Góð ábending hjá Þorsteini Sæmundssyni

 

•  Hér minnist hann á málefni sem hafa verið látin liggja í þagnargildi síðustu 20 árin.  

Það þætti lélegt framleiðslufyrirtæki í iðnaði sem bæri launakostnað sem væri yfir 25% af heildarkostnaði við framleiðslu.  Hér minnist ég á iðnað sem er í eðli sínu með miklu hægari veltuhraða en smásöluverslun.

 

Það er eitthvað alvarlegt að smásöluverslun í matvöru sem væri með hærri launakostn-að en 15% af  veltu sinni.  Reyndar held ég að framleiðni í verslun á Íslandi sé fárán-lega léleg er kallar síðan einstaklega mikla álagningu á t.d. innfluttum vörum.

Það er hárétt spurning hjá Þorsteini Sæmundssyni er hann spyr um ávinningin af mikilli gengishækkun krónunnar undanfarna 12 mánuði. Nema hvað mér finnst hann gera fulllitlar kröfur sem mér þætti vera eðlilegra að ræða um 3- 3,5%.

Þá er einnig réttlætanlegt að spyrja hvort það er eitthvert réttlæti í því að láta hið falsaða innflutningsverð og eða kostnað, stjórna verðlagi á húsnæðislánum.

Það væri a.m.k. ómaksins vert að rannsaka sérstaklega hvort álagning í smásölu-verslun geti verið eðlileg og eða framleiðni fjármagnsins sem liggur í versluninni.  Hverjar eru þessar miklu afætur á hagnaði í versluninni?  Þá væri auðvitað mikilvægt að bera saman frammistöðu íslenskrar verslunar miðað við verslun í öðrum löndum hvað þetta varðar.

„Ábyrgð þessa fólks er mikil“

Athugasemdir

[Hvumpinn, 11.3.2014 kl. 16:08]

Þetta er snillingurinn sem vill koma á Áburðarverksmiðju Ríkisins að nýju.  Rétt að hafa það í huga líka. http://www.althingi.is/altext/143/s/0658.html

[Kristbjörn Árnason, 11.3.2014 kl. 16:11]

ég er algjörlegaósammála Þorsteini um nýja áburðarverkssmiðju. En hann getur samt sem áður bent á hluti sem þarfnast skoðunar.

Eða á það að vera í hendi atvinnurekenda hvernig húsnæðislánin hækka??

[Ragnar Gunnlaugsson, 11.3.2014 kl. 17:53]

Hvumpinn: Um að gera að fara í manninn en ekki málefnið. Sammála Kristbirni að verslunin er ekki í lagi.

[Jonsi (IP-tala skráð) 11.3.2014 kl. 21:39]

Ef verðlag hækkar smá, þá hækkar vísitala, og þá hækkar leiguverðið eða lánaafborgunin, og þá þarf að hækka verðið í búðinni svo búðin geti staðið í skilum, en þá þarf einnig að hækka launin svo starfsmenn geti einnig staðið í skilum á ofangreindu, og þá hækkar vísitalan aftur, og þá ...

Æji ég er kominn í hring.

J.

[Guðlaugur (IP-tala skráð) 11.3.2014 kl. 22:16]

Já það er típískt að hlaupa í manninn en ekki málefnið sem hér er verið að tala um. Menn geta haft hvaða skoðanir sem þeir vilja á áburðaverksmiðju. En viljum við hafa fákeppni á matvörumaraði áfram við líði? Viljum við að lánin á íbúðunum okkar hækki við hverja verðhækkun á neysluvöru? Held að þarna sé málefni sem fólk ætti að láta sig miklu varða. Hún er ekkert smá % sem við notum til neysluvöru kaupa.

Við getum svo tekið umræðu úm áburðinn síðar Hr Hvumpinn,