Reiknað er með öflugri sláturtíð í haust

• Eftir hrikalegan kosningaósigur í Reykjavík

Menn eru farnir að velta því fyrir sér hverjir verði leiddir til slátrunar og hverjir settir á . Ýmsir verktakar eru taldir koma til greina og þykir SS líklegasti aðilinn og þá án útboðs. 

 

En án gríns, borgarstjórnaflokkur Sjálfstæðisflokksins hefur verið molum eftir uppákomuna með REI og Vilhjálm hinn góða. Einnig eftir að almenningur var upplýstum um enn frekari afrek hans í rekstri hjúkrunarheimilis. 

Hanna Birna reyndi að breiða yfir sig sauðagæru en allt kom fyrir ekki, bellibrögð hennar urðu víðfræg um allt Ísland. Rétt eins og þegar henni mistókst að lokum að bola Bjarna greyinu frá formennsku í flokknum. Er sýndi svo ekki var um villst að hún var óhæf til forystustarfa og hakkavélin tók völdin. Það gerir hún jafnan er hún missir tökin á verkefnum sínum.

Eftir að enska fyrirbrigðið með barnsandlitið var hrakið brott var enginn eftir sem almenningur gat borið eitthvert traust til. Strákarnir sem eftir stóðu eru að sjálfsögðu óhæfir og konur voru hraktar í brott sem hefðu getað fegrað flokkinn.

Var fenginn í framboð landsbyggðarmaður sem flokkurinn hafði dubbað upp sem formann sambands sveitarstjórnanna í landinu. Drengur af réttum ættum sem alltaf hafði hlýtt öllum skipunum flokksforystunnar umyrðalaust. En maður alveg sviplaus og algjörlega laus við alla útgeislun. 

Í kosningabaráttunni tók hann upp gömul kosningamál að vestan sem höfðu gefist vel. Eins og t.d. flugvallarmálið. Hann virtist ekki átta sig á þeirri staðreynd að á bak við nafnasöfnun um flugvöllinn var nákvæmlega ekkert. 

Reykvíkingar vilja flestir einhverja lausn á staðsetningu vallarins og vita að völlurinn getur ekki verið þarna óbreyttur til frambúðar. En eru auðvitað eins og áður í öllum málum tilbúnir að hlusta á landsbyggðarfólk um lausn. Þá kom auðvitað í ljós að það var ekki almenningur á landsbyggðinni sem gerði kröfur um flugvöllinn heldur ýmiskonar rekstraraðilar.

Halldór hefur engin mál á sinni stefnuskrá annað en ýmis rifrildi frá gömlum átökum í flokknum. Allir eru á móti honum sem eru með honum í framboði, því allir vildu þeir leiða flokkinn í þessum kosningum. Allir héldu þeir að þeir væru hæfir til þess, en alla vantar þá útgeislunina sem maðurinn með barnsandlitið hefur svo sannarlega og sannaðist í sjónvarpinu.

Ég held að flestir þeir sem skipa efstu sætin á framboðssætin í Reykjavík verði látnir fjúka fljótlega og líklegir varamenn sem eru neðar á listanum verði virkjaðir og kynntir til leiks með sterkum bakstuðningi flokksins sem reynir að taka sig til í andlitinu.

En Davíð er enn að róta og hann verður erfiður. Ég óttast að hann verði keyptur með einhverri dúsu fyrir útgerðina. Hans laun komi frá LÍÚ síðar í einhverjum blíðuhótum.

 

Mikill stuðningur við Dag