sama um öll börnin sem Alþingi á að þjóna. Mér finnst hugsun valdamanna, ef hægt er að tala um hugsun, ná álíka langt og augnabliksgredda hórumangarans. Greddan í peninga. Greddan í ágóða augnabliksins, sama hvað hann kostar. Sama hvern það á eftir að kosta allt sitt. Kannski er fátt vestrænna en fyrirbrigðið eins-og-þú-getur-í-þig-látið-hlaðborð: að éta á sig gat og gefa skít í uppruna hráefnisins, allt sem heitið getur lífræn vottun, bara af því maður getur það. Kaupa nánast sjálfdauða kjúklinga í tíu rotvarnarefnasósum og fara síðan í vinnuna til að selja framtíð barnanna sinna fyrir góðan jeppatúr.

Það er ókurteisi að líkja valdamönnum við hórumangara. Líklega ber það ekki vott um mikla ættjarðarást, að þeirra mati. Gæti stuðlað að sundrungu þjóðar. Svo kannski er betra að segja að þeir séu fulltrúar gamla tímans, stignir inn í nýja tíma. En svo eru alltaf þeir sem segja að náttúran sé auðlind sem beri að gernýta til fullnustu. Þannig sé nútíminn. Þannig séu endalokin.