Nú fljúga samsæriskenningarnar

• Það er ljóst, að hægrimenn munu reyna að endurskapa söguna eftir eigin hag og eru þegar byrjaðir að senda frá sér bækur sem ég veit ekki hver kostar
  .
• Þótt Álfheiður Ingadóttir hafi staðið í glerganginum og að aðili eins og ég hafi veifað henni þegar einn fundurinn var, er nú að gera úlfalda úr mýflugu að halda því fram að þá hafi hún stjórnað einhverju sem fram fór.

Það er greinilegt að fyrrverandi forsætisráðherra Geir Haarde eltist við og býr sjálfur til samsæriskenningar ef þetta er rétt eftir honum haft. Mér finnst þetta bara vera ótrúlegt að hann hafi látið þetta eftir sér fara. Ég taldi hann miklu meiri mann en þetta og yfir slíkt slúður hafinn að standa í slíkri lágkúru.

Við erum margir vinstrimenn í þessu landi sem fögnum því að fundirnir á Austurvelli hafi orðið til þess að ríkisstjórn Geirs Haarde hafi hrökklast frá völdum. Það var full þörf á því að sú stjórn færi frá völdum. Sérstaklega hafa félagar í Samfylkingunni kjósendur þess flokks fagnað.

Á bak við þessa fundi stóðu engir stjórnmálaflokkar og alls ekki VG. Þá er það bara staðreynd, að Álfheiður þó ágæt sé hefur hún ekkert slíkt fjöldafylgi og vægi meðal fólks að hún hafi getað staðið á bak við slík mótmæli. Álfheiður hefur alltaf verið umdeild í flokkum vinstrimanna án þess að eiga það skilið. Enda var Ingibjörgu Sólrúnu ekki vært í flokknum eftir þetta.

Þá verður alls ekki framhjá litið, að þessa fundi sótti gríðarlegur fjöldi félagsmanna og kjósenda Samfylkingarinnar sem fannst réttilega að flokkurinn hefði svikið þau megin stefnumið flokksins sem var að vera í andstöðu við Sjálfstæðisflokkinn.

Menn mega ekki gleyma því að Sjálfstæðisflokkurinn og þingmenn hans höfðu skömmu áður verið afhjúpaðir fyrir að þiggja gríðarlega styrki frá fyrirtækjum og hagsmuna aðilum. Flokkurinn hefur eflaust tekist á við þau vandamál.

Menn geta ekki litið framhjá fundinum sem var fyrir utan Þjóðleikhúskjallarann þar félagar og kjósendur Samfylkingarinnar kröfðust þess að flokkurinn sliti þessu samstarfi.  Þessi Stefán Gunnar Sveinsson fer með skáldskap þegar reynir að ata Álfheiði auri hvað þetta varðar.

Ég er t.d. viss um, að ef ég hefði verið staddur í Alþingishúsinu þetta kvöld hefði ég verið spenntur fyrir því sem var að gerast utan dyra og hefði ekki látið bannað mér að fylgjast með.

Ef Álfheiður hefur kallað manninn titt í hita leiksins hlýtur hann að hafa verið það.  Blessuð sé minning hans, ég er s.s. óttarlegur tittur einnig.

Þá held ég að það megi gjarnan koma fram, að á þessa mættu fjölmargir sem nýttu sér athyglina sem þeir fengu til að vera með skrílslæti.

Þessir krakkar skemmdu mikið fyrir þessum fundum sem áttu að fara friðsamlega fram eins og þeir raunar gerðu að mestu leiti. Það voru t.d. fundarmenn sem fóru í vörn fyrir lögreglumenn þegar þessi vínbaraskríll réðist á lögregluþjónanna.

Ég mætti á flesta þessa formlegu fundi, skrílslætin höfðu ekkert með þessa formlegu fundi að gera og ég ítreka að þeir skemmdu fyrir mótmælafundunum 

„Farðu bara lífvarðatitturinn þinn“

Athugasemdir

[Tómas (IP-tala skráð) 13.3.2013 kl. 18:13]

Þú ert bara sjálfur að reyna að endurskrifa söguna.

 Sbr:  "Ég er t.d. viss um, að ef ég hefði verið staddur í Alþingishúsinu þetta kvöld hefði ég verið spenntur fyrir því sem var að gerast utan dyra og hefði ekki látið bannað mér að fylgjast með. "

 ..já já, blabla. 

[Anna Sigríður Guðmundsdóttir, 13.3.2013 kl. 18:40]

Kristbjörn. Múgæsingur og dómstóll götunnar hefur skapað miklar hörmungar fyrir fjölda fólks. Ég tek ekki þátt í svona togstreitu án réttláts dóms og laga!

Vandamálið er að á Íslandi er ekki virkur og réttlátur dómstóll, og það vita allir.

Einungis bankaræningjar og miljónamæringar geta leitað réttar síns til dómstóla á Íslandi. Það er stóra vandamálið. Þess vegna þarf fólk að horfa inn á við, til sinnar kærleiksríku réttlætistilfinningu, og standa með raunverulega réttlætinu sem byggist á náungakærleika.

Sannur náunga-kærleikur er ókeypis, trúarbragða-óháður, og ó-flokksbundinn.

M.b.kv.

[Kristbjörn Árnason, 13.3.2013 kl. 19:00]

Það er rétt hjá þér

Það er rétt að minnast á það, að Geir Jón fyrrum yfirlögregluþónn og núverandi frambjóðandi Sjálfstæðisflokksins á Suðurlandi var oftar en ekki staddur á þessum vettvangi og haft er eftir honum í sjónvarpi að Ríkislögreglustjóri hafi falið honum að gera skýrslu um hegðun þingmanna VG á Alþingi þessa daga þegar fundir voru á Austurvelli og eins þegar fólk þusti af vínbörum miðborgarinnar og var með ólæti við Alþingishúsið sem ekki var skipulagt af Herði Torfasyni.

Spurningin er auðvitað áleitin um hvers vegna voru þá ekki allir alþingismenn undir eftirliti en ekki bara þingmenn VG. Enginn þingmaður VG hefur gerst brotlegur við íslensk lög svo vitað sé. En aðrir þingmenn sem voru á þingi á þessum tíma og eru jafnvel enn hafa verið dæmdir samkvæmt hegningalögum.

Ekki verður sagt að þingflokkur VG sé fullur af fasistum og eða byltingasinnum. Allir þingmenn sem hefðu orðið vitni af því að þeir væru undir sérstöku eftirliti en ekki aðrir þingmenn hefði brugðið við.

Þessi ákvörðun ríkislögreglustjóra sem ég efast um að hann hafi beðið um er auðvitað mjög alvarlegt lögbrot ef hún hefði verið framkvæmd og raunar stjórnarskrárbrot.

Ég hef alltaf verið á þeirri skoðun að guðsmaðurinn hafi logið því til í sjónvarpi þegar hann sagðist vera að skrifa sérstaka skýrslu um atferli þingmanna VG á meðan að fundirnir á Austurvelli stóðu yfir fyrir Ríkislögreglustjóra og embætti hans.

Það er 100% öruggt að embættismaðurinn viðurkennir aldrei að hann hafi beðið guðsmanninn um slíka skýrslu atferli þingmanna bara í einum þingflokki

[Kristbjörn Árnason, 13.3.2013 kl. 21:46]

Það kemur ekki á óvart að höfundur bókarinnar er Sjálfstæðismaður og blaðamaður á Morgunblaðinu

Athygli vekur að Stefán Gunnar Sveinsson, höfundur bókarinnar sem um ræðir, er blaðamaður á Morgunblaðinu auk þess sem hann er virkur í Sjálfstæðisflokknum.

Hefur hann meðal annars boðið sig fram til trúnaðarstarfa fyrir flokkinn og unnið með Sambandi ungra sjálfstæðismanna að gerð kvikmyndar um Davíð Oddsson, ritstjóra Morgunblaðsins og fyrrverandi formann flokksins.

Þá er Stefán Gunnar einnig þekktur fyrir skrif sín um Hafskipsmálið svokallaða þar sem hann var á launum frá Björgólfi Guðmundssyni við skrif bókarinnar „Afdrif Hafskips Í boði hins opinbera

[Gunnvör Rún (IP-tala skráð) 13.3.2013 kl. 23:28]

Var Ingibjörg Sólrúnu Gísladóttur ekki vært í flokknum? Hvað segir það um Samfylkinguna? Hún er öflugasti leiðtogi til vinstri á síðustu áratugum, sú manneskja sem hefði getað skapað samstillta og öfluga vinstristjórn en ekki þá sundruðu óstjórn glataðs tækifæris sem nú blasir við.

Hvað er í gangi þegar sagt er að henn sé ekki vært í flokki? Segir mér að að eitthvað meira en lítið hafi verið að.

[Ásgeir (IP-tala skráð) 14.3.2013 kl. 16:39]

Kristbjörn, þú ættir að lesa bókina "Íslenskir kommúnistar". Þar kemur margt fróðlegt fram um byltingastarfssemi/ofbeldisverk íslenskra kommúnista/vinstrimanna fyrr á tímum. Það sem er að koma í ljós núna er ekkert nýtt um vinstrimenn. Upp til hópa er þetta öfgafólk og illa innrættir einstaklingar. Álfheiður sjálf fékk ofbeldisboðskap Karls Marx með móðurmjólkinni (eða þurrmjólkinni) og er alin upp á blóðpeningum frá Sovíetríkjunum og situr enn á þeim peningum.

En hvað sem allri ofbeldis- og kúgunarhyggju vinstrimanna líður, skulum við sameinast í því að vona að dagar vinstrimann í stjórnmálum á Íslandi og í heiminum öllum verði senn á enda. Vertu velkominn í raðir okkar hægrimanna Kristbjörn!

[Kristbjörn Árnason, 14.3.2013 kl. 22:01]

Það er nú lágmarkið að þú skrifir undir nafni svo maður viti hver þú ert elsku kallinn minn.

Það má vel vera að þú teljir þig vera hægri mann sennilega af þekkingarleysi einu saman. Það er mjög mikilvægt, að þegar maður les nútíma sögum landsins að maður viti hverskonar höfundur skrifar og gæti þess að lesa bækur sem breiðistum grunni. Það vill svo til að ég hef fylgst mjög vel með stjórnmálum frá 1960 og ég þekki ekki þessi ofbeldisverk sem þú talar um.

Ef þú skrifar aftur með þessum hætti án þess að segja raunverulega til nafns loka ég bara á þig.

Guð veri með þér Ásgeir,

[Ásgeir (IP-tala skráð) 15.3.2013 kl. 10:39]

Sæll Kristbjörn, Ásgeir er mitt raunverulega nafn og þér er að sjálfsögðu frjálst að loka þínu bloggi eins og þú telur best.

Bækur um vinstrimennskuna á Íslandi sem ég hef lesið og mæli sérstaklega með eru "Íslenskir kommúnistar", "Sovét-Ísland, óskalandið" og "Appelsínur frá Abkasíu". Það er í raun ekkert skrítið hvað kommúnismi/sosíalismi náðu sterkum rótum á Íslandi á 20. öldinni með áróðri virtra rithöfunda sem voru nánast teknir í guðatölu eins og Halldórs Laxness og Jóhannesar úr Kötlum, sem töluðu um að skjóta ætti hinn og þennan og vildu ekkert kannast við morð og hungursneiðir í draumalöndum kommúnista.

Ég hef svo nýlega lesið Kommúnistaávarpið í þýðingu Sverris Kristjánssonar; þvílíkur fáránlegur texti og ofbeldisáróður! Sá sem fær þann boðskap í vöggugjöf er svo sannarlega illa innrættur!

Ef þú vilt ekki kannast við neitt ofbeldi tengt vinstrimönnum yfir höfuð ættirðu að lesa "Svartbók kommúnismans". Hefurðu annars lesið nokkuð gagnrýnt efni um þessa helstefnu og kúgun sem vinstrimenn aðhyllast?

Að lokum, aldrei, aldrei gleyma að Adolf Hitler og meðbræður hans voru miklir sosíalistar. Það er bara heppni að Hitler kaus af fara í stríð við Stalín í stað þess að sameinast kommúnistum eins og sumir áhrifamenn í Nasistaflokknum vildu. Þá væri margt öðruvísi umhorfs í veröldinni.

Takk fyrir Kristbjörn, Guð veri mér þér einnig.

[Kristbjörn Árnason, 15.3.2013 kl. 15:15]

Þetta er góður texti hjá þár Ágeir og ég þakka þér fyrir hann. Í mínum huga grasseraði fasisminn í allri Evrópu fyrir seinna stríð og mínum huga voru stjórnendur Sovétríkjanna einnig fasistar.

Ekki nægir að kalla sig fögrum nöfnum þegar athafnir þeirra segja allt annað.

Í mínum huga er nákvæmlega ekkert skylt með hugmyndum vinstri manna t.d. á Íslandi og þeirra sem kalla sig kommúnista og dýrkuðu Sovétríkin.

Það sama má segja um fjölmörg önnur ríki, þar hefur svipaður fasismi ríkt nægir að nefna Kína, N-Kórea og í Bandaríkjunum einnig og í Ísrael svo eitthvað sé nefnt. Þa´sleppi ég auðvitað Spáni, Potugal og Ítalíu.

Þess vegna segi ég, að nauðsynlegt er að meta sjálfur og viða að sér upplýsingum úr öllum áttum.

kveðja