Hálfgerðar hundakúnstir hjá ráðherra

• Árum saman hef ég notað svona matsaðferðir en þá í verklegri námsgrein sem í sjálfu sér skiptir ekki máli.
  *
  
• Það var vegna þess að námskrá gerði kröfur um slíkar lausnir í námsmati.
  *
• Nú virðist vera farið ansi bratt í málið vegna þess að skólarnir hafa bara ekki farið að þessum tilmælum eða stefnumörkun í námskrá.

Mér sýnist að hér sé um að ræða það sem við höfum lengi kallað „rúbrikkur“ á góðri íslensku. Þar eru sett ákveðin hæfnisviðmið sem eiga að standa á bak við einkunnar skalann.

Það breytir engu hvort notaðir eru bókstafir eða tölustafir þegar einkunn er gefin. Því bak við bókstafina verða alltaf  vera einhver talnagildi.

Það er einnig mikilvægt að hægt sé að nota tæki  eins og töflureikna til að auðvelda vinnuna. Ef engin talnagildi eru fyrir hendi þá verður matið einfaldlega ómarkvisst.

En það er rétt sem Hilmar segir, að það tekur langan tíma að þróa þessi viðmið svo þau verði bæði réttmæt og eðlileg fyrir hvern aldurshóp. Það er vel hægt að nota viðmið til að meta bæði hæfni og þekkingu.

En til þess að  verður að gefa aðferðinni tíma til að þróast.  Einnig er nauðsynlegt að samhæfa matsfólkið, þ.e.a.s. kennaranna sem eiga að beita þessum aðferðum.

Einnig kallar þetta á breyttar kennsluaðferðir og breytta markmiðsetningu.  En einnig breytingar á því hvernig könnun á frammistöðu nemenda fer fram.

Ég reikna með því, að ekki sé við ráðherrann að sakast í þessu efni. Það stendur að þessu stóð kennslufræð-inga með DR gráður í farteskinu sem hafa fyrir löngu komið sér saman um að þetta sé nauðsynlegt.

Hvorki núverandi ráðherra Illugi Gunnarsson eða Katrín Jakopsdóttir  eru sérfræðingar í kennslufræðum fyrir grunnskólanemendur.

Þetta er eins og áður, þessar ráðuneytisrottur ráða þarna för. Þessi ákvörðun er margra ára gömul og skólarnir hafa hunsað þessa stefnu árum saman.

Það verður engin sjálfstæð námskrá til hjá einum ráðherra, það er verk margra manna og tekur mörg ár.

 

Hvaða þýða bókstafseinkunnir

Athugasemdir

[Már Elíson, 4.10.2015 kl. 11:13]

Hvað er að því að gefa 10 í skrift þegar nemandi skilar lýtalausu verkefni ?  - Þarf bara að breyta til að breyta ?? - Afhverju þarf allt í einu að gefa A með einhverri útskýringu og skírskotun eða B+ eða A- eða B++ (er það 9,2 ?) - Hvurslags þvæla er þetta eiginlaga. - 9,5 er bara "næstum því lýtalaust" og hvað með það ?

Tölustafakerfi í einkunnagjöf virkar 100%, og "nýtt og uppdiktað" kerfi skilar hvorki verri né betri nemendum út í þjóðfélagið.  -  Flækjustig dauðans eins og venjulega, og þessi Illugi sjálfstæðis-skrípill er að rústa öllu menntakerfi (o.fl.) í kringum sig og virðist ætla að komast upp með það. - Vaðlaheiðagöngin hvað ?

[Kristbjörn Árnason, 4.10.2015 kl. 15:23]

Það er ekkert að því Már. Skrift er auðvitað verklegt fag. Það í sjálfu sér ekkert að því að þróa nýjar aðferðir til að búa til námsmarkmið og nýjar kennsluaðferðir til að ná þeim. En nýjar aðferðir til að kenna og meta nám verður að standast gæðaviðmið. Þ.e.a.s. það verður að verða framþróun í þágu nemenda.

Jafnvel þótt notaðar séu tölur þegar mat er birt, verður einnig að skýra það fyrir bæði nemendum og foreldrum fyrir hvað tölurnar standa. Það hefur einmitt verið vanda málið.

Ef t.a.m. verið að kenna list- og verkgreinar (eins og greinarnar eru nefndar) Eru margir þættir metnir hjá hverjum nemanda. Þessit þættir hafa misjafnt vægi í heildareinkunninni. Því er nauðsynlegt að gera grein fyrir því hvaða þættir eru metnir og vægi þeirra. Sömuleiðis hvernig nemandinn stóð sig í hverjum þætti fyrir sig.

Breytir þá engu hvort loka einkunn er birt með bókstöfum eða tölustöfum.

Takk fyrir innlitið Már.