Það eru glötuð ár að baki

• Já, það eru 18 glötuð ár að baki 

Það er ljóst að þessi glötuðu tækifæri voru einkenni stjórnarfarsins á Íslandi allar götur frá 1995 fram að hruni þar sem pilsfaldakapitalisminn var allsráðandi og gegnsýrði atvinnureksturinn almennt.

Síðustu fjögur árin undir forystu Jóhönnu og Steingríms voru einnig fjölmörg glötuð tækifæri til uppbyggingar vegna þess að þessi ár fóru í að moka flórinn eftir hrunið. Sá mokstur er ekki búinn og framundan er snjóhengjan fræga og uppgjörið vegna Icesave sem ekki er lokið þótt margir haldi að svo sé. 

• Rétt er þó að geta þess, að vegna þess að atvinnulífið fékk frið og án þess að ríkisvaldið mokaði sífellt undir það. Hefur atvinnulífið tekið mjög miklum framförum og er miklu heilbrigðara nú, en fyrir hrun á tíma pilsfaldakapitalismans.  

Framundan er einnig það mikla verkefni að endurreisa húsnæðiskerfið á Íslandi, einkum þó heilstætt félaglegt húsnæðiskerfi í nýrri mynd. En ríkisstjórn Davíðs Oddssonar lagði niður félagslega húsnæðiskerfið og þá var ekki hugsað um að skila launamönnum til baka 2% sem lágu í tryggingagjaldinu.

Á árum Davíðs voru allar tölur um landsframleiðslu uppblásnar og óraunverulegar þar sem eignir voru ýktar gríðarlega. Í hruninu kom sannleikurinn í ljós og miklar eignir í bókhaldi fyrirtækja hjöðnuðu eins og hverjar aðrar sápukúlur. En ekki nægir að skoða landsframleiðslutölur, það verður að skoða innviði sam-félagsins í þessari mynd.  Ef útsæði hefur einhverntíma verið étið á Íslandi var það á árunum eftir aldamótin og fram að hruni.

Lífskoðun vinstrimanna er mjög mismunandi sem betur fer. Margir þeirra eru í mikilvægum fyrirtækjarekstri  og almennt þeir skilja þeir mjög vel nauðsyn þess að verja heimilin fyrir skakkaföllum og einnig fyrir mikilli ofsköttun heimila launamanna flest valdaár Davíðs Oddssonar.

Það vill svo til að nánast allir vinstrimenn eru þátttakendur í atvinnulífinu með virkum hætti og skilja mjög vel þá samþættingu fjárhagstöðu heimila og velgengni atvinnufyrirtækjanna. En vinstrimenn í atvinnulífinu áttar sig einnig á mikilvægi þess að allirg greiði jafna skatta til samfélagsins. Þeir átta sig á, að ekki gengur að atvinnurekendur og eða fjármagnseigendur er eiga fyrirtækin greiði aðeins þriðjung af sköttum launamanna.

Það gleðilega við framtíðina er að ríkisstjórn Jóhönnu hefur tekist að moka flórinn að mestu og framundan eru mikil tækifæri ef rétt er á haldið. Þetta er mikið afrek sem er viðurkennt um allann heim.

En stefna Sjálfstæðisflokksin sem gengur út á það, að eignalítlar fjölskyldur þar sem aðeins helmingur á og býr í eigið húsnæði greiði niður með auknum sköttum húsnæðisskuldir efnafólks í landinu.  

Glötuð ár að baki - tækifærin bíða

Eins þreps tekjuskattur hækkar skatta á almennu launafólki

Það er vissulega rétt, að skattar á Íslandi á launamönnum eru allt of háir. Einkum þegar tekið er tillit til þess að launamenn greiða síðan sérstakan flatan lífeyrisskatt frá 14,5% og upp í 20,5% af öllum launum sínum.  Þetta fyrirkomulag á eftirlaunakerfi landsmanna er skilgetið afkvæmi frjálshyggjunnar.

En auk þessa hafa margir undanfarna áratugi ekki greitt  eðlilega skatta. Það var staðan þegar fjármagnsskattur var aðeins 10%  og þeir sem lifðu einvörðungu á slíkum tekjum greiddu ekki önnur gjöld. Þetta eru m.a. atvinnurekendur sem ekki heldur greiða í lífeyrissjóði.

Fyrsta og einfaldasta leiðin til að jafna skattagreiðslur er að breyta eftirlaunakerfi landsmanna. 

Að sjá til þess að allir greiði í eftirlaunasjóð (ekki bara launamenn eins og nú er) sem væri í vörslu Tryggingastofnunar. Allir fengju það sama í eftirlaun þ.e.a.s. sömu krónutölu. Þannig má lækka skatta verulega. 

Einnig að allir íbúar landsins greiði einn skatt sem væri þrepaskiptur.  Í þeim skatti væru innifaldir tekjuskattur, skattur af öllum tekjum væri sá sami og útsvar. Fasteignagjöld yrðu afnumin en þess í stað greiddu menn lóðaleigugjöld og gatnagerðargjöld.

Allir greiddu skatt af  brúttólaunum og að atvinnurekendur  yrðu að greiða skatt af eðlilegum viðmiðunartekjum að lágmarki. Þá yrðu þjónustugjöld opinberra stofnanna lækkuð verulega og niðurgreiðsla á lyfjum aukin.

Þetta skattamisrétti heldur uppi sköttum á launafólki

Skattkerfið orðið að sérstöku vandamáli

Betra er að stíga varlega til jarðar, þegar trufla á náttúruna

 

• Varla er sólarhringur síðan 

Síðan helsti stóriðju agent Sjálfstæðisflokksins Jón Gunnarsson  í stóriðjumálum var að atast í Umhverfisráðherra vegna framkvæmda á Bakka.  Hann auðvitað mistúlkaði niðurstöður umræðunnar og Morgunblaðið tók undir með honum.

Jón Gunnarsson spurði umhverfisráðherra um þetta á Alþingi í gær í ljósi þess að þarna væri um mengandi verkefni. 

Svandís Svavarsdóttir umhverfisráðherra sagði ánægjulegt að ræða þessi mál við þingmanninn nánast í hverri viku og ítrekaði að það þurfi að hafa varann á þegar um er að ræða slík áform.

En Svandís umhverfisráðherra ítrekar að stíga þurfi varlega til jarðar og hafa varann á varðandi uppbygginu á Bakka við Húsavík vegna mengunarmála, það gildi líka um fleiri staði og olíuleit á drekasvæðinu.

Í umræðunni um rammaáætlun ítrekuðu þingmenn gömlu valdaflokkanna  stefnu sína í atvinnumálum  sem er að virkja allstaðar þar hægt væri fyrir erlend fjöl-þjóðafyrirtæki og það þyrftu engar tafir að verða vegna þess að allir virkjunarkostir  í biðflokki væru fullrannsakaðir .

Afleiðingar óvandaðra vinnubragða í kringum Kárahnjúkavirkjun eru sífellt að koma í ljós. Afleiðingarnar munu ekki hverfa þótt stóiðjumenn haldi uppi stöðugum áróðri og það með upplýsingamiðstöð kostaða af erlendum aðilum.

Lagarfljótið er dautt og það var eyðilagt vísvitandi að spilltum stjórnmálamönnum og ofbeldismönnum, segir höfundur Draumalandsins, Andri Snær Magnason. Hann óttast að Mývatn verði næst.

Fréttablaðið greindi frá því í morgun að lífríkið í Lagarfljóti er „nánast búið“ vegna áhrifa af Kárahnjúkavirkjun. Fljótið er orðið dekkra sem hindrar ljósstillífun þörungablóma og fiskur er að hverfa úr fljótinu. Þetta kemur fram í skýrslum Landsvirkjunar. 

„Þetta á ekki að koma okkur á óvart“

Það á ekki að þurfa að koma okkur á óvart, þessar fréttir núna, að lífríkið í Lagarfljóti sé á vonarvöl og sé jafnvel að hverfa. Og það á heldur ekki að koma okkur á óvart að bújarðir og lönd og menningarminjar við bakka Lagarfljóts séu að hverfa.“

Þetta sagði Álfheiður Ingadóttir, þingmaður Vinstrihreyfingarinnar - græns framboðs, á Alþingi í dag í tilefni af fréttum þess efnis að lífríkið í Lagarfljóti standi höllum fæti vegna áhrifa af Kárahnjúkavirkjun og að landbrot hafi orðið á bökkum fljótsins vegna þeirra. Vísaði hún til skýrslu á vegum stjórnvalda um framkvæmdina á sínum tíma þar sem varað sé við þessum áhrifum. 

 Þá er betra að gera eins vandað fólk vill að gert verði

Vill stíga varlega til jarðar

www.ruv.is

Umhverfisráðherra ítrekar að stíga þurfi varlega til jarðar og hafa varann á varðandi uppbygginu á Bakka við Húsavík vegna mengunarmála, það gildi líka um fleiri staði og olíuleit á drekasvæðinu.

 

„Vatnasvæðið verulega laskað“

Á Íslandi eru ríkjandi tveir gjaldmiðlar, króna og verðtryggð króna.

• Hrafn Magnússon , fv frkvstj. Landssamtaka lífeyrissjóða skrifar í Morgunblaðið í morgun um verðtryggingu fjárskuldbindinga.
  .
• Segir hann að verðtrygging lánsskuldbindinga sé nauðsynleg í íslensku samfélagi vegna þess hversu veik íslenska krónan er sem gjaldmiðill.

Af hreinni prúðmennsku sleppir Hrafn því að minnast á það, að launamenn fengu ekki neina lánafyrir-greiðslu hjá lífeyrissjóðunum fyrstu 5 árin. Það er ekki fyrr en 1976 að launamenn áttu kost á lánum.

Þá bar svo við að sjóðirnir voru nánast gjaldþrota eftir að fyrirtækin í landinu höfðu öslað um þessa sjóði fengið ódýr lán að vild sinni á tímum óðaverðbólgu.

Strax 1976 þegar launamenn gátu fengið lán eftir 3° yfirheyrslur gegn 100% öruggum veðum að rætt var um að nauðsynlegt væri að verðtryggja lífeyrissjóðalán og launamenn nutu nánast aldrei óverðtryggðra lífeyrissjóðalána.

Á þessum tíma var í raun aldrei nein andstaða við verðtryggingar á fjárskuldbindingum og þær sem slíkar eru ekki sjálft vandamálið.

Heldur hitt, að í maí 1983 var bannað að verðtryggja laun samkvæmt kjarasamningum.

Það blossaði upp mikil andúð á þessum gjörningi ríkisstjórnar Steingríms Hermannssonar innan ASÍ og annarra samtaka launamanna sem veikti bæði verkalýðshreyfinguna, verkalýðsflokkanna mjög alvarlega og einnig stöðu launamanna sem opinberaðist mörgum nú í hruninu.

M.ö.o. það má verðtryggja alla samninga sem gerðir eru í landinu en ekki formlega kjarasamninga. Þetta varð til þess að verkfallsvopnið var nú verulega laskað og allar launabætur sem knúðar voru fram með slíkum aðgerðum kom skyndilega í bakið á launamönnum án bóta.

Sérstaklega urðu nú áhrifin afgerandi á skuldir launamanna eins og t.d. húsnæðisskuldir og lífeyrissjóðalán.

Í þessu sambandi má ekki gleyma þeirri staðreynd að frá 1. Janúar 1980 höfðu lífeyrisgjöldin verið hækkuð gríðarlega.

Íslenska lífeyrissjóðakerfið er eitt ljótasta dæmið um hvernig hugmyndir frjálshyggjunnar hafa leikið eftirlaunamál launamanna á Íslandi og þeir sitja uppi með það.

Þessi lög sem afnumdu samningafrelsi verkalýðshreyfingarinnar á Íslandi er einnig angi af þessum frjálshyggjuhugmyndum.

Framhaldið þekkja allir þeir sem tóku virkan þá í kjarabaráttu þessara ára og urðu nú forystumenn verkalýðshreyfingarinna að skríða fyrir foringja samtaka atvinnurekenda sem voru og eru í félagslegum tengslum við Sjálfstæðisflokkinn.

Eftir lagasetninguna í maí 1983 um bannið við verðtryggingu á launa-töxtum verkalýðsfélaganna hafa íslendingar búið við tvennar tegundir króna.

Verðtryggð króna. Hennar njóta allir sem hafa frjálsan samningsrétt um sín afkomumál. Enda allar fjárbindingar verðtryggðar nema þær sem snúa að þeir fjábindingu að greiða út laun til til launamanna.

Launamenn búa einir við óverðtryggða krónu til að draga fram lífið af og allar fjárskuldbindingar sem launamenn gangast undir eru greiddar með hinni krónunni, þ.e.a.s. verðtryggðu krónunni

 

Verjum sparnað landsmanna

www.mbl.is

„Árið 1979 voru sett lög á Alþingi um verðtryggingu fjárskuld8 bindinga. Hvernig var ástand peningamála á þessum tíma? Sparifé landsmanna hafði þá um langt skeið fuðrað upp í verðbólgubálinu og það litla lánsfé sem var í umferð var lánað með neikvæðum raunvöxtum,“ segir Hrafn Magnússon, fv frkvstj.…

Verjum sparnað landsmanna

Íslendingar hafa aðeins átt tvo raunverulega umhverfisráðherra

• Það eru þær Þórunn Sveinbjarnardóttir og Svandís Svavarsdóttir.

   

• Allir aðrir sem hafa gengt þessu hlutverki í gegnum tíðina hafa verið eins og hverjar aðrar puntudúkkur og þjónað stóriðjumönnum til borðs og sængur.

Þær eru einu ráðherrarnir sem hafa virt allar reglur varðandi umhverfismat og raunuverulega gætt hagsmuna fósturjarðarinnar eins og umhverfisráðherrum ber að gera. Þær hafa ævinlega verið málefnalegar.

Því er svar Svandísar við spurningu bæði kórrétt og faglegt þegar hún svarar Jóni Gunnarssyni á Alþingi. Er nefndur þingmaður Sjálfstæðisflokks, spurði Svandísi hvort hún styddi frumvarp Steingríms J. Sigfússonar um ívilnanir vegna stóriðju á Bakka.

Hann sagði að þegar þingið væri að vinna á þessum síðustu dögum sem lifa af þessu þingi væri nauðsynlegt að fá upplýsingar um hvort ágreiningur væri um málið í stjórnarflokkunum.

Greinilegt er að Svandís gerir ekki upp á milli aðila þegar spurt er um umhverfismálin.

„Það þarf að hafa varann á þegar um er að ræða slík áform,“ segði Svandís í svari sínu. „Hver á að standa vörð um umhverfismálin ef ekki umhverfisráðherrann.“

Svandís sagði að sama ætti við um orkunýtingu þó að orkukostir væru komnir í nýtingarflokk. Hún tók fram að það sama ætti við um olíunýtingu á Drekasvæðinu. „Þar þarf að hafa varan á,“ sagði Svandís.

Greinilegt er að Jón Gunnarsson kaus að misskilja svar Svandísar og Moggi litli kýs að gera það einnig.

En RÚV segir öðruvísi frá eða eins og heyrði svarið í sjónvarpi.

„Jón Gunnarsson spurði umhverfisráðherra um þetta á Alþingi í dag í ljósi þess að þarna væri um mengandi verkefni. Svandís Svavarsdóttir umhverfisráðherra sagði ánægjulegt að ræða þessi mál við þingmanninn nánast í hverri viku og ítrekaði að það þurfi að hafa varann á þegar um er að ræða slík áform“.

 

Vill stíga varlega til jarðar

www.ruv.is

Umhverfisráðherra ítrekar að stíga þurfi varlega til jarðar og hafa varann á varðandi uppbygginu á Bakka við Húsavík vegna mengunarmála, það gildi líka um fleiri staði og olíuleit á drekasvæðinu.

Svandís með efasemdir um Bakka