Siðleysið ræður nú ferð

• Svör fjármálaráðherra og forsætisráðherra bera vott siðgæðisbrest þeirra.
  *
• Þeir viðurkenna ekki það siðleysi sem þeir
  
  og þeirra málaliðar á Alþingi eru spilltir af.

Þeir virðast ekki gera sér grein fyrir því að þeir eru að takast á við stóran meirihluta þjóðarinnar en ekki þingmenn stjórnarandstöðunnar á Alþingi. Þessir ráðherrar ætla sér greinilega að svíkja kjósendum um kosningar strax.

Ráherrarnir sitja sem límdir við stólanna og ásamt félögum sínum. Þeir eru fastir í því hlutverki að þjóna ýmsum hagsmuna aðilum í landinu. Því þessir þingmenn munu margir hverfa af þingi.

• Vert er að rifja það upp einu sinni enn, að meirihluti þingmanna (þessir 38) voru kosnir af 51,1% atkvæðum kjósenda í síðustu kosningum.
  *
• Þeir hafa ekkert umboð til að gera einhverjar breytingar á högum þjóðarinnar nú.

Þessi stjórn er ekki að starfa í þágu þjóðarinnar því stjórnin ætlar sér að standa vörð um hagsmuni þess fólks sem hefur komið peningum undan til Tortóla og fleiri skítastaði

 

Kröfðust afsagnar Bjarna

Margir þingmenn stjórnarandstöðunnar kröfðust afsagnar fjármálaráðherra þegar þingfundur hófst í morgun og að boðað yrði til kosninga. Þá gagnrýndi stjórnarandstaðan að ríkisstjórnin héldi þingstörfum áfram án þess að ræða…

RUV.IS

 

„Stödd í miðju bílslysi“

Fylgið var skoðað að mestu áður en aflandseyjaumræðan kom upp.

• Bessastaðabóndinn getur tæplega verið ánægður með þessa niðurstöðu reynist hún mæla fylgi hans rétt.
  *
• Mér sýnist þetta vera nákvæmlega sama fylgið og stendur á bak við núverandi stjórnarflokka.

En Framsóknarflokkur og Sjálfstæðisflokkur fengu 51,1, % fylgi í síðustu Alþingiskosningum. Fylgi hans virðist fylgja þessum flokkslínum.

Andri Snær getur ekki annað en verið vel sáttur og Halla einnig. Ég átta mig reyndar ekki á því til hvers aðrir sem þarna eru í framboði eru að standa í þessu brölti.

En auðvitað getur verið alvarleg meining á bak við slík framboð sem á eftir að skýrast. Einnig getur verið um auglýsingaskrum að ræða.

Væntanlega munu einhverjir detta út bráðlega. A.m.k. eru margir þarna búnir að fá sitt fylgi mælt.

 

Allir frambjóðendur gefa áfram kost á sér

Allir forsetaframbjóðendur, sem fréttastofa leitaði viðbragða hjá, vegna könnunar MMR ætla að gefa kost á sér áfram. Ólafur Ragnar Grímsson, forseti Íslands mældist með yfirburðastuðning í könnuninni. Þrír efstu frambjóðendur mældust með um 91%…

RUV.IS

 

Val milli fortíðar og framtíðar

Þá birtast kanski smátt og smátt einhverjir skuldarar þrotabúa bankanna

E.t.v. einnig  kröfuhafar sem

væntanlega verða þá greiða bæði

skuldir og skatta.

Herra gerfimaður, ásamt vinum

og vandamönnum stærstu eigenda

gömlu bankanna

Skuldaði um 100 milljarða

Það er hörmungarástand víða í vinnuverndarmálum

• Síðan virðast íslendingar halda að það sér eðlilegt að unglingar örkumlist
  
  á meðan þau eru enn börn að aldri.

Ég var kominn í 50 kg. sementspokaburðinn 9 ára gamall. Það var ekkert einsdæmi fyrir 60 árum

Ekki tók betra við þegar maður var kominn sveitina ári seinna, en þar tóku áburðarpokarnir við. Þeir voru frá 50 kg og upp í 100 kg.

Bakið var alvarlega skaðað fyrir fermingu og 14 ára missti ég framan af fingri við mjög hættulega verksmiðjuvinnu.

• Börn eru í fullri vinnu í sínu námi.Það hefur verið algengt að sjá börn undir aldri vinna í verslunum á Reykjavíkursvæðinu með sínu námi í grunnskóla.
  *
• Oft á þeim tíma eftir skóla sem þau mega ekki vinna og um helgar. Rétt eins og engin þekki vinnuverndarlögin og reglugerðina um störf ungmenna undir 18 ára aldri.

Er ég starfaði sem kennari í Grindavík í 4 ár var það ótrúlega algengt að sjá þar fólk á besta aldri með skaddaður hendur eða bæklaða að öðru leiti. Einnig voru nemendur duglegir við að segja mér frá slíku hjá foreldrum sínum.

Vegna þess að atvinnurekendur þar báru ekki virðingu fyrir fólki er starfaði hjá þeim sem væri það fólk en ekki aðeins starfskraftar  

Bara þegar ég upplifði fyrstu loðnutörnina, varð eitt dauðaslys við höfnina á fyrstu dögunum og fjölmörg önnur slys á fólki. Sérstaklega á ungu fólki.

Fiskverkendur kröfðust þess að unglingadeild skólans væri lokað. Skólastjórinn hafnaði slíkri kröfu.

 

En flestir foreldrar bjuggu við slíkan þrælsótta að þeir fórnuðu börnum sínum fyrir þarfir útgerðarinnar. Krakkarnir voru látnir vinna við hættuleg störf sem eldra fólk gat ekki sinnt.

Þegar Ísland gerðist aðili að EFTA í mars 1970 áttu vinnuverndarlög EB að fylgja með í pakkanum. Það tók samt 10 ár að þrefa um það við samtök atvinnurekenda að vinnuverndarlög tækju gildi.

Samt voru þau að mörgu leiti útþynnt og Það dróst úr hömlu að semja reglugerðir. Reglugerðin um störf ungmenna er aðeins nokkurra ára gömul.

Við brutum ísinn með því að gerðir voru kjarasamningar um vinnuverndarmál. Þeir fyrstu 1972 hjá húsgagnasmiðum.

• Þá hefur grunnskólakerfið brugðist í þessum efnum. Vinnuverndarfræðsla ætti að vera fastur liður í efri bekkjardeildum. Þegar tekið er tillit til þess, að nær þriðjungur ungmenna fer ekki í frekara nám áður en það fer út í atvinnulífið.
  *
• Það tókst að koma þessu að í námskrá fyrir „Hönnun og smíði“ fyrir nokkrum árum. En stjórnendur skólanna og kennarar voru áhugalausir um þetta mál og þetta hefur þegar verið fellt út.

Það sama má segja um stéttarfélögin í landinu, það er eðlileg krafa að þessi félög væru í sífelldu eftirliti með því að lögin um vinnuvernd séu haldin.

En mörg þessara félaga eru algjörlega undir hælnum á atvinnurekendum og gera lítið sem ekkert í þessum málum.

Í þessum málaflokki veitti ekki af, að róttækur félagshyggjuflokkur tæki til hendinni. Þá þarf svo sannarlega að skerpa mjög refsirammann og sjá til þess að brot í þessum efnum fyrnist ekki. Einkum þegar börn eiga í hlut.
.

 

Mál vegna vinnuslyss barns fyrnist hjá lögreglu - Alþýðusamband Íslands

Ástæða kærunnar var þríþætt brot fiskvinnslufyrirtækisins á 14 ára barni sem endaði með alvarlegu vinnuslysi.

ASI.IS

 

Málinu ólokið en komið ofan í skúffu

Það er eðlilegt að forsetinn fái svigrúm til að svara

• Auðvitað á Ólafur Ragnar enga sök á því, að faðir Doritar hafi átt skráðar eignir í aflandsfélögum. Tæplega Dorit sjálf.

Spurningin snýr alls ekki að þessu atriði. Heldur hinu hvort hann hafi vitað um þessa hluti þegar Bandaríski sjónvarpsmaðurinn spurði hann.

Þá svaraði hann afdráttarlaust að engar slíkar eignir væru til. Hann hefði getað svarað allt öðru vísi og það með heiðarlegum hætti.

Þá er staðan sú, að enginn veit hvort hann reyndi að segja satt eða ósatt. Það er því þessi efi sem mun fylgja honum til framtíðar.

Bæði í hugum íslendinga og í augum erlendra aðila sem þurfa að hafa samskipti við hann sem þjóðhöfðingja Íslands fyrir hönd sinna þjóðríkja. 

Ástþór vann bara vinnuna sína með nákvæmlega sama hætti og Ólafur Ragnar er vanur að gera.

Ólafur Ragnar hefur verið þekktur fyrir það á sínum pólitíska ferli að leggja persónulegt mat á það hvað er sannleikur hverju sinni.

Sem er iðulega mat sem hefur farið á skjön við hugmyndir annarra um sannleikann. Iðulegast úr þeim knérunn sem hann fær mestan stuðning frá um þessar mundir.

Síðasta afrek hans á því sviði varð opinbert á fréttamannafundi á Bessastöðum þegar hann sagði frá því sem Sigmundur Davíð á að hafa sagt og ætlað sér.

M.ö.o. frásögn af tveggja manna samtali sem enginn getur vitað hvort var sönn eða ekki, nema að fyrrum forsætisráðherra staðfesti það. En hann hefur einmitt andmælt þessari frásögn forsetans.

Ekki hef ég mikla trú á áreiðanleik Sigmundar Davíðs, það sama get ég sagt um skoðun mína á áreiðanleik Ólafs Ragnars eftir löng kynni mín á þeim ágæta manni og samstarfi í stjórnmálum um langt árabil.

Menn verða  auðvitað að muna það, að Ólafur Ragnar er Framsóknarmaður fram í fingurgóma og lærði sín pólitísku fræði hjá læriföður sínum Eysteini Jónssyni.

Samkvæmt því sem Ólafur Ragnar hefur sagt mér margar sögur um, réðist sannleikur Eysteins jafnan af því hvar hann var staddur hverju sinni.

Hann sagði mér ósjaldan að þessi aðferð hafi reynst honum vel þegar hann var ráðherra og fulltrúi Reykjaneskjördæmis á Alþingi.Ólafur Ragnar er þroskaður stjórnmálamaður sem líkar vel við pólitíska rökræðu og það hefur alltaf verið hans líf og yndi. 

 Vísir - Ástþór lýsir yfir áhyggjum vegna uppljóstrana úr Panamaskjölunum 

Ástþór Magnússon forsetaframbjóðandi hefur sent utanríkisráðuneytinu bréf þess efnis.

Ólafur Ragnar: Ekki mótað afstöðu

Svona tala fyrirmyndir barna í Eyjum.

• Það er ljóst að þarna er ekki verið að ræða um ákveðna þorsk afurð.
  *
• Heldur ungar konur í Vestmannaeyjum.

Maður gæti ályktað sem svo, að haldin verði ráðstefna meðal fótboltafólks í Eyjum um hvernig konur þar ytra geti náð tangarhaldi á erlendum leikmönnum fótboltaliðs karla.

Væntanlega munu þessar ungu konur fá bæði faglega og tæknilega aðstoð í þessu átaki.

Líklega verður haldið námskeið þar sem sýnikennslu verður beitt. Væntanlega verða síðan veitt verðlaun fyrir bestu veiðina.

Hvað eru menn svo að ræða um að íþróttir séu ekki hollar fyrir ungmenni landsins. Síðan fá þessir karlar ríkisborgararétt eins og ekkert sé.

Finna von­andi gell­ur í Eyj­um 

Hér kemur fréttin úr íþróttafréttum Mbl. hana má sjá á Googlinu:

,,Finna von­andi gell­ur í Eyj­um

Eyja­menn hafa endað í tí­unda sæti Pepsi-deild­ar karla tvö und­an­far­in ár og því ekki gert mikið meira en að forða sér frá falli í bæði skipt­in.

Gunn­ar Heiðar Þor­valds­son, reynd­asti leikmaður liðsins sem sneri heim úr at­vinnu­mennsku um mitt síðasta sum­ar, og Páll Magnús­son, fyrr­ver­andi út­varps­stjóri og einn dygg­asti stuðnings­maður ÍBV, vilja að sjálf­sögðu báðir koma liðinu á betri stað í deild­inni í sum­ar.

Gunn­ar von­ast eft­ir því að er­lendu leik­menn­irn­ir í Eyjaliðinu „finni sér gell­ur“ í Eyj­um og setj­ist þar að. Páll seg­ir ekk­ert toppa það að vinna KR á úti­velli og vís­ar þar til sig­urs ÍBV á Íslands­mót­inu árið 1998. Margt fleira kem­ur fram í skemmti­legu spjalli mbl.is við þá fé­laga sem sjá má hér að ofan.

Vík­ing­ur Ólafs­vík - Vill að Vík­ingsliðin spili um nafnið .
Þrótt­ur Reykja­vík - Vinn­um FH og end­um í fjórða sæti.

Gunnar Heiðar Þorvaldsson í leik með ÍBV."

 

mbl.is/Þ​órður Arn­ar Þórðar­son

Ekki endilega spurning um lög, heldur viðhorf

• Þetta er auðvitað spurning um viðhorf þeirra sem standa að lífeyrissjóðnum.

Viðhorf formanns þessa sjóðs ber auðvitað vitni um hræsni og eða tvískinnung þessa fulltrúa atvinnurekanda í stjórn sjóðsins. Ef horft er til þess sem forystumenn í atvinnurekstri segja nú um þessi mál.

Vert er að benda á þessi orð sögð við RÚV í morgun:
,,Viðskiptaráð og atvinnulífið í heild fordæma notkun aflandsfélaga í annarlegum tilgangi, hvort sem um er að ræða skattalagabrot eða aðra brotastarfsemi.

Þetta segir Frosti Ólafsson, framkvæmdastjóri Viðskiptaráðs.

Þorsteinn Víglundsson, framkvæmdastjóri Samtaka atvinnulífsins segir slíka hegðun ólíðandi".

Þetta orðalag: ,,í annarlegum tilgangi" þýðir auðvitað allt og ekkert.

Það er t.a.m. heilt úthaf á milli sjónarmiða almennings um hvað er annarlegt í þessum aflandsmálum annarsvegar og samtaka atvinnurekenda og eða Viðskiptaráðs hins vegar.

Það eina sem gildir er að um öll þessi mál gildi skýrar reglur sem settar eru fram í skattalögum og í hegningarlög. Þar sem refsirammi er settur fram á skýran hátt. 

Nú skapast tækifæri til þess af sjóðfélögum að hreinsa til í starfsliði og í stjórn sjóðsins hvað þessi mál varðar.  

Ekki viss um sök Kristjáns

Yrði maður að meiri

• Ef hann segði bara af sér sem forseti. Það væri heiðarlegast og best fyrir þjóðina á þessum ólgutímum
  *
• Hvernig á maður með slíkan stimpil á sér að tala milli manna í stjórnarmyndunar umræðum eða geta gert sig gildandi í stjórnarskrármálum.

Fordæmið hefur þegar verið gefið, er forsætisráðherrann hrökklaðist úr embætti.

Núverandi forseti lét það eftir sér að kasta rýrð á Sigmund Davíð með formlegum hætti.

Er hann kallaði saman sérstakan blaðamannafund til þess á Bessastöðum.

Þjóðin getur aldrei verið viss, um hvort Ólafur Ragnar hafi sagt satt eða ósatt um vitneskju sína um aflandsfélagseign frúarinnar. Þetta verður tæplega þaggað niður þótt reynt verði.

Eða eins og einn framkvæmdastjóri fyrir lífeyrissjóði sagði, að það skipti ekki máli, hvort hann hefur hagnast eða tapað á þessum viðskiptum.

Gjörningurinn er sá sami. 

Fjölskylda Dorritar átti aflandsfélag

Öðrum til fyrirmyndar.

• Það er ekki hægt annað en að hrósa Kára fyrir þetta fordæmi sem er algjörlega til fyrirmyndar.
  *
  
• Það er sérstaklega athyglisvert að hann telur ekki skipta máli, hvort hann hefur hagnast eða tapað á þessum gjörningum.
  *
• Gjörningurinn er sá sami.
  *
• Þetta mættu t.d. einhverjir ráðherrar taka sér til fyrirmyndar.

Hættir hjá Stapa vegna Panamaskjala

Allir fyrrum forsetar Íslands hafa greinilega verið óhæfir

• Enginn þessara forseta voru með próf í stjórnmálafræði og enginn prófessor við háskóla Íslands.
  * 
• Þetta hlýtur að vera mat Ólafs Ragnars og það á væntanlega við um Svein, Ásgeir, Kristján og Vigdísi.
  *
• Því það virðist vera eindregin skoðun Ólafs Ragnars að hann einn sé hæfur til að sinna því verkefni að vera forseti. Það er eins gott að hann falli ekki frá í bráð.

Það eru fjölmargir í röðum frambjóðenda með ekki síðri menntun en Ólafur Ragnar og ekki síðri og jafnvel mun eftirsóknarverðari og heiðarlegri reynslu. 

• Það er aðeins eitt sem þessa frambjóðendur vantar, er að þeir eru ekki fulltrúar valda elítunar á Íslandi og ríkisstjórnar flokkanna sem er þeirra handbendi einnig.
  *
• Það eru margir í samfélaginu sem eru hæfari til þessara starfa en núverandi forseti.

Það er mín skoðun að Ólafur Ragnar hafi gert fjölmörg alvarleg mistök í störfum sínum í þessu embætti er hafa skaðað hagsmuni þjóðarinnar alvarlega. 

• Hann er eini forsetinn á Íslandi sem hefur fengið alvarlegar ákúrur frá rannsóknarnefnd Alþingis sem ríkisstjórn Geirs Haarde koma á laggirnar með tilstyrk þingis.
  *
• Þetta eru ákúrur sem hefðu átt að leiða til þess að Ólafur Ragnar segði af sér, ef á Íslandi væri eðlilegt lýðræði.

Má auðveldlega lesa um ýmis slík afglöp í rannsóknar skýrslu Alþingis. 
Til upprifjunar. "Þegar horft er til baka yfir þá atburði sem leiddu til hruns í íslensku efnahagslífi vekur þáttur forseta Íslands sérstaka athygli.

Þótt stjórnkerfið í heild beri með margvíslegum hætti ábyrgð á því sem gerðist verður ekki hjá því komist að skoða embætti forseta Íslands sérstaklega, svo hart gekk forsetinn fram í þjónustu sinni við útrásina og þá einstaklinga sem þar voru fremstir í flokki.”(SG)

- Úr 8. bindi skýrslu Rannsóknarnefndar Alþingis frá 2010, bls. 178 -"

 Þá brást hann þjóðinni nú á dögunum  og einkum fólkinu sem hefur fjölmennt á Austurvöll dögum saman.

Fólkið á vellinum vildi ekki bara að óskabarn Ólafs Ragnars , Sigmundur  Davíðs færi frá sem ráðherra.

Fólkið vill og vildi að ríkisstjórnin segði af sér og boðað yrði til kosninga strax. Þetta fólk lítur á Ólaf Ragnar sem hluta af þessum stjórnvöldum. Þetta eru pólitískar hundakúnstir hjá forsetanum.

• Það er ekki boðlegt, að forseti Íslands sitji á tveggja manna tali við forstætisráðherra um hvort verður um stjórnarslit eða ekki. 
  *
• Því síður að forsetinn boði síðan til blaðamannafundar til að segja við frétta menn hvað fór þeim í milli. Slíkt vinnulag er óhæfa í lýðræðisríki. 
  *
• Ólafur Ragnar hagar sér líkt og hann væri einræðisherra. Ekkert er bókað á þessum fundi, enginn ritari. Síðan ber þeim ekki saman um hvað gerðist á fundinum. Þetta er ótrúlegt.
  *
• Greinilegt er, að Ólafur Ragnar er að fara í pólitískt framboð, hann mun berjast gegn eðlilegum stjórnarskrárbreytingum.  
  

 

Ólafur Ragnar lítur á sjálfan sig sem einvaldskóng er telur sig ekki

þurfa að eiga samstarf við aðra aðila. Þetta er auðvitað ofmat á hlutverki forseta.

Hann var ekki kosinn til þess að vera einvaldur

 

Forseti sitji ekki of lengi