Eins og ljótur sósublettur á hvítum skyrtuflibba

• Kallinn baðst afsökunnar, en málefnið beið ekki hnekki og það er aðal atriði málsins.
  *
• Nú er að nálgast 60 þúsund kjósendur sem hafa skrifað undir þessa áskorun.
  *
• Sem eru miklu fleiri en hægt er að skrifa á einhvern einn flokk eða tvo.

Bæði þekktir og óþekktir aðilar frá öllum flokkum hafa formlega lýst yfir stuðningi við þetta framtak Kára.

Jafnvel ráðherrar sem í upphafi reyndu að gera grín að Kára hafa játað sig sigraða og lýst því yfir að þeir séu sammála Kára. 

Þrátt fyrir að Kári hafi beðist afsökunar með löngum og áferðafallegum orðum situr þessi lýsing á forsætisráðherranum eftir eins og hver annar ljótur sósublettur á flibba ráðherrans.

Bletturinn er kominn til að vera, vegna þess að allir vita að ráðherrann er allt of feitur og hefur verið að fitna síðustu tvö árin.

Þetta hlýtur að vera mikil raun fyrir ráðherrann. En þetta var í raun bara sjúkdómsgreining. Kári verður að gæta orða sinna því ofita er sérlega viðkvæmt mál og erfiðast er að fá svona skeyti beint framan í sig og það opinberlega. Breytir þá engu hversu hátt settur viðkomandi er. Gleymum því ekki, að Kári er læknir.

Það þekki ég svo sannarlega.

„Þessi skítur er á minni ábyrgð“

Athugasemdir

[Anna Sigríður Guðmundsdóttir, 7.2.2016 kl. 00:57]

Er þetta ekki bara fyrirfram skipulagður og vel fjölmiðlaæfður tveggja manna leiklistar-þáttur.

Skattrændir og launasviknir fátæklingar og sjúklingar af öllum tegundum og á öllum aldri, borga svo fyrir leikritið fjölmiðlaða?

Þurfum við ekki að vera á varðbergs-vaktinni, svo við verðum ekki hvítflibba-blekkt og sjóðarænd enn dýpra en fyrir 8 árum síðan?

M.b.kv.