Aldrei má segja sannleikann á Alþingi

• Það eru reglur um að alþingismenn upplýsi um fjárhag sinn og aðra fjárhagslega hagsmuni sína.
  *
• Sannleikanum er hver sárreiðastur, Sérstaklega þegar ekki er allt með felldu. 

Þetta er auðvitað athyglisvert þegar eftirfarandi er haft í huga:

,,Á sama tíma og forsætisráðherrann krafðist þess ítrekað úr þessum ræðustól á síðasta kjörtímabili að fá að vita hverjir væru raunverulegir eigendur bankanna, hverjir kröfuhafarnir væru, hrægammarnir, var hann einn af þeim.

Þetta setur slagorð Framsóknarflokksins um heimilin í landinu í allt annan og óskemmtilegri búning en hingað til,“ sagði þingmaðurinn.

 

Hrægammur í stjórnarráðinu?

ALÞINGI Til harðra orðaskipta kom á Alþingi fyrir skömmu. Björn Valur Gíslason átti upphaf umræðunnar þegar hann flutti þessa ræðu. Þar sagði hann meðal annars að nú hafi; „...komið í ljós að forsætisráðherrahjónin eru í gegnum peningafélag sitt skráð á…

MIDJAN.IS

 

Hér má sjá vandræðalegar réttlætingar flokksystkina Sigmundar Davíðs,

Þetta er auðvitað ákveðin spilling. Það var athyglisvert að þingmenn samstarfs-

flokksins blönduðu sér ekki í málið

ALÞINGI Samherjar forsætisráðherra, Sigmundar Davíðs Gunnlaugssonar, brugðust hart við ræðu Björns Vals Gíslasonar, varaþingmanns og varaformanns VG, á þingi fyrr í dag.

Kemur kannski ekki á óvart

„Það kemur kannski ekkert á óvart úr hvaða ranni hún kemur sú umræða sem hér er. Þetta er að einhverju leyti ástæðan fyrir því, held ég, að Alþingi mælist með lítið traust. Það er það skítkast sem þessir ágætu þingmenn, sumir hverjir sem hér hafa talað, hafa stundað árum saman úr þessum ræðustól, með því að tala niður Alþingi og draga inn í umræður í ræðustól hluti sem koma í sjálfu sér því sem við erum að gera ekkert við. Það er mjög, mjög merkilegt, ég verð að segja það. En að fara í þennan skítaleiðangur sem háttvirtir þingmenn Vinstri grænna virðast leiða hér er algerlega sorglegt og það er það sem er að gera út af við traust á Alþingi,“ sagði Gunnar Bragi Sveinsson utanríkisráðherra.

Hélt við værum komin lengra

Sigurður Ingi Jóhannsson, varaformaður Framsóknarflokksins og sjávarútvegs- og landbúnaðarráðherra kom einni í ræðustól, þar sem hann sagði til að mynda:

„Mér er nánast orða vant yfir því sem hér er borið á borð í þinginu. Ég hélt að við værum komin yfir þann lágkúrulega kafla að draga fjölskyldur þingmanna og kjörinna manna inn í umræður í ræðustól Alþingis. Ég hélt að við værum komin lengra á sviði jafnréttis og skilnings á því að við erum öll einstaklingar. Ég trúi því varla að við ætlum aftur niður á það lágkúrulega stig sem við vorum á fyrir nokkrum árum þar sem það var hefðbundið að stunda aurkast á hvern og einn einstakling úti í bæ héðan úr ræðustól Alþingis. Ég vona að þingið sé komið lengra á sinni braut og það séu komnir aðrir tímar.“

Gat ekki orða bundist

Páll Jóhann Pálsson, þingmaður Framsóknarflokksins í Suðurkjördæmi, sagði dapurlegt að heyra; „…þegar háttvirtir varaþingmenn koma hér og reyna að draga umræðuna niður í svaðið. Ég get ekki orða bundist um það.“

Sagði Sigmund vera kröfuhafa