Ári síðar, 2008, tók Benedikt sæti í stjórn N1 og BNT fyrir frænda sinn Bjarna Benediktsson.,,Benedikt Jóhannesson, formaður Viðreisnar, hefur verið mikið í umræðunni síðustu daga vegna stjórnarkrepp-unnar sem ríkir hér á landi en Viðreisn virðist vera með öll spil í hendi sér varðandi stjórnarmyndum.
Jæja hópurinn birti þann 24.nóvember, myndband á Facebook síðu sinni þar sem tíu atriði eru talin upp varðandi Benedikt sem ekki fer mjög mikið fyrir í almennri umræðu.
Nefnir hópurinn þar að Benedikt hafi á sínum tíma verið uppnefndur „stjórnarformaður Íslands“ á því tímabili sem að hann var formaður Skeljungs og Eimskipa, þar sem hann sat í skjóli viðskiptafélaga sinna og frænda, bræðranna Benedikt Sveinssonar (föður Bjarna Benediktssonar) og Einars Sveinssonar, sem keypti Borgun í lokuðu ferli.
Á þeim tíma sem Benedikt sat í stjórn Eimskips leitaði hann stuðnings Björgúlfsfeðga við reksturinn. Það endaði með gjaldþroti nokkrum árum síðar.
Jæja bendir einnig á að Benedikt hafi verið stjórnar-formaður Skeljungs árið 1999, á þeim tíma sem að olíufélögin stunduðu ólöglegt samráð gegn almenningi.
Árið 2002 sat Benedikt í stjórn Burðaráss, félags sem að stóð að mikilli hagræðingu í útgerð. Í viðtali við DV sagði Benedikt að félagið ætlaði sér að „ná hámarks hagnaði út úr núverandi kvótakerfi“
Sama ár var hann einnig í stjórn Verslunarráðs, þann tíma sem að ráðið krafðist þess að ríkisstjórnin rannsakaði Samkeppnisstofnun vegna aðgerða stofnunarinnar í olíuverðsamráðsmálinu.
Ári síðar, 2003, stóð Benedikt í viðskiptum með hlutabréf í Skeljungi. Margir töldu það vafasama viðskiptahætti.
Hann var ávíttur af Kauphöll Íslands fyrir að standa illa að upplýsingagjöf og Fjármálaeftirlitið skoðaði málið. Það var sent til ríkislögreglustjóra til skoðunar vegna hugsanlegra brota á innherjareglum.
Þá skipaði heilbrigðisráðherra sem þá var í Sjálfstæðisflokknum, Benedikt sem stjórnarformann sjúkratrygginga árið 2007. Þar fékk hann það hlutverk að vinna að einkavæðingu heilbrigðiskerfisins.
Ári síðar, 2008, tók Benedikt sæti í stjórn N1 og BNT fyrir frænda sinn Bjarna Benediktsson, þegar Bjarni sagði sig úr stjórnum vegna stjórnmálaafskipta. Fjórum árum síðar varð að afskrifa 4,3 milljarða króna vegna gjaldþrots beggja félaga.
Benedikt átti einnig hlut í félaginu Gildruklettum ásamt Einari Sveinssyni, föðurbróður Bjarna Benediktssonar, sem varð gjaldþrota árið 2013. Félagið fékk 500 milljóna króna lán hjá Sparisjóði Keflavíkur en síðar fékkst ekkert upp í 650 milljóna kröfur í þrotabú Gildrukletta.
Að endingu segir í myndbandinu að Benedikt hafi átt í „óheppilegum“ hlutabréfaviðskiptum árið 2015 þegar hann seldi bréf sín í Nýherja, viku áður en stjórn fyrirtækisins, þar sem hann var formaður, ákvað að þynna út hluti eigenda sinna um 10%
Það er því alveg ljóst að Benedikt er ekki ókunnugur hinum ýmsu hornum íslensks viðskiptalífs. Hver framtíðin verður fyrir hann sem formann Viðreisnar skal látið ósagt en eins og staðan blasir við núna virðist ekki vera hægt að mynda ríkisstjórn án aðkomu Viðreisnar.
Það virðist því allt eins líklegt að Benedikt fari að láta til sín taka í stjórnmálum landsins á næstu misserum".
Allt birtist þetta á vefsíðu og ef allt þetta er satt og rétt. Er vera hans í öllum þessum stjórnunarstöðum tæplega fyrir afburða hæfileika hans. Miklu fremur vegna þess í hvaða fjölskyldu hann er í. sem er nefnd:
,,f" eða Jæja
RSS
Athugasemdir
Það er furðulegt að menn sem geta ekki stjórnað fyrirtækjum nema með tapi eða jafnvel þeirra eigin fjármunum, séu einhver sjení í stjórna peningamálum þjóða sem þeir búa í.
Obama var með einn sem gat ekki einu sinni séð um að borga skattana sína, en það var hægt að treysta honum fyrir fjármálum USA, sem auðvitað vað til þess að Beinar skuldir USA fóru úr 9 billjónum dollara í 20 billjónir.
Benni Jóa á eftir að selja bankana, Landsvirkjun og önnur fyrirtæki til engeyjar ættarinnar og vina ættarinnar, aðrir geta étið það sem úti frýs.
Kveðja frá Houston
Jóhann Kristinsson, 8.1.2017 kl. 00:11
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.