Kostuleg ályktun- raunar væll af aumustu gerð

• Ef einhverntíma hefur verið einhver glóra með þessar Helguvíkurhugmyndir væri álverið verið löngu komið. 
  .
• Það er staðreynd, að mjög vaxandi andstaða er með uppbygginu fleiri álvera í landinu,

 

Það er ekki nokkur leið að bera saman meðalstórt fyrirtæki norður á Bakka sem nýtir orku sem er fast í hendi hjá heimamönnum að Þeistareykjum og í þeirra eign.

Þar verður um er að ræða mjög tímabundinn stuðning  sem vissulega kostar mikið fé úr ríkissjóði. En  það fé er talið skila sér í ríkissjóð á 15 árum auk þess sem stór hluti þess fjár eru fyrst og fremst samfélagsleg verkefni.

Ekki hefur verið gefið leyfi fyrir virkjunum í Bjarnarflagi vegna þess að er engin sátt um slíkar framkvæmdir vegna hugsanlegrar mengunar í Mývatni af þeim sökum. 

En Helguvíkur draumur Suðurnesjamanna er um risa álver með framleiðslugetu upp á 360 þús tonn árlega og nær öll orkan sem í slíkt iðjuver verður að vera aðflutt.  Koma úr öðrum héruðum mjög langt frá þessari umræddu og hugsanlegri málmbræðslu. Orkuverin sjálf  og flutningsmannvirki yrðu einnig reist í mikilli ósátt við íbúa í þessum sveitarfélögum.

Það er einkum vegna hættulegrar brennisteinsvetnis mengunar sem myndi ekki bitna á íbúum Reykjanesbæjar heldur á íbúum Reykjavíkur, Hveragerðis og  Ölvushrepps. Ef nota á þá orku vær eðlilegt að hún nýttist íbúum þessara svæða. En Orkuveitan mun ekki virkja frekar vegna þess að þjóðin býr ekki yfir þeirri þekkingu að hún kunni að nýta þessa orku með hættulausum hætti.

Þá er gríðarleg andstaða við gerð háspennuvirkis sem á að fara yfir fólksvang Reykvíkinga og nágrannbyggðarlaga ásamt um alla Vatnsleysuströnd.  Þegar eru í gangi málaferli vegna þessara hugmynda og mikill átroðningur. Auk þess sem mikil andstaða er við að skemma náttúru Reykjanesskagans enn frekar. En það landssvæði tilheyrir auðvitað ekki heldur Reykjanesbæ nema að litlu leiti.

Sveitarstjórnarmenn úr Sjálfstæðisflokki og Framsókn verða að átta sig á þeirri staðreynd að almenningur á Íslandi lætur ekki stóriðjumenn vaða yfir sig eins og ekkert sé,  lengur það er liðin tíð.

Þessi atvinnuhugmynd bæjarstjórans er úrelt í nútímanum og öll slík fyrirtæki verða að skila ríkissjóði og sveitarsjóðum beinum tekjum. Skattgreiðslur starfsmanna í svona fyrirtækjum eru ekki skattgreiðslur fyrirtækisins. Þeir Suðurnesjamenn sem starfa í öðrum plássum greiða t.d. útsvar í sinni heimabyggð.

Ósátt við að ekki hafi verið gætt jafnræðis

Mjög vaxandi andstaða er við stóriðju í landinu.

• Enda hefur atvinnulíf vaxið mjög verulega undanfarin ár eftir hrunið. 
  .
• Það er sjálfsprottinn vöxtur án afskipta ríkisins. 
  .
• Það er einmitt þannig sem atvinnulífið á að vaxa en ekki með ríkisafskiptum endalaust. 

En árin fyrir hrun hafði trú fólks í landinu farið minnkandi á getu íslendinga til að byggja upp eigið atvinnulíf sem er þó forsenda þess að lífvænlegt verði að byggja þetta land til frambúðar fyrir fólk með vaxandi menntun og kröfur.

Fólk lætur andstöðu sína ljósi við að fórna eigin lífsgæðum fyrir hagsmuni erlendra fjölþjóðafyrirtækja sem eru meira og minna í eigu vogunarsjóða úti um heiminn. Fólk vill búa að sínu og sínum möguleikum til að skapa atvinnu af eigin framtaki. 

Um páska var haldinn fundur um Blöndulínu 3 á Mælifellsá í Skagafirði og segir m.a.:
„Á Íslandi er nóg komið af óarðbærum framkvæmdum þar sem hagsmunum framtíðar er fórnað á altari stundarhagsmuna. 

Fundurinn fordæmir skammsýni þá er einkennir fyrirhugaðar framkvæmdir við Blöndulínu 3 og hvetur landsmenn alla til að kynna sér þá eyðileggingu sem kerfisáætlun Landsnets mun hafa í för með sér,“ segir í ályktun fundarins.

Á Vatnsleysuströnd var fólk einnig í andstöðu við háspennulínulagnir um sveitarfélagið, allar líkur eru á að landsölumenn sem þjóna hagsmunum erlendra fyrirtækja muni virða hagsmuni fólks á ströndinni að vettugi. Þetta er verulegt áhyggjuefni.
Það eru tveir stjórnmálaflokkar sem hafa það á stefnuskrá sinni að fylla landið af erlendum álverum. Þessir flokkar hafa að því er virðist ekki trú á íslensku einkaframtaki

Hafna alfarið lagningu 220kV loftlínu frá Blöndustöð til Akureyrar

www.feykir.is

„Nóg komið af óarðbærum framkvæmdum“

Rétt er það, að álfyrirtækin nýta sér lagalegan rétt sinn.

 

• En bæði er það, að þessi lög sem veita þessum fyrirtækjum þennan rétt eru fullkomlega óeðlileg.
  .
• Þá eru þessi lög eru auðvitað verk ákveðinna stjórnmálamanna og bera dám að þeirri spillingu sem grasseraði í landinu á valdatíma þeirrar ríkisstjórnar sem hér ríkti þegar samningar voru gerðir við Alcoa.   

 

 

Jafnvel alþjóðlegir aðilar eins AGS sem kalla nú ekki allt ömmu sína þegar kemur að alþjóðlegum viðskiptaháttum höfðu stór orð um þessa samninga og bentu á að nauðsynlegt væri og eðlilegt að álfyrirtækin greiddu eðlilega skatta á Íslandi.

Spillingin er í sjálfu sér ekki álfyrirtækjanna hvað þetta varðar, en samt er það verið eftirtektarvert hvernig þessi fyrirtæki hafa mokað fé í ákveðin verkefni er tengjast óneitanlega verkefnum stjórnmálamanna.

Þá er auðvitað nauðsynlegt að rannsaka það hvort þessi fyrirtæki hafi borið fé í ákveðna stjórnmálamenn bak við tjöldin. Það á bara alltaf að rannsaka hvort slíkt geti verið þegar gerðir stórir samningar þar sem stjórnmálamenn koma nærri.

Eins og þau fjölþjóðafyrirtæki sem standa á bak við þessi álfyrirtæki hafa verið orðuð við í þriðja heiminum. Þá er vert að benda á, að þessi fyrirtæki fá hér orku undir kostnaðarverði og nægir að benda á þá staðreynd að Orkuveitan stórtapar á raforkusölusamningum sínum við álverin. Sá kostnaður er m.a. greiddur af Reykvíkingum.  

Það hefði verið mikilvægt að RÚV hefði undirbyggt þessa umræðu betur en e.t.v. eiga þeir kastljósmenn eftir að sanna sig betur því umræðan er mjög brýn. Því þessi fyrirtæki greiða sáralitla skatta til Íslands.

Þá er væri einnig mikilvægt að skoða ýmis íslensk fyrirtæki eins og  bankar og fjármagnsfyrirtæki ásamt útgerðarfyrirtækjum sem mörg hver geta verið í þessari stöðu þar sem starfrækt er eins konar skattamyllur.

Það er a.m.k. ekki einleikið hversu litlar skattagreiðslur lögaðila eru til samfélagsins, alls ekki í neinum takti við veltu fyrirtækjanna  og kostnað opinberra aðila vegna þeirra. Ekki vantar að þessir aðilar gera miklar kröfur til ríkisins á hverjum tíma og kvarta sífellt undan því að greiða hér skatta.

Nýta sér ekki skattalöggjöf með óeðlilegum hætti

Hinir nýju Kókakóla lestarstjórar

• Á síðasta landsfundi bauð Þorsteinn Bergsson sig fram í varaformannsembætti og fékk raunar örfá atkvæði fundarmanna. Þetta var býsna snemma á fundinum. 
  .
• Greinilegt var að stuðningsmenn Þorsteins og viðhorfa hans voru ekki á þessum fundi og frekar enn á fyrri fundum VG. 

Ekki tók ég þátt í þessari kosningu þar sem ég þekkti ekki til frambjóðenda og viðhorfa þeirra. En það er auðvitað eftirsjá af góðum dreng sem ég held að Þorsteinn sé svona eftir viðkynninguna í spurningaþáttum hreppanna.

Það er löngu ljóst, að nokkur fjöldi fólks sem vill standa vörð um óbreytt Ísland og vill vernda sérréttindi þeirra sem hafa notið slíkra ívilninna undanfarin rúm 40 ár umfram aðra hefur verið í VG eins og í öðrum flokkum.

Það gefur einnig auga leið að slík einstefna í þróun þjóðar eftir hrikalegt hrun fyrir 4 árum reynir mjög á samlyndi við verkalýðsstéttina sem hefur mátt þola kúgun þessara sérréttinda-stétta frá ónumatíð og vill sjá nýtt landslag í kjörum verkafólks, fólk sem starfar á launatöxtum við fátækramörk samkvæmt umsömdum kjarasmningum stéttarfélaganna.

Við vinstri menn erum í hjarta okkar eindregið  á móti aðild Íslands að ESB en eins og aðrir launamenn landinu viljum við kynnast því  hvernig launamenn draga fram lífið handan við fjallið og úthafið.  Við viljum vita fyrir víst, hverju við erum á móti.

Atvinnurekendur, fjármagnseigendur eru löngu komnir inn í þetta ríkjasamband með allt sitt og nota í sínu brauðstriti erlenda gjaldmiðla til að hafa til hnífs og skeiðar.

Eftir sitja launamenn og bryðja brauðmolanna með laun undir fátækramörkum og við þurfum  að kaupa þá með ónýtum gjaldmiðli sem er gjörsamlega á floti eins hvert annað rótlaust þang.

Bjarni bóksali sendir frá sér pistil á ,,Smugunni" sem á sér helst hliðstæðu með áróðri fasista hvar sem er í heiminum og greinilega sóttur í smiðju til þriðja ríkisins en staðfærður og færður til nútímans og á að höfða til verkafólks á Íslandi. 

Ljóst er að Þorsteinn hefur orðið undir í áróðri LÍÚ manna  og er ósáttur við vinnubrögð Steingríms í tengslum við ýmis gjaldþrota fyrirtæki. Allt fyrirtæki sem hafa verið undir stjórn íhaldsaflanna. Hann er ekki einn um að, það erum við öll sem höfum fyllt raðir VG.

Í næstu setningu segir þorsteinn svo:

„Ég held það geti verið heillavænlegra fyrir að starfa með Framsókn og jafnvel sjálfstæðismönnum, ekki síst í ljósi Evrópustefnunnar.“

 

• Þetta er kanski ástæðan fyrir fylgisleysi þessara félaga Þorsteins í flokknum 

Það varð engin stefnubreyting í þessum málum á síðasta landsfundi VG um þessi ESB mál. Þessi litli hópur í VG sem hefur í nær 4 ár starfað náið með sjálfstæðismönnum í „Heimsýn“ . Sjónarmið Þorsteins og hans örfáu félaga hefur alltaf verið í miklum minnihluta í flokknum.  

Sýður upp úr hjá VG vegna ESB

Frábært framtak Margrétar Tryggvadóttur

 

•  Breytingartillaga Margrétar leiðir í ljós hverjir það eru sem í raun styðja tillögu Stjórnlagaráðs að nýrri stjórnarskrá með áorðnum breytingum sem koma fram í breytingartillögum  frá stjórnskipunar-  og eftirlitsnefnd. 

 Forsætisráðherra hefur lýst því yfir  vilja sínum um að málið klárist en hún sagði á Alþingi í morgun:

„Ég hefði auðvitað viljað að við hefðum getað gengið miklu lengra og náð miklu stærri áfanga á þessu kjörtímabili heldur en í stefnir og að við hefðum getað klárað stjórnarskrána og finnst mér raunar að ekkert sé að vanbúnaði til þess ef að þingmenn tækju sér nú nokkra daga til þess að ræða það ágæta álit sem að hefur komið frá stjórnskipunar- og eftirlitsnefnd um heildarendurskoðun á stjórnarskránni“.

 Það er morgunljóst að þingmenn VG eiga tæplega annan kost en að segja já til að samþykkja breytingatillögu Margrétar Tryggvadóttur. En af ný afstöðnum landsfundi Vinstri grænna lýsti fundurinn yfir einróma samþykki sínu við tillögu Stjórnskipunar- og eftirlitsnefndar.

Formaður flokksins Katrín Jakopsdóttir lýsti því yfir í elhúsdagsumræðunni að VG er samþykk tillögum Stjórnskipuna-og eftirlitsnefndar.

Ef einhverjir þingmenn Samfylkingar eru á móti verður það að koma fram.

Ef einhverjir þingmenn Samfylkingar greiða atkvæði á móti er einboðið að kominn sé upp alvarlegur klofningur í þeim flokki og eins gott fyrir nýja formanninn að segja já því annars er líklegt að hans forysta sé runnin út í sandinn.

Breytingatillagan í heild

Stjórnarskrárfrumvarpið lagt fram sem breytingartillaga

Sjálfstraust er í lágmarki og verstur er ímyndarvandi íslendinga í atvinnumálum

 

• Er nokkuð sem hefur einkennt alla umræðu um uppbyggingu atvinnulífs á Íslandi síðustu  20 – 25 árin.
  .
• Svartsýni bæði stjórnmálamanna og forystumanna í samtökum fólks atvinnurekstri er svo algjör á getu íslensk atvinnulífs er svo yfirþyrmandi að langvarandi  og djúpur skaði hefur af hlotist.
  .
• Skaðinn er þó mestur í höfðinu á ráðmönnum.

 

Það er mikið rétt, að nú eftir langvarandi bólu hagkerfi þar sem allir hlutir gerðir af ákveðnum aðilum voru útblásnir og sagðir miklu meiri og verðmætari en raunin hefur nokkurn tíma verið. Eftir hrunið féll þessi spilaborg til grunna og stór bólu fyrir-tæki með glæsta árreikninga til margra ára stóðu nú uppi berrössuð og rauneignalaus.

Nú eins og þennan síðasta aldarfjórðung einblína allir þeir sem telja sig hafa vit á þessum málum á erlendar fjárfestingar eins og þær séu einhverjar töfralausnir í íslensku atvinnulífi.

Vandinn er sá, að landinu vantar fyrst og síðast íslenskar fjárfestingar og bjartsýni á það að íslendingar geti verið sæmilegir matvinnungar í eigin landi. Það er vandi sem í sjálfu sér er auðvelt að leysa.

Erlendar fjárfestingar í framleiðslugreinum kosta ríkissjóð gríðarlegar upphæðir í fjárfestingum fyrir hvert starf sem skilar sér tæplega sem eðlilegur arður til baka í ríkissjóð. Heldur telja menn eðlilegt að arðurinn skili sér inn í t.d. ýmis fyrirtæki í mannvirkjagerð eða í allt aðrar áttir.  

Það virðist sem þjóðin sætti sig þannig við að arðurinn framleiðslu þessara erlendu fyrirtækja er njóta hér auðæva þjóðarinnar í t.d. niðurgreiddri orku og sóði út íslenska náttúru fari erlendis til þeirra vogunarsjóða sem eiga þessi fyrirtæki.

Það sem skiptir meginmáli er að við íslendingar byggjum upp íslensk framleiðslu-fyrirtæki sem skilar okkur sjálfum arði. Það eitt getur skapað raunverulegar framfarir og varanlegan hagvöxt sem byggir á raunveruleika.

Við sem státum af mikilli og góðri menntun þjóðarinnar sem má auðveldlega gera miklar athugasemdir við, því það er ein sápukúlan enn.

Því um þriðjungur hvers árgangs íslendinga lýkur ekki viðurkenndu námi til einhverra starfa sem kemur niður á uppbyggingu atvinnulífsins  er heldur niðri möguleikum íslendinga til að vera vel bjargálna og kaupmætti fólks á Íslandi.

 

• Getur verið að íslendingar vilji ekki vinna við verkleg störf í framleiðslu? 

 

Halli ríkissjóðs þrefalt meiri

Það má lengja þingtíma Alþingis vegna stjórnarskrármálsins

Þetta er auðvitað rétt hjá forsætisráðherra

Því ætti ekkert að vera því til fyrirstöðu að leggja fram Stjórnarskrármálið í heild sinni.

Eða meinar Jóhanna Sigurðardóttir ekkert með þessum orðum:

„Ég hefði auðvitað viljað að við hefðum getað gengið miklu lengra og náð miklu stærri áfanga á þessu kjörtímabili heldur en í stefnir og að við hefðum getað klárað stjórnarskrána og finnst mér raunar að ekkert sé að vanbúnaði til þess ef að þingmenn tækju sér nú nokkra daga til þess að ræða það ágæta álit sem að hefur komið frá stjórnskipunar- og eftirlitsnefnd um heildarendurskoðun á stjórnarskránni. En það er alveg ljóst að til þess er ekki vilji í stjórnarand-stöðunni,“ sagði Jóhanna og ennfremur.

Það hlýtur að vera einhver andstaða í stjórnarliðinu fyrst ekki má láta reyna á málið. Það er kominn tími til þess að afstaða einstakra þingmanna komi í ljós.

Það yrði síðan kosningamál hvort nýja stjórnarskráin heldur eða ekki.

Starfsáætlunin „ekkert heilög“

Leyniskýrsla Geir Jóns

•  Það er rétt að minnast á það, að Geir Jón fyrrum yfirlögregluþónn og núverandi frambjóðandi Sjálfstæðisflokksins á Suðurlandi var oftar en ekki staddur á þessum vettvangi við löggæslustörf
  
  
• Bæði við Alþingihúsið þegar mótmælin stóðu þar yfir og annarsstaðar þar sem fóru fram mótmæli er öll leiddu til þess að ein ríkisstjórn hrökklaðist frá völdum 

Haft er eftir honum í sjónvarpi að Ríkislögreglustjóri hafi falið honum að gera skýrslu um hegðun þingmanna VG sérstaklega á Alþingi þessa daga þegar fundir voru á Austurvelli og eins þegar fólk þusti af vínbörum miðborgarinnar og var með ólæti við Alþingishúsið sem ekki var skipulagt af Herði Torfasyni.

Spurningin er auðvitað áleitin um hvers vegna voru þá ekki allir alþingismenn hafðir undir eftirliti en ekki bara þingmenn VG. Enginn þingmaður VG hefur gerst brotlegur við íslensk lög svo vitað sé. En aðrir þingmenn sem voru á þingi á þessum tíma og eru jafnvel enn hafa verið dæmdir samkvæmt hegningalögum.

Ekki verður sagt að þingflokkur VG sé fullur af fasistum og eða byltingasinnum. Allir þingmenn sem hefðu orðið vitni af því að þeir væru undir sérstöku eftirliti óeinkennidklæddra manna hefði brugðið  illa við.

Þessi ákvörðun ríkislögreglustjóra sem ég efast um að hann hafi beðið um er auðvitað mjög alvarlegt lögbrot ef hún hefði verið framkvæmd og raunar stjórnarskrárbrot.

Ég hef alltaf verið á þeirri skoðun að guðsmaðurinn hafi farið óvart yfir strikið í hita prófkjörsbaráttunnar og ekki farið með allann sannleikann í sjónvarpi þegar hann sagðist vera að skrifa sérstaka skýrslu um atferli þingmanna VG á meðan að fundirnir á Austurvelli stóðu yfir að beiðni  Ríkislögreglustjóra og embætti hans.

Það er 100% öruggt að embættismaðurinn viðurkennir aldrei að hann hafi beðið guðsmanninn um slíka skýrslu um atferli þingmanna bara í einum þingflokki

 

Vilja að mótmælaskýrsla verði gerð opinber

Nú fljúga samsæriskenningarnar

• Það er ljóst, að hægrimenn munu reyna að endurskapa söguna eftir eigin hag og eru þegar byrjaðir að senda frá sér bækur sem ég veit ekki hver kostar
  .
• Þótt Álfheiður Ingadóttir hafi staðið í glerganginum og að aðili eins og ég hafi veifað henni þegar einn fundurinn var, er nú að gera úlfalda úr mýflugu að halda því fram að þá hafi hún stjórnað einhverju sem fram fór.

Það er greinilegt að fyrrverandi forsætisráðherra Geir Haarde eltist við og býr sjálfur til samsæriskenningar ef þetta er rétt eftir honum haft. Mér finnst þetta bara vera ótrúlegt að hann hafi látið þetta eftir sér fara. Ég taldi hann miklu meiri mann en þetta og yfir slíkt slúður hafinn að standa í slíkri lágkúru.

Við erum margir vinstrimenn í þessu landi sem fögnum því að fundirnir á Austurvelli hafi orðið til þess að ríkisstjórn Geirs Haarde hafi hrökklast frá völdum. Það var full þörf á því að sú stjórn færi frá völdum. Sérstaklega hafa félagar í Samfylkingunni kjósendur þess flokks fagnað.

Á bak við þessa fundi stóðu engir stjórnmálaflokkar og alls ekki VG. Þá er það bara staðreynd, að Álfheiður þó ágæt sé hefur hún ekkert slíkt fjöldafylgi og vægi meðal fólks að hún hafi getað staðið á bak við slík mótmæli. Álfheiður hefur alltaf verið umdeild í flokkum vinstrimanna án þess að eiga það skilið. Enda var Ingibjörgu Sólrúnu ekki vært í flokknum eftir þetta.

Þá verður alls ekki framhjá litið, að þessa fundi sótti gríðarlegur fjöldi félagsmanna og kjósenda Samfylkingarinnar sem fannst réttilega að flokkurinn hefði svikið þau megin stefnumið flokksins sem var að vera í andstöðu við Sjálfstæðisflokkinn.

Menn mega ekki gleyma því að Sjálfstæðisflokkurinn og þingmenn hans höfðu skömmu áður verið afhjúpaðir fyrir að þiggja gríðarlega styrki frá fyrirtækjum og hagsmuna aðilum. Flokkurinn hefur eflaust tekist á við þau vandamál.

Menn geta ekki litið framhjá fundinum sem var fyrir utan Þjóðleikhúskjallarann þar félagar og kjósendur Samfylkingarinnar kröfðust þess að flokkurinn sliti þessu samstarfi.  Þessi Stefán Gunnar Sveinsson fer með skáldskap þegar reynir að ata Álfheiði auri hvað þetta varðar.

Ég er t.d. viss um, að ef ég hefði verið staddur í Alþingishúsinu þetta kvöld hefði ég verið spenntur fyrir því sem var að gerast utan dyra og hefði ekki látið bannað mér að fylgjast með.

Ef Álfheiður hefur kallað manninn titt í hita leiksins hlýtur hann að hafa verið það.  Blessuð sé minning hans, ég er s.s. óttarlegur tittur einnig.

Þá held ég að það megi gjarnan koma fram, að á þessa mættu fjölmargir sem nýttu sér athyglina sem þeir fengu til að vera með skrílslæti.

Þessir krakkar skemmdu mikið fyrir þessum fundum sem áttu að fara friðsamlega fram eins og þeir raunar gerðu að mestu leiti. Það voru t.d. fundarmenn sem fóru í vörn fyrir lögreglumenn þegar þessi vínbaraskríll réðist á lögregluþjónanna.

Ég mætti á flesta þessa formlegu fundi, skrílslætin höfðu ekkert með þessa formlegu fundi að gera og ég ítreka að þeir skemmdu fyrir mótmælafundunum 

„Farðu bara lífvarðatitturinn þinn“

Ósannsögli þingmanna er alvarleg

•  Hún er viðverandi vandamál mjög margra þingmanna að segja hálf-sannleika og aðeins það sagt sem þingmanni þykir henta hverju sinni.
• .
• En bera nánast aldrei fram beina lýgi án þess að biðjast afsökunar á því eftirá.
  .
• Nú er brotið í blað 

Slík hagræðing á sannleikanum kemur einnig mjög oft fram í kosningaslagorðum stjórnmálaflokkanna. Þetta má bæði sjá af kosningaloforðum Sjálfstæðisflokks og Framsóknarflokks nú fyrir næstu kosningar. Einhverjir aðrir aðilar sem einnig ætla að bjóða fram fyrir kosningarnar. Þetta  á  t.d. við um niðurfellingar skulda heimilanna í landinu.

Kosningaloforðin í þessum efnum einum munu kosta milli 240 milljarða upp í yfir 400 milljarða. Það er ljóst að slík loforð eru bara bull og vitleysa.

Nú ber nýrra við og verður að teljast vera mjög alvarlegt, jafnvel á mælikvarða málstofunnar á Alþingi þar sem menn kalla ekki allt ömmu sína í þessum efnum. 

• Þegar Guðlaugur Þór segir gesti Efnahags- og viðskiptanefndar hafa sagt annað en þeir sögðu. M.ö.o. hann lýgur upp á þessa gesti, af því er virðist.

 Þetta verður til þess, að Björn Valur sem ekki er í nefndinni setti sig í  samband við nefndarmenn og spurði hvort Guðlaugur Þór hafi verið að segja satt og rétt frá.   „Það kannaðist enginn við að hafa heyrt þetta, þessar fullyrðingar, á nefndarfundinum.“

Þá sagðist hann í kjölfarið hafa sett sig í samband við gesti fundarins, sem voru fulltrúar frá Samtökum atvinnulífsins, Alþýðusambandi Íslands, fjármálaráðuneytinu og ríkisskattstjóra. 

„Ég lagði fyrir þá spurningu um hvort rétt væri eftir þeim haft. Það er skemmst frá því að segja að enginn staðfesti að þetta væri rétt eftir þeim haft. Þeir hafi ekki haldið þessu fram. [...] Það hefði verið frétt ef ríkisskattstjóri héldi því fram að skattar séu svo háir að það réttlæti undanskot.“

Björn spurði því næst hver væri réttur gesta þingsins sem ekki geti varið sig fyrir „rógburði og haugalygi“ þingmanna. Hann hvatt því næst forseta þingsins til að skoða þessi mál sérstaklega.

Skúli Helgason, þingmaður Samfylkingarinnar, kom einnig í ræðustól og tók undir með Birni Val. Hann sagðist sjálfur hafa verið á fundinum og enginn gesta nefndarinnar hafi sagt að skattar séu svo háir að það sé réttlætanlegt að greiða þá ekki. „Það er grafalvarlegt að leggja gestum orð í munn sem enginn hefur sagt.“

Þá sagði hann það „svakaleg skilaboð“ frá Alþingi að það sé réttlætanlegt að svíkja undan skatti.

Þetta er auðvitað alvarlegur álitshnekkur fyrir Guðlaug Þór, þennan Íslandsmeistara í að þiggja prófkjörsstyrki og vill ekki upplýsa um hverjir styrktu hann.

Skattkerfið orðið að sérstöku vandamáli segir Guðlaugur Þór að gestir Efnahags- og viðskiptanefndar hafi sagt á fundi með nefndinni.

 

„Rógburður og haugalygi“ þingmanns