Það er gott að vandi EIRAR sé aðeins tímbundinn

„Við erum ekki að hrekjast yfir í greiðslustöðvun, við tökum sjálf þá ákvörðun að biðja um greiðslustöðvun til að tryggja og staðfesta eignir og réttindi fólksins sem býr á Eir,“ segir stjórnarformaðurinn Jón Sigurðsson Þetta er gert þar sem Eir stendur frammi fyrir greiðsluvanda.

Þetta er auðvitað hraustlega mælt  hjá formanni hjúkrunarheimilisins. En það er samt ljóst að stjórn EIRAR reyndi að því er virðist að láta búseturéttareigendur hafa 25 ára skuldabréf á móti eignum sínum fyrr á þessu ári. Sem betur fer tókst fólki að hrinda þessari árás á lögbundnar eignir fólks.

Þá er nauðsynlegt að opinberir aðilar rannsaki það til hlýtar sem gerst hefur í rekstri þessa heimilis en miklar fréttir bárust í vetur af mörgu misjöfnu er snertir reksturinn. Gera verður fólk ábyrgt fyrir gerðum sínum og hreinsa andrúmsloftið. Það yrði óbærilegt ef það á að breiða yfir einhver afglöp þarna frá fyrri tíð.

Auðvitað vonast allir til þess að rekstur hjúkrunarheimilisins verði aðskilinn frá öðru sem þarna er í gangi og að allt gangi síðan vel til framtíðar. Það er augljóst að huga verður nánar að rekstri svona stofnana.

  

Veitir öryggi í brennandi greiðsluvanda

Skattar hafa lækkað á launamönnum undanfarin 4 ár

•  Nú berjast ýmis hagsmunasamtök fyrir betri tíð og er samtökum atvinnurekenda reyndar alveg sama um blómin í íslenskri náttúru. 
• .
• Þar ríður einstaklingshyggjan húsum. Atvinnurekendur vilja ekki taka þátt kostnaði við samfélagið og vilja ekki leggja til þess eyrisvirði.

Reynslan sýnir að ekki gengur að trúa öllu sem þessi samtök leggja á borð fyrir landann. En þessi samtök reyndu að taka völdin í landinu snemma á síðasta kjörtímabili þegar þeir uppdiktuðu svo nefndan stöðugleika sáttmála. Sem betur fer tókst ríkisstjórninni að hrinda  eirri árás. 

Í stað þess skulu talin upp nokkur einföld undirstöðuatriði og staðreyndir sem lesendur ættu að máta stórkarlalegar fullyrðingar um skatta við: 
1. Verg landsframleiðsla (VLF) er samtala allra (bruttó)tekna í samfélaginu.
2. Einstaklingar bera alla skatta. Þeir eru einu neytendurnir. Félög eru milliliðir. Óbeinir skattar þeirra eru bornir af þeim sem kaupa vöru og þjónustu. Beinir skattar félaga eru bornir af eigendum þeirra sem eru einstaklingar.
3. Samtala skatta er sá hluti VLF sem tekið er frá til samneyslu og millifærslna. Annað er til ráðstöfunar fyrir heimilin þ.m.t. eigendur félaga og fjármagns.
4. Skattar sem hlutfall af landsframleiðslu sýnir hvernig VLF þ.e. allar tekjur skiptast á milli þess sem opinberir aðilar ráðstafa og þess sem heimilin ráðstafa.
5. OECD hefur birtir árlega tölur um skatta í aðildarríkjunum.
6. Samkvæmt nýjustu tölum OECD var skattbyrðin á Íslandi 2010 35,2%. Hún hefur hækkað um 1 % síðan þá.
7. Skattbyrðin á árinu 2007 var 40,6% eða um 4% hærri en nú.
8. Ísland er í 14 sæti af 34 OECD ríkjum og lægra en Norðurlöndin og flest ríki í Norður- og Vestur-Evrópu.
9. Ísland var í 7. sæti 2007.
Skiptingu allra tekna, þ.e. VLF, í skatta og annað er sýnd á myndinni. 

 

• Nýjustu opinberu tölur OECD segja, að nú eftir valda tíð síðustu ríkisstjórnar að hvergi sé meiri launajöfnuður enn á Íslandi. En það þýðir ekki það, að það sé ekki nauðsynlegt að hækka lægstu laun í landinu mjög verulega.

 

Ísland er eina ríki OECD þar sem tekjur hinna efnameiri hafa dregist meira saman en tekjur þeirra efnaminni. Hvergi er meiri jöfnuður en á Íslandi.

OECD gaf út skýrslu um jöfnuð og tekjudreifingu í morgun. Í henni kemur fram að áhrif atvinnuleysis á tekjur einstaklinga hafa verið hvað mest á Íslandi á síðustu árum.

Íslendingar eru einnig á meðal þeirra þjóða sem best hefur tekist að varðveita ráðstöfunartekjur fólks þar sem skattar hafa verið lækkaðir og félagsleg aðstoð aukin.

Munur á ríkum og fátækum er hvergi minni en á Íslandi og frá árinu 2007 hefur jöfnuður á milli hinna ríkari og fátækari aukist mest á Íslandi, Nýja Sjálandi, í Portúgal og Póllandi. Munur á ríkum og fátækum jókst mest á Spáni, í Slóvakíu og Svíþjóð.

Í skýrslunni er tekið sérstaklega fram að í upphafi aldarinnar og fram til 2007 hafi bilið á milli hinna efnameiri og efnaminni aukist á Íslandi, en síðan þá hefur bilið minnkað og er nú það minnsta innan OECD.

Þá segir í skýrslunni að Ísland sé eina ríki OECD þar sem tekjur hinna efnameiri hafa dregist meira saman en tekjur hinna efnaminni. Tekjur hinna efnameiri hafa dregist saman um 13 prósent frá árinu 2007 en tekjur hinna efnaminni um 8 prósent. 

Var í fréttum RÚV núna um hádegið

Versnandi afkoma afleiðing „ofurskattastefnu“

Það var ógleymanleg stund í sjónvarpsfréttum 2009

 

• Þegar forsætisráðherra svía og þá verandi formaður sænska íhaldsflokksins hratt Bjarna Benediktssyn frá sér eins og hverjum öðrum óþverra, er hann reyndi að ávarpa hann. Bjarni byrjaði mál sitt á skandinavísku og las upp af blaði er ruglaðist í ríminu og hrökk í íslenskuna.
• 
  
• Þetta var þegar Bjarni Benediktssn ætlaði að sýna hinni íslensku þjóð í hversu miklum metum hann og Sjálfstæðisflokkurinn væri á Norðurlöndum.

 

Á sama hátt verður orðræða Illuga tæpast tekin alvarlega eftir vinnubrögð og raunveruleg bolabrögð hans á Alþingi eftir að hann kom þar inn eftir hléið. Mál Illuga hefur enn ekki verið tekið fyrir af sérstökum saksóknara. Kanski sleppur hann vegna þess að það er svo mikið annríki hjá saksóknaranum.

E.t.v. beitir Sjálfstæðisflokkurinn sér fyrir því, að embætti sérstaks saksóknara verði aflagt hið bráðasta. Þessum flokki hentar hægfarakerfið ágætlega og einnig þeim aðilum sem halda þessum flokki á floti fjárhagslega.

Það er fullkomlega eðlilegt að fráfarandi ríkisstjórn léti ekki aðila eins og AGS kúga sig í almennar íhaldsaðgerðir, samtök atvinnurekenda reyndu að ræna völdum með svonefndum „Stöðugleikasáttmála“ .

ASÍ er eru því miður alvarlega klofin samtök og atvinnurekendur eiga þar veruleg ítök í samtímanum. Byggingageirinn vildi fá stórframkvæmdir sem hefðu gengið gegn stefnu stjórnarflokkanna og gegn hagsmunum láglaunafólks í landinu. Ekki síst gegn getu ríkissjóðs til að kosta framkvæmdir í þágu erlendra t.d. álvera.

Núverandi ríkisstjórn lét það ekki eftir sér, að varpa vandamálinu algjörlega á herðar launamanna eins og Sjálfstæðisflokkurinn hefur alltaf gert við slíkar aðstæður. Núverandi kreppa er ekki fyrsta kreppan sem íslenskr launamenn hafa upplifað. Þær hafa verið á ca. 10 ára fresti.

Bara svo rifjuð sé upp kreppan á 7. áratugnum. Enn erum við launamenn að borga lífeyrissjóðaskattinn sem ríkisstjórn Bjarna Benediktsson (eldri) lagði bara á launamenn í landinu.

Sú aðgerð er mesta lífskjaraskerðing sem íslenskir launamenn hafa þurft að bera. Raunar allar götur frá 1. janúar 1970. Nú er þessi flati skattur frá 14,5% öllum launamanna í landinu. Þetta var gert þrátt fyrir árlegar stór gengisfellingar, jafnvel árið yfir 100%.

 

• En sumir vinir Illuga einkum í útgerð þurfa ekki að greiða slík gjöld og sleppa raunar einnig við að greiða útsvör til sveitarfélaganna og greiða sáralítinn tekjuskatt eða 20% af nettótekjum á meðan launamenn greiða sína skatta af fullum brúttólaunum. Þ.e.a.s. greiða skatta af þeim tekjum sem fara í skattagreiðslur m.a.
• Hann er greinilega á þeirri skoðun, að fella eigi úr gildi lög Sjálfstæðisklokksins um gjaldeyrishöft með ákomnum viðbótum hið snarasta. Með tilheyrandi gegnisfellingu og lífskjaraskerðingu. Fyrir slíkri kollsteypu hafa flokksmenn Illuga talað og sérstaklega margir fjárhagslegir stuðningsaðilar flokksin.

 

Skynsamari en Steingrímur telur

Opinber starfsmaður

Það sem vekur athygli auðvitað, að svo virðist sem Margrét Thatcher einn þekktasti boðberi frjálshyggjunar hafi alla ævi lifað á opinberri framfærslu. 

Annað hvort sem oinber starfsmaður og eða sem einstaklingur á opinberum eftirlaunum og mun nú fá rándýra útför á kostnað breska ríkisins.

Þetta virðist einnig vera hlutskipti sterkustu boðbera frjálshyggjunnar á Íslandi.

Þetta fólk er e.t.v. ekki gjaldgengt á opnum vinnumarkaði, ekki veit ég um það. 

Reisa safn til heiðurs Thatcher

Lýðskrumið blívur

 

• Getur fólk brauðfætt sig með kosningaloforðum einum saman?
  .
• Getur fólk losað sig við skuldaklyfjar með kosningaloforðum einum saman?

 

Nú eins og oft áður reyndar hefur Framsóknarflokkurinn slegið enn eitt metið í kosningaloforðum. Nú ber svo við að flokkurinn hefur aukið vinsældir svo að þær fara nú með himinskautum. Það sérkennilega er, að Sjálfstæðisflokkurinn hefur einnig sett fram gríðarleg loforð en almenningur virðist hunsa þau.

Fjölmargir sérfræðingar og raunar allir aðrir forystumenn stjórnmálaflokkanna hafa bent á þá staðreynd að loforð Framsóknarflokksins geti aldrei gengið upp og séu bara sjóhverfingar  og lýðskrum.

Flokksforinginn Sigmundur Davíð hefur strax frá því hann setti fram þessi kosningaloforð algjörlega hafnað því að rökræða það hvernig hann ætlar að framkvæma þetta loforð.  Hann hefur aðeins sagt að það verði gert í samráði með öðrum flokkum.

„Tvö af loforðum Framsóknarflokksins snúast um að afnema verðtryggingu húsnæðislána og að nota um 75 prósent af um 400 milljarða krónueign erlendra aðila hér á landi til að afskrifa skuldir íslenskra heimila um 300 milljarða króna. Framsóknarflokkurinn reynir með þessum tveimur loforðum að spila á þann hluta almennings sem stendur illa eftir efnahagshrunið 2008“.

Hér er þegar byrjað að draga í land með þessi loforð:
„Þingflokksformaður Framsóknarflokksins, Gunnar Bragi Sveinsson, sagði um miðjan mars, aðspurður um afnám verðtryggingarinnar, að loforð flokksins snérist ekki um að afnema verðtrygginguna á lánum sem nú þegar hafa verið tekin heldur á lánum framtíðarinnar.
Gunnar Bragi sagði: „Er hægt að afnema verðtrygginguna afturvirkt? Það er nákvæmlega það sem við verðum að skoða. Það hefur enginn sagt að það eigi að afnema verðtrygginguna af lánum afturvirkt.“

Hér má greinilega sjá þennan orðaleik sem Sigmundur Davíð ber á borð fyrir kjósendur og enginn fótur er fyrir þessu barbabrellum.

Einn af frambjóðendum flokksins, Frosti Sigurjónsson, gekk hins vegar lengra en Gunnar Bragi í grein í lok mars þar sem hann sagði að erfitt væri um vik að afnema verðtryggingu á lánum sem nú þegar hafa verið tekin. „Meira mál er að afnema verðtryggingu á núverandi húsnæðisskuldum heimilanna. Ef öll ný lán væru óverðtryggð og ekkert annað gert, þá myndu ­umskiptin líklega gerast af sjálfu sér á einum eða tveim áratugum.“ 

Framsóknarflokkurinn virðist því vera meðvitaður um flokkurinn getur ekki afnumið verðtryggingu afturvirkt á húsnæðislánum sem þegar hafa verið tekin. Þess vegna snýst afnám verðtryggingarinnar ekki um leiðréttingu á verðtryggð-um lánum núverandi kjósenda sem tekið hafa slík lán heldur um það að reyna að koma í veg fyrir fólk taki slík lán í framtíðinni.

Nú þegar eru flest húsnæðislán lánum með óverðtryggðum lánum og þá bregður svo við að það eru aðeins vel efnað fólk á háum launum sem getur ráðið við slík lán.

Hér er pistill sem sýnir möguleikana á því að nota sömu krónurnar tvisvarhttp://blog.pressan.is/vthorsteinsson/2013/03/27/upphlaup-framsoknar-eda-alvoru-lausnir/

Framsókn fengi 10 þingmenn í NA- og S-kjördæmi