Fyrirsögn í Trump-stíl

• Það var alltaf ljóst að ævintýralegt fylgi Guðna miðað við fyrstu fylgistölur myndi dala og að fylgi við frambjóðendur muni jafnast.

Það sem verður að teljast frétt eftir þessa könnun er að fylgi við Davíð Oddsson minnkar

og er hann að missa hlutfallslega meira fylgi en Guðni.

Það gerir það, þrátt fyrir að miklir fjármunir fylgi því framboði og einnig heill stjórnmálaflokkur, samtök útgerðarmanna og Morgunblaðið standi þar á bak við. Enda um pólitíkst framboð að ræða og römm hagsmunagæsla.

Það er auðvitað eðlilegt að framlag blaðsins sé reiknað sem peningalegt framlag. Þar sem blaðinu sé dreift sem fríblaði upp fullu að kosningaáróðri. Annað væri fullkomlega óeðlilegt. E.t.v. verður þetta framlag kært. 

Einn óvandaður aðili dreifði þessum útbelgda Moggasnepli í alla póstkassana í stigahúsinu í morgun.

Þá var dagblaðakassinn fylltur að einhverjum blöðum sem kenna sig við sjómannadaginn. En auðvitað stendur útgerðin að öllum þessum áróðri.

Póstkassarnir eru bara fyrir nauðsynlegan bréfapóst og þeir eru merktir með sérstökum merkjum um að ekki megi setja í kassana ómerktan póst. 

Þá eru sumir merktir þannig að fríblöðum er hafnað og nefnd sem dæmi Fréttatíminn og Morgunblaðið. Þetta er alveg ótrúleg frekja að virða ekki kröfur eigenda pðóstkassana, því fjölskyldur þurfa ekki að taka sér nema vikufrí þá kemst enginn nauðsynlegur póstur lengur í kassana fyrir þykkum fríblöðum sem engin les.

Guðni missir fylgi

Athugasemdir

[jon (IP-tala skráð) 3.6.2016 kl. 14:43]

Auðvitað missir Guðni eitthvað fylgi, og Davíð bætir eitthvað við sig, og kannski endar þetta með því að guðni dettur niður fyrir 50 prósentin og Davíð tosar sig upp fyrir 30 prósentin. En í raun hefur Davíð engan áhuga á þessu embætti, hann hefur sýnt það með framgöngu sinni, romsar upp úr sér æfðum frösum og lánsbröndurum sem seinheppnir aðstoðarmenn hans fóðra hann á.. og les upp úr bréfmiðum í sjónvarpsviðtölum! (Öðruvísi mér áður brá af manni sem aldrei var betri en þegar hann talaði blaðlaust og af ástríðu).

Guðni verður forseti. Ekki þar með sagt að hann gjörsigri Davíð, en sigur eigi að síður.