Lánakerfi fyrir bankana

• Hér er greinilega ekki gert ráð fyrir jafnrétti fólks til húsnæðislána
  *
• Láglaunafólk verður haldið úti í kuldanum samkvæmt nýjum tillögum um húsnæðislán. Maður gæti haldið að þetta væru gamlar hugmyndir frá Óla Thors.
  *
• Hér er ekki gert ráð fyrir því lengur að húsnæðislán séu félagslegt fyrirbæri eins og hefur verið frá upphafi með öll húsnæðislán frá húsnæðislánastofnun íslendinga undir mismunandi nöfnum.
  *
• Hér er greinilega verið að tjónka við hið almenna bankakerfi á Íslandi.

Frétt mbl.is: Verðtrygg­ing­in ekki af­num­in

Ef skilyrðin sem hér eru sett eru rétt, er láglaunafólk algjörlega úti í kuldanum.

M.ö.o. láglaunafjölskylda sem þarf frekar en allir aðrir á húsnæðisláni að halda eiga samkvæmt þessu ekki kost á húsnæðisláni.

„Meg­in­regl­an verður sú að Íslands­lán verða bönnuð, en þó verður heim­ilt að veita slík verðtryggð jafn­greiðslu­lán til lengri tíma en 25 ára sé ett af eft­ir­töld­um skil­yrðum upp­fyllt:

• lán­taki er yngri en 35 ára á lán­töku­degi og láns­tími er 40 ár eða minna,
• lán­taki er 35–39 ára á lán­töku­degi og láns­tími er 35 ár eða minna,
• lán­taki er 40–44 ára á lán­töku­degi og láns­tími er 30 ár eða minna,
• skatt­skyld­ar tekj­ur næstliðins árs nema 3,5 millj­ón­um króna eða lægri fjár­hæð hjá ein­stak­lingi eða 6 millj­ón­um króna eða lægri fjár­hæð ef lán­tak­ar eru fleiri en einn, eða
• veðsetn­ing­ar­hlut­fall verður ekki hærra en 50% á lán­töku­degi“.(Mbl)

Láglaunafólk verður að geta verið með löng húsnæðislán með háum eða miklum veðheimildum. Verðtryggingin í sjálfu sér er ekki óvinur láglaunafólks ef kaupmáttur launa fylgir á svipuðu róli.

En allt of háir vextir ofan á verðtryggingu er óvinurinn. Það er óeðlilegt að húsnæðislánavextir bankana skulu vera frjálsir. Þar duga 1 - 2% vextir. 

Eignin í hugum láglaunafólks felst ekki í krónum og aurum endilega heldur miklu fremur í eðlilegu húsaskjóli sem dugar venjulegri fjölskyldu.

Einnig að hlutfall af eðlilegum fjöldskyldulaunum samkvæmt kjarasamningum aðila vinnumarkaðarins fari ekki yfir 20%.  

Ásamt því, að sveitarfélagið haldi uppi eðlilegri félagslegri þjónustu.  

Svona hugmyndir hélt maður að enginn léti frá sér fara á þessari öld. Maður hefði geta átt von á svona fyrir stríð. 

• Ekki má gleyma því, að húsnæðislánakjör á almennum lánamarkaði stjórnar einnig leigukjörum í leiguíbúðakerfinu. 

 

Margir mega áfram taka Íslandslán

Peningalyktin getur verið ansi megn

• Bara af þessum örfáu punktum sem ég hef þegar séð.
  *
• Sést að þessi hugmynd er ekki til að styrkja láglaunafólk til að eignast sitt eigið íbúðarhúsnæði.

Einnig er leiguíbúðakerfið sniðgengið.

Þetta virkar sem enn frekari lækkun á sköttum hálaunafólks.

Einnig eru þessar hugmyndir óbeinn stuðningur við hið almenna bankakerfið í landinu samfara því sérstaka áhugamáli Sjálfstæðisflokksins að leggja niður íbúðalánasjóð.

• Það er verulega úldin slorlykt af þessu
  *
• Það er ekki hægt að ímynda sér að þetta fari í gegnum þingið.

 

Villa í kynningarefninu: 1,5 milljarður en ekki 15 milljarðar á ári

Árlegt tekjutap hins opinbera vegna skattfrelsis séreignarsparnaðar er metið á 1,5 milljarð króna en ekki 15 milljarða eins og fram kom í kynningarefni sem birtist á vef…

STUNDIN.IS

 

Ígildi 3% launahækkunar

Það er margt skrýtið í þessu landi

• Barna þrælkun þrífst í Tyrklandi og eru það Evrópskir ferðamenn
  
  sem halda starfseminni gangandi. M.a. annarra íslenskir ferðamenn.

Íslenskar ferðaskrifstofur halda úti skoðunarferðum til að sýna og selja tryknesk teppi. Sem eru ofin af ungum stúlkum frá 7 ára aldri sem eru settar við teppa vefstólanna. Þær munu þurfa að sitja við þessa lágu stóla ca 30 cm háa alla sína starfsævi.

Tyrkir virðast vera mjög ánægðir með þessa starfsemi sem ku hafa skapað mikla atvinnu í sveitum landsins.

Síðan eru sölustaðir þar sem karlarir eru eins og greifar og selja teppin á lágu verði miðað við verðin í Evrópu.

Á bak við þennan þrældóm eru síðan erlendir aðilar sem eiga einkarétt á afurðum kvenna í Tyrkneskum sveitum og gróðinn fer að mestu til Evrópu.

Við íslendingar getum ekkert sett okkur á háann hest í þessu sambandi við erum enn lifandi margir komnir á eftirlaun sem þekkjum barnaþrældóminn á eigin skinni.

En við höfum að mestu unnið okkur sem þjóð upp úr þessari stöðu frá því að stéttlausa fólkið var á hverjum bæ án þess að hafa nokkur réttindi.

Fólkið sem varð að standa og sitja eins og húsbændur kröfðust. Stóð undir verðmæta sköpun býlanna.

Launin voru svipuð eins og hjá skepnunum, fólkið var fóðrað svo það héldi kröftum en lífi haldið í börnum þeirra enda væntanlegt vinnuafl.

Ég viðurkenni það alveg, að ég varð öskureiður þarna út í Tyrklandi um árið þegar mér var sýnd þessi ósvinna. 

Ferðafélagar mínir urðu mér reiðir vegna þess að ég vildi ekkert kaupa. Á myndinni má sjá svipaðan vefstól og notaðir eru enn í sveitum Tyrklands nema að konurnar sátu nánast niður við gólf þegar störfuðu í þeirra vefstólum.

Tyrkir ósáttir við Wallström

Það er e.t.v. rétt, að EFTA yrði áhrifameira

• En um leið er ljóst, að áhrif annarra ríkja sem nú þegar eru í EFTA mun líklegast minnka að sama skapi. 

Það eru miklar líkur á því, að Bretland yrði í raun allsráðandi í EFTA. Síðan heldu EFTA ríkin áfram að vera háð ESB um allar meiri háttar lagasetningar rétt eins og áður. 

Það er auðvitað erfitt að fullyrða eitt eða annað, en ég held að það myndi ekki verða Íslandi til hagsældar. Þótt útgerðarmenn yrðu hressir.

Myndi gera EFTA áhrifameiri

Vaxandi líkur á því að Sigmundur Davíð nái ekki kjöri

• Ljóst er, að hörð átök eiga sér stað baksviðs í Framsóknarflokknum.
  * 
• A.m.k. ef Sigmundur Davíð ætlar sér að verða leiðtogi þessa flokks áfram.
  *
• Nema að plottið gangi út á það innan flokksins, að hann fari gegn Eygló í suðvestur er skapar klofningshættu.

Það er dagljóst að Eygló gengur um bratt einstigi í Framsóknarflokknum.

Hún er í raun eini núverandi þingmaður flokksins sem hefur reynt að feta slóð félagshyggjunnar sem ekki hefur tilkynnt um að til standi að hætta á þingi.

Það er enginn einhugur um
formanninn í norð-austurkjördæmi
og jafnvel er þar mikið andstreymi gegn Sigmundi Davíð.

Gunnar Bragi og Ásmundur Einar hafa verið hans nánustu samstarfsmenn og varla hjólar hann í þá til viðbótar kemur Lilja sem ætlar sér í Reykjavík suður. 

Hann á ekki séns gegn núverandi forsætisráðherra.

Það verður fróðlegt að sjá hvar kraftaverkamaðurinn ætlar sér að bera niður. Eitt er þó mikilvægt að hafa bak við eyrað, að hann á lítið fylgi á höfuðborgarsvæðinu.   

Eins og staðan er nú verður hann að berjast hart fyrir sæti á vænlegum framboðslista og miklar líkur á því að hann komist ekki á þing.

Enginn flokksmaður segir opinberlega að hann ætli gegn honum á landsfundi. En um leið er ljóst, að enginn ætlar sér að gefa honum rými á framboðslista.

Tekist á um oddvitasætin

Þetta er ljóta poppið.

• Tollfrjáls osta innflutningur skiptir launafólk nákvæmlega engu máli. 
  * 
• Það sem skiptir máli er að styðja við bakið á launafólki í dreifðustu byggðum landsins. Það skiptir máli.

Á Íslandi er það launafólk sem greiðir skattana og heldur uppi styrkjum til t.d. landbúnaðar.

Það skiptir miklu máli að minnka fjárausturinn í ýmiskonar fyrirtæki bænda.

Samkvæmt fréttum af þessum samningi stendur til að styrkja það fólk sem á lögbýlisjarðirnar og stundar landbúnað, sem er fyrirtækjarekstur er skilar nánast engum sköttum til samfélagsins.

Það eðlilega væri að bændur njóti samskonar styrkja og aðrir í dreifðum byggðum landsins. Bændur eru yfirstétt í dreifðustu byggðum landsins, þeir sem eiga eignirnar.

Það er einnig óskiljanlegt að styrkja landbúnað sem er starfræktur innan marka Reykjavíkur.

Alþingismenn hafa aldrei haft áhuga á öðrum atvinnugreinum en sjávarútvegi og vinnslu á sjávarfangi.

Ásamt landbúnaði. Verslun og fjármálaviðskipti eiga einnig upp á pallborðið hjá mörgum þeirra.

En framleiðslugreinar eins og t.d. samkeppnisiðnaður eiga sér enga málsvara á Alþingi og hafa aldrei átt. Enda hefur slíkri starfsemi verið fórnað fyrir hagsmuni ofangreindra greina.

Nægir að nefna inngöngu Íslands í EFTA 1970 þegar ríkisvaldið keypti tollaafsláttinn á Evrópska efnahagssvæðinu fyrir fiskafurðir með því að fórna íslenska iðnaðinum. Landbúnaður var hafður á undanþágu.

Svona magalending eins og virðist stefna í, sannar það sem ég segi og hef oft sagt áður. Enn skal láta launafólk blæða fyrir landbúnaðinn. Enn skal haldið á braut misréttis.

Afnám tolla á ostum kemur til greina

Það ofbauð mörgum forsetaframboð Davíðs Oddssonar

• Jafnvel flokksystkinum hans var algjörlega ofboðið. 

Ríkisendurskoðandi segir að meira tjón hljótist af tæknilegu gjaldþroti Seðlabankans en Icesave, verði heimtur Landsbankans eins og spáð er.

Að minnsta kosti 175 milljarðar króna munu lenda á íslensku þjóðinni vegna ástarbréfa Seðlabankans.

Föllnu bankarnir öfluðu sér lausafjár með lánum frá minni fjármálafyrirtækjum sem aftur fengu lán frá Seðlabankanum gegn ótryggum veðum. Þessi bréf hafa verið kölluð ástarbréf.

Í nýrri skýrslu Ríkisendurskoðunar segir: spyrja má hvers vegna Seðlabankinn brást ekki fyrr við þessum leik bankanna og herti kröfur um veð gegn lánum til minni fjármálafyrirtækja.

Að mati Ríkisendurskoðunar hefði það getað dregið úr því tjóni sem varð eftir fall bankanna. Heildarfjárhæð krafnanna nam 345 milljörðum.

Tap bankans vegna þeirra nam 75 milljörðum en ríkið tók 270 milljarða yfir. Af þeirri fjárhæð voru 175 milljarðar færðir til gjalda hjá ríkinu.

„Að minnsta kosti þessir 175 milljarðar sem búið er að færa til gjalddaga hjá ríkissjóði mun að stærstum hluta lenda á íslensku þjóðinni," segir Sveinn Arason, ríkisendurskoðandi

Er tæknilegt gjaldþrot Seðlabankans stærri en Icesave?

„Það fer eftir því hve mikið af eignum Landsbankans gengur til baka en við getum sagt ef það verður í kringum 85-95% þá er þetta meira tjón en höfuðstólinn af Icesave skuldbindingunni," segir Sveinn.

Af þeim lánum sem ríkissjóður yfirtók má áætla að 51 milljarður króna sé með trygg veð en verðmæti annarra lána er óljóst. „Lán eiga að vera veitt með tryggum veðum," segir Sveinn.

• Það voru Svavar samningar sem gerðu útslagið um að allt fór vel vegna Icesave.Þeir björguðu því sem bjargað varð og gerðu ráð fyrir að eigur slitabús bankans greiddu skuldina.
  *
• Og þannig fór það einmitt.
  *
• Eignir Landsbankans kláruðu Icesave en þjóðin sat uppi með hundruð miljarða af óstjórn Seðlabankans.
  *
• Aðaltjónið af Icesave var bólgin bullumræða.
  *
• Ríkisendurskoðandi hafði rétt fyrir sér.
  *
• Miðaði að vísu við 85-90 prósent endurheimtur af eignum Landsbankans;
  *
  
• endurheimtur urðu sem sé betri og samanburðurinn þvî enn óhagstæðari fyrir Seðlabankann og AÐALbankastjórann.
• Um sum mál er ekki fjallað á þessum miðli

Ákveðnir stjórnmálamenn vilja gjarnan gleyma tilraunum Geirs Haarde, Baldurs Guðlaugssonar og síðar Bjarna Benediktssonar.

Þegar þeir reyndu að fá Alþingi til að samþykkja frumvarp þeirra fyrrnefndu um samninga sem þeir gerðu um Icsave.

Samningar Geirs og Baldurs gerðu ráð fyrir að þjóðin borgaði skaðann af Icesave á örstuttum tíma og með ofurháum vöxtum

Davíð fær föst skeyti frá Hringbrautinni

• Aumingja blessaður karlinn.

Auðvitað geta allir verið svekktir yfir eigin getuleysi og vegna áhugaleysis annarra á eigin persónu. En að gamall refur í pólitík fari opinberlega í slíka fýlu sem ritstjóri fréttabréfs útgerðarinnar er í nú, er af síðustu sort.

Frambjóðendur, sem tapa kosningum verða að geta borið harm sinn í hljóði. En kanski er fýlan vegna viðbragða þeirra sem hafa hann í vinnu og hafa sennilegast att honum í þetta framboð.

En eigendur Moggans ættu að geta huggað sig við það, að framboð Davíðs hefur væntanlega komið í veg fyrir framgöngu Andra Snæs, umhverfisverndarmanns og eindregins stuðningsmanns nýrrar stjórnarskrár.

Enn einu sinni opinberar Davíð sig sem bullara og talar um rasista, fasista eða nasista ef marka má þessi orð hans. Er hann að lýsa sjálfum sér?:
**********

„Eitt fagurt orðið er „fjölmenning“. Það er varla hægt annað en að laðast að því. En „góða fólkið“ tók það upp á arma sína af fullmiklu afli. Óðara mátti uppnefna hvern þann rasista eða nasista sem rétti upp hönd og spurði um hvað í orðinu fælist. Sá gerði það ekki aftur.
Meðal þess sem ekki mátti nefna, hvort það gæti verið æskilegt að samhliða fjölmenningu færi lágvær, varfærin krafa um eðlilega tillitssemi og aðlögun að því sem fyrir var. Það er víðar gott fólk en á Íslandi.“

************
Hér má sjá sömu tækni og klæki sem fyrrum Bessastaðabóndi var þekktur fyrir. Sem er að búa til orðaflækjur sem hæglega má túlka á margan veg.

• Hefði þjóðin þurft slíkan forseta áfram?
  *
• Nei, þjóðin þarf ekki nýjan flækjusmið á Bessastaði.

Orða samböndin: ,,góða fólkið" og ,,fjórflokkurinn" eru væntanlega bæði komin úr smiðju ritstjórans þegar hann sem oftar en ég hef tölu á, skortir rök.

Þá reynir hann að gera lítið úr öðru fólki sem ekkert hefur af sér gert annað en að vera yngra en hann og hafa viðhorf sem ekki eru á könnu ritstjóra hagsmunasamtaka útgerðarinnar.

Maður spyr sig auðvitað. Hefur þú enga sómatilfinningu? 

 

Ekki eitt orð um Guðna

Davíð Oddsson, sem er leiðarahöfundur Morgunblaðsins, sá ekki ástæðu til að skrifa leiðara um hinn nýja forseta Íslands og embættistöku hans. Davíð Oddsson

HRINGBRAUT.IS|HÖFUNDUR: HRINGBRAUT

 

Guðni Th. nýorðinn prófessor

Líklega er verið að gera hreint á Bessastöðum

• Góðir hálsar, ég vil vekja athygli á ræðu nýja forsetans
  *
• Allt annar bragur en ræður forseta hafa áður verið
  *
• Ekkert miklast af yfirnáttúrulegum hetjum fortíðar
  *
  Enginn yfirstéttarstíll í ræðunni
  *
• Hann notaði málsnið alþýðunnar í málflutningi sínum og gerði það vel
  *
• Þetta þótti mér sérlega vænt um. Maður úr alþýðustétt og þorir að vera það.

„Boðberi nýrra tíma“

Hilla virðist vera framsóknarmaður.

• Hillary Clinton, forsetaefni Demókrataflokksins í Bandaríkjunum, segir að Rússar hafi brotist inn í tölvur flokksins og náð þar í ýmsar upplýsingar.

Hún gefur í skyn að vegna þess, eins og hún segir að þjónar Pútíns, hafi brotist inn í tölvur Demókrataflokksins, verði upplýsingarnar í tölvupóstunum rangir við það eitt.

Það verður þá að vera verkefni þessa flokks að leiðrétta það sem fram hefur komið og segja sannleikann.

Hún notar sömu aðferðir og Sigmundur Davíð sem segir alveg eins, að af því að einn bandarískur Panama-kall keypti þessi gögn hann, að þá við það eitt yrðu allar þessar upplýsingar um hann rangar.

Þetta hefur þegar verið borið til baka, eins og bullið hjá Hillu verður væntanlega borið til baka.

Eitt er þó rétt, að Rússneska leyniþjónustan er undir yfirstjórn Pútin. Það sama á auðvitað um öflugustu leyniþjónustu heimsins, sem er hin bandaríska. Sem er undir yfirstjórn forseta Bandaríkjanna.

Það er auðvitað slæmt að hafa framsóknarmann sem forseta mesta herveldis heimsins. Enn verra væri auðvitað að fá fasistann.

 

Vísir - Clinton segir rússnesku leyniþjónustuna bera ábyrgð á tölvuárás

Hillary Clinton sakar Donald Trump um að styðja Vladimír Pútín Rússlandsforseta.

WWW.VISIR.IS

 

Clinton eykur forskot sitt