Tilvistarkreppa hjá ,,Bjarti framtíð"

• Ég er á þeirri skoðun að ,,Björt framtíð" eigi í alvarlegri tilvistarkreppu.
  *
• Það er einfaldlega ekki pláss fyrir þrjá miðjuflokka á Alþingi sem allir bera fram loðna stefnu sem hægt er að sveigja á alla kanta.

Píratarnir virðast skora hátt í skoðanakönnunum með ýmsar patentlausnir sem koma hinni raunverulegri tilveru hins sauðsvarta almennings ekkert við. Ungt fólk er fljótt að vaxa upp úr ,,poppmenningunni.

Vissulega eiga þessir miðjuflokkar eftir að berjast um atkvæðin og þeim mun takast að hirða slatta af atkvæðum sem hugsanlega hefðu fallið vinstri flokkum í skaut. Framsókn mun áfram róa á sömu mið og Sjálfstæðisflokkurinn.

Hvað sem forystumenn í þessum popp-miðflokkum segja, mun lífsbarátta almennings áfram snúast um að fá réttlátan skerf af þjóðarframleiðslunni.

Áfram verða fulltrúar atvinnurkenda á Alþingi sem hafa það markmið að tryggja hag fyrirtækjanna umfram launafólks.

Það mun áfram skipta launamenn máli að auka þjóðarframleiðsluna og krefjast þess, að í hvert skipti sem hugtakið ,,landsframleiðsla" er notuð í umræðunni verði hugtakið ,,Þjóðarframleiðsla" einnig nefnt í sömu andrá. Það er nauðsynlegt að almenningur skilji í hverju munurinn á þessum hugtökum.

Heiða Kristín hætt í Íslandi í dag – Tekur ekki þingsæti að svo stöddu

Heiða Kristín Helgadóttir, sem stýrði Umræðunni, vikulegum þætti um stjórnmál á Stöð tvö, mun ekki…

KJARNINN.IS

Heiða Kristín hætt hjá 365

Það hafa verið byggðar margar brýr undanfarin ár

• Bæði með mjög virku íþróttastarfi fatlaðra og einkum þroskahamlaðra. En einnig með sjónvarpsþættinum

„Með okkar augum“

Hefur hefur lokið göngu sinni þetta sumarið en 30. þátturinn var að renna sitt skeið. Þetta hafa yfirleitt verið mjög góðir þættir og fræðandi.

Einn mikilvægasti hluti þessara þátta finnst mér, hefur verið að sýna þroskahamlað fólk að störfum, þar sem hafa verið tekin stutt viðtöl við þessa einstaklinga.

En þessi hluti þáttanna hafa verið mjög mikilvægir finnst mér. Því þeir sýna mjög vel að margbreytilegt fólk getur vel unnið mikilvæg störf. Bara t.d. að grunnskólar gætu haft mikið gagn af slíkum einstaklingum við störf.

Ekki bara við að þrífa gólf heldur til að vera í samskiptum við nemendur með ýmsum hætti. Þar kæmu til greina störf í matsölum og jafnvel úti í frímínútum við gæslustörf og einnig til að vera í samskiptum við nemendur.

Jafnvel gætu þeir átt erindi inn í kennslustofur við sérstök tækifæri. En öll samskipti yrðu að vera í samstarfi með skólaliðum eða kennurum.

Þessi þáttur hefur örugglega byggt mikilvægar brýr í samfélaginu.

  

Tóku vel á móti íslensku keppendunum

En hvar er forsetinn?

• Á meðan Vigdís Finnbogadóttir hefur verið mjög áberandi í stuðningsliði hinsegins fólks
  *
• þá hefur Ólafur Ragnar gufað upp þegar honum hefur boðist að taka þátt í baráttu uppákomum hinsegins fólks.
  *
• Þetta hefur komið fram í fréttum á árum áður.
  *
• Því vaknar sú spurning hvort forsetinn sé haldinn einhverjum fordómum gagnvart þessum hluta þjóðarinnar.

Mikilvægur móralskur stuðningur

Það er logið stanslaust að íslendingum

Jack Daniels  26. March 2015

 

Ásett verð er 195.000,- Sænskar krónur.

Eins og flestir vinir mínir og margir sem fylgjast með mér, þá er vitað að ég er þessa dagana staddur í Svíþjóð í smá fríi.
Ég er á þriðja degi núna og svo furðulegt sem það er þá er ég nú þegar jákvæðari, bjartsýnni og meira lifandi heldur en ég hef verið í þrjú ár og fer bara batnandi.

Var talsvert á ferðinni í gær að skoða mig um í litla bænum sem ég er og nokkrir magnaðir hlutir sem ég hef komst að hérna.

Í fyrsta lagi fór ég og kíkti á nokkur hús sem eru til sölu hérna og ég er enn dragandi hökuna á eftir mér yfir hvað er hægt að fá ódýrar og fallegar eignir hérna, á fallegum stað jafnvel með æðislegu útsýni.
Hver væri ekki til í að EIGA rúmlega 100 fm hús með 66 fm bílskúr á 1000 fm lóð?
Jú, þið skulið halda ykkur.  Ásett verð er rétt um 3,3 milljónir íslenskar klakakrónur og kanski hægt að pína það niður í 2,8 með þrjósku.

Reiknaður rekstrarkosnaður á þessu húsi eru um 2.600 Sekr á mánuði að meðaltali sem gera rúmar 44.000,- á mánuði, en það er vatn, hiti og rafmagni.

66 fermetrar, upphitaðir.

Ég veit bara að ég er alveg til í að eiga svona hús, á svona stað og þar sem verðlag á mat er viðráðanlegt en ekki okrað á mér og logið að mér að matarverð á íslandi sé með því lægsta í heimi.
Hér fæst nefnilega heill, ferskur kjúklingur á rúmlega 800 kall íslenskar krónur, kílóaverðið var í kringum 600 kall.

10% þýskt nautahakk, 500 gr. er helmingi ódýrara en á íslandi.
Rúmlega eins kílóa bacon pakkning með þykkum og fallegum sneiðum kostaði rétt um þúsund kall.

Ég gæti haldið lengi áfram að telja upp verðlagið hérna en segi bara að lokum, þetta var ekki ódýrasta búðin á svæðinu og það er hægt að fá nánast alla matvöru í stórinnkaupum hér í Svíþjóð á helmingi minna verði en á íslandi.

Á íslandi er það lennska að ljúga að almenningi og blekkja með öllum ráðum hvað sem tautar og raular og fólk gleypir allt hrátt og gargar í heimsku sinni og blekkingarvímu, “ÍSLAND BEST Í HEIMI” meðan því er riðið í rassgatið svo undan blæðir.

 

Egið góðan dag þarna á spillingarskerinu.

 

Kviðverkir Hannesar Hólmsteins

• Í áratugi hafa vansvefta íhaldsmenn á Íslandi verið að rembast eins og rjúpan við staurinn við að halda svefni.
  *
• Allt vegna einhverja styrkja sem sagt er að fasíski íhaldsflokkurinn í Rússlandi á að  hafa sent velunnurum sínum hér upp á skerinu fyrir meira en hálfri öld.

Það truflar ekki vinstri sinnað fólk í dag hvað gert var í fortíðinni og hvað gert var við þessar rúplur.  Ef laust hefur Kjartan Ólafsson, fyrrv. framkvæmdastjóri Sósíalistaflokksins reynt að segja rétt frá í grein í Morgunblaðinu 2006. Einnig hvernig þetta bar til.

• Sósíalistaflokkurinn var barn síns tíma og allir vita hvernig hann var stofnaður og af hverjum. Það er fjallað um það í skólabókum.
  *
• Rétt eins og Sjálfstæðisflokkurinn er einnig barn þess sama tíma og allir vita að gömlu nasistarnir gerðust þar félagar í maí 1940.
  *
• Enn er þetta valdaflokkurinn á Íslandi með sömu kjörorðum og nasistaflokkurinn notaði fyrir stríð.

Við yngra fólk rétt komin á eftirlaunaaldur og höfum verið virk í verkalýðshreyfingunni og í pólitískum armi hreyfingarinnar einnig vitum ekkert um þetta fé.

Ekki hafa þessir aurar komið upp á yfirborðið.  Ekki angrar þetta okkur og það er óþarfi fyrir smiðssoninn að vera með stjörnu í brók vegna þeirra. En hann ku vera snillingur í fjármálum eins og aðrir hægrimenn

Nær væri fyrir hann og einnig ýmsa trúverðuga sagnfræðinga að skoða hvernig ýmis stjórnmálaöfl á vafasömum hægri kanti alheimsstjórnmálahreyfinganna hafa styrkt Íhaldsflokkinn og síðar Sjálfstæðisflokkinn á Íslandi rétt eins og einhverjir hafa styrkt vinstriflokkanna aðrir en verkalýðshreyfingin.

Þessir styrkir til Sjálfstæðisflokksins voru ekki bara í fortíðinni heldur virðast peningar enn streyma til þessa flokks og þá sennilegast í gegnum fyrirtæki íslensk og erlend stórfyrirtæki. 

Fyrirtæki eins og Acoa og Ríó tinto eru þekkt fyrir að bera fé á áhrifamenn í mörgum löndum. Því er bara rökrétt að álykta sem svo, að svo sé einnig á Íslandi.

A.m.k. væri það vert rannsóknarefni, að rannsakað væri hvernig Sjálfstæðisflokkurinn gat risið upp úr nánast gjaldþrota rústum við hrunið.

Eftir að upp komst um stórfellda fjármálaspillingu í starfsemi flokksins og hvernig íslensk fyrirtæki jusu fé í þennan flokk.

Ekki má heldur gleyma því, að tveir núverandi ráðherrar, Bjarni Benediktsson og Ragnheiður Elín Árnadóttir  hafa nýlega setið ársfund hjá Bandaríska Repúblikanaflokknum án þess að nokkurntíma hafi verið gefnar opinberlegar skýringar á veru þeirra þar.

Eftir framgang þeirra í tjónkun við Bandarísk stórfyrirtæki eftir að þau komust í ríkisstjórn gefur það fullt tilefni til sérstakrar rannsóknar.  Það er ekki eins og flokkur þeirra sé með hreina samvisku er kemur að því að þiggja vafasamt fé að gjöf.

Ef eitthvað er eftir af þessum rúblum í fasteignum er það Samfylkingin sem nýtur góðs af þeim

Gamla aftaníossa stefnan vöknuð á ný í utanríkismálum

• Og ræður nú ríkjum í utanríkismálum þessarar ríkisstjórnar sem er gjörólík þeirri stefnu sem vinstri stjórnin fylgdi og þeirri stefnu sem þjóðin kýs sem er hlutleysi. 

Er reyndi eftir megni að móta sjálfstæða stefnu í þessum málaflokki.  Jafnvel þótt þáverandi ráðherra hafi átt ansi erfitt með að slíta sig frá ESB sem var hin veika hlið málaflokksins á þeim tíma.

Núverandi ráðherra dansaði strax í takti með tilmælum bandaríkjamanna í öllum málum og hefur í raun aldrei komið fram með sjálfstæði á einu einasta sviði.

Þetta er auðvitað leiðarljós núverandi stjórnarflokka  eins og alltaf áður.

Ekki bara það, þetta er stjórnin sem þóttist ætla að vera sjálfstæð gagnvart ESB, en lætur þetta ríkja-samband stjórna sér í einu og öllu sem Ísland væri fullur aðili að ESB. Enda samkvæmt vilja USA.

• Hann var með fyrstu stjórnmálamönnum sem mættu til Úkraínu og jós lofi á stjórnvöld þar á bæ, jafnvel þótt þar færu fasistar með völd er höfðu hrakið frá völdum annan spilltan fasista af rússnensku gerðinni. Allt samkvæmt ákveðinni rútínu til að skora prik vestan hafs.

Við á Íslandi sitjum undir allskonar áróðri um hvað er að gerast á Krímskaga og í Úkraínu bæði frá Bandaríkjunum og frá Rússlandi. Það eru a.m.k. heiftarleg átök á milli gömlu herveldanna um ítök í Evrópu.  Bæði þessi ríki eru alblóðug eftir stöðug manndráp í áratugi og kúgun á saklausu fólki.

Stefna vinstristjórnarinnar var að halda uppi hlutleysi í svona átakamálum gömlu stórveldanna  og  treystu greinilega hvorugu herveldinu.  Það er einnig sú stefna sem þjóðin kýs í utanríkismálum. Það er að sýna sjálfstæði þjóðarinnar.

En ekki gengur að láta viðskiptahagsmuni á hverjum tíma ráða stefnu þjóðarinnar. Slíkt háttarlag er óheiðarlegt í alla staði. 

Samt sem áður er það röng stefna að taka þátt í viðskiptaþvingunum  ESB og Bandaríkjanna gagnvart öðru herveldinu. Þetta er lýsandi dæmi um hversu hættulegt það er fyrir Ísland að fylgja einhverjum stórveldum og eða ríkjasamböndum í blindni. 

Af Grikklandsfárinu má sjá hverjir ráða ríkjasambandinu og hversu hættulegt það er. Íslendingar hafa þegar fundið smjörþefinn af þessum aðilum.

 

Breyta ekki afstöðu Íslands

Gríðarlegur fjöldi fólks

• Fyllti götur miðborgarinnar í dag, bæði í kvosinni og upp eftir Laugavegi og Skólavörðustíg. 
  *
• Örugglega tugþúsundir, auðvitað fjölskyldufólk, unglingar  og túristar.
  *
• Var þó engin sérstök dagskrá um miðjan daginn og engar auglýsingar sem hvöttu fólk til að fara í bæinn.
  *
• Kanski eru þessar útihátíðaferðir að fara úr tísku hjá ungu fólki, enda gríðarlega dýrar skemmtanir  

Þessi mynd er reyndar frá Menningarnótt  

Það er aðeins stórhátíðir eins og menningarnótt,  gay pride, 1. maí  og  hugsanlega 17. júní  þar sem fleira fólk mætir í miðborgina. Ekki má gleyma síðasta kvennafrídegi og druslugöngu.

Það hefur verið vitað lengi,  að veðrið er að jafnaði best á höfuðborgarsvæðinu á þessum árstíma.  Enda er það er það mikill minnihluti fólks sem fer í langferðir á þessum tíma ársins. Á útihátíðum safnast minnihluti ungsfólks  sem sést best á þeim fjölda sem hafa mætt nú á þessa staði.

Á aldrinum 15 -  25 ára eru nálægt 43 þúsund einstaklingar, aðeins þriðjungur þeirra mætir á þessar útihátíðir um þessa helgi þar sem reikna má með einhverri unglingadrykkju.  

Reikna má sterklega með því, að öflug umræða um nauðganir hafi mikil áhrif á sókn fólks á skröllin og hvernig t.a.m. hvernig lögregluyfirvöld í eyjum ætlar sér að standa að löggæslu. 

Í mínum huga er ljóst að þar ráða hagsmunir gróðrapunga í eyjum ferðinni á kostnað ungmenna sem hafa síðustu árin sótt eyjar. Þar hefur orðið geysileg  fækkun á aðkomufólki. Það er fagnaðarefni á meðan hátíð eyjamanna er með því sniði sem þar hefur tíðkast.

Fjallið, Ingó, Unnsteinn og Margeir

Gott væri að fá nánari skýringar

• Hjá formanni þjóðhátíðarinnar í eyjum.

Þegar hann segir að, ,,Það eru fullt af kon­um hérna að skemmta, á einn eða ann­an hátt,“ seg­ir Birg­ir Guðjóns­son, formaður þjóðhátíðar­nefnd­ar.

Þetta er auðvitað sérkennileg framsetning hjá blessuðum manninum í ljósi umræðunnar.

En það er staðreynd að ,,Þjóðhátíðiin" í eyjum er mesta brennivínshátíðin í landinu og þar gerist eitt og annað miður skemmtilegt eins nauðganir.

 

En nauðganir á þessari hátíð hafa verið mjög margar ár hvert og nánast alltaf hefur verið reynt að gera sem minnst úr þessu ofbeldi sem þarna á sér stað. Sem er auðvitað fastur fylgifiskur fyllisamkomu að þessari gerð.

Nú á s.s. að reyna að þagga þessi mál formlega, eins og hægt til að reyna leyna óskapnaðinum og losa þá aðila sem að fylliríinu standa undan eðlilegu aðhaldi fjölmiðla. 

„Konur skemmta á einn eða annan hátt“

Sumir vilja engar reglur, t.d. um sölu og kaup á áfengi

• Hinir, þ.e.a.s. þeir sem borga skatta á Íslandi vilja gjarnan hafa reglur um áfengiskaupaaldur t.d. og hverjir eigi að mega selja slíka vörur.
  
  Ýmsar takamarkanir á sölu áfengis.
  *
• Ef menn skoða skattareglur á Íslandi má sjá hverjir greiða skatta og hverjir ekki þótt þeir hafi mikið umleikis.

En einnig vegna heilbrigðis- og félagslagslegra ástæðna 

Almennt er allt þroskað fólk mjög sátt við reglur lágmarksaldur þeirra sem mega sækja vínveitingastaði og kaupa áfenga drykki.  

Nema nokkrir unglingar sem eru sautján ára. 

En hvers vegna eru það skattborgarar öðrum fremur sem vilja hafa þessar reglur. Því það er vegna þess að það eru þeir sem greiða kostnaðinn.

Þeir sem greiða litla sem enga skatta eins og staðreyndin er með marga sem lifa glæstu lífi vilja gjarnan hafa þetta algjörlega frjálst enda oft á tíðum sjálfir hagsmuna aðilar.

Bjórsalan fer rólega af stað

Hagsmunagæsla af verstu gerð

• Í mínum huga eru lögregluyfirvöld í eyjum algjörlega undir hælnum á yfirvöldum í eyjum og ölkærum almenningi þar. 
  * 
• Þetta hefur legið ljóst fyrir finnst mér,árum saman.

Þetta er svallveisla og allt er gert til að gera hina mikla drykkju ungmenna og raunar fullorðins fólks, eðlilega. 

 

Að sjálfsögðu er seldur bjór á svæðinu og hann auglýstur. Börn undir 18 ára aldri er óheimilt að vera á vínveitingastað nema í fylgt forráðamanna.

Þetta er kölluð fjölskylduhátíð og kornung börn eru höfð innan um drykkjulæti dögum saman. 

Þau eru látin halda að þetta sé eðlileg háttsemi ölvaðra foreldra sinna  á almennri tjaldsamkomu.

Það eru íþróttafélögin á staðnum gott ef þau tilheyra ekki ungmennafélagshreyfingunni sem standa fyrir þessari ómenningu.

Félögin með algjörlega siðlausum hætti gera allt sem þau geta til að græða á aðkomufólki sem fer út í eyjar og eyða þar stórum hluta af sumarhýrunni í fylliríið.

• En nú eru breyttir tímar, áður fyrr fannst almenningsálitinu einkum í eyjum og raunar upp á fasta landinu einnig bara eðlilegt að ungum stúlkum væri nauðgað ef þær höfðu fengið sér sopa af víni eða af öðrum áfengum drykkjum.
  *
• Nú hafa ýmis önnur ekki síður hættuleg vímuefni bættst við.
  *
• Nú hefur almenningur allt önnur viðhorf einkum konur og hafa risið upp og andmælt kröftulega um land allt. 
  *
• Jafnvel konur í eyjum hafa skipt um skoðun en það er erfitt þar, að vera á móti.
  *
• En alltaf fjölgar þeim eyjamönnum samt sem flýja af svæðinu fyrir verslunarmannahátíðina.

Sterkasta vopnið gegn nauðgunum hefur verið að fjölmiðlar hafa verið virkir við að segja fréttir af ofbeldinu og þeir hafa miskunarlaust fordæmt slíka háttsemi.

Nú skulu málin þögguð sem lengst. Þeim sem hefur verið nauðgað búa að slíkri hörmungarreynslu áratugum saman og reyna gjarnan að leyna slíku fyrir sínum nánustu og fyrir öllum. Nú á að taka upp gamla siðu á ný.

Enn eru nauðganir í gangi á „þjóðhátíð“ og fréttir af ófögnuðinum hefur verið mikill þrándur í götu fyrir græðgisöflunum í Vestmannaeyjum.

Vegna þessara ódæðisverka er kominn ljótur stimpill á þetta sukk. Því skal nú þegja yfir ódæðisverkunum sem lengst. Því verður það bara fyrir tilviljun að fréttir berist af ofbeldinu.

Það er augljóst í mínum huga að lögregluyfirvöldum í eyjum er ekki treystandi til að annast eðlilega löggæslu á þessum skröllum. 

Enga trú hef ég á því að börn undir 18 ára aldri sé bannaður aðgangur að drykkjuveislunni eða að þau þeirra sem sýna af sér drykkjulæti séu látin sýna passa til að sanna aldur sinn og ef þau eru undir aldri séu þau látin blása í alkahólmælir.

Ef þau eru undir áhrifum séu þau sett til hliðar og foreldrum tilkynnt um athæfið og þess krafist að þau sæki börn sín enda eru þau þarna á þeirra ábyrgð.Þau eiga að bera ábyrgð á börnum sínum.

Ef ekki, eru lögregluyfirvöld að fara á svig við lög og reglur. Hagsmunir gróðapunganna ráða för og t.d. börn eyjamanna skipta greinlega engu máli.

Ákvörðunin byggi á skilningsleysi