Ótrúlega lágir skattar þessa fyrirtækis.

• Ef 13,9 milljarðar eru hreinar tekjur þessa fyrirtækis má gera ráð fyrir að 20% tekjuskattur væri 2,9% milljarðar.
  *
• Hver eru síðan hin gjöldin?

Í ársreikningum kemur fram að Samherji greiði 4,3 milljarða vegna rekstrarins til opinberra aðila. Þá má áætla að 1,4 milljarðar fari í eftirfarandi gjöld .

• Fasteigna- og hafnargjöld, sem eru þjónustugjöld með miklum afslætti væntanlega sem eru greidd sveitarfélögum.
  *
• Tryggingagjöld sem eru greiðslur starfsmanna samkvæmt kjarasamningum og með baktryggingu í lögum.  Fyrirtækin eða eigendur þeirra greiða ekki þessi gjöld. Hluti af launatengdum gjöldum
  *
• Iðgjöldin í lífeyrissjóðina eru hluti af umsömdum launum starfsmanna þ.a.l. ekki greiðslur fyrirtækisins. Hluti af launatendum gjöldum.
  *
• Sjúkra- og orlofsheimilasjóður starfsmanna, eru umsamin laun og því launatengd gjöld.
  *
• Fyrirtækið greiðir engin útsvör
  *
• Síðan er spurningin um veiðigjöldin sem fyrirtækið á að greiða fyrir fiskinn í sjónum.
  *
• Skattar starfsmanna eru heldur ekki greiðslur fyrirtækisins.

Hagnaður Samherja 13,9 milljarðar

Nú verður að hugsa hlutina upp á nýtt og hægja á virkjunum

• Spurningin er nú, hvort þessi nýju náttúruverndarlög sem virðast virka.

Þ.e.a.s. ákvæðið þar sem fjallað er um verndun jarðminja á borð við eldvörp, eldhraun, gervigíga og hraunhella og að stefna skuli sérstaklega að vernd þeirra nema brýna nauðsyn beri til annars.

Aldeyjarfoss

Stöðvi ekki allar hugmyndir manna um gríðarleg flugvallarmannvirki í sem menn hafa kallað í umræðunni Hvassahraun en að ég held, heiti í raun ,,Afstapahraun" Þar er einmitt um að ræða óspjallað hraun með miklum náttúrugersemum.

Skynsamlegast er auðvitað að gera ráðstafanir á Keflavíkurflugvelli svo þar geti verið flughöfn fyrir innanlandsflugið einnig. Þar hefur öllu landslagi hvort sem er þegar verið raskað fyrir nær 70 árum og er nær óbyggilegt af þeim sökum.

• Einnig hljóta allar hugmyndir um virkjanir á jarðeldasvæðinu á Reykjanesi að vera út úr myndinni.

Einnig að þar verði væntanlega settar strangar umgengisreglur varðandi allar framkvæmdir og umferð ferðafólks.

Nú hefur úrskurðarnefnd umhverfis- og auðlindamála stöðvað framkvæmdir Landsnets við lagningu línanna, á meðan hún fjallar um kærumálin.

Mynd úr Ferli, tekin í Afstapahrauni.

Greinilegt er og betra, að finna nýjar leiðir fyrir raflínur og það strax. Landsnet og  Landsvirkkjun verða að láta af þeim ósið að vaða yfir samfélagið á skítugum skónum í þágu erlendra aðila.

Hvassahraun er að ég best veit, gamalt bæjarnafn í Vatnsleysustrandarhreppi sem hefur lengi verið í eyði.

Milljarðamunur á virkjunum

Lokateygjur formannsins

• Þetta eru nú bara loka teygjurnar hjá Sigmundi Davíð.

Þetta er bara venjulegt fyrirbrigði, þetta er svona í öllum sirkusum. Það er trúðurinn sem vekur mesta athygli, breytir þá engu um færni og getu annarra fjölistamanna í sirkusnum.

Trúðurinn sem jafnan er sorgmæddur á svip og seinheppinn verður að sætta sig við þessa athyglisraun.

• Formaðurinn hefur þegar verið settur í bóndabeygju og mun engin áhrif hafa á framtíð sína í flokknum.
  *
• Það er ekki gott að hafa formann í flokki sem fær að vera það vegna vorkunnsemi annarra flokksmanna.

 

Sigmundur hneykslast á umfjöllun RÚV um Framsóknarflokkinn

Sigmundur Davíð Gunnlaugsson kvartar undan tíðum umfjöllunum Ríkisútvarpsins af stöðu hans sem formanns Framsóknarflokksins og mögulegu flokksþingi á…

STUNDIN.IS

 

„Til í flokksþing hvenær sem er“

Pólitíkin getur verið andstyggileg og vægðarlaus.

• Í fréttum Mbl eru tvær fréttir, önnur segir „Brýnt að setja lög um rétt­indi barna“ sem er svo sannarlega rétt.
  *
• Nauðsynlegt er að slík lög uppfylli skilyrði um líf barna í nútíma samfélagi á Íslandi.

Í annarri frétt segir að borgarstjórn „Þvingar foreldra fyrr heim úr vinnu“ í þeirri frétt segir Hild­ur Sverr­is­dótt­ir, borg­ar­full­trúi Sjálf­stæðis­flokks­ins, seg­ir ákvörðun borg­ar­inn­ar um að stytta þann tíma sem frí­stunda­heim­ili Reykja­vík­ur­borg­ar eru opin og loka þeim klukk­an 17 í stað 17.15 hafa í för með sér veru­lega þjón­ustu­skerðingu fyr­ir for­eldra margra barna.

Síðar í fréttinni segir:
Á fundi stjórn­kerf­is- og lýðræðisráðs Reykja­vík­ur­borg­ar í gær lögðu Hild­ur og Björn Gísla­son, full­trú­ar Sjálf­stæðis­flokks­ins í nefnd­inni, fram bók­un þar sem fram kem­ur að skoða hefði átt bet­ur hvernig hægt hefði verið að halda þjón­ust­unni áfram með því að skera niður ann­ars staðar í kerf­inu eða bjóða for­eldr­um að greiða hóf­legt gjald fyr­ir þá aukaþjón­ustu sem nú stend­ur til að skera niður.  „Metnaðarfull stefna um frí­stundaþjón­ustu miss­ir marks þegar fram­kvæmd þjón­ust­unn­ar er svo með slíku sleif­ar­lagi,“ seg­ir í bók­un­inni.

• Hildur og Björn hafa greinilega ekki hagsmuni barnana í huga í þessum pólitíska hráskinnaleik. 
  *
• Það getur ekki talist vera eðlilegt að börn á yngsta stigi í grunnskóla séu í skipulegu starfi undir stjórn annara frá kl 8:00 á hverjum virkum degi til rúmlega 17:00.
  * 
• Síðan eiga þessi börn eftir að fara með foreldrum sínum í innkaupaferðir.
  *
• Eða e.t.v. hafa þau ekki þekkingu á þörfum barna á þessum aldri.

Þvingar foreldra fyrr heim úr vinnu

Rörsýn landsbyggðarþingmanna bitnar á almenningi í dreifðustu byggðum landsins

• Hvað kostar það, að ljúka við rafvæðingu landsins?

Það er mitt mat, að það sé fyrst og fremst rafmagnsleysið sem er í dreifðum byggðum sem hefur hamlað atvinnuþróun í þessum byggðum á Íslandi, en einnig skortur á netsambandi.

Þá á ég við að þriggja fasa rafmagn sem er óvíða í dreifðustu byggðunum verði allstaðar staðalbúnaður og m.a. í dreifbýli landsins.

Ég hef aldrei skilið hvers vegna landsbyggðarþingmenn líta ævinlega framhjá þessum nauðþurftum svo hægt verði að gefa fólki á þessum svæðum eigin tækifæri til atvinnuuppbyggingar.

Í dreifbýlinu er nægt og ónotað landrými og oft ónotuð hús sem má hæglega laga fyrir lítið fé og láta fá nýtt uppbyggingar hlutverk.

Ástæðan fyrir þessu brölti mínu enn einu sinni, en ég hef oft og mörgum sinnum rætt þetta mál en er farinn að lýjast. En mér barst þetta afrit af bréfi:

,,Hér er mikilvægt ákall.

Svavar Pétur Eysteinsson

Undirritaður, matvælaframleiðandi, hönnuður og tónlistarmaður, á Karlsstöðum í Berufirði, óska hér með eftir upplýsingum frá ráðherra fjarskiptamála, ráðherra atvinnumála, þingmönnum og öðrum embættismönnum er málið varðar.

Hvaða áætlun er í gangi varðandi þriggja fasa rafmagn í dreifbýli á Austurlandi?

Hér erum við að reyna að byggja upp matvælaframleiðslu á einfasa rafmagni og höfum rekið okkur illilega á að það er gjörsamlega ómögulegt.

Öll tæki í matvælaframleiðslu (og öðrum iðnaði) krefjast þriggja fasa rafmagns. Slíkt var innleitt í þéttbýli og sumstaðar í dreifbýli fyrir mörgum áratugum en hefur ekki enn sést í dreifbýli á Austurlandi (og víða annarstaðar) þar sem rafmagn er einfasa. Þetta veldur því að ómögulegt er að byggja hér upp annan iðnað en sauðfjár-búskap.

Jafnframt vil ég vekja athygli á því að í dreifbýli á Austurlandi er annaðhvort mjög stopult 3G internetsamband eða ekkert internetsamband.

Hér er hvorki ADSL né ljósleiðari. 3G tæknin er þegar úreld og það er engin leið að byggja nútíma atvinnu á þeirri tækni.

Hvaða áætlun er í gangi með lagningu ljósleiðara í dreifbýli á Austurlandi?

Mér þætti vænt um að sjá skýra framtíðarsýn og áætlun í þessum málum. Þessi mál geta ekki beðið. Ef ráðafólki er alvara að vilja nýsköpun, fólksfjölgun og fjölbreytta atvinnu í dreifbýli þá verður að kippa þessu í lag STRAX!

Virðingarfyllst
Svavar Pétur Eysteinsson
[e-mail]"

Kristbjörn Árnason:
Það er sama sagan vestur í dölum og væntanlega í flestum sveitum landsins. Nokkuð sem kemur i veg fyrir fjölmörg atvinnutækifæri í dreifðum byggðum landsins. Þetta er reyndar alveg furðuleg staðreynd.

Smá iðnaður er besta tegund atvinnusköpunar til uppbyggingar á atvinnulífi. Er hentar vel með öðrum tegundum starfa. Öll tæki og eða vélar nota 3-fasa rafmagn, auk þess sem það er ódýrara í notkun.

Einar Ólafsson: ,,Kannski hefði verið sniðugt að koma raflögnunum út í byggðirnar í lag áður en ráðist var í risavirkjanir fyrir álver!"

Kristbjörn Árnason: Smáiðnaður er reyndar mjög fjármagnsléttur og skapar mörg störf. Slíkur iðnaður er venjulegast einkarekinn og byggist algjörlega á skapandi hugsun þeirra sem hann reka, þekkingu og færni. Hann er einnig umhverfisvænn og stuðlar endurnýtingu efna.

Auk þess sem smá iðnaður skilar margfalt meiri arði miðað við fjárfestingu en stóriðjufyrirtæki geta nokkurntíma gert.

Í mörgum ríkjum þar sem lífskjör eru best er rekstur smáiðnfyrirtækja gjarnan grunnurinn í allri atvinnuuppbyggingunni. Nægir að nefna Þýskaland sem dæmi um slíkt.

En það getur verið mikilvægt svo svona starfsemi blómstri út fyrir heimaslóð, njóti þess þá, að í kring starfi samvinnufélög sem taka að sér sölu og dreifingu á landsvísu.

En almennt byrja öll svona fyrirtæki á heimaslóð en ef framleiðslan er vönduð og góð getur hún átt erindi á nýjar slóðir einnig, en ekki að öðrum kosti. Margar iðngreinar svona rétt eins og mín gamla grein eru landsbyggðargreinar.

En slík félög samvinnufélög verða auðvitað að hafa mjög fast aðhald svo ekki fari eins fyrir þeim og manni finnst hafa gerst með landbúnaðinn, sem er í raun smáiðnaður einni en miklu fjármagnsfrekari. En annar smáiðnaður getur ágætlega þrifist á jörðum við hlið landbúnaðar.

Það er nefnilega hægt að eyðileggja alla góða hluti. 

 

Kristbjörn Árnason Það er umhugsunarvert, að síðustu tölur um hvað hvert starf í stóriðju kostar ríkissjóð hafa ekki legið á borðinu lengi.

Þegar virkjað var síðast sunnan fjalla vegna hugmynda Ríó Tintó um stækkun. Var virkjunarkostnaður á hvert þessara 12 starfa sem áttu að bætast við í álverinu um 2 miljarðar. M.ö.o. beinn fyrirfram greiddur kostnaður samfélagsins.

Síðan hefur komið í ljós, að stóriðjufyrirtækin skila ríkissjóði engum skattatekjum og aldrei þeim kostnaði sem lagður var út í byrjun.

En í smá iðnaði er enginn útlagður kostnaður frá samfélaginu og auk þess sem sklík starfsemi skili samfélaginum all nokkrum tekjum. Heldur engar óafturkræfar umhverfisskemmdir eða aðrar skemmdir.

Svo nefnd lista starfsemi er í raun allt smáiðnaður í eðli sínu. Ég biðst afsökunar á því að hafa sagt eitthvað sem er algjörlega bannað.

Það breytir engu hvað ég segi í þessum efnum. Engu að síður er það staðreynd. M.ö.o. allt handverk, sumt gott og annað lakara. Kanski er eitthvað af því list.

 

Samningarnir fyrir þingið í vikunni

Það er betra að vanda sig í starfi

• Eins tugir þúsunda íslendinga tókum við strætó niður á Hlemm um
  
  kvöldmatarleitið í gær á menningarnótt.

Síðan röltum við niður Laugaveginn eins og við höfum iðurlega gert á góðviðrisdögum undanfarin ár. Það var auðvitað gríðarlegur fjöldi fólks þarna á ferðinni.

Þegar við vorum komin á móts við ,,Vínberið“ heyrðum við tvo ca. 12 ára stráka spjalla saman og heyrðum við þá ræða um skólann á síðasta vetri. Annar spurði hinn hvort hefði ekki munað eftir gráhærðu kennslukonunni sem kenndi þeim í 6. bekk.

En hinn virtist ekki átta sig á þvi hvaða kennari þetta var. Nú voru kennararnir taldir upp og greinilegt var að þeir voru í stórum skóla. Síðan tók sá að útskýra það hvernig mætti þekkja þennan kennara. Það er sú kleip okkur alltaf í eyrað og snéri upp á. Þá var hinn fljótur að átta sig á um hvern var verið að ræða.

Eins og ég segi, það er betra að vanda sig í störfum. Þá alveg sama hvert starfið er. Svona umræða snertir mig auðvitað en ég starfaði í 24 ár sem kennari og það er betra að koma fram við nemendur af fullri virðingu og alúð.

 

Menningarnótt hefur gengið stóráfallalaust

Uppeldisskilyrði barna eru vissulega mismunandi

• Það er vissulega ljóst, að sumir alast við það að ná öllu fram með ofbeldi.
  *
• En ekki gengur að alhæfa í þeim efnum.
  *
• Leikskólabörn búa við jákvæðan aga í skólum þar sem ofbeldi viðgengst ekki

 

Hér segir Bjarni frá vandamálum Sjálfstæðisflokksins, þar sem rök flokksins og stefna gengur ekki í alla. Flokkurinn er ekki lengur skapandi og reynir að hafa sitt fram með ofbeldi.

Bjarni Bendiktsson, fjármálaráðherra segir

,,að hvorki hann né þingflokkur Sjálfstæðisflokksins myndu sætta sig við að ráðherra úr þeirra liði sæti hjá í atkvæðagreiðslu fjármálastefnu ríkisstjórnarinnar .

Hann segir ekki hægt að hafa hlutina eins og á leikskóla þar sem barið er í borðið þar til hver fær sitt".

Nú fyrst flokkur Bjarna hefur gefist upp á heilaþvottatilraunum sínum er bara réttast að hætta stjórnarsamstarfinu strax.

Því Bjarni fær heldur ekki sitt þótt hann berji í borðin og reyni að snúa upp á handlegginn á Eygló.

Ljóst virðist sem tilraun Bjarna með að framlengja líf þessarar ríkisstjórnar eftir að Sigmundur Davíð hrökklaðist burt hefur mistekist.

Hann gat ekki kúgað alla til að samþykkja frjálshyggju hugmyndir Sjálfstæðisflokksins. Og sér kanski eftir því núna að hafa ekki krafist kosninga í vor sem leið.

• Það hafa reyndar fleiri félagsmálaráðherrar reynslu af Sjálfstæðisflokknum.

Eygló Harð­ar­dótt­ir, félags- og hús­næð­is­mála­ráð­herra, er ekki lengur „með í lið­inu“ og getur ekki gert miklar kröfur um að fá fram­gang ann­arra mála á meðan hún styður ekki það sem aðrir ráð­herrar eru að fá.

Þetta segir Bjarni Bene­dikts­son fjár­mála­ráð­herra og for­maður Sjálf­stæð­is­flokks­ins, við RÚV. Þetta er gamli gammbíturinn. Er verið hóta bændum núna?

En með þessum orðum er flokksformaðurinn greinilega að lýsa andstöðu flokksins við baráttumál Eyglóar í t.d. húsnæðismálum og því að styrkja fæðingarorlofið og eftirlaun eldri borgara.

 

Ekki hægt að hafa hlutina eins og á leikskóla

Bjarni Bendiktsson, fjármálaráðherra segir að hvorki hann né þingflokkur Sjálfstæðisflokksins myndu sætta sig við að ráðherra úr þeirra liði sæti hjá í atkvæðagreiðslu fjármálastefnu ríkisstjórnarinnra. Hann segir ekki hægt að hafa…

RUV.IS

 

Ræddu ekki ákvörðun Eyglóar

Ofbeldis viðhorf.

• Þessi viðhorf  Ragnheiðar  varpar greinilega ljósi á það hvernig það er fyrir aðra stjórnmálaflokka að eiga samstarf  við Sjálfstæðisflokkinn.

Það hefur gjarnan verið aðferð þessa flokks að bera samstarfsaðila ofurliði. Einfaldlega er snúið upp á handlegg þeirra sem hafa önnur viðhorf.

 Oftast hefur þessi flokkur haft yfirburðarstöðu í landsstjórninni og hefur getað skipt um samstarfsaðila eftir hentileikum.

Er slíkt gjarnan haft í hótunum undir rós. Í mörgum sveitarfélögum hefur þessi flokkur einnig getað beitt þessu ofbeldi. 

Það er nákvæmlega ekkert lýðræðislegt við slík ofbeldis sambönd.

Það er vitað, að líklega er Eygló eini alþingismaður Framsóknar sem er með félagsleg viðhorf  sem á í samstarfi með frjálshyggju mönnum.

Það sést greinilega að félagsmálaráðherrann hefur á öllu kjörtímabilinu átt í styrjöld við Sjálfstæðisflokkinn.  

Eftir að flokkurinn veiktist í samstarfinu hefur staða hennar einnig veikst. Það á enginn flokkur að geta sýnt af sér slíkt ofbeldi.

Þetta skýrir auðvitað , hvers vegna margir stjórnmálaflokkar geta ekki starfað með þessum flokki.

Það hafa reyndar fleiri félagsmálaráðherrar reynslu af Sjálfstæðisflokknum.

Eygló Harð­ar­dótt­ir, félags- og hús­næð­is­mála­ráð­herra, er ekki lengur „með í lið­inu“ og getur ekki gert miklar kröfur um að fá fram­gang ann­arra mála á meðan hún styður ekki það sem aðrir ráð­herrar eru að fá.

Þetta segir Bjarni Bene­dikts­son fjár­mála­ráð­herra og for­maður Sjálf­stæð­is­flokks­ins, við RÚV. Þetta er gamli gammbíturinn. En lýsir um leið andstöðu Sjálfstæðisflokksins við baráttumál Eyglóar með þessum orðum. 

„Finnst þetta ekki boðleg taktík“

Mikilvægt að grunnskólar láti nemendum í té ritföng, vinnubækur og blöð

• Þetta er mikið réttlætismál að skólarnir sjálfir láti börnum í té allar vinnubækur og ritföng.

Það er ekki hægt að loka augunum fyrir þeirri staðreynd að margir skólar hafa sparað sér mikil rekstrar útgjöld með því einu að varpa ábyrgðinni yfir á foreldra barnanna.

Með kröfum um mikil útgjöld á hlutum sem skólar geta fengið fyrir miklu minna fé.

Þá er nauðsynlegt að fara yfir töskumálin. Það er algeng sjón að sjá byrjendur í skólum bera gríðarlega stórar töskur á bakinu milli skóla og heimilis. Skólataska eins og annað skóladót eru stöðutákn einstakra fjölskyldna.

Þarna bera skólarnir mikla ábyrgð. Það er eiginlega sáralítið sem þarf að bera í milli skóla heimila barnanna. Einnig væri það mikil framför ef heimanám barna á yngri stigum færi nánast alveg fram í skólunum sjálfum undir umsjón sérfræðinga.

Allar vinnubækur væru síðan geymdar í skólunum.

Lestrarbækur væru hugsanlega bækur sem mættu gjarnan fara með börnum heim svo börn gætu lesið með foreldrum sínum.

Þá er nauðsynlegt að hafa þær með gamla laginu. Þunnar og léttar.

Þannig gætu töskur verið mjög litlar og léttar á baki barnanna.

Nú er algegnt að börn eru að bera bunka af blöðum og bókum algjörlega að þarflausu.

Hér eru 6 ára börn í smíðastofu, sem nú eru fullorðið fólk með heimili. 

Foreldrar greiði ekki fyrir ritföng og pappír

Vantar Strætó alla þjónustulund

• Undarlegt þjónustufyrirtæki Strætó.

Það breytir akstri vagnaleiðar nr. 18 þegjandi og hljóðalaust án þess að ræða um það við viðskiptavini sína og þá aðila sem kosta akstur þessa vagns.

Bæði með fargjöldum og sköttum sínum.

Nú hafa þeir breytt aksturleið vagnsins og skert þjónustu fyrirtækisins við þá Reykvíkinga sem búa í Grafarholti og í Úlfarsárdalnum.

Það er einnig sékennilegt að borgarfulltrúar ætli að láta Strætó bjóða okkur í þessu hverfi upp á þetta viðmót.

Akstursleiðin hefur nú verið skert og ekin er mun styttri leið. Einnig hefur leið 26 ekki verið í gangi síðan í vor.

Það vill svo til, að þetta hverfi býr við verulega skerta þjónustu af hálfu borgarinnar og borgarstjórnin getur alls ekki afsakað sig.

Það er auðvitað lágmarkið að þessu sé kippt í liðinn strax. Að íbúar finni það, að borgarstjórninni sé ekki sama um þetta háttarlag Strætó.

Strætóappið lá niðri