Nú eru nýir tímar runnir upp

• og gamlir rebbar að hverfa.

Fulltrúar gamalla átaka tíma og helstu varðmenn sérhagsmuna í landinu sem staðið hafa gegn breytingum á stjórnarskránni og breytingum á veiðileyfakerfinu eins og núverandi forseti. Eru á leið út sem betur fer.

Síðan sá frambjóðandinn sem einnig er í andstöðu við breytingar á stjórnarskrá og hefur varið sérréttindi útgerðarinnar mest allra stjórnmálamanna eru nánast út úr myndinni sem beinn áhrifamaður.

Mennirnir sem aldrei hafa getað viður kennt eigin mistök. Frambjóðandinn fékk tækifæri til að sýna þjóðinni auðmýkt og biðjast afsökunar á ýmsum pólitískum gjörðum sínum, nýtti sér ekki tækifærið.

Honum var einfaldlega hafnað með afgerandi hætti. Þessi fullvissa hans um eigið ágæti og að hann þyrfti ekki að sýna auðmýkt, virðist hafa haft afgerandi áhrif á gengi hans.

• En honum tókst að eyðileggja möguleika Andra Snæs.

Nú á nýjum tímum gefast tækifæri til lagfæringar á stjórnarskránni þannig að eðlileg sátt náist um slíkar breytingar og eðlilegar breytingar á veiðileyfakerfinu.

Einnig gefst tækifæri til að breyta fjölmörgum lögum sem hafa sett blett á þjóðina og haldið öðrum hópum brotnum í nauð. Nægir að nefna framkomu stjórnvalda gegn flóttafólki.

• Nú er að koma fjölskyldufólk á Bessastaði.
  *
• Ég ætla að vona að Guðni láti ekki kerfisfólkið breyta sér úr því að vera opinn og einlægur persónuleiki.
  *
• Eins og augljóslega átti sér stað með tvo síðustu forseta.

Guðni gæti sameinað þjóðina

Merkileg lýðræðistilraun í Bretlandi

• Mér finnst sem lýðræðið eigi nú möguleika á
  
  að aukast með nýrri kynslóð stjórnmálamanna á Íslandi.

Svo er að sjá, að helstu valdamenn í Bretlandi óttist vilja fólksins ef hann er með öðrum hætti en vilji þeirra stendur til og helstu ráðamanna í atvinnulífinu.

• En svona kosning er mjög til eftirbreytni og lýðræðislega eðlileg.

Hinsvegar hafa stjórnmálamenn í Bretlandi brugðist kjósendum, með nákvæmlega sama hætti og gerðist hér á landi eftir hrun. Þegar menn voru að takast á við hrunmál eins og Icesave.

Þá kom í ljós ábyrgðarleysið hjá stjórnmálastéttinni. Menn tóku hiklaust afstöðu til málsins eins og hentaði pólitískum hagsmunum þeirra á þeim tíma.

Það sama má segja um fjölmarga langskólagengna fræðimenn að ljós virtist koma hvernig hagsmunir þeirra voru tengdir gömlu valdaflokkunum í landinu.

Það virtist sem sjálfir hagsmunir fjöldans skiptu ekki máli, en einstaklings hagsmunir hvers og eins gengu fyrir. Það virtist sem hagsmuna aðilar gætu keypt fræðilega skýrslur sem hentuðu þeirra málstað.

Má vænta þess, að við íslendingar fáum að kjósa um stærstu málin í tilverunni. Eins og t.d. um veru Íslands í Nató? -- Að við fáum að kjósa um aðild íslensku þjóðarinnar að EFTA og að EES?

• Þetta eru jú lýðræðislegar spurningar. 

Það getur tæpast verið eðlilegt að stjórnvöld með tæpann meirihluta á Alþingi getið ákveðið fyrir alla framtíð þjóðarinnar að hún sé föst í einhverjum alþjóðlegum samningum og eða í samtökum án þess að geta látið hug sinn í ljós.

Það er eðlilegt að minna á þá staðreynd, að þjóðin hefur aldrei verið spurð um hvort hún vilji tengjast þessum samningum og samtökum.

Slíkir samningar geta heldur ekki átt að gilda um aldur og ævi án þess að þjóðin sé spurð um vilja sinn reglulega.

Öll alþjóðasamtök taka breytingum um áranna rás og einnig túlkun og gildi alþjóðlegra samninga.

 

Uppgjör við stórkallalega embættistíð

Að spóla í gömlum hjólförum

• Peninga-austur í kosningabaráttuna virðist ekki skila sér.
  *
• Davíð nær ekki einu sinni flokksfylginu nema að það hafi hrunið í 12%

Samkvæmt opinberum gögnum má kostnaður vegna forsetakosninganna nú 2016 ekki fara fram yfir 38 milljónir.

Með þetta í huga vekur athygli að framboð Davíðs auglýsir stöðugt með heilsíðu auglýsingum í Morgunblaðinu og í Fréttablaðinu , gjarnan á bls. 5.

En á þeirri síðu á Mogganum kostar heilsíðuauglýsing samkvæmt verðskrá blaðsins 550 þúsund. Þar fyrir utan eru fjölmargar aðrar auglýsingar sem framboðið stendur fyrir.

Þá er þessi frambjóðandi með standandi sjónvarps auglýsingar sennilega á öllum sjónvarpsstöðvunum flesta daga. Eitthvað kostar það.

Fyrir utan annan kostnað frambjóðanda er fylgir kosningaskrifstofu og ferðakostnaði ásamt leigu á fundarsölum.

Þá hefur Morgunblaðiðinu verið dreift í hús greinilega til að styðja baráttu þessa eina frambjóðanda auk þess sem blaðið er stútfullt af áróðursgreinum til stuðnings karlinum.

Þessar greinar einkennast niðurrifs skrifum um aðra frambjóðendur og aðra sem koma þessum kosningum ekkert við.

Þetta virðist vera gamla flokksmaskínan sem þarna er að hökta síðustu skrefin. Því flokkurinn er klofinn og unga fólkið er að yfirgefa flokkinn.

Hvað gerist ef Davíð fer fram úr þessum mörkum?

Guðni enn efstur en fylgið minnkar

Klúður í ráðuneytinu

• Framhaldskólinn á ekki að stjórna námsmati í grunnskólum
  
  eða innra starfi grunnskólanna

Varla hefur menntamálaráðuneytið ætlast til þess að skólarnir notuðu ekki töflureiknana til að reikna út einkunnir. Eða áttu bókstafirnir ekki að hafa neitt talnalegt gildi.

Síðan hafi hin ýmsu atriði í matsgerðinni misjafnlega mikið vægi sem fer eftir áherslum hvers skóla fyrir sig og út frá skyldum skólans að taka mið af einstaklingsgetu hvers nemanda.

Til útskýringar, að þá hafa allar námsgreinar margar undirgreinar sem hafa mismikið vægi í kennslunni og því hljóta einkunnir hverrar undirgreinar að hafa misjafnt vægi þegar að því kemur að gefa eina einkunn fyrir t.d. íslensku svo dæmi sé tekið.

 

Misháar tölur að baki bókstöfum eftir skólum

Nemendur tíunda bekkjar fengu misháa bókstafseinkunn við útskrift eftir því í hvaða grunnskóla þeir voru. Stór hluti nemenda sem útskrifaðist í vor uppfyllir ekki lágmarkskröfu til þriggja ára framhaldsnáms.

RUV.IS

 

• Þetta sem Jón Pétur Zimsen sagði í morgunútvarpinu er rétt og er t.d. grunnurinn að því að hægt sé að kenna list -og verkgreinar.
  *
• Allar list- og verkgreinar byggjast í grunninn á ákveðinni þekkingu á þessum breiðu greinum, síðan kemur verkleg færni, skapandi færni og gæðavitund.

Út á það skal kennslan ganga en um leið er færni lykilþáttur sem byggir á tækniþekkingu nemandans og færni til að nota rétta tækni sem grunnurinn til að geta náð færninni.

Þá kemur að skapandi þáttum greinanna, ekki dugir að hafa þekkingu og færni í lagi því ef skapandi þátturinn er ekki í lagi verður sú þekking að engu

Loks að gæðamálin, þ.e.a.s. að nemandin viti hvað sé vel gert og hvað ekki.

Allt þetta verður að fylgjast að svo nemandinn nái markmiðum sínum og hafi haft gagn af námi sínu.

Þetta eru einnig lykilþættir í öllu námi því allar greinar byggjast í raun á þessum sömu þáttum.

Síðan verða allir þessir þættir að vera mælanlegir og um leið túlkanlegir. Það verður að vera til kvarði sem mælt er með, annars verður ekkert mælt.

 

Gagnrýnir yfirvöld fyrir forystuleysi

Jón Pétur Zimsen, skólastjóri Réttaholtsskóla í Reykjavík, segir að samkvæmt námsskrá frá 2011 og 2013 hafi orðið eðlisbreyting á grunnskólanámi. Forystu hafi vantað frá menntamálayfirvöldum og sveitarfélögum til að innleiða þá breytingu og námsmat sem…

RUV.IS

 

 

 

Misræmi í einkunnagjöf grunnskóla

Það er gott að klóra sér í Kópavogi

• Þar á ég marga vini sem enn trúa á mig.Og þeir fylla lítinn sal
  *
• En hver er kostnaðurinn vegna framboðs Davíðs? Og hvernig á að færa framlag Morgunblaðsins til verðs.

Í morgunblaði dagsins eru margar skrifaðar greinar af áróðursmönnum Davíðs sem fyrst frem leggja áherslu á að gera sem minnst úr öðrum frambjóðendum. Á meðan að aðrir forðast alla slíka illmælgi. 

Kostuleg var grein Tómasar Inga Olrich í Mogganum í gærmorgun. Stútfull af bulli.

Auðvitað vissu allir að hann myndi kjósa ritstjórann, það eru engin tíðindi.

• Það er rétt að árétta það, að skrefin tvö sem þjóðin hefur stigið inn í ESB voru tekin undir forystu Sjálfstæðisflokksins.
  *
• Það er vert að minnast þess, að Bjarni Benediktsson eldri sagði að með EFTA- aðild Íslands að EB. Væri Ísland komið með auka aðild að EB eða ESB.
  *
• EFTA og EES. Þá voru öll regluverkin samþykkt af Alþingi undir forystu þessa flokks. Sjálfstæðisflokkurinn lagði ríka áherslu á að virða það regluverk um ríkisábyrgðina í fyrsta samningsuppkastinu undir stjórn Geirs Haarde og Baldur Guðlaugssonar.
  *

• Í vikunni áður en Geir Haarde lagði á flótta úr sal Alþingis, hafði núverandi formaður flokksins Bjarni Benediktsson lagt fram frumvarp um að samningur sem ríkisstjórn Geirs Haarde gerði við Breta og Hollendinga um að íslenska ríkið greiddi Icesave-skuld Landbankans. Lagt var einnig fram greiddir yrði okurvextir.

Svavars samningurinn gerði ráð fyrir því að þrotabú Landsbankans hf. greiddi þessa skuld eins og eignir þess hrykkju til. Ef síðan vantaði eitthvað upp á yrði samið um það sem út af bæri.

Þessi skuld er að fullu greidd, núverandi ríkisstjórn hefur greitt auka vexti allt að 60 milljörðum. Um málið hefur ekki verið fjallað í þingsal.

Sannleikurinn er sá að Sjálfstæðisflokkurinn er með allt niður um sig í Icesave- málunum. Það mun Íslandssagan leiða í ljós.

• Alla pólitíska ábyrgð af þessu Icesave-máli ber Sjálfstæðisflokkurinn
  
  og Davíð Oddsson. Það er staðreynd málsins

 

Daufur kosningaslagur

Sagt án rannsókna og gagna

• Ég er ekki ESB sinni sem allir ættu að skilja vegna þess að ég gamall húsgagnasmiður.

Húsgagnaiðnaðurinn var ein af samkeppnis iðngreinunum á Íslandi sem var  fórnað við inngöngu Íslands í EFTA.

Inngangan var algjörlega í þágu útgerðarinnar í landinu vegna væntanlegra tollalækkanna á fiskafurðum frá Íslandi. Bjarni Benediktsson sagði þessa aðild vera aukaaðild Íslands að EB.

Ég hef það á tilfinningunni að Bretland hafi unað sér illa í EFTA. Gamla heimsveldið var í raun jaðarsett í Evrópu og áhrifalítið þegar það stóð fyrir utan ríkjabandalagið.

Jafnvel Bandaríkin, gamla bandalagsríkið, snéru sér algjörlega að EB eða ESB því Bretland skipti á þessum tíma litlu máli í heimspólitíkinni.

Bretland er miklu áhrifameira innan ESB en fyrir utan það. Ekki kæmi mér á óvart að vart verði við klofnings tilhneigingar í stóra Bretlandi, því skotar og írar una sér betur í þessu faðmlagi á meðan ríkið er innan ESB.

Ég hef engar áhyggjur af viðskiptum við Breta þótt þeir hverfi úr ESB. Staða Bretlands mun veikjast gagnvart Íslandi.

Hvítir og eldri frekar með úrsögn

Ólög Alþingis

• Komið er í ljós eins og vænta mátti, að ofbeldislög Alþingis gegn flugumferðarstjórum hafa nákvæmlega ekkert gildi.
  *
• Vegna þess að ekki er hægt að skuldbinda fólk til að starfa við aukavinnu eða til að taka aukavaktir.
  *
• Breytir þá engu þótt gerðardómur sem skipaður er af ríkisstjórninni og fær fyrirfram ákveðin fyrirmæli hvernig dómur skal hljóða. Það verður ekki hægt að fyrirskipa mönnum að vinna yfirvinnu eða taka  aukavaktir.
  *
• Þessar aðgerðir ríkisstjórnarinnar fyrir atbeina samtaka atvinnurekenda eru barnalegar. Það verður að gera kjarasamninga þar sem aðilar ganga frjálsir að verki.

Það er einnig morgunljóst að flugumferðarstjórar geta ekki bara boðað veikindaforföll

Því væntanlega getur atvinnurekandinn krafist þess að veikindi séu staðfest með fullgildum gögnum lækna launafólksins.

Er standast skoðun trúnaðarlækna fyrirtækisins. Það er því ljóst að aðilar verða að setjast að samninga-borðinu og gera kjarasamninga.

• Þá er einnig dagljóst að ekki er hægt að þvinga félög til að skerða sinn lögbundin (lög nr. 80, 1938) samnings- og verkfallsrétt.

Flugumferðarstjórar boða forföll
„Það er bara þannig að það var ekki hægt að fullmanna vaktina vegna forfalla. Það fékkst enginn til að vinna yfirvinnu,“ segir Guðni Sigurðsson, upplýsingafulltrúi Isavia. Tilkynnt hefur verið um takmarkanir á flugumferð um Keflavíkurflugvöll í dag.
MBL.IS

 

Fundað í kjaradeilu flugumferðarstjóra

Samninganefndir flugumferðarstjóra og Isavia hafa verið boðaðar á fund í húsakynnum Ríkissáttasemjara klukkan eitt í dag. Nefndirnar hittust þrisvar í síðustu viku og hafa fundað reglulega frá því lög voru sett á aðgerðir flugumferðarstjóra áttunda júní.…

RUV.IS

 

Vilja semja fyrir föstudag

Þykist geta verið dómari um eigin ágæti

• Sérlega hrokafullt
• *
• Þetta háttarlag getur ekki komið neinum á óvart, en þannig eru stjórnmálamenn gjarnan þeir viðurkenna aldrei eigin mistök.
  * 
• Gamli refurinn úr pólitíkinni sem nú er í framboði til að verða forseti beitir sömu aðferðinni.

Sannleikurinn er sá, að ýmis inngrip núverandi forseta eru ekki öll vel heppnuð og ekki öll til þess fallin að hafa bætt hag þjóðar og fólksins í landinu. 

Sama má segja um ýmsar hótanir hans. Hann hefur að mínu mati staðið gegn ýmsum framfaraskrefum  eins og t.d. í stjórnarskrármálunum.

Hann státar sig af góðri frammistöðu sinni í Icesave málum Landsbankans hf. En nú þegar er sannleikurinn að byrja að koma í ljós eftir margar og miklar rangfærslur.

Það eru margir hagfræðingar sem telja að inngrip forsetans og fyrrverandi forsætisráðherrans hafi skaðað þjóðina stórlega.

Þótt ekki sé ég fylgjandi því að Ísland færi alfarið inn í ESB, að þá þótti mér eðlilegt að skoðað væri hvort að hægt væri að ná betri samningum fyrir íslendinga í heild sinni heldur en þjóðin býr við núna.

Hagsmunum íslendingar er misjafnlega gætt í núverandi samningum eftir því i hvaða störfum þeir starfa eða í hvaða stétt þeir standa.

Það eru margir íslendingar sem hafa fundið fyrir aðild Íslands að EFTA í byrjun árs 1970 sem er m.a. samningur um yfirþjóðlegt vald ESB yfir íslenskri þjóð, með ýmsu regluverki. 

Sama má segja um aðild Íslands að EES samningunum sem býður yfir enn frekara valdaafsali.

En þessi auka aðild að ESB eins Bjarni Benediktsson kallaði EFTA aðildina og aðildin að Nató hefur skert sjálfstæði þjóðarinnar formlega.

Raunar er Ísland eins og lítill sveitahreppur hér á skerinu í úthafinu sem er algjörlega á valdi þessara aðila og Bandaríkjanna.

Með Nató aðildinni og aukaaðildinni að ESB er íslenska þjóðin orðin aðili að herjum og hernaðaraðgerðum þessara aðila.

Það sýndi sig í Íran og sýnir nú síðast í Úkraínu málunum. Það sést einnig í dinglanda þjóðarinnar varðandi Ísrael og Palestínu.

Forsetatíð Ólafs Ragnars verður rannsökuð af fræðimönnum framtíðar og þá mun væntanlega koma í ljós hvernig hann stóð sig. Sjálfur er hann ekki dómbær um eigin verk og aðra frammistöðu.

En hann er eini forseti íslenska lýðveldisins sem hefur fengið alvarlegar ákúrur frá opinberri rannsóknarnefnd.

Það er einnig furðuleg yfirlýsing hjá forsetanum að lýsa því yfir að hann muni ekki taka þátt í næstu forsetakosningum, eins og það skipti máli þótt hann kjósi ekki.
Er þetta kanski lítilsvirðing þjóðarleiðtoga við þessar kosningar? 

Ef hann kýs, reikna flestir með því, að hann kjósi fjandvin og að mörgu leiti skoðanabróður sinn Davíð Oddsson.

Kýs ekki í forsetakosningunum

Orðuveitingar eru iðulega fyrir utan skilning almennings.

• Forseti Íslands hengdi orðu á þessa Katrínu í Lýsi nú 17 júní. Fjölmargir spyrja sig hvað hún hafi til þess unnið að fá sokkaband

• Það er einkennandi fyrir þessar veitingar, að skýringar til almennings eru nánast engar fyrir hvað hver og fær slíka viðurkenningu.

• En sem betur fer hafa ýmsir hafnað þessu prjáli og nauðsynlegt er að hald nafni þess fólks á lofti..

Stundin segir frá henni á þennan hátt:
,,Athafnakonan Katrín í Lýsi sagði í viðtali við Viðskiptablaðið fyrr í júní að Íslendingar væru í „andlegri kreppu“ vegna gagnrýni fólks á atvinnulífið. „Við vorum einu sinni öll stolt yfir því að vera Íslendingar og við vorum öll stolt yfir okkar atvinnulífi, okkar fyrirtækjum og afreksfólki … Kreppan er búin og komið góðæri en eftir situr andlega kreppan.“

En getur verið að við höfum ástæðu til að vera ekki alstolt af atvinnulífinu og öllu fólki af okkar þjóðerni?

Katrín gaf sjálf ástæðu til að rýra atvinnu- og þjóðarstolt þegar fyrirtækið hennar, Hnotskurn ehf., sem átti Lýsi hf., fékk afskrifaðar tæplega 3 milljarða króna skuldir. Hún hafði þá selt vinkonu sinni Lýsi út úr félaginu daginn eftir að neyðarlögin voru sett á, en keypti það síðan aftur síðar af henni á góðum díl.

• Þetta einkahlutafélag Katrínar hafði fengið lán í Glitni til að kaupa í FL Group, en hún var einmitt stjórnarmaður í Glitni þegar hún fékk lánið, sem hún borgaði síðan ekki, og forðaði síðan Lýsi undan".

Þetta var auðvitað loka tækifæri forsetans til þess að dingla þessa konu Katrínu Pétursdóttur sem hefur verið forstjóri Lýsis frá 1999 þegar hún keypti fyrirtækið. Hún er auðvitað í réttum flokki.

Katrín lauk prófi í iðnrekstrarfræði frá Tækniskóla Íslands árið 1988.  

Frá 17 ára aldri starfrækti Katrín fyrirtækið Hnotskurn, sem verslaði með smávarning af ýmsu tagi, en seldi það árið 1988.

Árið 1991 stofnaði hún ásamt foreldrum sínum Erlu Tryggvadóttur og Pétri Péturssyni fyrirtæki undir sama nafni í Þorlákshöfn til vinnslu þorskhausa til útflutnings. Fyrirtækið var sameinað Lýsi árið 2004.  

Katrín hefur setið í stjórnum ýmissa fyrirtækja og félagasamtaka svo sem Viðskiptaráðs Íslands, Háskólans í Reykjavík, Bakkavarar, Glitnis og Ísal.

Sem stjórnarmaður hjá Rio Tinto og vann hún við útskipun í verkfalli verkamanna í álverinu.

Þar gekk hún hart fram og var með gífuryrði í garð verkamanna. Þá á hún í stríði við íbúa í Þorlákshöfn vegna mengunnar fyrirtækjanna.

Íslenska þorskalýsið er unnið úr lifur þorskfiska á meðan norska lýsið er unnið úr hreinni þorskalifur.

 

Andleg veikindi Íslendinga

Lífsgleði getur verið bæði orsök og afleiðing hamingju, sem er æðsta takmark flestra. Íslendingar mælast með einna mestu lífsánægju allra þjóða í heiminum. Samt kemur reglulega upp veruleg óánægja með hvað við séum neikvæð.

STUNDIN.IS

 

Tólf fengu fálkaorðuna

Frábært framtak fjallkonunnar á Seltjarnarnesi

• Það hefur nokkuð borið á þjóðernisrembingi síðustu árin. Þar hafa aðilar eins og Sigmundur Davíð og Morgunblaðið með Davíð Oddsson sem ritstjóra farið í farabroddi.
  *
• Jafnvel í ræðu forsætisráherrans í dag mátti greina slíka áráttu.

Ljóst er að þessir þjóðernissinnar hafa greinilega mætt miklum mótbyr frá almenningi með þessi viðhorf sín. En þau eiga sér djúpar rætur í þeim stjórnmálaflokkum sem standa að núverandi ríkisstjórn

Fjallkonan á Seltjarnarnesi ákvað að lesa upp kvæði eftir Austurískan flóttamann sem var gyðingur.

Á þessu hefði ég ekki átt von á fyrirfram. Kanski er að rofa eitthvað til í kollinum á íslendingum.

,,Því ákvað ég að flytja ljóð og minn­ast þeirra ein­stak­linga sem hafa flust til Íslands, sam­lag­ast þjóðinni og orðið Íslend­ing­ar,“ seg­ir Svana Helen Björns­dótt­ir, fjall­kon­an á Seltjarn­ar­nesi í ár.

Kanski er þetta andóf gegn gömlum ref sem vill verða forseti og er talsmaður fordómanna. Maðurinn sem lét ljósmyndarann laga aðeins til andlitið sem birtist á heilsíðu auglýsingum í dag. Ekki veit ég það.

Þá vekur það athygli að fjallkonan á Ísafirði er frá Kolumbíu.

Í því sambandi má rifja upp að þegar fyrstu íslensku flóttamennir komu til Kanada til að byrja nýtt líf tók á móti þeim miklu meira frost heldur en þeir höfðu nokkurntíma lifað á Íslandi.

Það voru indjánar sem björguðu lífi þessara íslensku flóttamanna sem voru látnir setjast að við Winnipegvatn.

Það er greinilegt að þar voru ekki fordómar á ferð. Íslendingar voru gjörsamlega vanmáttugir til takast á við frosthörkurnar sem fara iðulega niður í 30° á þessum slóðum yfir veturinn.

 

Almenningi haldið fjarri þjóðhátíðardagskrá og foreldrum kórbarna vísað burt

Aðgangur almennings var verulega takmaður og nær allur Austurvöllur afgirtur á meðan þjóðhátíðardagskrá fór fram við styttu Jóns Sigurðssonar í dag. Gripið var til þessara…

STUNDIN.IS

 

Rifjaði upp sögu fyrri flóttamanna