Gull fólkið á Íslandi. Fólkið sem var og er hampað mest.

Listi yfir afskriftir fyrirtækja í kjölfar efnahagshrunsins 2008 (Wikipedia) 

Þetta er listi yfir afskriftir fyrirtækja í kjölfar efnahagshrunsins 2008: Tekið er fram hvaða fyrirtæki fékk afskriftirnar (debt write-off) - hversu háar þær voru og hvenær þær fóru fram og hvaða banki afskrifaði.

Hafa ber í huga að afskriftir skulda fyrirtækja eru á kostnað bankanna og kröfuhafa þeirra. Þær eru ekki greiddar af skattborgurum eða almenningi. ^[1]

Í svörum efnahags- og viðskiptaráðherra, Árna Páls Árnasonar, við fyrirspurn Einars K. Guðfinnssonar á Alþingi 2011 kom fram að afskriftir til fyrirtækja og hlutafélaga námu 480 milljörðum króna af alls 503 milljarða afskriftum lána í bankakerfinu á árunum 2009 og 2010. ^{[2] [3]}

• Bakkabræður (Lýðurog Ágúst Guðmundssynir) - 170 milljarða - 2008-2012 - Kaupþing (Arion banki) -Ath. Ágúst og Lýður Guðmundssynir, gjarnan kenndir við Bakkavör, fengu að minnsta kosti um 170 milljarða króna afskrifaða hjá Kaupþingi og Arion banka eftir hrunið 2008. ^[4]
  
  
• Saxhóllog Bygg - áætlað 100 milljarða - 2011 - Landsbankinn, Íslandsbanki og Arion banki - Ath. Verktakafyrirtækið Bygg er í eigu Gunnars Þorlákssonar og Gylfa Héðinssonar og Saxhóll fjárfestingarfélagi Nóatúnsfjölskyldunnar. Eigendur Byggs og Saxhóls áttu í samstarfi í hinum ýmsu fyrirtækjum á árunum fyrir íslenska efnahagshrunið. ^[5]
  
  
• Björgólfur Guðmundsson- 96 milljarða - 2012 - Ath. Björgólfur Guðmundsson er sá einstaklingur sem mestar hefur fengið afskriftirnar. ^[6] [7]
  
  
• Félög tengd Karli Wernerssyni- áætlað 90 milljarða - 2012 - Hér er m.a. um að ræða Milestone. ^[8] [9]
  
  
• Fjárfestingafélagið Kjalar- 64 milljarða - 2011 Arion banki - Ath. Ólafur Ólafsson, oft kenndur við Samskip og S-hópinn, gerði samning við Arion banka upp á 64 milljarða króna afskriftir af skuldum fjárfestingarfélagsins Kjalars.^[10] Viðskiptablaðið talar um 77 miljarða afskriftir. ^[11] [12]
  
  
• Eignarhaldsfélagið Nordic Partners- 60 milljarða - Landsbankinn - 2012 - Ath. Friðrik Jóhannsson, fyrrverandi forstjóri Straums-Burðaráss er nú búsettur í Lettlandi. Þar sinnir hann rekstri á eignum sem áður heyrðu undir Nordic Partners, félag sem fjárfestirinn Gísli Þór Reynisson átti að stærstum hluta en hann lést árið 2009. ^[13]
  
  
• Fjárfestingafélagið Gift- 57 milljarða - 2013 - Ath. Gift var í eigu Eignarhaldsfélags Samvinnutrygginga. ^[14]
  
  
• Magnús Kristinsson- 50 milljarða - Landsbankinn - 2010 - Ath. Magnús Kristinsson, útgerðarmaður í Vestmannaeyjum, fékk stóran hluta af tæplega 50 milljarða króna skuld eignarhaldsfélaga hans afskrifaðan eftir að hann samdi við skilanefnd Landsbankans. ^[15] Afskrifa þurfti einnig rúmlega 778,5 milljóna kröfur á hendur Mótormax ehf. í eigu Magnúsar. (Sjá Mótormax-dómurinn) ^[16]
  
  
• Eignarhaldsfélagið Teymi hf.- um 50 milljarða - 2009 - Ath. Vodafone og ýmis tölvufyrirtæki heyrðu undir Teymi. Félagið hafi síðan verið skipt niður í Skýrr og Vodafone, nú Advania og Vodafone. Teymi hét áður Dagsbrún og um tíma Kögun. ^[17] [18]
  
  
• Actavis- 43 milljarða - 2012 - Deutsche Bank - Ath. Þýski bankinn Deutsche Bank þurfti að afskrifa 257 milljónir evra, 43 milljarða króna, vegna Actavis á fyrsta ársfjórðungi 2012. ^[19] [20]
  
  
• Eignarhaldsfélagið Svartháfur- 38 milljarða - 2011 - Ath. Eignarhaldsfélagið Svartháfur afskrifaði rúmlega 38 milljarða króna lán til eignarhaldsfélaganna Racon Holding AB og Földungs, áður Vafnings. Félagið fékk 200 milljóna evra lán frá Glitni í ársbyrjun 2008 og endurlánaði peningana strax aftur til dótturfélaga Milestone, Racon og Vafnings. Bjarni Benediktsson, formaður Sjálfstæðisflokksins, kom að Vafningsfléttunni í febrúar 2008 þegar hann veðsetti hlutabréf í Vafningi sem voru í eigu skyldmenna hans – faðir Bjarna og föðurbróðir áttu Þátt International með Wernersbræðrum. ^[21]
  
  
• Fjárfestingafélagið Unity Investments ehf.- 37 milljarðar - 2013 - Ath. Félagið var í eigu Baugs Group, FL Group og breska kaupsýslumannsins Kevin Stanford. ­Skráðir stjórnarmenn í félaginu samkvæmt ársreikningnum voru þeir ­Jón ­Sigurðsson, fyrrverandi forstjóri FL Group, og Stefán Hilmar Hilmarsson, fyrrverandi fjármálastjóri Baugs. ^[22]
  
  
• Verslunarfélagið Hagar hf.- milli 35 og 40 milljarða - 2011 - Arion banki - Ath. Heildarupphæð afskrifta Arion banka árið 2011 vegna viðskipta hans við Jón Ásgeir Jóhannesson og fjölskyldu varðandi verslunarfélagið Haga nam milli 35 og 40 milljörðum króna. ^[23]
  
  
• Umtak, fasteignafélag olíufélagsins N1- um 20 milljarða - 2012 - Ath. Umtak var hluti af fjárhagslegri endurskipulagningu N1 sem var yfirtekið af kröfuhöfum olíufélagsins í fyrra en félagið hélt utan um eignarhald á öllum fasteignum olíufélagsins. Eigandi Umtaks núna er Arion banki. ^[24]
  
  
• Guðmundur Kristjánsson- 20 milljarða - 2011 - Landsbankinn nýi - Ath. Guðmundur er útgerðarmaður, oft kenndur við Brim. ^[25]
  
  
• Íslenskir aðalverktakar ehf/Drög ehf- 20 miljarða - 2011 - Ath. Meðal eigenda Draga, móðurfélags ÍAV voru forstjórar þess, þeir Karl Þráinsson og Gunnar Sverrisson. Drög var tekið til gjaldþrotaskipta þann 17. nóvember 2011. ^[26]
  
  
• Stím- 20 milljarða - 2010 - Landsbankinn nýi - Ath. Jakob Valgeir Flosason er eigandi Stíms. ^{[27] [28] [29] [30]}
  
  
• Eignarhaldsfélagið Salt Investments- 15, 5 milljarða - Glitnir - Ath. eignarhaldsfélag Róberts Wessmann. ^[31]
  
  
• Höfðatorg ehf.- 15 milljarða - 2011 - ATh. Skuldir Höfðatorgs ehf. voru felldar niður um 15 milljarða við endurskipulagningu félagsins. ^[32]
  
  
• Eignarhaldsfélagið EO ehf.- 11,7 milljarða - 2011 - Ath. Eignarhaldsfélagið hét áður Oddaflug. Það skuldaði 11,7 milljarða í lok árs 2009 en átti eignir fyrir um 86 þúsund krónur. EO ehf. er dótturfélag FI Fjárfestinga sem er alfarið í eigu Hannesar Smárasonar og hélt einnig um eign hans í FL Group. ^[33]
  
  
• k08/Ingvar Vilhjálmsson ehf.- 8 milljarða - Kaupþing - 2012 - Ath. þrotabú eignalauss félags Ingvars Vilhjálmssonar, fyrrverandi framkvæmdastjóra markaðsviðskipta Kaupþings. Kröfur í félagið k08 ehf. námu tæplega 8 milljörðum króna. ^[34]
  
  
• Eignarhaldsfélagið Sævarhöfðiog Fasteignafélagið Sæhöfði/félög í eigu eigenda fjárfestingarfélagsins Sunds - 7,5 milljarða - 2012 - Ath. Félögin voru í eigu Gunnþórunnar Jónsdóttur, eftirlifandi eiginkonu Óla Kr. Sigurðssonar í Olís, sonar hennar Jóns Kristjánssonar, Páls Þór Magnússonar, Kristins Þórs Geirssonar og Birgis Ómars Haraldssonar. ^[35]
  
  
• Þorgeir Baldursson/Kvos- 5 milljarða - 2012 - Landsbankinn nýi og Arion banki. Ath. Kvos er aðaleigandi prentsmiðjunnar Odda. ^[36] Gömlu hluthafar Kvosar og Odda (m.a. Þorgeir Baldursson) eignuðust síðan fyrirtækið aftur eftir skuldaafskriftirnar hjá Arion banka og Landsbankanum. ^[37]
  
  
• EM 13 ehf.- 4,3 milljarðar - 2013 - Ath. Félagið EM 13 er kannski betur þekkt sem BNT hf. fyrrverandi móðurfélag N1. Talsvert var fjallað um félagið BNT í fjöllmiðlum, sér í lagi vegna aðkomu félagsins að Vafningsfléttunnisvokölluðu. ^[38]
  
  
• Runns, Runns 2 og Sólstafir - 4,3 milljarða - 2009 - Byr - Ath. félög í eigu Þorsteins Jónssonar og Magnúsar Ármanns, en rúmlega 4.3 milljarðar af rúmlega 4.7 milljarða skuldum þeirra við Byr voru færðir á afskriftarreikning.^[39]
  
  
• Árdegi hf.- 4,1 milljarð - 2013 - Landsbankinn - Ath. Árdegi hf. var umsvifamikið í verslanarekstri á árunum fyrir hrun og átti meðal annars á einhverjum tímapunkti, beint og óbeint, verslanir BT, Skífuna, Next, Noa Noa, Sony
  Center og Merlin verslunarkeðjuna í Danmörku. ^[40]
  
  
• Bílaumboðið Brimborg- 4 milljarðar - 2010 - Ath. Skuldirnar sem afskrifaðar voru námu 58 prósentum af heildarskuldum fyrirtækisins. ^[41]
  
  
• Eignarhaldsfélagið Fikt ehf/FS7- 3,7 til 5 milljarða - 2010 - Ath. FS7 var einkahlutafélag Finns Ingólfssonar og hélt meðal annars utan um hlut hans í Icelandair. Eignarhaldsfélagið Fikt ehf. hélt utan um hlut hans í FS7. Félagið skuldaði meira en 4 milljarða króna sem líklega ekkert fékkst nokkuð upp í. ^{[42] [43] [44]}
  
  
• Gráfell ehf.- 3,8 milljarða - 2012 - Landsbanki Íslands - Ath. Gráfell er að fullu í eigu eignarhaldsfélagsins Látrar sem aftur er í eigu útgerðarfélagsins Ingimundar hf. sem útgerðarmaðurinn Ármann Ármannsson á. ^[45]
  
  
• Eignarhaldsfélagið Bergið ehf.- 3,8 milljarða - 2012 - Ath. Eigendur félagsins voru Steinþór Jónsson, athafnamaður og fyrrverandi bæjarfulltrúi Sjálfstæðisflokksins í Reykjanesbæ, og Jónmundur Guðmarsson, núverandi framkvæmdastjóri Sjálfstæðisflokksins og fyrrverandi bæjarstjóri á Seltjarnarnesi. ^[46]
  
  
• Eignarhaldsfélagið Höfðaborg ehf- 3,5 milljarða - 2012 - Ath. Höfðaborg, eignarhaldsfélag í eigu Péturs Guðmundssonar, eiganda verktakafyrirtækisins Eyktar, skildi eftir sig 3,5 milljarða króna skuldir sem ekkert fékkst upp í.^[47]
  
  
• Útgerðarfyrirtækið Stakkavík- 3,3 milljarða - 2011 - Landsbankinn - Ath. Stakkavík er í Grindavík. Afskriftirnar koma fram í ársreikningi félagsins fyrir árið 2011. Fengu 3.300 milljóna afskrift og afslátt af veiðigjaldinu; grein af Dv.is 2013
  
  
• Fjárfestingafélagið Sólmon ehf.- 3,3 milljarða - 2012 - Sparisjóðabankinn, Sparisjóðurinn í Keflavík og Sparisjóður Reykjavíkur og nágrennis, nú Drómi - Ath. fjárfestingarfélag Magnúsar Ármann, Sólmon ehf., var tekið var til gjaldþrotaskipta með úrskurði Héraðsdóms Reykjavíkur í október 2012. ^[48]
  
  
• Útgáfufélagið Árvakur- rúmlega 3 milljarða króna - 2008 - Landsbankinn og Íslandsbanki - Ath. Árvakur er útgáfufélag Morgunblaðsins. ^[49] Þeir fengu síðan afskrifaðan um 1 milljarð árið 2012. ^[50] [51]
  
  
• Eignarhaldsfélagið KÞG Holding- um 3 milljarða - 2013 - Íslandsbanki - Ath. Eignarhaldsfélag í eigu Kristins Þórs Geirssonar, núverandi stjórnarformanns 66°norður. ^[52]
  
  
• Fóðurblandan hf.- um 3 milljarða - 2010 - Arion banki - Ath. skuldir fyrirtækisins lækkuðu um þrjá milljarða. Voru árið 2011 um tveir milljarðar króna en fyrirtækið skuldaði rúmlega 5,1 milljarð í árslok 2008. Stærsti eigandi Fóðurblöndunnar er Kaupfélag Skagfirðinga með yfir 70% hlut og Auðhumla með um 18% hlut. ^[53]
  
  
• Nóna- 2,6 milljarða - 2010 - Landsbankinn nýi. - Ath Nóna er að mestu í eigu fyrirtækisins Skinney-Þinganes hf.
  
  
• Eignarhaldsfélagið VGK Invest- 3 milljarða - 2011 - Ath. VGK Invest er að öllu leyti eða að hluta til í eigu Finns Ingólfssonar og var annað fyrirtækið í eigu hans sem varð gjaldþrota með nokkurra mánaða millibili. Félagið var einn af hluthöfunum í jarðvarmafyrirtækinu Geysi Green Energy og síðar Reykjavík Energy Invest (REI). ^[54]
  
  
• BOM fjárfestingafélag ehf- 2,6 milljarða - Landsbankinn nýi - 2012 - Ath. BOM var í eigu Magnúsar Þorsteinssonar ^[55]
  
  
• Einkahlutafélagið 7 hægri ehf.- 2 milljarða - 2012 - Ath. Einkahlutafélagið var í eigu Kristjáns Arasonar. Félagið var tekið til gjaldþrotaskipta í desember árið 2010 og er skiptum nú lokið. ^[56]
  
  
• Útgerðarfélagið R400 ehf.(hét áður Rómur ehf.) - 1, 9 milljarða - 2013 - Landsbankinn - Ath. Félagið var í helmingseigu ­útgerðarmannsins Jakobs Valgeirs Flosasonar í gegnum félagið Jakob Valgeir ehf. Hraðfrystihúsið-Gunnvör hf. átti hinn helminginn í gegnum ­félagið Skollaborg ehf. ^[57]
  
  
• Eignarhaldsfélagið Votaberg ehf.- 1,8 milljarð - 2013 - Landsbankinn - Ath. Votberg ehf. var leigusali Kvikmyndaskóla Íslands. ^[58]
  
  
• Rekstrarfélag pítsukeðjunnar Domino's- 1,5 milljarða - 2012 - Landsbankinn - Ath. Landsbankinn afskrifaði nærri 1.500 milljónir króna af skuldum rekstrarfélags pítsukeðjunnar Domino's á Íslandi í fyrra þegar það var selt til fjárfestisins Birgis Bieltvedts. Domino's var í eigu útgerðarmannsins og fjárfestisins ­Magnúsar Kristinssonar fyrir hrunið 2008 og námu skuldir félagsins rúmlega 1.820 milljónum í lok árs 2010. ^[59]
  
  
• Eignarhaldsfélagið AB 154 ehf.- 1, 3 milljarða - 2013 - Íslandsbanki - Ath. Félagið var í eigu framkvæmdastjóra fyrirtækjasviðs Íslandsbanka, Vilhelms Más Þorsteinssonar. Félag var úrskurðað gjaldþrota í Héraðsdómi Reykjaness þann 8. nóvember 2012. Engar eignir fundust í þrotabúinu. ^[60]
  
  
• Axel ehf.áður Katla Seafood - 1,3 milljarða - 2012 - Ath. Félagið, dótturfyrirtæki Samherja var upphaflega stofnað til að kaupa Afríkuútgerð Sjólaskipa á vormánuðum 2007. ^[61] Samherjar gáfu út tilkynningu nokkru síðar og sögðu fréttina ranga. ^[62]
  
  
• Hugbúnaðar- og fjarskiptafélagið Raflagnir og ráðgjöf., sem áður hét Industria hf.- 1,1 milljarða - 2013 - Ath. Skráður stofnandi og stjórnarformaður félagsins var Erling Freyr Guðmundsson en frændi hans Guðjón Már Guðjónsson, betur þekktur sem Guðjón í Oz, var framkvæmdastjóri fyrirtækisins og kom að stofnun þess að auki. ^[63]
  
  
• Rekstrarfélag 10-11- 1 milljarð - 2011 - Arion banki - Ath. Í skýringum með ársreikningum fyrirtæksins kemur fram að Arion banki hafi breytt kröfu á hendur félaginu upp á nærri 1.300 milljónir króna í hlutafé að nafnverði nærri 130 milljónir króna. ^[64]
  
  
• GOGS ehf- 1 milljarð rúman - 2011 - Straumur-Burðarás - Ath. Félagið Gogs var í eigu Guðmundar Arnar Þórðarsonar sem var starfsmaður Straums, framkvæmdastjóri fyrirtækjasviðs, þar til árið 2007. Straumur var eini kröfuhafi félagsins og fundust engar eignir í búinu. ^[65]
  
  
• Eignarhaldsfélagið FI fjárfestingar ehf.- 1 milljarð rúman - 2009 - Byr - Ath. Eignarhaldsfélag Hannesar Smársonar. Félagið var í vanskilum við Byr upp á rúman milljarð króna og var nánast öll skuldin færð á afskriftarreikning.^[66]
  
  
• Eignarhaldsfélagið B-17- 952 milljónir - 2012 - Ath. Félagið hélt um eignarhluti Brynjólfs Bjarnasonar í Existu og skuldaði um 1,5 milljarða í árslok 2009. Ekkert fékkst upp í kröfur. Brynjólfur var forstjóri Símans og Skipta á árunum 2002-2010. ^[67] [68]
  
  
• Vesturhöfn ehf.- um 900 milljónir - 201 - Ath. Félagið var að stærstum hluta í eigu Páls Hermanns Kolbeinssonar og Benedikts Sigurðssonar, samkvæmt síðasta birta ársreikningi þess. ^[69]
  
  
• Vídeóleigan Bónusvídeóí Lágmúla - 844 milljónir - 2012 - Ath. Vídeóleigan skuldaði tæplega 850 milljónir króna þegar félagið var tekið til gjaldþrotaskipta. Fundust engar eignir upp í kröfurnar, sem námu nákvæmlega 844.821.872 krónum. ^[70]
  
  
• Eignarhaldsfélagið Langidalur ehf.- 826 miljónir - 2012 - Ath. Langidalur var eignarhaldsfélag Magnús Magnúsar Pálma Örnólfssonar, fyrrverandi forstöðumanns gjaldeyrismiðlunar Glitnis. ^[71]
  
  
• Eignarhaldsfélagið Varnagli- um 800 milljónir - 2012 - Ath. Eignarhaldsfélagið Varnagli var í eigu Tryggva Þórs Herbertssonar þingmanns. Félagið skuldaði rúmar 800 milljónir króna og átti nánast engar eignir á móti þessum skuldum – tæpar 400 þúsund krónur. ^[72]
  
  
• Imagine Investments- rúmar 800 milljónir - 2009 - Glitnir banki hf. - Ath. Imagine Investments var eignarhaldsfélag Bjarna Ármanssonar. ^[73]
  
  
• Caramba - hugmyndir og orð ehf.- 730 milljónir - 2012 - Kaupþing, Arion banki, KPMG og Tollstjórinn í Reykjavík - Ath. Eignarhaldsfélag Björns Inga Hrafnssonar. ^[74]
  
  
• Eignarhaldsfélagið Kex ehf.- 650 milljónir - 2012 - Landsbankinn nýi - Ath. Eignarhaldfélag var í eigu Eggerts Magnússonar. Eggert var viðskiptafélagi Björgólfs Guðmundssonar þegar þeir keyptu West Ham United. ^[75]
  
  
• C22- 600 milljónir - 2010 - Íslandsbanki - 2010 - Ath. Þorgils Óttar Mathiesen tók 600 milljóna kúlulán til hlutabréfakaupa við starfslok sín sem forstjóri Sjóvá. Lánið var veitt til kaupa á hlutabréfum í fasteignafyrirtækinu Klasa ehf. sem Þorgils tók við stjórn á í kjölfarið. Hlutabréfin fóru inn í félagið C22 en er skiptameðferð lauk fengust tvær milljónir króna upp í kröfur. ^[76]
  
  
• Eignarhaldsfélagið 7 jarðir ehf.- 593 milljónir - 2012 - Ath. Eignarhaldsfélagið var í eigu Guðjóns Más Guðjónssonar, sem yfirleitt er kenndur við hugbúnaðarfyrirtækið OZ. Það skildi eftir sig skuldir sem ekkert fékkst upp í. ^[77]
  
  
• Sláturfélag Suðurlands- 565 milljónir - 2010 - Arion banki - ATh. Í ársreikningi Sláturfélagsins (SS) árið 2010 kemur fram að verðbætur og gengistap lána að andvirði 565 milljónir króna hafa verið felldar niður. ^[78]
  
  
• Þorvaldur Lúðvík Sigurjónsson- 462 milljónir - 2012 - Sparisjóður Keflavíkur - Ath. Þorvaldur Lúðvík Sigurjónsson, fyrrverandi forstjóri Sögu Capital, var í hópi 20 stærstu skuldara Sparisjóðsins í Keflavík. Skuldir hans voru 514 milljónum króna en um 90 prósent þeirra hafa nú verið afskrifaðar. ^[79]
  
  
• Næstu aldamót ehf.(Rekstrarfélag Bang & Olufsen) - 373 milljónir - 2012 - Ath. Eigendur félagsins voru þeir Óskar Tómasson, sem jafnframt var forstjóri verslunarinnar, en hann átti 40 prósenta eignarhlut, Bjarni Óskarsson, sem einnig átti 40 prósenta eignarhlut, og eignarhaldsfélagið Laugaból sem meðal annars var í eigu Guðmundar Birgissonar, sem kenndur er við bæinn Núpa í Ölfusi. ^[80]
  
  
• Skartgripaverslunin Leonard- 312 miljónir - 2010 - ATh. Skartgripa- og úraverslunin Leonard var tekið til gjaldþrotaskipta sumarið 2010. Skuldir félagsins námu 312 milljónum króna og fékkst ekkert upp í þær kröfur. Eigendur eru Sævar Jónsson og Helga Danielsdóttir. ^[81]
  
  
• Geirmundartindur ehf.- 281 milljón - 2013 - Íslandsbanki - Ath. núverandi forstöðumaður verðbréfamiðlunar hjá Íslandsbanka, Elmar Svavarsson fékk 171 milljón króna kúlulán hjá Glitni í gegnum félagið Geirmundartind ehf. til þess að kaupa hlutabréf í bankanum í maí 2008. ^[82]
  
  
• Eignarhaldsfélagið Blikavöllur 3- 280 milljónir - 2012 - Sparisjóður Keflavíkur - Ath. Blikavöllur 3 ehf. var að fullu í eigu Fasteignafélags Suðurnesja ehf., það félag er svo aftur í eigu Sparisjóðabanka Íslands (40%), félagsins Heiðarbúar ehf. (40%) og Sparisjóðsins í Keflavík (20%). Félagið Heiðarbúa ehf., áttu þeir Steinþór Jónsson, fyrrverandi bæjarfulltrúi Sjálfstæðisflokksins í Reykjanesbæ og stjórnarmaður í Sparisjóði Keflavíkur, og athafnamaðurinn Sverrir Sverrisson. Dótturfélag þess, Fasteignafélag Suðurnesja, stofnaði Steinþór og var að auki fyrsti stjórnarmaður félagsins. ^[83]
  
  
• Ferðaskrifstofa Íslands- 262 milljónir -Landsbankinn nýi - Ath. ferðaskrifstofa Pálma Haraldssonar. ^[84]
  
  
• Fasteignafélags Suðurnesja ehf.- 246 milljónir - 2013 - Ath. Félagið var í eigu Sparisjóðabanka Íslands, Steinþórs Jónssonar, Sverris Sverrissonar og ­Sparisjóðsins í Keflavík. ^[85]
  
  
• Sævar Jónsson- 232 miljón - 2012 - Ath. Engar eignir voru til upp í rúmlega 232 milljóna króna kröfur í persónulegt gjaldþrot Sævars, sem er venjulega kenndur við skartgripa- og úraverslunina Leonard. ^[86]
  
  
• Eignarhaldsfélagið SJE ehf.- 180 milljónir - 2012 - Ath. SJE ehf. var eignarhaldsfélag Steinþórs Jónssonar, athafnamanns og fyrrverandi bæjarfulltrúa Sjálfstæðisflokksins í Reykjanesbæ. ^[87]