Ef einhver grautur er klassískur í framboði til borgarstjórnar

 

• Eru það auðvitað framboð gömlu hægri sinnuðu valdaflokkanna í landinu sem eru auðvitað Sjálfstæðisflokkur  og Framsókn.

 

 
Áhyggjufullur þingmaður

Samfylkingin og Visnstri grænir eru ekki nema 12 ára gamlir flokkar  og hafa ekki einu sinni náð fermingaraldri. Það eru einu vinstri flokkarnir sem eru í framboði. Það eru flokkar sem hafa sannað sig undanfarin ár.

 

Hin framboðin þessi nýju sem Brynjar hefur með réttu miklar áhyggjur af eru raunverulega miðjuflokkar mismunandi hægri sinnaðir sem munu innan tíðar þurrka upp allt fylgi Framsóknarflokksins í Reykjavík og víðar á suðvestur horni landsins.

Þeir munu einnig taka mikið fylgi af Sjálfstæðisflokknum enda er flokkurinn með vonlausa frambjóðendur  í efstu sætum og oddvita sem leynt og ljóst vinnur fyrir hagsmuni atvinnurekenda á landsbyggðinni ef þeir eiga flugvél.

 

• Sjálfstæðismenn kjósa ekki vinstri flokkanna .
• 
  
• Vinstri menn munu aldrei kjósa Sjálfstæðisflokkinn.

 

Klassískur grautur og kennitöluflakk

Athugasemdir

[Predikarinn - Cacoethes scribendi , 13.5.2014 kl. 14:43]

Síðan hvenær er Framsókn HÆGRI flokkur ? ? ?

Haldir þú því fram - hver eru þá stefnumál hans sem eru hægri ? Hafur ávallt verið vinstri flokkur sem hallar sér inn á miðjuna annað slagið til að geta átt samstarf með sjálfstæðisflokknum.

[Kristbjörn Árnason, 13.5.2014 kl. 15:24]

Gott væri nú að vita hver það er sem felur sig bak við mynd af krossfara. Kanski er hann af kyni illfygla. Framsóknarflokkurinn er löngu hættur að vera miðjuflokkur við miðju íslenskra stjórnmála. Hann er svo mikill hægri flokkur að margir félagar Sjálfstæðisflokknum roðna við tilhugsunina að starfa með þessum flokki.

Þeir kalla þó ekki allt ömmu sína í þessum efnum.

Flokkurinn kallar sig miðjuflokk en er það ekki.

Það sama á við um kommúnistaflokkinn í Rússlandi. Hann kallaði sig fögrum nöfnum og kenndi sig við alþýðuna og sagðist vera vinstri flokkur. En sá flokkur var ekkert annað en fasistaflokkur undir stjórn Stalíns.

[Predikarinn - Cacoethes scribendi , 13.5.2014 kl. 15:49]

Brandari aldarinnar að kalla Framsóknarflokkinn hægri flokk !

Hitt kann að vera að innan um séu einstaklingar flokksbundnir þar sem eru hugsanlega ekki rétt staðsettir og eru til hægri við stefnu hans eða mikið meira til vinstri en stefna hans.

Það er eins og Arnþór Helgason kínakommi var einhvern tímann flokksbundinn þarna. Sömuleiðis Ólafur Ragnar Grímsson.

Nei Framsókn er ekki hægriflokkur ef lesin er stefnuskrá hans og hugsjónir - langt því frá. Þeir halla sér stundum að miðjunni til eins og fyrr er sagt en hann er samt í stefnumálum og hugsjónum vinstra megin miðju.

[Halldór Þormar Halldórsson, 13.5.2014 kl. 15:59]

Framsóknarflokkurinn sveiflast eftir því hvað er best fyrir flokkinn, allt frá því að vera töluvert vinstri sinnaður eins og hann var þegar Eysteinn Jónsson var formaður hans og síðar dálítið hjá Steingrími og Guðna, yfir í að vera harðasti einkavæðingar og kapítalistaflokkur sem sést hefur í Íslenskum stjórnmálum. Það var flokkurinn þegar Halldór Ásgrímsson rak stefnu hans.

Það hefur lengi loðað við flokkinn að vera opinn í báða enda og það er oft stutt á milli þeirra. Stundum virðist flokkurinn ekki bara vera opinn í báða enda, heldur opinn á milli eyrna.

Reyndar er rétt að geta þess að kínverski kommúnistaflokkurinn er mjög lýðræðis- og framfarasinnaður ef stefnuskrá hans er skoðuð.

[Kristbjörn Árnason, 13.5.2014 kl. 16:14]

Ef þú skoðar feril flokksins síðusu áratugina og skoðar hverskonar mál hann styður og beitir sér fyrir er þetta greinilegt. Hann er t.a.m. hagsmunagæsluflokkur aðila sem njóta fríðinda í landinu.

Sem dæmi: Stórbændur og fyrirtæki þeirra og hagsmunasamtök, Stórútgerðin einkum þeir sem eru aðilar að LÍÚ. Þá má ekki gleyma erlendum stóriðjufyrirtækjum en þessi flokkur hagsmuni þeirra framyfir hagsmuni landsmanna.

Það eru engir vinstrimenn sem stjórna í Kína, það eru augljóslega fasistar af verstu gerð sem þar ráða lögum og lofum. Þú ættir að kynna þér hvernig innviðir þess samfélags er og hver staða almennings er í því landi. Þú ættir einnig að skoða landvinningastefnu Kína.

Ólafur Ragnar var aldrei vinstri maður í raun, það lengsta sem hann þróaðist til vinstri í stjórnmálum er að verða þokkalegur miðjumaður. Ég ætti að þekkja stefnu ÓRG býsna vel eftir að hafa starfað með honum um langt árabil. En Búbba var vinstrimaður.

Hann Hriflu Jónas vildi að þessi flokkur yrði félagslegur miðjuflokkur og flokkurinn var það lengi gerði góða hluti. Hann var í raun samvinnuflokkur rétt eins og þeir rússar sem felldu rússnenska keisarann. En fasistinn Stalín náði fljótt völdum.

Líklega hefur samvinnuhreyfingin sem var ekki vinstri sinnuð hreyfing síðustu áratugina breytt Framsóknarflokknum og gert hann að þessum flokki sem hann er. Það er ekki þessi gamla stefnuskrá sem gerir flokkinn að þeim félagslega miðjuflokki sem þú vilt að hann sé. Svona rétt eins og ég. En það eru verkin sem tala og áherslur flokksins þegar hann tekur afstöðu í stórum málum.

Flokkurinn var á tímabili alvarlegur þjóðernisflokkur og ber keim af því enn þótt það verði ekki séð á þessari glansmynd sem stefnuskráin er.

Menn geta sagst vera kristnir og krossað sig með annari hendi en eru síðan sjálfvirkt morðtól til að drepa fólk í hinni hendinni. Í mínum huga er slíkur maður ekki kristinn og ef hann tilheyrir samtökum og hann gerir þetta í þeirra umboði eru það ekki kristin samtök þótt þau segjast vera það.

Kær kveðja, þetta er nú orðið gott. Mundu að þú ert að rökræða við mig sem nafnlaus aðili.

[Lísa (IP-tala skráð) 17.5.2014 kl. 09:05]

Brynjar Níelsson er ekki kristinn og Framsóknarflokkurinn er ekki vinstri flokkur. Predikarinn skal átta sig á því að þó mörg svikin loforð framsóknarflokksins hafi verið í anda vinstristefnunnar þá er það ekkert annað en lygar og fals til að blekkja kjósendur (sama með yfirlýsingar Brynjars Níelssonar um að hann sé sko kristinn *hrollur*)