Ríkisstjórn elítunnar hefur sýnt sitt rétta andlit

 

• Allt með samþykki „Heimsýnar“ að sjálfsögðu  

Ríkisstjórnin setti lög láglaunafólk er starfar um borð í Herjólfi og sú ástæða sögð að vinnustöðvunin stöðvaði samgöngur við Vestmannaeyjar.

Það var auðvitað alrangt þar sem aðeins var um að ræða yfirvinnubann. Aðrar samgöngur voru á fullu og einnig möguleikar á flutningum með öðrum skipum.

þjónar sínum herrum dyggilega

En ríkisstjórnin var auðvitað að hugsa um hagsmuni útgerðar og fiskvinnslu í eyjum þeim var hjartanlega sama um hagsmuni þessa láglaunafólks. Pólitísk aðgerð. 

Stöðugar hótanir vofðu yfir hlaðmönnum og öðrum starfsmönnum á flugvöllum er þeir fóru í nokkur örverkföll. Um er að ræða venjulega launamenn á lágum grunnlaunum.

Þessar hótanir voru af pólitískum toga og voru til þess að vernda hagsmuni atvinnurekenda í landinu.  Þetta fólk hafði gætt þess að trufla sem minnst flugumferð til og frá landinu. Þeir sköðuðu stórlega möguleika þessa fólks til samninga.

Þessi fyrirhöguðu lög á flugmenn er bara enn einn vitnisburðurinn hvernig þessi ríkisstjórn gerir lögvernduð samningsréttindi launafólks að engu. Brotin eru lög í þeim pólitíska tilgangi að vernda hagsmuni þessa eina flugfélags sem með réttu hefði átt að hafa orðið gjaldþrota.

Það eru fjöldamörg önnur flugfélög sem fljúga til og frá landinu. Ríkisstjórnin og milljónamæringarnir sem stjórna þessu flugfélagi munu ekki ráða við flugmenn.  Þeir geta sem hægast sagt upp störfum og félagið fær ekka aðra flugmenn í stðin á meðan ósamið er. 

Þetta er óskastaða „Heimsýnar“  heimóttarbragurinn sjálfur í hávegum og elítustjórnarfar í algleymingi. 

• Var ríkisstjórnin búin að semja um það við stjórnarandstöðuna, að þetta mál færi á dagskrá??. 

Gjaldþrota þotuliðið makar krókinn og ríkisstjórnin styður sína menn.

Formaður samtaka atvinnurekenda sagður með 3,5 milljónir á mánuði samt má hann vera að því að standa í kjarasamningum sjálfur hálaunamaðurinn. Maður hefði haldið að slíkur hálaunamaður yrði að skila miklum afköstum.

DV: Laun lykilstjórnenda Icelandair Group og dótturfélags þess Icelandair, hafa hækkað um tugi prósenta á undanförnum misserum. Þannig hafði Birkir Hólm Guðnason, framkvæmdastjóri Icelandair, um 1,9 milljónir króna í laun á mánuði árið 2010. Hann fékk hins vegar ríflega hækkun á síðasta ári og er nú kominn með tæpar 2,9 milljónir króna á mánuði.

Birkir Hólm er ekki eini hástökkvarinn í launum í hópi æðstu stjórnenda Icelandair Group og Icelandair. Þannig hækkuðu laun Boga Nils Bogasonar, fjármálastjóra Icelandair Group, úr 1,7 milljónum króna á mánuði árið 2010 í 2,8 milljónir króna á mánuði í fyrra. Þetta er hækkun upp á ríflega 1.100 þúsund krónur á mánuði á milli ára. 

Björgólfur Jóhannsson, forstjóri Icelandair Group, hefur einnig fengið að njóta góðs af hagnaðinum, því laun hans hækkuðu um 250 þúsund krónur á mánuði í fyrra og voru í árslok tæpar 3,5 milljónir króna á mánuði.

 

 

Lög verða sett á flugmenn