Þeir ungu

•  Gleyma sér stundum
• 
  
• Hafa ekki enn lært siglingalistina með falska flagginu
  
  
• Á dögunum kom hinn nýi borgarfulltrúi Sjálfstæðisflokksins með óblandað Heimdallarsmérið á borð borgarstjórnar og kvartaði undan því að stuðningur borgarinnar við hverja fjölskyldu í vanda væri allt of mikill.

 

„Áslaug Friðriksdóttir, borgarfulltrúi sjálfstæðismanna, segir að kostnaður hverrar fjölskyldu í Reykjavík vegna fjárhagsaðstoðar hafi aukist um 250 prósent frá árinu 2008. Þá hafi þessi kostnaður numið rúmum 52 þúsundum króna á ári á hverja fjölskyldu en sé kominn upp í rúmar 130 þúsund krónur“.

Samkvæmt lögum er sveitarfélögum skylt að veita fjárhagsaðstoð til framfærslu einstaklinga og fjölskyldna sem geta ekki séð sér og sínum farborða án aðstoðar. Aðstoðin er óháð barnafjölda þar sem reiknað er með að barnabætur, meðlög og barnalífeyrir mæti kostnaði vegna barna. Vaxtabætur og húsaleigubætur mæta mismunandi kostnaði vegna húsnæðis.

Áslaug segir að stærstu mistök meirihlutans hafi komið fram í upphafi kjörtímabilsins þegar ákveðið var að hækka fjárhagsaðstoð þrátt fyrir að augljóst væri að slíkt myndi draga úr fjárhagslegum hvata fólks til að fara út á vinnumarkað.

"Maður sér hvert stefnir. Sjötíu prósent þeirra sem fá fjárhagsaðstoð eru undir fertugu. Það er ákveðin linkind gagnvart þessu kerfi því fólk þarf ekki að inna af hendi neinar skyldur eða láta eitthvað á móti til samfélagsins til að fá fjárhagsaðstoð."

Áslaug segir að munurinn á milli þess sem fólk fær í fjárhags-aðstoð og lámarkslauna sé of lítill. Launamaðurinn borgi skatta og skyldur. Þegar upp sé staðið sé munurinn um átta þúsund krónur á milli þess sem launamaðurinn fær og sá sem þiggur fjárhagsaðstoð.

Hér tekur þessi ungi íhaldsmaður undir með samtökum atvinnurekenda sem hefur barist fyrir því alla tíð að halda niðri atvinnuleysisbótum.

En umsamin laun atvinnurekenda og margra verkalýðsfélaga eru í kringum fátækramörkin. Er svo komið að enginn sómakær launamaður vinnur á launum sem eru lægri en bætur atvinnuleysistryggingasjóðs.

Þess ber að muna, að það eru alfarið launamenn á vinnumarkaði sem halda uppi atvinnuleysisbótum ásamt ríkinu sem hjálpaði til þegar kreppan skall á við hrunið sem ákveðnir stjórnmálamenn vilja gleyma.

Einnig skal haft í huga, að atvinnurekendur (sem aðeins greiða fjármagnsskatta) og eða fyrirtæki þeirra greiða nánast engin útsvör til sveitarfélaganna. Því plagar þessi stuðningur borgarinnar við fátækt fólk þessa aðila ekki.

 

 

Greindur og sterkur persónuleiki

Það er greinilega meira spunnið í þessa Malala Yousafzai en flesta á hennar aldri. Hún leyfði sér að setja ofaní við sjálfann friðarverðlaunahafa Nóbels síðan fyrir 4 árum. En Malala hvatti Obama Bandaríkjaforseta til að hætta loftárásum eða drápsferðum með ómönnuðum flugvélum á fundi þeirra í gær.

Ætli hún sé fyrsta persónan sem lætur þennan karl heyra með tveim hrútshornum?

Hvatti Obama til að hætta loftárásum

www.ruv.is

Pakistanska stúlkan Malala Yousafzai kveðst ekki vonsvikin yfir að hafa ekki hlotið friðarverðlaun Nóbels, mikilvægast hafi verið að hljóta tilnefningu. Malala hvatti Obama Bandaríkjaforseta til að hætta 

Enn allt stopp í Washington

Lúxusvandamál

 

• Ég skil vel að fjölmargir stúdentar eigi í húsnæðisvandræðum vegna þess að fjárhagur er það knappur að þeir eiga í vandræðum með húsaleigugreiðslur í glænýjum húsum sem eru sérbyggð fyrir námsmenn.

 

 

Ég skil einnig vel, að alþingismenn hafi sérstakar áhyggjur af  lífskjörum háskólastúdenta, enda hafa þeir allir með rennilás og tölu verið háskólastúdentar.

Í þessu sambandi er rétt að rifja það upp, að stuttu fyrir síðustu aldamót (1998) var félagslega húsnæðikerfið lagt niður.  Þ.e.a.s. að eina húsnæðiskerfið sem láglaunafólk gat reitt sig á og gat ráðið við að búa í með fullri reisn.

1974 samdi verkalýðshreyfingin um að atvinnurekendur héldu til haga 2% af launum starfsmanna sinna  og greiddu þennan hluta launa í sérstakan sjóð hjá Húsnæðisstofnun, sem síðan yrði notað til að niðurgreiða vaxtakostnað af félagslegu húsnæði.

En alþingismönnum er hjartanlega sama um láglaunafólk. Það voru aldrei atvinnurekendur sem greiddu þessi tryggingargjöld, það gerðu launamenn.

Þegar þetta félagslega kerfi var aflagt, fengu launamenn ekki þessa peninga sína í hækkuðum launum.

Frumvarp Bjartrar framtíðar má finna hér á vef Alþingis.

Aðstæður stúdenta á leigumarkaði verði jafnaðar

Þingmenn sem tengjast ekki atvinnulífinu og þekkja það ekki

• Það er augljóst, að þetta fólk gerir sér ekki grein fyrir hvernig verðlag verður til á markaði fyrir iðnaðarvörur ýmiskonar. 
  .
• Enda hefur þetta fólk líklega aldrei unnið við verslunarstörf og Það hefur heldur aldrei starfað í íslenskum iðnaði. 
  .
• Veit greinilega ekkert um hvernig verðmyndur verður til í atvinnulífi sem býr við frjálsa samkeppni

Það er því miður staðreynd, að þessi vörugjöld hafa almennt engin áhrif á vöruverð út úr búð á Íslandi. Heldur er það endanlegt verð sem hefur áhrif á það sem fólk kaupir. Þar koma einnig þættir til eins og gæði, útlit, hvort skortur er á viðkomandi vöru í landinu og hvort varan er í tísku og eða hvort hún er hönnuð eftir þekktan hönnuð og seld undir þekktu og vel auglýstu vörumerki.

En ef vörugjald eða lækkað á vörunni með því að leggja af skatta hækkar aðeins álagning þess sem flytur vöruna inn til landsins og þess sem selur vöruna í verslun sinni. Eðli frjálsrar samkeppni á markaði byggir alltaf á því að fá hæsta mögulega verð fyrir vöruna sem seld er. 

Þessir þingmenn virðast ekki átta sig á þeirri staðreynd að íslenskir kaupmenn hafa lítinn áhuga á að styrkja íslenskan iðnað einkum vegna þess, að þeir ná lítilli álagningu á íslensku vörunni.

Auk þess sem að íslensku vöruna vantar þekkt vörumerki, þekkta hönnuði og er nánast aldrei tískuvara af þessum sökum. Á jafn litlum markaði og Ísland er verður þar aldrei framleidd verulega þekkt vara.

Skattur á fátækt fólk

Það er ótrúlega hljótt um 5 ára afmæli hrunsins hér á Mbl.

 

• Ákveðnir aðilar reyna hvað þeir geta, að kenna öðrum hrunadansinn á Íslandi
• 
  
• En mér finnst út í hött að kenna ástandi í efnahagsmálum erlendis og jafnvel í Asíu um hvernig fór á Íslandi.
  .
• En þessi grafiska mynd segir nánast allt um ástæðu hrunsins sem er hin gríðarlega skuldasöfnun þjóðabúsins. 

Vert er að benda á þá staðreynd að allt frá 1995 var allt gert til að veikja ríkisvaldið og sagt að atvinnureksturinn stjórnaði sér best sjálfur í andrúmslofti frjálshyggjunnar og efnahagsstjórnin átti þannig að verða heilbrigð á sjálfvirkan hátt. M.ö.o. „Hin bláa hönd“ .

 

• Þannig átti atvinnulífið að skila þjóðinni allri hámarks hagnaði 

 

En það er t.d. eftirtektarvert, að á þessum tíma hékk atvinnureksturinn meira og minna í pilsfaldinum á ríkisvaldinu. Þ.e.a.s. „Pilsfaldakapitalismi“ varð allsráðandi og menn hættu að leggja til eigið fé í fjárfestingar í atvinnulífinu. Fjárfestingar voru allar fyrir lánsfé og fyrirtæki yfir skuldsett.

Það er rétt að stjórnvöld brugðust skyldum sínum, þau vissu um kollsteypuna strax 2005 sem var óflýanleg. Þessari snjóhengju var haldið leyndu fyrir þjóðinni og fyrir stjórnmálamönnum almennt. 

• Fólk gékk til kosninga 2007 án þess að vitað af óveðurskýinu. Foringjar gömlu stjórnarinnar sem vissu um komandi martröð fóru í felur
• . 
• Að mínu viti sviku þessir menn þjóðina 

 

Foringi Sjálfstæðisflokksins krefst þöggunar útvarpsins

• Hann krefst þess, að hann fái að ritskoða fréttir RÚV
• 
  
• Davíð Oddsson hefur svipaðar skoðanir á frjálsri fjölmiðlun eins og einræðispungar víða um heiminn hvort sem litið er í austur og vestur. Þessi maður hefur aldrei verið lýðræðislega sinnaður frekar en stjórnmálaflokkur sá sem hann stjórnar.

• Ríkisútvarpið er eini fjölmiðillinn í landinu þar sem Sjálfstæðisflokkurinn ekki með yfirvald yfir öllum fréttaflutningi. Sjálfstæðisflokkurinn hefur ætíð lagt útvarpið í einelti frá fyrstu tíð, eða frá 1930. Það eru ekki nema fá ár síðan að verkalýðsfélögin gátu ekki hvatt félaga sína til að mæta á félagsfundi eða til að mæta í kröfugöngu 1. maí. Svo sterkt var ritskoðunarvald flokksins.

Það er rétt að Sjálfstæðisflokkurinn hefur ætíð unnið gegn verkalýðshreyfingunni í landinu. Flokkurinn er algjörlega á móti verkfallsrétti opinberra starfsmanna. Flokknum hafði í áratugi tekist að halda nokkrum verkalýðsfélögum í krumlum sínum og tókst með þeim hætti að stórskemma verkalýðshreyfinguna. En nú hefur flokkurinn misst tökin á VR, sem betur fer. 

Vinnubrögð Ríkisútvarpsins voru fullkomlega eðlileg er það flutti fréttir af „Búsáhaldabyltingunni“. Það liðu margar vikur áður en RÚV loksins fluttu fréttir af öflugum mótmælafundum á Austurvelli haustið 2008. Ef einhverjir hafa átt sök á árekstrum var það Sjálfstæðisflokkurinn með stórskemmandi vinnubrögðum sínum og spillingu í áratug a.m.k. undir ábyrgð Davíðs Oddssonar. Almenningur uppgötvaði eðli Sjálfstæðisflokksins sem ekki hefur fengið sitt fyrra fylgi í kosningum.

Það þurfti ekki RÚV til, til að hvetja friðsama borgara þessa lands til að krefjast þess að ríkisstjórn Geirs Haarde færi frá stjórnarráðinu. Þau mótmæli voru algjörlega sjálfsprottin og þau tengdust engum samtökum í landinu.
Ég man ekki betur enn að RÚV hafi skilmerkilega flutt fréttir af mótmælafundi skipulögðum af útgerðarmönnum og Mogga litla og fór fram á Austurvelli. Þar voru launamenn misnotaðir í pólitískum tilgangi. Það mál er fyrir dómstólum landsins.

Það þarf ekki heldur RÚV til að andmæla vinnubrögðum núverandi ríkisstjórnar sem leggur til gjörsamlega ónýtt frumvarp um fjárlög ríkisins sem auk þess opinbera frjálshyggjustefnu Sjálfstæðisflokksins svo um munar. 
Þar skín einnig í vinnubrögð spillingarflokksins. Heilbrigðisráðherrann er nákvæmlega eins og vinkull og fram kemur að Bjarni er algjörlega óhæfur sem ráðherra. 

Ríkisstjórnin er á bullandi flótta með fjárlagafrumvarpið alveg án þess að stjórnarandstaðan reki þann flótta. En það gerir almennngur og starfsmenn Landsspítalans. 

En Davíð vill að þetta mál sé þaggað niður rétt eins og Moggi litli gerir.

Aumkunnarverður ráðherra í sjónvarpinu

• Greinilegt er að maðurinn hefur ekki þann manndóm til að berjast fyrir hagsmunum Landsspítalans innan ríkisstjórnarinnar.
  .
• Ríkisstjórnin hefur gert sig seka um að bjóða þjóðinni upp á örgustu frjálshyggjustefnu í heilbrigðismálum og í mörgum öðrum málaflokkum.
  .
• Fyrstu viðbrögð þjóðarinnar eru á þann veg, að hún ætlar ekki að látabjóða sér upp á þessa stefnu. 

Þjóðin man auðvitað eftir loforðum fyrrum formanna ríkisstjórnarflokkanna þeirra Davíðs Oddssonar og Halldórs Ásgrímssonar þegar síminn var seldur nokkrum pabbastrákum í réttum flokkum. Þeir peningar hefðu nægt til að byggja.

 

 

Kári Stefánsson sagði réttilega að vandamál Landsbankans væri af pólitískum toga og að þingmenn geri sér enga grein fyrir vandanum á sjúkrahúsinu.

„Kári sagðist hafa það á tilfinningunni að fjárlagafrumvarpið hefði verið „sett saman af litlum strákum í stuttbuxum að spila matadorleik.“ Hann sagðist jafnframt túlka orð heilbrigðisráðherra sem svo að hann óskaði liðsinnis í því að berjast gegn kollegum sínum í ríkisstjórn þannig að forgangsröðuninni verði breytt“.

Fram kom í umræðunni að Landspítalinn hafi verið í fjársvelti frá aldamótum. Síðan hafi hrunið hellst yfir spítalann. Nú eru liðin nær 5 ár og starfsemin er að þrotum kominn.

Það er ljóst, að ríkisstjórnin er þegar á flótta með fjárlagafrumvarpið sama dag og það er lagt fram. Stjórnarliðar viðurkenna fúslega að það sé illa unnið og þeir gera ráð fyrir að þingið bjargi málinu. Bókhaldsbrellurnar eru ansi aulalegar. 

Frumvarp stuttbuxnastráka í matador

Ráðherrar og þingmenn hafa svikist um að finna stað fyrir flugvöll

• Það eru til ýmsar lausnir og á þær hefur verið bent
  .
• Það er vert að hugsa um það, hvers vegna kjörnir fulltrúar þjóðarinnar
  á Alþingi eru svona áhugalitlir um lausn á þessu flugvallarmáli.
  .
• Getur það t.d. verið þeirra persónulega hagsmunamál að ekki verði breytingar á staðsetningu flugvallarins

Undanfarnar vikur hefur teymið í Hádegismóum haldið uppi með miklum fjármunum í látlausum árásum á hagsmuni Reykvíkinga vegna hugmynda borgaryfirvalda um að færa Reykjavíkurflugvöll á hagkvæmari stað svo byggðin í borginni geti loks þróast á eðlilegan hátt. 

Reykjavíkurflugvöllur og Akureyrarflugvöllur geta ekki stólað á ríkisstyrki framtíðinni verði nýjar reglur Evrópusambandsins um bann við ríkisstyrkjum til flugvalla samþykktar óbreyttar. Gert er ráð fyrir að þær taki gildi í áföngum á allnokkrum árum frá og með næstu áramótum.

Vefsiðan túristi vakti athygli á þessum nýju reglum nýverið. Samkvæmt upplýsingum frá Isavia koma þær til með að hafa áhrif á ríkisstyrkta flugvelli með fleiri en 200 þúsund farþega. Reglurnar hefðu því áhrif á flugvellina í Reykjavík og á Akureyri. Áhrif á Keflavíkurflugvöll yrðu óveruleg því hann er fjármagnaður með notendagjöldum. 

Ríkisstyrkur þessi til Reykjavíkurflugvallar er áætlaður á þessu ári um 278 milljónir og styrkurinn til Akureyrarflugvallar um 364 milljónir. Þessar 642 milljónir eru auðvitað landsbyggðarstyrkir.

Það er því ljóst að þessir flugvellir virðast ekki bera sig án styrkja sem eru kostaðir af skattfé allra landsmanna. Þetta kemur til viðbótar við aðra landsbyggðarstyrki sem skattgreiðendur leggja til með sköttum sínum. 

Auk þess er vert að taka eftir þeirri staðreynd, að Reykjavíkurborg fær enga greiðslu fyrir lóðaleigu af þessu verðmætasta landi borgarinnar. Það er einnig landsbyggðarstyrkur. 

Skattgreiðendur á Íslandi eru fyrst og fremst launamenn en aðrir aðilar greiða í hlutfalli mjög litla skatta. Langmestur fjöldi skattgreiðenda býr í þéttbýlinu á sv- landi. Þ.e.a.s. fólkið sem ekki notar þessa flugvelli

Gætu ekki stólað á ríkisstyrki

www.ruv.is

Reykjavíkurflugvöllur og Akurey

„Ljóst að flugvöllurinn þarf að fara“

Það hafa verið greiddar gríðarlega miklar skuldir frá miðju ári 2009

• Skuldir sem höfðu vaxið árum saman fyrir hrun 
  .
• Einnig skuldir sem urðu til vegna hrunsins og hrun seðlabankans 
  .
• Vinstri stjórnin gerði lítið annað en að greiða skuldir til að bjarga Íslandi frá greiðslufalli

 

Skuldir sem ríkisstjórnir Framsóknarflokks og Sjálfstæðisflokks bera fulla ábyrgð á. Þessir flokkar hafa gegnum tíðina stækkað ríkisbáknið algjörlega stjórnlaust án þess að það hafi verið til hagsbóta fyrir venjulegt launafólk á Íslandi.

Þeir hafa hyglað eignafólki í gegnum tíðna, atvinnurekendum sem hafa notið ríkisstyrkja í stórum stíl og hálaunafólki. Núverandi ríkisstjórn er þegar byrjuð að hygla þessum sömu aðilum. Nú í tillögum efnahags- og fjármálaráðherra stendur til að lækka skatta á millistéttarfólki og hálaunafólki sérstaklega. Skattar láglaunafólks mun ekki taka breytingum en þeir munu þurfa að bera stóraukin þjónustugjöld eins og t.d. gistináttagjald á sjúkrahúsum svo eitthvað sé nefnt. 

Það er aldrei of oft ítrekað, að tryggingagjöldin eru umsamin hluti launa starfsmanna fyrirtækjanna. Það eru ekki atvinnurekendur sem greiða þessi gjöld, en þeir bera ábyrgð á því að þeim sé skilað samkvæmt samningum og lögum þar um. 

Bjarni segir að ekki sé vilji til þess að laun í landinu hækkuðu umfram það sem atvinnurekendur hafa nefnt. Hann gleymir því auðvitað viljandi, að það eru atvinnurekendur sem hafa frelsi til þess að varpa vöruverðhækkunum út verðlagið og það er það sem hefur mestu áhrifin á verðbólguna í landinu.

Það má vissulega skera niður kostnað á ýmsum sviðum og það er eðlilegt að útgerðin greiði fyrir fiskinn sem þeir taka á Íslandsmiðum.

Staðinn verði vörður um velferðarkerfið

Umræðan um fyrirmyndaríkið afturgengin

• Forsætisráðherrann minnir á fyrrverandi ráðamenn þjóðarinnar, þá Davíð Oddsson og Halldór Ásgrímsson er þreyttust aldrei á því að ræða um fyrmyndaríkið Ísland.
  . 
• Ísland ætlaði þá að verða helsta Tortóla norðurálfu undir þeirra forystu.
  .
• Það var þeirra sýn á hvernig fyrirmyndaríkið ætti að verða. Það er ljóst að forystumenn núverandi ríkisstjórnar hafa sömu sýn 

 

Nú ætlar þessi ríkisstjórn að lækka tekjuskattinn á hálaunafólki og á millistéttarfólki sérstaklega. En láglaunafólkið mun ekki fá skattalækkun, einmitt fólkið sem á í greiðsluvanda og er í vandræðum með að greiða uppsprengt leiguverð á íbúðum í leiguhjöllum samfélagsins.

Það er augljóst að þessi ríkisstjórn stefnir að samskonar samfélagi á Íslandi og var hér fyrir hrunið og setti þjóðina í þrot. Samfélag sem níddist á láglaunafólki með því að hindra það i geta búið við örugt og gott húsnæði.  

Óskagjaldið þeirra er, gistináttagjald á sjúkrahúsum. En erlendir ferðamenn eiga að greiða sem minnst til Íslands  í formi neysluskatta. 

Ísland getur orðið „fyrirmyndarland“