Undirverktaka grefur undan stöðu launafólks og lækkar laun

• Við reyndum að ræða þetta í kjarasamningunum 1990, en byggingamönnum fannst að engum kæmi þetta við.
  *
• Þá þegar var þetta orðið mikið vandamál í byggingariðnaði.
  *
• Þessi mansalsmál er bara svartasti hluti undirverktaka iðjunnar á Íslandi. 

Þessum elskum í byggingariðnaðinum tókst að koma í veg fyrir að tekið væri á málinu strax í byrjun og á tíma þar sem hægt var að ná árangri. Þá vildu stjórnvöld vinna með samningsaðilum.

Þá var staðan strax orðin sú að meistar neyddu byggingamenn til að gerast undir verktakar. Þar með lækkuðu laun þessara launamanna. Byggingamenn tóku ekki þátt í svo nefndum  þjóðarsáttarsamningum.

Síðan fór að tíðkast að þessir menn voru komnir með iðnnema og eða ófaglærða verkamenn í teymi. Menn sem voru á lægri launum en iðnaðarmenn. Þessum teymum hefur alltaf fylkt svört atvinnustarfsemi.

Væntanlega eru þessir flottu karlar komnir með erlenda menn með sér og ómögulegt er að vita hvernig réttindamálum þeirra er háttað. Eitt er þó víst að forystumaðurinn er að taka sjálfur laun fyrir þessa menn.

Rökstuddur grunur um 10 mansalsmál

Baktjaldasamningur við stéttarsamband bænda en ekki við almenning.

• Það er óhæfa að styrkja eina atvinnugrein umfram aðrar atvinnugreinar á kostnað launafólks.

Ég er viss um að launafólk á SV horni landsins vill styðja dreifðar byggðir, þ.e.a.s. alla íbúa þessara byggðarlaga en ekki bara suma.

Samkvæmt þessum samningi á að skilja þá íbúa eftir sem búa við kröppustu kjörin í dreifðum byggðum, fólkið sem er á skíta launum. Áfram skulu þeir vera undir hælnum á bændum. 

Þetta er ekkert réttlæti,svona samning á auðvitað að bera undir þjóðina og hafa annann valkost sem er að styðja við almenna byggð á afskekktum svæðum. en ekki fyrirtæki sérstaklega eins og sveitabýli.

M.ö.o. alla einstaklinga sem búa á afskekktustu búsvæðunum en ekki bara suma.

Skattgreiðendur sem eru að mestu launafólk eiga enga aðkomu að þessum samningum.

Þetta er eitthvað sem gert er bak við tjöldin í andstöðu við flesta íbúa landsins. 

• Það er morgunljóst að þessi samningur er ekki gerður til að styrkja byggð í landinu sérstaklega, hér er verið að styrkja búskap og afurðarstöðvar bænda.

Það hefði verið eðlilegt að gera eitthvað til þess að styrkja almenna byggð í mesta dreifbýli landsins.

Þetta er alls ekki þannig samningur, það er verið að styrkja þær fjölskyldur sérstaklega sem eiga lögbýlisjarðir. Er þá sama hvort býlið er í Mosfellssveit eða á Melrakkasléttu. 

Hvers á fólk að gjalda sem býr í dreifðustu byggðunum og á ekki bújarðir eða er ekki í búrekstri en dregur fram lífið með daglaunavinnu.

Einmitt eina fólkið sem greiðir fulla skatta í þessum byggðum og útsvar. En það gera bændur ekki. Þeir greiða nánast enga skatta.

Það á að hætta að styrkja búskap það á að styrkja fólk sem er tilbúið að búa við ysta haf og efst til fjalla.

Það óhæfa að styrkja landbúnað sem er við stærstu byggðakjarnanna. 

• Þetta er ekki ríkisstjórn fólksins í landinu, þetta er stjórn sérhagsmuna-aðila í landinu.

„Tímamótasamningar“ við bændur

Páfinn skýtur föstum skotum á skrumarann

• Páfinn efast um að Trump sé kristinn og telur hann vera heiðinn í raun og veru.

Segir hann að Trump tali ekki sem kristinn maður. Væntanlega vegna fasískra hugmynda hans. Hann vill m.a. reisa múr milli Bandaríkjanna og Mexico. Svona rétt eins og zíonistar hafa gert í Palestínu og fasistar gerðu í austur Þýskalandi.

Ég man ekki eftir því að páfi hafi sent svona afdráttarlausar yfirlýsingar til stjórnmálamanna.

Það er auðvitað sjálfsagt að gera það, Trump er hættulegur stjórnmálamaður.

Það er líklegt að viðhorf hans séu ekki ósvipuð viðhorfum fjölda fólks víða í Bandaríkjunum sem segist vera kristið en það ekki.

A.m.k. hefur þessi maður mikið fylgi meðal kjósenda í Bandaríkjunum.

Segir Trump ekki vera kristinn

,,Hin bláa hönd"

• Hún fer sínu fram, það er tryggt og þeir eru margir
  
  sem trúa á höndina sem hinn eina guðlega kraft.
  *
• Bankaviðskiptin fara að vild bláu handarinnar

Markaðurinn er sagður hinn eðlilegi lífskraftur sem heldur uppi byggð á Íslandi og uppbyggingu á íslensku atvinnulífi og skaffa launafólki störf. 

Launamenn eiga að vera þakklátir og taka í hönd síns yfirmanns í lok hvers dags og láta í ljós þakklæti sitt.

Mikilvægt er að beygja sig örlítið í hnjánum. Ekki samt of mikið, það gæti verið misskilið. Segja skal um leið, þökk er þér bláa hönd.

Þeir sem eru bókstafstrúar segja gjarnan: Lof sé þér himneska, bláa hönd.

Þeir hneigja sig gjarnan aðeins meira en aðrir og eru tilbúnir að starfa á lægri launum en aðrir.

• Einnig alla daga við ýmis jaðarstörf og starfa þá aðeins lotnir í herðum af lotningu einni saman og sérlega glaðir með hlutskipti sitt. Vei öllum vantrúuðum.

Landsbankinn ber ábyrgð

Kennarinn kýs að líta framhjá eineltinu?

• Eða hvað á maður að halda?

Það er ekki sérgreinakennari sem fer með heila bekkjadeild (24 nemendur) af krökkum í 7. bekk í miðborgina.  

Slíkt gera bara umsjónakennarar og þeir eru nánast alltaf með annan kennara með sér og síðan skólaliða.

Sérstaklega að ef í nemendahópnum eru erfiðir nemendur.Þetta eru oft erfiðar og vandasamar ferðir

Skólastjóri ber alltaf ábyrgð á svona ferðum eða staðgengill hans.

Ef einhver nemandi ásamt félögum sínum í gerendahópi hefur lagt ákveðna nemendur í einelti árum saman veit umsjónarkennari allt um slíkt mál.

Sérstaklega ef slíkur aðili er með sín mál í einhverri meðferð hjá skólastjórninni, því umsjónarkennari kemur nánast alltaf að slíkum málum.

En það er þægilegt fyrir kennarann að þykjast ekki sjá atvikiðef ástand bekkjarins er óvenjulegt.

Kanski er það nemandinn sem stjórnar bekknum við vissar aðstæður og kennarinn er lagður í einelti. 

Það væri e.t.v. mikilvægt að foreldrar sem hópur taki á því máli. Því slíkt einelti er mjög algengt en er gjarnan vandlega falið.

Grunnskólakennarar eru mjög oft þurfandi fyrir mikla og góða aðstoð, bæði af skólastjórnendum, af samkennurum og jafnvel frá foreldrum.

Því er það ekki sjaldgæft að kennarar eru látnir einir með erfiða bekki mánuðum saman jafn vel árum saman og kemur það fyrir að þeir brotna iðulega í starfi.

Það er sérkennileg staða, að grunnskólakennarar eru með mun lægri laun en framhaldskólakennarar en eru í mun erfiðara starfi. 

Erfiðum grunnskólanemanda er ekki vísað úr skóla, en erfiðum framhaldskólanemanda er snarlega vísað úr skóla.

Tólf ára ýtt út á Hverfisgötu

Síðari tíma heilagir og átrúnaðargoð

• Þeirra eigin orð !

Hér birt kippa af myndefni sem ég skil ekki sennilega vegna eigin heimsku.

En þetta er birt hér til upprifjunar fyrir gáfumenn.Einu sinni vildu allir þekkja þessa

menn og þeim var hampað og líkt við dýrlinga

Margir krupu við fótskör þeirra og litu upp til þeirra gagnteknir af aðdáun

og með tilbeiðslublik í augum.

Svo sannarlega voru þeir á undan sinni samtíð með beinum stuðningi sínum

,,við hinar hinar skapandi greinar". 

Mikið megum við vera glöð að hafa verið uppi á þessum tímum, að hafa

fengið að vera samtímamenn þessara göfugu manna.

Þetta er einfalt, bara smella á ,,Þeirra eigin orð"  Samantekt Maríönnu Friðjónsdóttur

 

 

Þetta með lýðræðið

• Við íslendingar höfum gjarnan haft stór orð um réttarfarið í Rússlandi og í gömlu Sovetríkjunum sem alls ekki hefur verið eðlilegt að okkar mati.

Svona rétt eins og er í fasistaríkjum almennt þar sem niðurstöður eiga að  taka mið af vilja stjórnvalda hverju sinni. Svipaða sögur höfum við sagt um réttarfar víða um heiminn þar sem svipað fyrirkomulag er í gangi.

Nú fellur frá íhaldsmaðurinn Antonin Scalia hæstaréttardómari í Bandaríkjunum sem var á níræðisaldri.

Það hljómar undarlega í lýðræðisríki, að dauði þessa eina manns geti haft veruleg áhrif á bandarískt samfélag í átt til lýðræðis og þar með stöðu og afstöðu Bandaríkjanna í heiminum.

Hann var ein dyggasta stoð íhaldsama meirihlutans í hæstarétti Bandaríkjanna og íhaldsafla í öfgakenndu bandarísku samfélagi .

Íhaldsmenn þar vestra gátu treyst á hann ef frjálslyndir virtist ætla að færast um of í aukana eins og t.d. í fóstureyðingamálum. .

Scalia hélt því sjálfur fram að hann horfði bara alltaf á bókstaf stjórnarskrárinnar en í reynd voru siðferðiskreddur strangtrúaðra (Zíonista) honum oft ekki síðri vegvísir.

Það getur orðið hlutskipti Obama að skipa frjálslyndan dómara sem gæti breytt miklu í þessu landi næstu ár og áratugi, en hæstaréttardómarar sitja gjarnan fram á grafarbakkann. 

Þetta kemur íslendingum sérkennilega fyrir sjónir þar sem það hefur ekki verið verkefni Hæstaréttar á Íslandi að ráð því hvaða lög geta tekið gildi í landinu.

Þ.e.a.s., það á algjörlega að vera verkefni Alþingis að vera löggjafinn.  Þetta fyrirkomulag í Bandaríkjunum er því lítið skárra en gerist í fasistaríkjum. M.ö.o. ekki lýðræðislegt.

Því vaknar spurningin um hvernig þessu er háttað á Íslandi. Það hefur mörgum  þótt vera flokkspólitískur fnykur á meirihluta dómaranna við Hæstarétt Íslands.

Margir þeir sem hafa verið pólitískir baráttumenn t.d. í verkalýðshreyfingunni og fjölmörg stéttarfélög hafa átt erfitt með að treysta þessum dómstól vegna þess hvernig hann túlkar ýmis lög þegar kemur að hagsmunanúningi milli aðila í atvinnulífinu.

Það er auðvitað afar sérkennilegt, að herveldið sem fer um allar jarðir heimsbyggðarinnar og krefst þess að lýðræði sé ríkjandi um allar koppagrundir, en er ekki sjálft sérstaklega lýðræðislegt.

Meira í húfi eftir fráfall Scalia

Frétt um Steinunni Þóru var kippt strax út af Mbl. vefnum

• Steinunn Þóra Árnadóttir er sérlega einlægur stjórnmálamaður og
  
  friðarmálflutningur hennar nær langt út fyrir flokkinn hennar.
  *
• Hún hefur góða og djúpa friðar hugsjón.

Slík hugsjón þarf að búa með hverjum þeim stjórnmálamanni sem á Alþingi er. 

Koma þarf friðarhugsuninni upp úr skotgröfunum, upp úr þeir hjólförum sem hún hefur verið í áratugi.

Þetta er ekki málefni sem á skipta mönnum upp í stjórnmálaflokka.  Hugsjón sem í raun byggir á þeim gömlu kristnu gildum sem íslenska þjóðin byggir á.

Íslenska þjóðin á að leggja sín lóð á  skál friðarins.

Eða eins og Steinunn Þóra segir:
Íslend­ing­ar eiga að leggja sitt af mörk­um við að draga úr víg­búnaði frek­ar en að kynda und­ir átök­um með þátt­töku í vígbúnaðarkapp­hlaupi her­velda.

Þetta seg­ir Stein­unn Þóra Árna­dótt­ir full­trúi Vinstri grænna í ut­an­rík­is­mála­nefnd.

Við eigum að hætta þeim  hugsunarhætti forsætisráðherrans sem kom fram í viðtali við í sjónvarpinu í gær.  Hermangið getur ekki og má ekki verða hugsjón íslendinga.

• Er herinn enn að hafa áhrif á fréttaflutning Morgunblaððsins?. 

Fagnar auknum umsvifum Bandaríkjahers

Forsætisráðherra fagnar auknum umsvifum Bandaríkjahers hér á landi. Engar viðræður hafi þó átt sér stað um frekari starfsemi hersins hér.

RUV.IS

Lengi má teygja lopann

• Merkileg krafa verjandans.

Ég verð að játa, að ekki hef ég fylgst með réttarhöldunum yfir þessum bankamönnum síðustu árin.

Mig skortir einfaldlega þekkingu og hugmyndaflug til að skilja umræðuna. 

Þessa kröfu verjandans get ég bara ekki skilið Hann fer fram á að meðdómarinn skilji hugsunarhátt brotamannsins og hafi jafnvel sjálfur reynslu í slíku athæfi sem hinn meinti afbrotamaður. En gerið engar kröfur um þekkingu á lögunum.

Fyrir mér er þetta svipuð krafa og ef fyrir réttinum væri morðingi að þá væri eðlilegt að meðdómari hefði þekkingu á slíku athæfi, jafnvel reynslu og hefði því skilning á hugsun morðingjans. 

Lögin sjálf skiptu engu máli sem eru sett af Alþingismönnum sem almennt eru með hreinan skjöld og hafa enga reynslu af slíkum athöfnum sem afbrotin væru. 

Þarna er nú verið að teygja lopann.

 

Leggja þarf mat á hugsun bankamanns

Það er rétt hjá Árna Páli, Ingibjörg Sólrún stökk bara uppí hjá Geir, án þess að vita hvað biði.

• Hún sveik kjósendur Samfylkingarinnar og þeir mættu á Austurvöll og kröfðust afsagnar hennar og Geirs.

Þetta er ansi einfalt hjá Árna Páli og hann leyfir sér í leiðinni að kenna VG um eitt og annað.

VG var að flestu leiti dregið inn í þessa ríkisstjórn á forsendum sem gengu gegn stefnu flokksins. Því er það ósvífið að kenna VG um eitt og annað.

Reyndar fóru tengsl vinstri flokkanna við verkalýðshreyfinguna að rofna fljótlega upp úr 1990. Það kom skýrt í ljós að vinstri flokkarnir geta ekki verið þátttakendur í ríkisstjórn nema að þeir rækti samband sitt við hina formlegu verkalýðshreyfingu.

Árni Páll vissi frá upphafi að Samfylkingin hafði engan stuðning frá VG í aðildarviðræðunum við ESB. VG sýndi samstarfsflokknum hlutleysi í málinu og áskyldi sér síðan rétt til að hafa neikvæða skoðun á samningi við ESB eftir að samningsuppkast leit dagsins ljós.

Þá kæmi í ljós hvort flokkurinn gæti mælt með því að þjóðin styddi slíkan samning. VG var algjörlega óbundið gagnvart slíkum samningi. Þetta var marg ítrekað. Hvers vegna, jú vegna þess að VG var alla tíð eini flokkurinn á Íslandi sem alltaf var á móti ESB aðild og er það enn.

Samfylkingin hafði ekkert meira frumkvæði að breytingum á stjórnarskránni heldur en VG. Þingmenn úr báðum flokkum höfðu lagt fram frumvörp um nýja stjórnarskrá.

Árni Páll var helsti gerandi ríkisstjórnarinnar varðandi skuldamál heimilanna. Innan VG var gríðarleg óánægja með störf hans í þessum málaflokki og það auðveldaði ekki samstarfið.

Það einkenndi öll störf Árna Páls þessi fjögur ár, að hann var í andstöðu við þetta ríkisstjórnarsamstarf. Hann gerði allt hvað hann gat til að spilla því eftir að hann varð formaður Samfylkingarinnar.

Flokkarnir voru aldrei samstíga í fiskveiðistjórnarmálunum, það er þekkt. VG menn höfðu áhyggjur af stöðu verkafólks í sjávarplássum landsins. VG vildi ekki taka neina áhættu sem skaðað gæti launafólk enn meira en viðskiptamódelið í kringum veiðikvótana hafði þegar gert. Samfylking vildi uppboðskerfi

Það voru gerðir a.m.k. fjórir samningar vegna Icesave. Samningsstaða Íslands var í byrjun hörmuleg. Bæði þegar samningur ríkisstjórnar Geirs og Ingibjargar Sólrúnar var gerður og Samfylkingin studdi.

Staðan var ekkert betri þegar Svavars samningar voru gerðir og Icesave skuld bankanna var greidd samkvæmt þeim samningi.

Það verður síðan kúvending varðandi samningsstöðu Íslands og gerðir tveir betri samningar sem þjóðin og forsetinn hafnaði.

Ég býst við því að fólk í báðum flokkunum séu sammála um að fram fari þjóðaratkvæðagreiðslur í öllum svona stórum málum hér eftir. Jafnvel áður en farið er í stór mál eins og samninga við ESB.

Það var ekki bara óánægja með Árna Pál í VG á starfstíma vinstri stjórnarinnar. Það var ekki síður grasserandi óánægja með hann innan Samfylkingarinnar og meðal kjósenda Samfylkingarinnar.

Líklegt er að það hafi verið sömu kjósendur flokksins sem fylltu Austurvöll vikulega veturinn 2008 og fram á árið 2009 uns stjórnin sagði af sér. Kanski vegna sífelldrar stjórnarandstöðu hans og sérstaklega í lokin.

Sjálfstæðisflokkurinn hafði engan áhuga á Árna Páli og þá voru ölög hans ráðin í raun og veru

Ég er ekki innanbúðar í VG, en varð félagsmaður

 

Árni Páll segir frá mistökum Samfylkingarinnar

Árni Páll Árnason telur upp mistök ríkisstjórnar Samfylkingarinnar og vinstri grænna í bréfi til flokksmanna sem hann sendi í dag. Árni Páll hefur verið gagnrýndur fyrir veika stöðu Samfylingarinnar, en fylgi við hana hefur aldrei mælst minna en undanfarið. Hann…

STUNDIN.IS

 

Fari ekki inn í óbreytt valdakerfi