Hrein móðgun við forsætisráðherrann

•  Algjör lágmenningarlákúra í sjónvarpinu
  .
•  Nú kemur í ljós að setja verður ábyrga stjórn yfir RÚV. 

 

Eftir að hafa hlustað á tæra þjóðmenningaræðu landföðurins í kvöld þar sem hann segir okkur íslendingum að við séum bestir.  Að íslendingar beri af öðrum þjóðum á vitrænan hátt, að við séum sterkastir og fallegastir.

 

Við eigum langbesta vatnið í heimi, við eigum lang langbesta fiskinn og albesta lambakjötið, bestu bændurnar, bestu sjómennina og bestu úgerðarmenn jarðarinnar . 

• Það erum við einir íslendingar sem erum tandurhreinir og tærir aríar.

 Síðan býður sjónvarpið okkur þessu úrvalskyni allra manna upp á þvílíkt lágmenningar bull á sjálfum 17. júní,  þjóðhátíðardeginum og fæðingardegi fyrsta framsóknarmannsins Jóns Sigurðssonar frá Hrafnseyri. 

Það er ekki við þessa drengi að sakast sem klömbruðu saman þessari mynd þar sem þeir geta ekki gert betur grei--in. Í myndinni er reynt að gera lítið úr hámenningu sveitafólksins á Íslandi þar fyrir koma fjölmörg fyrirmyndar félagsheimili er byggð voru samkvæmt hugmynd Jónasar frá Hriflu.

Það er eins og útvarpsstjórinn hafi ekki verið að hlusta á ræðu forsætisráðherrans sem honum er að sjálfsögðu skylt sem opinber starfsmaður. Ráðherrann hafði áhyggjur af því einmitt að myndast hefði stéttarskipting milli fólksins í höfuðborginni og fólksins á landsbyggðinni. Hann birtir síðan þetta bull í 11. sinn.

Upptendraður af þjóðernisræðu þjóðmenningarráðherrans átti maður von á því að fá sjá verulega vandaðan þjóðmenningarþátt þar sem hreinleika þjóðarinnar yrði gert hátt undir höfði. Þar sem væri einnig lofræða um Bessastaðabóndann sem á spúsu sem býr í öðrum löndum.

 

• Ég verð að segja fyrir mig, þetta er auðvitað hneyksli, algjört þjóðmenningarslys og hrein móðgun við þjóðmenningarráðherrann

 

Evrópusambandið þarf að sanna sig