Brynjar á nú hrós skilið fyrir ákveðna hreinskilni

• Aðgerðir rússa  eru farnar að virka á Íslandi
  *
• Rússar eru góðir með sig, veikasti hlekkurinn er að bresta
  *
• Ríkisstjórn útgerðarinnar varð fyrir viðvörun þar hún stendur viðkvæmust fyrir sem eru peningamálin.

Þrátt fyrir að bakland stjórnarinnar hafi verið búið að gera vel við sig. Með því lækka verulega veiðigjöldin,  auk þess að fá verulega skattalækkun.

Kaupfélagspjakkurinn hefur fengið hressilega yfirhalningu frá útgerðar armi kaupfélagsins. Mátti sjá strák geyið skælandi í sjónvarpinu af þessum sökum.

Allt er í uppnámi og ráðherrar þurfa nú skyndilega að mæta í vinnuna eftir klúðrið til að reyna að finna lausnir. Eins gott að engin upptaka var af fundinum og fundargerðin hreinn skáldsskapur.

Málið er nú allt tekið úr höndum stráksins að norðan og forsætisráðherrann gengst undir það verkefni að hringja í þann stutta austur í Moskvu. 

Nú hringdi þjónustustúlkan  fyrir Sigmund  í sendiherrann og hann beðinn um að bjarga málum enda góðvinir frá síðasta lyftingarmóti.

Sagt hefur verið milli þilja, að eyðibýlisábúandinn hafi vælt í Dmitry Medvedev og sagt honum að vondir kallar hefðu platað kaupfélagsstrákinn og hann væri búinn að skæla í marga daga. Jafnvel Bessastaðabóndinn  er búinn að biðja um viðtalsbil.

Þá var því hvíslað að hægt væri að bjóða betri verð á makrílnum auk þess að honum yrði boðið í gott partý með haustinu ef  þeir vildu vera svo góðir að halda áfram að kaupa fisk. Síðan ku hafa verið löng þögn og síðan bæ.

En þótt einhverjir stjórnmálamenn segi nú, að íslendingar eigi að virða ákveðin prinsipp og að standa með lýðræðisþjóðum gegn ólýðræðislegum herveldum. Þá meina þeir ekkert með þeim orðum því það er nokkuð sem Ísland hefur aldrei gert.

Í utanríkismálum hefur alltaf verið hlaupið eftir hagsmunum, einkum útgerðarinnar, verslunar, stóriðjunnar og fjárfesta. 

Einnig hefur verið haldið í halann á Bandaríkjunum allt frá stríðslokum.  Það ríki hefur aldrei verið til fyrirmyndar frekar en rússar.

Hugtakið lýðræði hefur gríðarlega breytilega merkingu og fer það gjarnan eftir þjóðum og raunar eftir ýmiskonar hagsmunum á hverjum stað. Bæði viðskiptalegum og pólitískum.

Nýlega var gerður fríverslunasamningur við Kína,  það verður ekki sagt að einhver réttlætis prinsipp hafi ráðið þar för. Heldur miklu fremur einhver græðgisviðhorf. 

Það var vinstri stjórnin sem gekk endanlega frá þeim ófögnuði sem hafði lengi verið í undirbúningi og þeir stjórnmálamenn íslenskir sem voru sammála þeim gjörningi ættu að skammast sín og sérstaklega vinstrimenn.

Myndin sem var sýnd í sjónvarpinu nú í gærkvöld,sýnir m.a. verksmiðjur í Kína sem framleiða apple- tölvur og síma.  Þar var sýnt hvernig farið er með fólk í þessu landi sem íslendingar kusu að gera fríverslunarsamning við. 

Myndin sýnir einnig hvernig bandaríkst (lýðræðislegt) risafyrirtæki misnotar réttleysi verkafólks í Kína.

Það má einnig upplýsa það, að stór hluti iðnaðarvara sem íslendingar kaupa í búðum eru framleiddar í svona kínverskum verksmiðjum, þar sem aðbúnaður fólks er jafnvel enn verri en það sem sýnt var í myndinni.

Íslenskir hönnuðir láta framleiða vörur sínar í þessu kúgunaríki, þar sem fólk er haft í búrum með sterku hænsnaneti utanum svo það getur ekki um frjálst höfuð strokið. Skilríki eru tekin af fólkinu svo það geti enga björg sér veitt og það getur ekki strokið.

Síðan státa íslendingar sér af háu menntunarstigi en elta hagsmuni annarra sér voldugri þegar þeir segja sína skoðun á einu og öðru bæði  í máli og atferli. Gera síðan samninga við óþverraríki og ráðamenn státa sér af ríkri réttlætiskennd. 

Það eru ekki til meiri öfugmæli

„Getum tæplega bakkað út núna“