Ferðamenn eiga dvelja á Íslandi án þess að greiða skatta

 

•  Þetta er alveg ótrúlegt

 

Það er reyndar kostulegt að lækka skatta  hérlendis á erlendum ferðamönnum. Þessir skattar eru ekki það háir að þeir skipti erlent ferðafólk máli einfaldlega vegna þess hversu lágt gengið er á íslensku krónunni

 

Þannig að það eru engar líkur á að þessi aðgerð fjölgi ferðafólki erlendis frá. Síðan er það bara staðreynd að Ísland má varla við því að allt sé gert við núverandi aðstæður að reyna að fjölga ferðafólki.

Þetta frumvarp Bjarna er lagt fram fyrir pöntun frá hóteleigendum. Nær væri að tilkynna slíka hækkun frá og með 1. janúar 2016. Það er verulegur kostnaður fyrir samfélagið að taka móti ferðmönnum með þeim hætti sem komið er.

Það er algjörlega ótækt og óeðlilegt að varpa þeim kostnaði á launamenn.

Fallið frá 14% gistináttaskatti

Athugasemdir

[Snorri (IP-tala skráð) 10.6.2013 kl. 10:49]

Bara rammvitlaust hjá þér Kristbjörn.

Þó að brjálað sér að gera hér á sumrin og vetrarferðamennskan öll að koma til eru gististaðir að gefa allt að 70% afslátt af gistingunni til að fá gestina á annað borð inn. Gengið er þeim hagstætt en við erum ennþa´dýr dvalarstaður og gestirnir "price sensitive". Það er því alveg klárt mál að ef ég gæti rukkað 7% meira og sett í vasa rekstursins, hefði ég verið búinn að því.

Það er kannsk öfugsnúið að segja að fráfall hækkunar fjölgi ferðamönnum en það er klárt mál að hækkunin hefði haft neikvæð áhrif á vöxt ferðaþjónustunnar. Það hefði fækkað í hópi þeirra sem týma að koma hingað.

Það er mesti misskilningur að menn séu orðnir millar á þessum ferðamannabransa og ástæðan fyrir því er að gæðin dreifast á mikið fleiri heldur en í öðrum greinum. Öll verslun ferðamanna dreifist út um allt samfélagið. Matvöruverslanir, olíufélögin, veitingastaðir, hótel og mikið fleiri njóta góðs af því að ferðamenn komi hingað. Það er mjög heimskulegt að reyna að skjóta sig í fótinn með því að hækka verðið á gistingu til að fá tekjur sem koma sjálfkrafa inn með aukinni umferð.

[Kristbjörn Árnason, 10.6.2013 kl. 14:08]

Snorri, þú ert bara að ræða um allt annað en ég var að gera.

Ég var bara að benda á, að ef erlendir ferðamenn greiða ekki eðlilega skatta þegar þeir heimsækja landið, lendir kostnaðurinn af veru þeirra á skattgreiðendum sem eru fyrst og fremst launamenn.

Fyrirtækin greiða litla skatta og ekki eru fyrirtæki í ferðaiðnaði til fyrirmyndar í þessum efnum. Ef við ætlumst til þess að úgerðarmenn greiði fyrir fiskinn sem þeir taka úr sjónum og fénýta.

Verðum við einnig að ætlast til þess, að þeir sem koma til landsins greiði einnig fyrir not sín af íslenskri náttúru ásamt þeim sem lifa á því að flytja ferðamenn til landsins.

Mundu, að ég var ekki að tala um endilega að hækka verðið á gistingunni. því er spáð að innan 2 til 3 ára verði ferðamenn komnir í eina milljón og við erum þegar í vandræðum með að taka á móti þessu ágæta fólki.