Þak á leiguverð íbúða?

• Ég geri ráð fyrir að Katrín Jakopssdóttir setji þessa hugmynd eða spurningu á flot til umræðu.
  *
• Bæði til að vekja ítrekað athygli á skelfilegu ástandi í húsnæðismálum fólks á öllum aldri og einnig til að benda á, að finna verður lausnir.

Fólk sem býr í skuldlitlum og eða skuldlausum íbúðum sem keyptar hafa verið fyrir 30 árum ca.með húsnæðislánum.

Naut niðurgreiddra vaxtakjara þegar það keypti sínar íbúðir og þeir sem keyptu 15 árum fyrr óverðtryggðra lána í bullandi verðbólgu.

Fólkið t.d. í eldri einbýlishúsahverfum Mosfellsbæjar greiddu helmingi lægri vexti en fólk sem keypti félagslega íbúðir nokkrum árum síðar.

Auk þess sem fjölskyldur gátu dregið vaxtagreiðsur vegna húsnæðislána frá tekjuskattinum sem það annars átti að greiða. Svona fyrirgreiðsla kostaði peninga.

Við fyrstu sýn, væru hugmyndir Karínar Jakopsdóttur margfalt ódýrari fyrir samfélagið en stuðningur við íbúðakaupendur kostaði áður fyrr.

En auðvitað kosta allar svona hugmyndir peninga, því tæplega gefa húseigendur eftir tekjumöguleika sem þeir hafa af eignum sínum bótalaust. Einna nærtakst virðist vera að skoða vextina sem hvíla á eignunum.

Húseigandinn er reyndar að greiða lágmarksskatta af þessum tekjum sínum eða fjármagnstekjuskatt.

En til að hugsa í lausnum, þá dettur mér í hug að húseigendum sé boðið upp á að gera samning um að íbúð á hans vegum væri félagsleg íbúð í ákveðin árafjölda, t.d. 5 ár og samkvæmt ákveðnum reglum um ástand íbúðar og leiguverð . Enda væri íbúðin þá í útleigu að lágmarki í 5 ár fyrir sömu fjölskyldu nema eitthvað kæmi upp á.

Einnig gæti sveitarfélagið þar sem íbúðin er veitt einhvern afslátt af fasteignagjöldum. Í því sambandi verður að benda á, að íbúðareigandi greiðir ekki útsvar af leigutekjum, enda fjármagnstekjur.

Það yrði þá hlutverk þeirrar nefndar í sveitarfélögunum er annast húsnæðismál að annast milligöngu um þessi leigukjör á hverjum stað og leigumálin færi á milli nefndarinnar og húseigandans.

Hér er ekki fjallað um málið í smáatriðum heldur aðeins velt upp hugmynd að tímabundinni lausn , til umræðu.

 

Vill láta skoða þak á húsaleiguverð

Athugasemdir

[Guðmundur Ásgeirsson, 14.8.2015 kl. 16:22]

Það er rétt sem þú bendir á að til að hækka leiguverð þarf að lækka vexti (og þar með afnema verðtryggingu líka).

Rétta leiðin til að þaksetja leigu, er að koma á reglum um greiðslumat, samskonar og þeim sem nú gilda um neytendalán.

Slíkar reglur myndu koma í veg fyrir að hægt væri að krefjast hærri kostnaðar en leigjendur hafa efni á að borga.

Það myndi hinsvegar ekki boða gott ef ríkið færi að ákveða eitthvað sérstakt "ríkisverð" á leigu eins og Katrín leggur til.

[Kristbjörn Árnason, 14.8.2015 kl. 18:37]

Guðmundur ég lít svo á. að Katrín sé í raun að hugsa upphátt.  Vandamálið er stórt og mikið og þegar menn segja eitthvað til umhugsunar snertir það öll línuleg viðhorf. Vegna þess að svona hugmyndir kosta fé og ekki er hægt að féfletta menn. 

Þess vegna var ég að varpa upp hugsanlegri skammtímaleið sem gæti hugsanlega. komið að gagni ef allir væru tilbúnir að skoða málin. Skattaleiðin er ófær því þeir sem eru í rekstri greiða þegar mjög lága skatta miðað við launamenn. Slík leið leiddi bara til meiri ójöfnuðar í skattamálum og nógur er ójöfnuðurinn nú þegar.

En auðvitað þurfa allir sem að svona málum að sjá  einhverja hagsmuni í því. 

Síðan eru að fæðast nýjar hugmyndir sem betur fer. 

Ég læt ekki eignarhugtakið rugla mig, því eignir geta verið í margbreytilegu formi

kveðja

[Guðmundur Ásgeirsson, 14.8.2015 kl. 19:30]

Reglur um greiðslumat kosta ekki neitt nema frumvarp og 32 þingmenn eða fleiri sem ýta á JÁ takkann.

[Kristbjörn Árnason, 15.8.2015 kl. 00:02]

ég held að það sé ríflegur meirihluti á Alþingi fyrir slíkum breytingum og þér að segja er ég hlynntari því að fólk eignist sínar íbúðir. En til þess að svo megi verða verður að breyta lánareglum.

Mér finnst einnig í lagi að ungt fólk með börn og nýkomið úr námi njóti betri vaxtakjara fyrstu 10 árin t.d. en það yrði auðvitað að vera háð tekjum. 

En fólk sem fer leiguleiðina þarf að njóta samsvarandi kjara. 

Það er einfaldlega ódýrasta og mannlegasta leiðin til að tryggja það að fólk geti öðlast sjálfstæði. Það er kominn tími til þess að setja fólkið í forgang á kostnað bankakerfisins