Auðvitað virða menn fullveldi þjóðarinnar, eða þannig

 

• En spurningin er bara hvort hvalastofnar sem eru við Ísland séu einvörðungu staðbundnir stofnar við skerið sem ekki fara um fiskveiðilögur annara þjóða.
  .
• Eða hvort þeir eru að einhverju leiti hluti af sameiginlegum stofnum sem tilheyra einnig öðrum þjóðum.

 

Íslendingar hafa t.d. rétt til að leysa vind hvar og hvenær sem er, jafnvel þótt þeir væru staddir á fínum tónleikum í fínu löndunum þar sem allt er svo heilagt.

Þá eru íslendingar  alveg frjállsir af því hvort þeir fara í bað á hverjum degi og eða einu sinni á ári rétt fyrir jólin eins og var forn íslenskur siður og allra þjóða kvikindi urðu varir við nærveru þeirra.

Á sama hátt eru Hollendingar auðvitað frjálsir af því að ákveða hvaða skip fara um hafnir þeirra eða landa farmi sínum í land. Þetta eru bara staðreyndir og kemur öðrum málum ekkert við.

Þeir leyfa t.d. sölu á hassi við sína hafnir sem við bönnum harðlega á Íslandi. 

 

• Bara að halda því til haga, að það ríkir verulegt misrétti milli atvinnugreina á Íslandi og þá um leið milli fólks eftir því hvaða störf það starfar við.

 

„Munum gæta hagsmuna Íslendinga“

Ferðamenn eiga dvelja á Íslandi án þess að greiða skatta

 

•  Þetta er alveg ótrúlegt

 

Það er reyndar kostulegt að lækka skatta  hérlendis á erlendum ferðamönnum. Þessir skattar eru ekki það háir að þeir skipti erlent ferðafólk máli einfaldlega vegna þess hversu lágt gengið er á íslensku krónunni

 

Þannig að það eru engar líkur á að þessi aðgerð fjölgi ferðafólki erlendis frá. Síðan er það bara staðreynd að Ísland má varla við því að allt sé gert við núverandi aðstæður að reyna að fjölga ferðafólki.

Þetta frumvarp Bjarna er lagt fram fyrir pöntun frá hóteleigendum. Nær væri að tilkynna slíka hækkun frá og með 1. janúar 2016. Það er verulegur kostnaður fyrir samfélagið að taka móti ferðmönnum með þeim hætti sem komið er.

Það er algjörlega ótækt og óeðlilegt að varpa þeim kostnaði á launamenn.

Fallið frá 14% gistináttaskatti

Allir borgarfulltrúar sammála flutningi flugvallarins

Eins og frétt frá borgarstjórn. En Mbl segir, að fram hafi komið í gær að Júlíus Vífill Helgason og Kjartan Magnússon, borgarfulltrúar úr Sjálfstæðisflokki hafi setið hjá og ekki stutt tillögu að nýju aðalskipulagi. 

 

Þetta þýðir samkvæmt venjulegum fundarsköpum að þeir tveir samþykki og sætti sig niðurstöðu meirihluta fundarins. Nema að þeir hafi lagt fram formlega bókun á fundinum um andstöðu sína við nýtt aðalskipulag Reykjavíkurborgar.

Þetta er mjög ánægjuleg niðurstaða einkum þar sem almenn sátt hefur myndast um nýtt aðalskipulag sem styrkir mjög stöðu borgarinnar um að verja hagsmuni sína og borgarbúa í skipulagsmálum gegn þeirri andstöðu margra landsbyggðarmanna um að færa flugvöllinn. 

Fagna tillögu að aðalskipulagi

Fagna ber ákvörðun Samkeppniseftirlitsins

 

• Um að gerð verði markaðsrannsókn á verði eldneytis. 

 

En  „Samkeppniseftirlitið áætlar að íslensk heimili hafi keypt bensín og díselolíu fyrir um 42 milljarða króna á árinu 2011. Ef bensín- og díselverð, án skatta og annarra opinberra gjalda, á árunum 2005-2011 er miðað við vegið meðalverð í aðildarríkjum Evrópusambandsins kemur í ljós að verð á bensíni á Íslandi var um 20% hærra og verð díselolíu um 15% hærra.

 

Verð bensíns og díselolíu er að jafnaði með því hæsta sem þekkist í samanburði við aðildarríki Evrópusambandsins“.

En þetta getur samkeppniseftirlitið gert samkvæmt nýlegum lögum og reglum um markaðsrannsóknir. Um framkvæmd markaðsrannsókna Samkeppniseftirlitsins vísast til reglna um markaðsrannsóknir Samkeppniseftirlitsins nr. 490/2013 ogumræðuskjals um markaðsrannsóknir Samkeppniseftirlitsins nr. 2/2012.

 

• En það eru vissulega fleiri vöruflokkar sem þarfnast rannsóknar við sem varðar hag íslenskra heimila með mjög afdrifaríkum hætti. Nefna má verðlagningu íslenskra banka í samkonar samanburði sem líkindi eru til að sé íslenskum neytendum mjög í óhag.
  .
• Þá er það verðlag á seldum landbúnaðarvörum á Íslandi bæði íslenskt og innflutt. Einnig að gerður verði samanburður á verði innanlands í samanburði við ESB-lönd.

 

Ekki með það fyrir augum að ráðast á bændur, heldur hitt að skoða alla verð-myndun á landbúnaðarvörum frá bónda, frá afurðarstöðum (vinnslustöðvum) flutningskostnaður og smásölukostnaður.

Þannig verði rannsakað hvort vinnslu- og eða sölukostnaður er eðlilegur á öllum póstum. Alveg nú nýlega hefur staðið yfir áróðursstríð milli hagsmunasamtaka kaupmanna sem vilja frjálsan inn flutning á þessum vörum. En atvinnuvega-ráherra  segir að aldrei verði leyfður innflutningur á hráu kjöti til Íslands.

En neytendur eru í sjálfu sér að krefjast innflutnings á hráu kjöti til Íslands, en þeir gera þá eðlilegu kröfu að þeir geti keypt landbúnaðarvörur á sambærulegu verði og neytendur gera t.d. á efnhagssvæði ESB.  

 

• Ekki gengur að hrópa það framan í fólk að verðmunur á landbúnaðarvörum á Íslandi og í ESB sé vegna þess að gæði íslensku vörunnar séu svo miklu meiri. Það er neytenda að velja hversu mikil gæði það vill kaupa í sínum vörukaupum. 
• 
  
• Ekki gengur heldur að segja, að það sé hættulegt fyrir íslendinga kaupa innflutt kjöt t.d. Evrópubúar hafa lifað af með sinn landbúnað og reyndar lengur en við íslendingar höfum gert hér í landi.
  .
• Það sama á við bankaþjónustuna, það verður bókstaflega að lækka bankakostnað á íslenskum heimilum og tryggja það að hann verði ekki hærri en almennt gerist í löndum ESB 

 

Rannsaka eldsneytismarkaðinn

Fyrstu bifreiðasmiðirnir voru húsgagnasmiðir

Þessi iðngrein var ein af hliðargreinum þeirrar iðngreinar sem við köllum húsgagnasmíði á Íslandi. Upphafið var auðvitað vagnasmiðir hinnar hátignar. Þ.e.a.s. vagnasmiðir. Þegar fyrstu bílarnir voru yfirbyggðir á Íslandi voru það nánast allt húsgagnasmiðir sem það gerðu.

http://www.youtube.com/watch?feature=player_embedded&v=FUwrzYT29cU#t=0s 

Eigendur ,,Bílasmiðjunnar" voru húsgagnasmiðir. Ég man fyrst eftir bílasmiðju við Grettisgötu þar sem lengi var leikvöllur síðan. Síðan í Skúlatúni er fluttist síðan upp á Laugaveg þar sem síðan var fyrsta húsnæði Sjónvarpsins. 

Öldungurinn sem sést á myndinni er 66 ára og er kominn á eftirlaun 

 

Smíðaði bíl nær eingöngu úr tré

Íslenskir aftaníossar

 

• Það er sem nú svífi einhver sælusvími yfir íhaldsmenn á Íslandi því eru líkur á því að þjóðin gerist enn á ný aftaníossar hægri manna í Bandaríkjunum.
  . 
• Enda hefur flokkurinn ekki brugðist því hlutverki sínu að senda fastafulltrúa á þing Repúblikanaflokksins nú sem áður.

 

 

Hér situr Davíð við fótskör meistara síns 

Sem betur fer höfnuðu allir vinstri menn öllum tengslum við fasistastjórnir og  flokka  í austur Evrópu upp úr 1950. Nema örfáir rússadindlar í nokkur ár þar á eftir sem engir taka alvarlega.  

Sjálfstæðisflokkurinn hefur dregið Ísland inn ESB (EB)  í áföngum (EFTA  1970 í stjórnartíð Bjarna Benediktssonar og EES 1993  í stjórnartíð Davíðs)  og ef einhver flokkur treður þjóðinni inn í það ríkjasamband þá er það sá flokkur.

En um þessar mundir hefur þótt henta flokknum að vera ámóti en ef  flokknum tekst að gera samninga sem útgerðinni hugnast verður ekki langt að bíða eftir inngöngunni.  

Er þetta ekki skemmtilegt? 

„Ekki lengur eins og dordinglar“

Vitleysan ríður ekki við einteyming

Það er auðvitað kostulegt að sveitarstjórnarmenn séu farnir að eyða tíma sínum í að fjalla um að færa frídaga til einkum þeir sem eru í borgarstjórn og eru  tæplega í miklum tengslum við vinnandi fólk. Þetta mál er ekki í þeirra verkahring og er einfaldlega ekki í valdi þessara aðila.

Þá er þetta ekki heldur í valdi, svo nefndra aðila vinnumarkaðarins.

Staðan er sú, að fæstir láglaunamenn eiga sumarbúðir í einhverju sumarlandinu  og því gagnast það þeim á engan hátt að færa þessa daga til og þeir njóta alveg bærilega að stytta vinnuvikurnar með þessum hætti.

Það má vel vera að þetta komi sér vel fyrir einhverja atvinnurekendur, en það er í raun og veru þá mög fáir þeirra sem hafa gagn af slíku.

Það er einnig veruleg hætta á því að slík tilfærsla á dögum verði til þess í framtíðinni að þessir dagar falli niður með kjarasamningum.

Þessir frídagar eru ekki nema 7 á hverju ári í heildina talið svo tekið sé meðal tal, þannig að það eru ekki svo margir dagar að það taki því að vera með brölt vegna þeirra. 

Opnir fyrir tilfærslu frídaga

Það var alvarlegt hryðjuverk að leggja niður verkamannabústaðakerfið.

 

• En það það var nauðsynlegt að uppfæra félagslega húsnæðiskerfið
• En ýmsir hagsmunaaðilar voru þá komnir með puttana í spilið  
• En leigjendur hafa einnig orðið fyrir forsendubresti, því húsaleiga hefur hækkað gríðarlega við hrunið og eltir kostnað við hækkandi lán á íbúðum 

Það var gert skömmu fyrir aldamótin af þáverandi ríkisstjórn og  líklega með stuðningi sveitarfélaganna. Peningöflin í landinu sáu ofsjónir því að hafa ekki vald yfir öllum húsnæðislánum í landinu.

Flokkarnir sem þá leiddu ríkisstjórn voru Sjálfstæðisflokkur og Framsókn. Þessi ríkisstjórn vildi leggja niður Húsnæðisstofnun er síðar varð að hlutafélaginu  Íbúðalánasjóðður.

Stór hluti af tryggingagjaldinu eða sem nam 2% af öllum launum launafólks átti að renna til þess verkefnis að niðurgreiða vexti í félagslega húsnæðiskerfinu og gerði það samkvæmt kjarasamningum sem gerðir voru 1974.

Launamenn skattlögðu sig sjálfa og farið var með þetta fé á sama hátt í gegnum kerfið og farið er með þann hluta tryggingagjaldsins sem rennur í Atvinnuleysis-tryggingasjóð. Þetta fé rann nú til atvinnurekenda óbætt launamönnum.

Það er rétt að framboðin þora nánast ekki að fjalla um nýtt félagslegt húsnæðiskerfi sem er þó forsenda þess að fjölskyldur láglaunafólks geti komist í öruggt húsnæði. Ég veit þó að landsfundur VG í febrúar sl. gerði samþykkt í þessa veru.  

Nú eftir hrunið hafa samtök hálaunafólks einokað alla umræðu um húsnæðismál og gert kröfur um að hið opinbera lækki húsnæðislán þessa fólks sem er almennt langskólagengið og er með fjölskyldutekjur  vel yfir 1,5 milljónir á mánuði.

Í stjórnmálaflokkunum finnst tæplega lengur fólk sem hefur enga framhaldsskóla-göngu að baki og nánast allir sem komast þar til áhrifa hafa að baki háskólanám og er í svipaðri stöðu launalega og þessi hagsmunahópur heimilanna gerir sig gildandi fyrir. Þessi hópur berst gegn öllum félagslegum lausnum í húsnæðismálum og vilja hafa sem hraðast eignamyndum í húsnæðismálum.

Nánast allir flokkarnir vilja ríkisstyðja hálaunafólk og námsmenn í háskólanámi. Það er nánast aðeins einn flokkur sem vill skoða félagslegar lausnir fyrir almenning en það er VG. En sá vilji flokksins fer ekki hátt því miður. Málið er greinilega ekki í tísku.

 

• En leigjendur hafa einnig orðið fyrir forsendubresti, því húsaleiga hefur hækkað gríðarlega við hrunið og eltir kostnað við hækkandi lán á íbúðum
   
• Þetta mál hefur nákvæmlega ekkert með svo nefnda verðtryggingu að gera og vert er að benda á hugmyndir ASÍ sem hafa skoðað félagslega kerfið í Danmörku og annarsstaðar á Norðurlöndum. Þar er engin verðtrygging og í hugmyndum ASÍ er ekki gert ráð fyrir verðtryggingu. 

 

„Ekkert í boði sem ég ræð við“

Skattastefnan hefur skollið í andlit Sjálfstæðisflokksins

• Flokkurinn leyfir sér að fara fram með skrum  í skattaumræðunni og kjósendur hafa snúið baki við flokknum

 Flokkurinn hefur boðað þá stefnu að lækka skatta  enn hefur ekki skilgreint hvaða skatta hann er að tala um.  Jafnframt talar flokkurinn um að bæta alla opinbera þjónustu við almenning  m.a. heilbrigðis- og menntkerfið.

En almenningur hefur séð í gegnum þennan boðskap, einkum venjulegir launamenn sem eru með tekjuskatta í sögulegu lágmarki á þessu ári og reyndar síðustu árin.  Eins og sjá má á þessari mynd:

 

Þetta sést vel þegar skoðaðir eru skattar hæstlaunaða fólkið (efsta flokki ) og hvernig skatta þetta fólk greiddi t.d. 2007.

Þá er vert að  skoða skattbirgði láglaunafólksins  (í I.- flokki) sama ár eða 2007

Þessi tafla sýnir vel hve mikil sýndarmennska er í skattaboðskap Sjálfstæðisflokksins og slík vinnubrögð getur flokkurinn ekki ástundað í kosningabaráttu.

Þá fór formaður Sjálfstæðisflokks með rangt mál í beinni útsendingu í sjónvarpsumræðunum um virðisaukaskatta á Íslandi.

Hann sagði m.a.:

 „Við erum ekki að tala um að fara niður fyrir skattstigið eins og það var hér fyrir örfáum árum síðan en þegar heimilin eru að upplifa hæsta virðisaukaskatt í heimi, hærri tekjuskatt strax áður en heimilin eru komin í millitekjur, strax við 230 þúsund krónur erum við farin að sjá skattprósentu sem er meira en fimm prósentum hærri en áður var.“

Þetta kom fram í máli Bjarna Benediktssonar, formanns Sjálfstæðisflokksins, í umræðum frambjóðenda um efnahagsmál í sjónvarpssal í gærkvöldi en þar kynntu frambjóðendur allra framboða til Alþingis sína stefnuskrá í þeim málaflokki.

Bjarni ítrekaði þar það sem hann hefur sagt áður að hér á landi sé hæsti virðisaukaskattur í heimi en 25,5 prósenta virðisaukaskattur hérlendis er þó ekki hæstur í heimi.

Sá skattur er hærri í Ungverjalandi þar sem 27 prósenta virðisauki bætist ofan á vörur og þjónustu og átján prósent vaskur fer ofan á öll matvæli. Virðisauki ofan á matvæli hér á landi, 7 prósent, er lægri en víða og undanþágur ýmsar almennt fleiri en gengur og gerist í nágrannalöndum.

Virðisaukaskattprósenta í nokkrum löndum:

Ungverjaland 27%

Króatía 25%

Belgía 21%

Finnland 24%

Frakkland 19,6%

Grikkland 23%

Írland 23%

Pólland 23%

Rúmenía 24%

Spánn 21%

Svíþjóð 25%

Bretland 20%

Portúgal 23%

Brasilía 25%

Kína 17%

Króatía 25%

Noregur 25%

Sjá nánar um virðisaukaskattprósentu í hinum ýmsu löndum heims hér.

 

• Samt sem áður verður að viðurkenna að skattaálögur á venjulegt launafólk er orðið allt of hátt þegar lífeyrissjóðaskattarnir eru teknir með í myndina sem eru örugglega þeir hæstu í heimi.  

 

Framsókn eykur forskotið

Knýjandi þörf fyrir 25 þús félagslegar í búðir á Íslandi, nú þegar

 

• ASÍ gerir ráð fyrir félagslegu húsnæðiskerfi í hugmyndum sínum um nýtt húsnæðiskerfi á Íslandi. Forysta ASÍ telur að nú sé knýjandi þörf fyrir um 25 þús félagslegar íbúðir á Íslandi.

 

Það var mikill sorgaratburður 1998 þegar félagslega húsnæðiskerfið var lagt af á Íslandi. Það var vissulega þörf á því stokka upp þetta gamla kerfi sem var stofnað 1930 og færa það í nútímalegt rekstrarform.

Staða launamanna á Íslandi í húsnæðismálum sínum hefði verið snöggtum skárra við hrunið 2008  ef við átt öflugt félagslegt húsnæðiskerfi.

 

• Það er gleðilegt að nú virðast flestir stjórnmálaflokkar vera sammála hugmyndum ASÍ sem bendir á dönsku leiðina þetta eru grundvallar viðhorfsbreytingar.  

 

Segir er í gögnum ASÍ,  að í Danmörku séu tveir þriðju af húsnæðislánum veitt hjá sérstökum húsnæðislánabönkum. Kerfið er orðið 200 ára gamalt og því má með sönnu segja að það hafi sannað sig sem varanlegt.

Kasten Beltoft framkvæmdastjóri Realkreditforeningen í Danmörku, segir að þetta kerfi bjóði upp á gegnsæi og taki í burtu alla vaxtaáhættu.

En í gögnum ASÍ segir einnig að um þriðjungur allra íbúða sem byggðar eru í Danmörku séu félagslegar íbúðir.

Í flestum ríkjum Evrópu, er það hlutverk ríkis og  sveitarfélaga að tryggja félags-legt íbúðarhúsnæði á viðráðanlegu verði fyrir tekjulægstu íbúana. Umfang,

eðli og form þessarar aðstoðar er margbreytilegt, en algengast er að því sé sinnt með framboði af leiguhúsnæði. Í markmiðum fyrir félagslegt húsnæðiskerfi er

mikilvægt að tryggja eftirfarandi:

• Nægilegt framboð af félagslegu húsnæði fyrir  tekjulágar fjölskyldur.

• Koma í veg fyrir stéttskipt íbúamynstur og byggja upp kerfi með aðlaðandi húsnæðislausnum fyrir breiðan hóp landsmanna.

• Húsaleiga sé í samræmi við félagsleg markmið um viðráðanlega leigu sem taki ekki skyndilegum hækkunum.

• Reglur um útleigu séu gagnsæjar, hlutlægar og komi til móts við hópa með sérþarfir.

• Rekstur húsnæðisins sé ábyrgur, hagkvæmur og nútímalegur til að tryggja hátt þjónustustig fyrir alla íbúa á viðráðanlegu verði.

• Íbúarnir hafi tækifæri til þess að hafa áhrif á reksturinn.

• Koma í veg fyrir að félagslega kerfið hafi neikvæð áhrif á samkeppnisaðstæður í öðrum hlutum húsnæðiskerfisins.

• Útgjöld hins opinbera vegna þessa kerfis verði viðráðanleg að teknu tilliti til meginmarkmiðanna.

• Félagslega húsnæðiskerfið verði í framtíðinni sjálfbært, en fái þangað til bein framlög frá hinu

Landsfundur VG haldinn á dögunum  gerði sérstaka samþykkt um að taka upp viðræður við og samstarf við Verkalýðshreyfinguna um nýtt húsnæðiskerfi og umræður um hvernig mætti byggja upp nýtt félagslegt húsnæðiskerfi.

Það verður ekki litið framhjá samtökum launafólks þegar gengið verður til verks til að endurreisa húsnæðiskerfið á Íslandi.

Lánakerfi sem er alltaf í jafnvægi