Hann gerir sig bara breiðann

• Tekur þessi samningur mið af salek-fyrirbærinu sem samtökum launafólks ber að taka tillit til í sínum samningagerðum?
  *
• Þessi samningur er verðtryggður og er því ekki kjarasamningur, því kjarasamninga má ekki verðtryggja.
  *
• Samkvæmt lögum frá því í maí 1983 undir forystu Framsóknarflokks (Steingrímur Hermannsson) og Sjálfstæðisflokks (Geir Hallgrímsson)

Þessi Sindri talar, eins og íslendingar séu á einhvern hátt háðir íslenskum landbúnaði en svo er auðvitað ekki. Það er miklu fremur á hinn veginn.

Það er einnig mikilvægt að átta sig á þeirri staðreynd að þessi samningur er ekki um að styrkja afskekktustu byggðir. Samningurinn fjallar um að styrkja fólkið sem á lögbýlisjarðirnar og rekur búskap.

En í þessum byggðum er einnig fjöldi launafólks sem starfar við ýmis störf. Þessi störf eru illa launuð, fólkið býr í verð litlum húsum og er í raun bundið vistarböndum.

Búvörusamningar gagnast ekki þessu fólki, þótt þetta sé það láglaunafólk ásamt eftirlaunafólki sem býr almennt við kröppustu kjörin í landinu.

Ef það á að styrkja byggð í mesta dreifbýlinu er búvörusamningurinn ekki slíkur samningur. Hann styrkir einnig stórfyrirtæki alveg við höfuðborgina. Því er eðlilegt að nýtt Alþingi eftir kosningar afgreiði þetta mál en ekki þessi spillingarstjórn sem tórir enn.

 

Fallast ekki á styttingu búvörusamninga

Miklar breytingar á búvörusamningum munu kalla á nýjar samningaviðræður, segir formaður Bændasamtakanna í Fréttablaðinu í dag. Hann gagnrýnir landbúnaðarráðuneytið fyrir að hafa ekki unnið málið nánar með þinginu.

RUV.IS 

• Ef formleg samtök neytenda eiga ekki aðkomu að umræðunni um fyrirkomulagi á búvörulögum verður sú vinna algjörlega ótrúverðug.

Því ef að stéttarfélögin eiga að vera fulltrúar fyrir neytendur er það ávísun á gamla tíma, þar sem verða bara allt eins hrókeringar um einhverjar skattakúnstir.

M.ö.o. sérstakar niðurgreiðslur sem eiga koma til að bæta stöðu neytenda, það hljóðar bara upp á tilfærslu milli liða hjá launafólki sem greiða þá slíkar niðurgreiðslur með hækkuðum sköttum.

Slík úrræði geta ekki verið eðlileg lausn og sérstaklega ekki eftir að markaðurinn fyrir landbúnaðar vörur hefur stækkað gríðarlega vegna ferðaþjónustunnar. Má reikna með, að fjöldi ferðafólks Íslands verði kominn yfir 2 milljónir 2018.

Bændur tækju þá bara þátt í þeim kostnaði með hangandi hendi þar sem þeir greiða afar lága skatta og jafnvel enga. Þeir eru í fyrirtækja rekstri og greiða skatta af nettótekjum en launafólk af brúttólaunum sem er bara allt annar veruleiki.

 

Boðar breytingar á búvörulögum

Formaður atvinnuveganefndar Alþingis vill sjá breytingar á frumvarpi til búvörulaga, til að skapa þjóðarsátt um greinina. Þá segir hann að ummæli forstjóra MS um ákvörðun Samkeppniseftirlitsins hafi verið óheppileg.

RUV.IS

 

Myndi setja áætlanir bænda í uppnám

Litla sæta ljúfan góða, með ljósa hárið

• Allir vita, að til þess að Framsókn eigi að eiga von í næstu kosningum
  *
• Er að skipt verði um formann og raunar ýmsa aðra forystumenn.
  
  Þetta vita Framsóknarmenn um land allt betur en allir aðrir.

Þegar líklegir aðilar eru spurðir hvort þeir geti hugsað sér að bjóða sig fram til þess að verða formaður flokksins.

Svara allir eins, sem er að þeir bjóði sig ekki fram gegn núverandi formanni flokksins.

Þetta rifjar auðvitað upp fyrir öllum eldri en tvæ vetur, að sitjandi formenn þessa 100 ára gamla flokks eru aldrei settir af með opinberri kosningu.

Þeir eru teknir af  lífi í framhjá hlaupi. Þetta er hinn spillti kúltúr flokksins.

Þessa daganna ríður formaðurinn um öll héröð landsins og segir öllum sömu lygasöguna en reyndar aðeins breytilega eftir þörfum hvers svæðis. Gamla Framsóknaraðferðin.

Allir taka afburða blíðlega á móti formanninum með miklum handaböndum og kossum í krók og kring. 

Um leið og búið er að  hella kallinn fullan af kaffi og hann búinn að troða sig fullan af heimabökuðum randalínum, fara heimamenn að iða.

Þegar loks er komið að kveðjustund og búið er að segja guð blessi þig Sigmundur Davíð, rýkur fólk óðara í sturtu og sápar sig rækilega.

Því það hefur þegar ákveðið að kjósa nýjan formann.

Vandinn er bara sá að varformaðurinn er svo sveitó að landsbyggðarfólk getur ekki hugsað sér að kjósa hann.

Það verður væntanlega litla sæta ljúfan góða með ljósa hárið sem engin þekkir sem verður kosin. Hún er svo flott í tauinu, klædd útlendum fötum.

Lilja ætlar ekki fram gegn Sigmundi

Lanbúnaðarkerfið er á loka metrunum

• Miðað við nýjar markaðsaðstæður verður að hugsa stöðu landbúnaðar upp á nýtt. Ef landbúnaður getur ekki bjargað sér sjálfur við núverandi markaðsaðstæður mun hann aldrei geta það.
  *
• Það fráleitt að lengja í útslitnu og gjörsamlega úreltu fyrirkomulagi utan um landbúnaðinn.
  *
• Þá er það tímaskekkja að styrkja aðeins þá sem eiga og nýta lögbýli allstaðar um landið, en landlausa fólkið sem er í raun fast í vistaböndum landbúnaðarins m.a.og dregur fram lífið á lágmarkslaunum í ystu byggðum fá engan stuðning.

Menn geta auðvitað rifist um hvort þetta atferli MS er brot á samkeppnislögum eða ekki.

En tæplega geta samningar gerðir í bakhúsum afnumið lög í landinu og þá hlýtur að vera sama hverjir gera slíka samninga.

Þetta er líka brot á regluverki EFTA um jafnrétti allra í viðskipum og væntanlega líka á regluverki EES þar sem fjallað var um landbúnaðarmál sérstaklega.

Það er alveg rétt hjá bændum er Haga varðar og einnig rétt að ríkisvaldið gerir flest sem það getur til að styrkja versun í landinu. Nægir að nefna niðurfellingu á innflutningsgjöldum sem ekki hefur skilað sér í vasa neytenda.

Ef bændur eiga eitthvað vantalað við Haga verða þeir sjálfir að takast á við fyrirtækið.

Þannig gerast hlutirnir á markaði. Ekki geta bændur ætlast til þess að aðrir geri það fyrir þá.

• En gróði Haga réttlætir ekki atferli MS sem er fyrirtæki sem nýtur ríflegra ríkisstyrkja.
  *
• Ef þessi sekt verður einhverntíma greidd, er tvennt ljóst.
  *
• Að það eru hvorki neytendur og eða kúabændur sjálfir sem eiga að bera þann skaða.

Það er ljóst að MS hefur boðað að það ætlar sér að nota olíufélags aðferðina gegn neytendum í landinu. Þeir segjast ætla að ná upp í þennan kostnað með því að hækka verðið.

Þeir ætla sér að leggja í þann rosalega fórnarkostnað sem því fylgir að þæfa málið fyrir dómstólum enn í mörg ár. Það eru engir smáaurarar.

Eitthvað verða bændur að gera til að grípa fram fyrir hendur á slíkum stjórnendum sem hóta viðskiptavinum kúabænda. Það er aðeins ein leið út úr þessum vanda fyrir bændur sem er að semja sig frá honum og þá við neytendur en ekki við aðila sem neytendur treysta ekki.

Bændur verða að muna það, að neytendur og viðskiptavinir þeirra eru einnig skattgreiðendur í landinu sem greiða kúabændum milljarða í styrki á hverju ári. Þannig að það óvarlegt að ráðast á þá aðila sem halda bændastéttinni uppi.

• Það er öllum ljóst, að núverandi landbúnaðarkerfi er á loka metrunum og það er ekki hagkvæmt fyrir bændur og landbúnað nú nú að láta loka sig inni í einhverjum samlögum sem eru farið að vinna gegn þeim sjálfum.
  *
• Innan tveggja ára munu væntanlega koma til Íslands um tvær milljónir ferðamanna. Bændur verða að nýta sér slíkar markaðs aðstæður.

 

Vísir - Segir brot MS vera efnahagsbrot gegn öllu samfélaginu

Þingmaður Sjálfstæðisflokksins segir fyrirtækið þurfi að læra að hegða sér en koma ekki með hótanir þegar þeim er kennd hegðun.

VISIR.IS

 

Ungir bændur ósáttir með samning

Alltaf má undirbúa allt betur

• Lögregla var upplýst fyrirfram um hvað til stæði

Agnes M. Sig­urðardótt­ir, bisk­up Íslands stígur nú fram af auðmýkt og útskýrir aðkomu kirkjunnar að atburðinum í Lauganeskirkju.  Segir hún m.a. í Morg­un­blaðinu í dag:
 
„að  gefnu tilefni skal tekið fram að aðgerðunum í Laugarneskirkju var eingöngu ætlað að vekja athygli á stöðu hælisleitenda í anda kærleika og mannúðar. Kirkjan beitir sér og á alltaf að beita sér í þágu þeirra sem standa höllum fæti. Það er kristin trú í verki“. 

Fram kemur í grein biskups , að  „ýmis sjónarmið og ábendingar hafa komið fram sem verða kirkjunni gagnlegar við frekari stefnumótun í málefnum hælisleitenda og flóttamanna.

Hið sama má segja um gagnrýni á þá stöðu sem þjónar lögreglunnar voru settir í er þeir reyndu að sinna skylduverkum sínum við viðkvæmar aðstæður. Lögreglan var upplýst fyrirfram um hvað til stæði en undirbúa hefði mátt aðgerðir betur“.  

Það verður að segjast eins og er, að almenn ánægja er með þetta framtak þjóðkirkjunnar hjá almenningi sem vill greinilega að kirkjan taki sér afgerandi stöðu með þeim sem eiga undir högg að sækja. Með því  m.a. að gagnrýna stjórnvöld ef þurfa þykir. 

En í þessu máli opinberaðist greinilega að innan þjóðakirkjunnar þrífast enn nokkur tök gamla valdaflokksins á kirkjunni.

Gamlir íhalds sótraftar í prestastétt réðust að biskupi með ófriði. Sem betur fer hefur farið lítið fyrir þessum myrka armi þjóðkirkjunnar eftir að Ólafur Skúlason hvarf af þessum vettvangi.

Nú þegar tök Sjálfstæðisflokksins og not af þjóðkirkjunni eru nánast horfin, tala hægri menn æ oftar um að leggja eigi niður þjóðkirkjuna.

Prestastéttin hefur verið losa sig við gamla helgislepju blæinn sem þessir raftar eru hluti af.

Nú er ungt fólk með allt önnur viðhorf að taka við í prestastétt.Fólk sem lætur sér varða um lífhamingju fólks og vanda á líðandi stund. Ekki bara með fólki fæddu á Íslandi, heldur sama hvar er.

Þótt þessi opinberunnarstund þjóðkirkjunnar í Laugarneskirkju á viðhorfum sínum í mannúðarmálum hefði verið meira undirbúin, hefði hún ekki skilað meiri árangri.  Ljóst er nú, að biskup og þjóðkirkjan er ekki sátt við þau vinnubrögð sem stjórnvöld viðhafa gagnvart hælisleitendum. 

Heldur ekki almenningur í landinu.

Hefði mátt undirbúa betur

Hvar eru stórveldin nú?

Íslenskir hermenn í Írak

• Stolt  forsætisráðherra og utanríkisráðherra 2003

Halldór Ásgrímsson dreif sig út til að hitta sína menn og lét mynda sig þar sem eitthvað var sem áttu að vera eiturgas-sprengjur. Mikið var gert úr þessu afreki í Íslenskum miðlum.

En þessir ráðherrar voru sagðir hafa tekið ákvörðun um þátttöku Íslands án þess að málið væri teki fyrir í ríkisstjórn eða hefði fengið þinglega með ferð.

Talið hefur verið að þarna hefði verið framið stjórnarskrárbrot.

„Margt bendir til að vopnin sem íslensku sprengju-sérfræðingarnir fundu í Írak árið 2003, hafi innihaldið sinnepsgas, eins og haldið var í fyrstu.

Sprengjusérfræðingur segist alltaf hafa furðað sig á því að Bandaríkjaher hafi eytt þeim eins og efnavopnum, eftir að hafa fullyrt að þau væru það ekki. Frá þessu var greint íkvöldfréttum RÚV“. 

• Seinna kom í ljós að þetta var bara eitthvert sjónarspil.
  * 
• Hér virðist fiskur liggja undir steini

Á Íslandi fengu þessir ráðherrar engar ákúrur þótt rannsóknarnefnd Alþingis hefðu bent á þessa staðreynd. 

Málið sagt fyrnt og enginn yrði dæmdur. Samt hefði verið nauðsynlegt að láta Landsdóminn meta hvort þetta athæfi hafi verið brot á stjórnarskránni. 

„Bresk stjórn­völd tóku ákvörðun um að ráðast inn í Írak áður en friðsam­leg­ar lausn­ir höfðu verið reynd­ar til hlít­ar. Stríð var því ekki afar­kost­ur í stöðunni. Þetta er meðal þess sem fram kem­ur í Chilcot-skýrsl­unni svo­kölluðu sem formaður nefnd­ar­inn­ar, Sir John Chilcot, kynnti fyr­ir stundu.

Chilcot-skýrsl­an

Rann­sókn­ar­nefnd­in komst einnig að þeirri niður­stöðu að upp­lýs­ing­ar sem rétt­lættu inn­rás­ina hefðu verið lagðar til grund­vall­ar „af full­vissu sem var ekki rétt­læt­an­leg“. Þá hefði und­ir­bún­ingi fyr­ir lok og eft­ir­leik stríðsins verið full­kom­lega ábóta­vant“.

„Alþjóðastríðsglæpa­dóm­stóll­inn hef­ur til skoðunar meint­ar pynt­ing­ar og misþyrm­ing­ar af hendi breskra her­manna í Írakstríðinu. Dóm­stóll­inn seg­ist hins veg­ar ekki í aðstöðu til að taka af­stöðu til þess hvort ákvörðun breskra stjórn­valda um að hefja stríð hafi verið lög­mæt“.

Fjöldi fólks hef­ur kallað eft­ir því að Tony Bla­ir, sem var for­sæt­is­ráðherra þegar ákvörðun var tek­in um þátt­töku Breta í Íraks­stríðinu, verði leidd­ur fyr­ir stríðsglæpa­dóm­stól.

Samkvæmt opinberum breskum tölum er sagt að 179 bresk­ir her­menn hafi fallið í Írak og litlu fleiri almennir borgarar. En sam­kvæmt rann­sókn sem birt­ist í tíma­rit­inu Lancet létu 655.000 Írak­ar lífið í átök­un­um.

Ekki hefur enn verið séð fyrir endan á öðrum afleiðingum af þessu stríði sem allsherjar upplausn í flestu löndum arapa fyrir botni Miðjarðarhafsins og langt inn í Asíu.

Afleiðingar er mesti fólksflótti frá því í seinni heimsstyrjöldinni. Mesta skömmin er, að þeir sem voru helstu gerendur í þeirri styrjöld eru í algjörri andstöðu við að veita flóttafólki eðlilega mannúð. 

• Hvar eru stórveldin núna, ekki eru þau að aðstoða flóttafólk sem eru að leita sér að samastað vegna aðgerða þeirra. Ekki eru þau að takast á við afleiðingar gjörða sinna.

	Vilja Blair fyrir stríðsglæpadómstól

Chilcot: Stríð var ekki óumflýjanlegt

Íslenskir hermenn í Írak,

• Stolt  forsætisráðherra og utanríkisráðherra 2003

Halldór Ásgrímsson dreif sig út til að hitta sína menn og lét mynda sig þar sem eitthvað var sem áttu að vera eiturgas-sprengjur. Mikið var gert úr þessu afreki í Íslenskum miðlum.

En þessir ráðherrar voru sagðir hafa tekið ákvörðun um þátttöku Íslands án þess að málið væri teki fyrir í ríkisstjórn eða hefði fengið þinglega með ferð.

Talið hefur verið að þarna hefði verið framið stjórnarskrárbrot.

„Margt bendir til að vopnin sem íslensku sprengju-sérfræðingarnir fundu í Írak árið 2003, hafi innihaldið sinnepsgas, eins og haldið var í fyrstu.

Sprengjusérfræðingur segist alltaf hafa furðað sig á því að Bandaríkjaher hafi eytt þeim eins og efnavopnum, eftir að hafa fullyrt að þau væru það ekki. Frá þessu var greint íkvöldfréttum RÚV“. 

• Seinna kom í ljós að þetta var eitthvert sjónarspil. 

Á Íslandi fengu þessir ráðherrar engar ákúrur þótt rannsóknarnefnd Alþingis hefðu bent á þessa staðreynd. 

Málið sagt fyrnt og enginn yrði dæmdur. Samt hefði verið nauðsynlegt að láta Landsdóminn meta hvort þetta athæfi hafi verið brot á stjórnarskránni. 

„Bresk stjórn­völd tóku ákvörðun um að ráðast inn í Írak áður en friðsam­leg­ar lausn­ir höfðu verið reynd­ar til hlít­ar. Stríð var því ekki afar­kost­ur í stöðunni. Þetta er meðal þess sem fram kem­ur í Chilcot-skýrsl­unni svo­kölluðu sem formaður nefnd­ar­inn­ar, Sir John Chilcot, kynnti fyr­ir stundu.

Chilcot-skýrsl­an

Rann­sókn­ar­nefnd­in komst einnig að þeirri niður­stöðu að upp­lýs­ing­ar sem rétt­lættu inn­rás­ina hefðu verið lagðar til grund­vall­ar „af full­vissu sem var ekki rétt­læt­an­leg“. Þá hefði und­ir­bún­ingi fyr­ir lok og eft­ir­leik stríðsins verið full­kom­lega ábóta­vant“.

„Alþjóðastríðsglæpa­dóm­stóll­inn hef­ur til skoðunar meint­ar pynt­ing­ar og misþyrm­ing­ar af hendi breskra her­manna í Írakstríðinu. Dóm­stóll­inn seg­ist hins veg­ar ekki í aðstöðu til að taka af­stöðu til þess hvort ákvörðun breskra stjórn­valda um að hefja stríð hafi verið lög­mæt“.

Fjöldi fólks hef­ur kallað eft­ir því að Tony Bla­ir, sem var for­sæt­is­ráðherra þegar ákvörðun var tek­in um þátt­töku Breta í Íraks­stríðinu, verði leidd­ur fyr­ir stríðsglæpa­dóm­stól.

Samkvæmt opinberum breskum tölum er sagt að 179 bresk­ir her­menn hafi fallið í Írak og litlu fleiri almennir borgarar. En sam­kvæmt rann­sókn sem birt­ist í tíma­rit­inu Lancet létu 655.000 Írak­ar lífið í átök­un­um.

Ekki hefur enn verið séð fyrir endan á öðrum afleiðingum af þessu stríði sem allsherjar upplausn í flestu löndum arapa fyrir botni Miðjarðarhafsins og langt inn í Asíu.

Afleiðingar er mesti fólksflótti frá því í seinni heimsstyrjöldinni. Mesta skömmin er, að þeir sem voru helstu gerendur í þeirri styrjöld eru í algjörri andstöðu við að veita flóttafólki eðlilega mannúð. 

• Hvar eru stórveldin núna, ekki eru þau að aðstoða flóttafólk sem eru að leita sér að samastað vegna aðgerða þeirra.

Vilja Blair fyrir stríðsglæpadómstól

Ofbeldi stjórnvalda og samtaka atvinnurekenda

• Nær ekki tilgangi gagnvart flugumferðarstjórum. 

Ef gerðardómur kemur ekki verulega til móts við kröfur flugumferðastjóra heldur bara áfram yfirvinnuleysi þessarar stéttar.

Það er ekki hægt með sérstökum bráðabirðalögum lögum að skuldbinda fólk til að vinna yfirvinnu sem stendur utan við samningsbundna vinnuskyldu starfsmanna.  Samkvæmt lögum nr. 80 frá 1938. Þar fyrir utan eru stjórnvöld annar samningsaðilinn.

Það er morgunljóst, a.m.k. 60% þessa starfshóps mun ekki vinna yfirvinnu nema að hópnum verði boðið upp á viðunandi kjör. Þessu er ekki stjórnað af stéttfélagi þessara manna og því er þetta ekki verkfall.

Það hefur engin áhrif á þetta fólk þótt ASÍ veifi einhverjum hótunum vegna málsins enda beinast þær að samtökum atvinnurekenda.

Það eru auðvitað stjórnvöld sem bera ábyrgð á þessu ástandi og ætti að vera fyrir löngu að vera búin leysa þetta mál. Stjórn geta ekki þótt þau vilji vísað ábyrgð sinni yfir á samtök atvinnurekenda.

Ef ASÍ gerir ekkert til þess að fá afturköllun á úrskurð kjararáðs varðandi það, að það úrskurði að embættismenn skulu fá greidd laun fyrir óunna yfirvinnu ætti sambandið ekki að æsa sig upp gagnvart flugumferðarstjórnum.

Slík lausn Kjararáðs ber vott um siðleysi og væntanlega um lögleysi einnig.
 

Felldu kjarasamninginn

Er völlur grær og vetur flýr (Óðinn syngur í enskum vals takti )

• Það má vel vera, að ég sé leiðinlegur og neikvæður

En það er staðreynd, að ég er fyrir löngu búin að fá gjörsamlega nóg af þessum fótbolta á RÚV. Það er allt þetta sjálfrennandi og innihaldslausa málæði sem fer verst með mig.

Einnig allar þessar myndir af bjórþambi íslendinga bæði í Frakklandi og hér í miðborginni þar sem ég ólst upp og öllum finnst svo rosalega jákvætt og skemmtilegt.

Myndirnar og viðtölin minna auðvitað á menningarbrag þann og smekk RÚV ásamt viðhorfum þegar það hampar ölvuðum ungmennum sem er á leið til eyja á þjóðhátíð.

Með ótal viðtölum í sjónvarpi og í útvarpi ár hvert.

Síðan koma fastar fréttir af nauðgunum næstu daga á eftir. Það er áberandi, að engin drykkjulæti fylgja kvennafótboltanum og hafa þó konurnar náð lenga en karlarnir.

• Það er a.m.k. ekki láglaunafólk á Íslandi sem getur leyft sér að fara á fyllerístúr til Frakklands í nokkra daga til að horfa á boltaleik.
  *
• Það er reyndar eins og sjálfur boltaleikurinn sé auka atriðið en sé það sem sameinar fólk í hópdrykkju gleðinni.
  *
• Eru fréttamenn RÚV í París góðglaðir af öli?

Bjórdrykkja getur ekki verið fyrirmyndar fyrir ungmenni á Íslandi. Ég gæti vel ímyndað mér að kostnaður á mann í svona ferð halli í hálfa milljón á mann hjá mörgum.

• Það má vel vera að ég sé fanatískur vegna þess, eins og ég segi.
  
  Fótbolti og bjórdrykkja eiga enga samleið.

Í gamla daga þegar ég var í þessum leik, sá maður allnokkra frábæra unga fótboltamenn fara algjörlega í vaskinn sem slíkir vegna víndrykkju.

Maður hefði auðvitað haldið þetta út og þolað ef ríkismiðillinn stillti þessari umfjöllun sinni í hóf, en svo er ekki, hann hefur greinilega dottið í það.

Nú hef ég ákveðið að bjóða frúnni eitthvað í snarl um kvöldmatar leitið þar sem maður getur verið laus við fóboltarausið.

En ég æfði fótbolta og spilaði í 4. og í 3. flokki þangað til ég datt út úr A - liðinu í 3. flokki. Sem var væntanlega vegna æfingarleysis þar sem var ég sendur í sveit til að þræla þrjú mikilvægustu sumrin til að ná tæknilegum árangri.

Í sveitina fór maður um 15. maí og til baka eftir fyrstu vikuna í október. Þörf landbúnaðarins stjórnaði kennslutíma grunnskólanna.

14 ára hætti ég að elta bolta og fór að elta aðra hluti sem náttúran bauð mér að gera með sama ákafa og ég elti fótbolta áður. Ég hef aldrei séð eftir þessri stefnubreytingu í lífinu.

En tveir af mínum fyrrverandi nemendum úr Fram eru varmenn í landsliðinu í París.

 

 

Íslendingar í aðalhlutverki í París

Það er ríkjandi skattamisrétti á Íslandi

• Ef tekjublað DV reiknar rétt upp úr álagningaskránni, þá sést hérna svart á hvítu hvað milljarðamæringar í skattaskjólum leggja til samfélagsins. Ekkert.

 

 

 

Þetta á sér þær skýringar, að fyrirtækin og þeir sem aðeins hafa tekjur af fjárfestingum greiða ekki útsvar. Þetta getur ekki komið neinum vinstri manni á óvart.

Þá greiða fyrirtækin og fjárfestar aðeins 20% í heildarskatta. Þá er miðað við nettótekjur en ekki brúttótekjur eins launamenn greiða sín 34% af.

M.ö.o. þessir aðilar geta samkvæmt skattalögum dregið frá tekjum sínum allann tilkosnað til fá sínar fjármagnstekjur.

Þar inni í rekstrarkostnaði eru ekki aðeins vaxtagjöld, heldur allur húsnæðiskostnaður, bifreiðakostnaður, símakostnaður og hvað eina sem launafólk verður að nota sínar eigin launatekjur til að greiða.

Fjárfestirinn greiðir heldur ekkert í lífeyrissjóði.

Launafólk greiðir fyrir utan beina skatta og virðisaukaskatta, í lífeyrissjóð um 15,5% af brúttólaunakosnaði hans og um 7% af sama stofni í tryggingagjöld.

Þessi gjöld eru umsamin laun milli samningsaðila sem notaðir eru til ákveðinna hluta sem snerta launafólk.

Aðferðin við meðferð þess fjár ræðst af skattamálum.Því ekki er talið eðlilegt að greiddir séu skattar af þessu fé fyrr en það nýtist hverjum og einum launamanni.

Fasteignagjöld eru í raun þjónustugjöld sem fasteignaeigendur greiða þar sem þeir eiga fasteignir. Ef um er að ræða atvinnurekendur njóta þeir iðulegast afsláttar á kostnað launafólks.

Það eru eðlilega hærri fasteignagjöld á húsnæði fyrirtækja samkvæmt gjaldskrám sveitarfélagann enda er þjónustan margfalt meiri við fyrirtæki heldur en íbúðir. En á móti eru afslættir mjög algengir.

 

Þá er algengt að íbúðir atvinnurekenda séu í eigu fyrirtækjanna rétt eins og bílarnir. Þar með rekstrarkosnaður einnig og kostnaður vegna styrkja til flokksins.

Hér er ég að tala um eikareksturinn, en ef eigandi er að störfum í hlutafélagi á hann að vera þar að störfum sem launamaður, en það er í raun undantekning ef ekki er farið í kringum það eins og hægt er.

Embættismenn tekjuhærri en ráðherrar

Framsóknarmenn eru alltaf jafn seigir í her-manginu

• Sérkennileg stjórnsýsla, en svo virðist sem utanríkisráðherrann sé einráður um að skuldbinda Ísland enn frekar við herveldið.
  *
• Þetta gerir hún á meðan Alþingi þar sem hún er ekki kjörinn sem þingmaður, er í leyfi.

Eftirfarandi texti í frétt Rúv vekur athygli mína.

• ,,Varnarmálaráðuneyti Bandaríkjanna og íslensk yfirvöld ætla jafnframt að kanna aukið samstarf með hugsanlega sameiginlegum æfingum, þjálfunarstarfi og starfsmannaskiptum á sviðum eins og, en sem ekki einskorðast við, leit og björgun og neyðaraðstoð.
  *
• Í yfirlýsingu kemur fram að utanríkisráðuneyti Íslands samþykkir áætlanir varnarmálaráðuneytis Bandaríkjanna um varnir Íslands þar sem hernaðarlegum úrræðum er beitt".

Svo virðist eftir orðanna hljóðan að mörlandinn eigi nú að taka virkan þátt í bröltinu.

Sameiginleg yfirlýsing um öryggis- og varnarmál (á íslensku) 

M.ö.o. til eiga að verða íslenskir hermenn. 

Einkum er þetta alvarlegt þegar eftirfarandi er haft í huga:

,,Mikilvægt að fram komi í fræðilegum gögnum um stöðu Íslands í Nató. Þá kemur fram eftirfarandi:

Ísland hefur enga sérstaka sérstöðu innan hernaðarbandalagsins nema að landið telst vera herlaust. En skyldurnar eru samt þær sömu.

,,Afganistan eða annars staðar á vettvangi átaka séu hermenn eða ekki. Samkvæmt alþjóðalögum sem fjalla um stríðsrekstur, eins og Genfarsáttmálunum, skiptast menn í tvo hópa: hermenn og almenna borgara.

Allir sem lúta heraga og herlögum og reglum eru hermenn hvort sem þeir sinna svokölluðum borgaralegum störfum eða ekki. Verkfræðingur sem byggir brýr fyrir her er hermaður".

Sigurjón Njarðarson segir í sinni meistararitgerð ekki vilja tala um blekkingar í þessu skyni en segir þarft að skýra umræðuna og að fólk horfi á hlutina eins og þeir raunverulega eru.

Þar breytir m.ö.o. ekki máli hvort þú gengur ekki með vopn á þér eða ekki. Verkfræðingur sem byggir brýr í þágu hernaðar er hermaður.

Læknar, prestar, félagsráðgjafar, sprenguleitarmenn og flugumferðarstjórar á vegum stríðsaðila eru hermenn. Einnig þeir sem eru á vegum stríðsaðila en fjarri helstu vígstöðvum.

Á Íslandi hefur því verið haldið fram af stjórnmálamönnum að íslendingar sem hafa sinnt slíkum störfum séu ekki hermenn. Hér er þetta hrakið.

• Það er enginn fyrirvari við NATÓ sáttmálann í gildi

Almenn lýsing á sérstöðu Íslands, sett fram í hátíðaræðu er Bjarni Benediktsson flutti við inngöngu Íslands í Nató , hefur enga lögfræðilega eða þjóðréttarlega merkingu.

Ísland er aðildarríki NATÓ án fyrirvara með sömu réttindum og sömu skyldum og önnur NATÓ ríki.
RUV.IS

 

Vilja efla samstarf við bandaríska herinn

Varnarmálaráðuneyti Bandaríkjanna og utanríkisráðuneyti Íslands hafa gefið út sameiginlega yfirlýsingu um samstarf á sviði varnarmála. Yfirlýsingin er viðbót við samkomulag sem undirritað var við bandarísk stjórnvöld haustið 2006 og rúmast…

RUV.IS

 

Undirrituðu yfirlýsingu um varnarsamstarf