Góð og þörf ábending biskups

• Leiðtogi kristinna manna var flóttamaður frá fyrsta degi lífs síns.

Við sem reynum að vera kristin trúum á boðskap Jesú. Boðskapurinn boðaði þáttarskil í heiminum þegar hann var settur fram fyrir u.þ.b. 2000 árum.

Íslendingar hafa státað sig á því í gegnum árin að íslensk lög beri í sér sterk áhrif frá þessum boðskap. Því er það eðlilegt að biskupinn láti í ljós skoðun sína á lögum sem hægt er að túlka með jafn ókristilegum hætti og gert var með aðförinni að þessu fólki um hánótt.

Þegar verkalýðshreyfingin varð til fyrir liðlega hundrað árum  á norðurlöndum, varð þessi boðskapur strax kjarninn í réttlætiskröfum verkafólks.

Almenningur hafði ekki annað til að byggja á.

Það hefði mörgum þótt sérkennilegt, ef biskup hefði ekki látið þetta alvarlega og miskunarlausa atvik til sín taka og það á aðventunni.  Væntanlega verður þetta mál til umræðu í messum næsta sunnudag.

Takk fyrir Agnes

Gleymir mannúð og mildi

Athugasemdir

[Anna Sigríður Guðmundsdóttir, 12.12.2015 kl. 00:13]

Kærleikans boðskapur verður aldrei skilyrtur né forræðishyggju-stýrður. Það ætti biskup Íslands að vita betur en allir aðrir.

En ekki virðist biskup Íslands skilja né vita hvernig raunverulega kærleikstrúin virkar í samfélagsins raunveruleika, og það er verðugt umhugsunarefni fyrir allt samfélagið?

Það er ekki hlutverk biskups að safna peningum fyrir ábyrgðarlausa og stjórnenda-yfirlæknastýrða yfirlækna-okurlaunaheimtufrekju.

M.b.kv.

[Kristbjörn Árnason, 12.12.2015 kl. 11:43]

En þú veist auðvitað miklu betur um það. Ekki bara það, þú ert auðvitað svo miklu betri sjálf.