Mogginn stendur með sínum mönnum

• Eins og hann hefur ætíð gert alla þá áratugi sem ég fylgst með kjarabaráttu á Íslandi
  
  þá stendur Morgunblaðið alltaf með atvinnurekendum.

Það er algjört einsdæmi á Íslandi síðustu áratugina að yfirmenn í fyrirtækjum og eða eigendur láti sér detta í hug að ganga í störf  starfsmanna sem eru í verkfalli.

• Það er ekkert smekklegt við verkfallsbrot,
  
  jafnvel þótt stórfyrirtækið hafi einn sýslumann í vasanum

Aumt er hlutverk Ketils skræks, nei fyrirgefið Ólafs Teits blaðafulltrúa Rio Tinto og annarra yfirmanna  að þurfa að hlýða í einu fyrirmælum erlendis frá.

Þetta fólk gerir þetta tæplega launalaust. Síðan er það lýsis konan sem væntanlega hefur vinnuvélaprófið sem hleypur til.  Árum saman hafa íbúar í Þorlákshöfn kvartað undan því fyrirtæki vegna ólyktar.  En það er ólykt af þessum vinnubrögðum öllum.

Orð Gylfa eru algjörlega viðeigandi, enda bæði sönn og sögð á kjarnyrtri íslensku:

„Það má segja að þetta sé dýr­asta og slak­asta lönd­un­ar­gengi í Evr­ópu. Þau af­köstuðu á ein­um degi svipað og al­vöru gengi í Straums­vík gerði á ein­um klukku­tíma,“ seg­ir Gylfi og nefn­ir sér­stak­lega „millj­óna­drottn­ing­arn­ar“ Rann­veigu Rist, for­stjóra Rio Tinto Alcan á Íslandi, og Katrínu Pét­urs­dótt­ur, for­stjóra Lýs­is og stjórn­ar­manns í Rio Tinto. 

Nú þarf að láta reyna á samtöðuna erlendis og kanna hvort erlendir félagar geti ekki stöðvað uppskipun úr þessu skipi.  En í vestur Evrópu búa launamenn við miklu meiri verkfallsrétt en hér á Íslandi.

Innan tíðar þarf að kanna innlendar aðgerðir launa-manna almennt.  Vegna þess að þessi erlendi auðhringur er að ráðast á íslenska samfélagið og gegn íslenskum lögum og venjubundnum lagatúlkunum.

Mótmælir ósmekklegum ummælum

Athugasemdir

[Jón Valur Jensson, 5.3.2016 kl. 13:05]

Þú ættir að lesa Fréttablaðs-greinar Ólafs Teits Guðnasonar, fjölmiðlafulltrúa fyrirtækisins, um þessi mál, Kristbjörn, og ég vona, að það sé þér ekki ofviða að skilja hans ljósu rök og sláandi.

[Kristbjörn Árnason, 5.3.2016 kl. 17:54]

ég er ekki búinn að sjá blaðið kæri vinur. Fréttablaðið eða ,,365" hafa alveg sérstakt dálæti á rekstri svona fyrirtkja.