Það er munur að hafa Ólaf Ragnar á fosetastóli

 

• en ekki einhverja endemis lufsu sem ekkert getur!
  .
• Skrifaði einn kunnur bloggari nú í sumar, maður sem telur sig vera vinstri mann og er fyrrum frambjóðandi Regnbogalistans í fremstu röð sem engu fylgi náði.
• Þessi niðurstaða kemur ekki á óvart þar sem forsetinn er kominn á kaf í pólitík og fylgir öðrum stjórnarflokkanna að málum. 

Eitt er víst, að hann stendur með sínum stuðningsmönnum sem eru félagar í LÍÚ ásamt stjórnarflokkunum.

Niðurstöður úr öllum málum sem vísað hefur til forsetans með beiðni um að hafna staðfestingu á lögum frá Alþingi hafa farið eftir hagsmunum Framsóknarflokks sérstaklega og einnig samkvæmt hagsmunum forystu Sjálfstæðisflokks.

Einnig hafa margir litið á hann sem eitthvert goð eftir Icsave atburðina  sem enn hafa ekki verið leidd til lykta. En hann hlýtur að hafa svikið marga af þessu fólki í tryggðum eftir þessa niðurstöðu.

Annað er einnig ljóst, að þetta er í eðli sínu geðþóttaákvörðun  segir einn fyrrum formaður  Sjálfstæðisflokksins, það eru engar stjórnskipulegar viðmiðanir sem gilda í þessum efnum.

M.ö.o. að allt það sem forsetinn hefur látið út úr sér í tilefni þessara einræðistilburða sinna hafa nákvæmlega enga merkingu og hann kominn í hring, þ.e.a.s. hringavitleysa og engin getur sagt eitt einasta orð.

 

• Eitt sagði karlinn þó sem hægt er að vera sammála honum um en það er, að nú á haustþingi verður að mynda miklu meiri samstöðu um veiðileyfagjöldin heldur enn nú er reyndin. Bæði á Alþingi og með þjóðinni. 
• Og forsetinn minntist ekki orði á skoðanakönnun eins og hann hefur jafnan gert áður. Hann kaus einnig að minnast ekkert á niðurstöður kosninganna um stjórnarskránna og niðurstöðuna um veiðileyfagjöld sem kosið var um. 

 

Forsetinn staðfestir lög um veiðigjald

Grafið út hóla og reft yfir

Það er ekki undarlegt að þeir hafi trúað því að eitthvert ósýnilegt fólk hafi búið með þeim. Í niðamyrkum og daunillum moldarkofunum hafa þeir alltaf verið að týna öllu mögulegu.  Fólk hefur því iðulega trúað því að einhverjir hafi tekið frá þeim þessa hluti.

 

Ef trúin á huldufólkið hefur verið sterk hljóta menn að hafa trúað því að þessar ósýnulegu verur byggju í hólum eins og mannfólkið. Það er samt merkilegt að ímynda sér að það hafi búist glitklæðum hvunndags. 

Íslendingar í torfbæjum í 1000 ár

HRAPPSEY

Forfaðir minn Jón Þorláksson og formóðir Margrét Bogadóttir í mína móðurætt  tengdust þessari merkilegu eyju í Hvammsfirði og er þeirra getið hér í þessum pistli og prentsmiðj-unni sem þar var. Ég hef aldrei komið á þennan stað sem væri vitanlega mjög áhugavert að heimsækja með leiðsögn..NÉNnnnForfaðir minn

. Ferðaáætlanir Rútur-Ferjur-Flug

Hrappsey (1,7 km2) er suðvestan Purkeyjar og Selasund er á milli þeirra.   Bærinn stendur á Vindási á austanverðri eyjunni.  Stykkishólmur er u.þ.b. 7 km suðvestan eyjarinnar.  Hrappsey er gerð úr anortosíti (tunglbergi; hin teg. á tunglinu er nórít), en anortosít er ljósa bergið á tunglinu.   Á eyjunni er fornlegur, hringlaga garður á sléttu utan við hólinn Skalla.  Við austurjaðar hans er hústótt, sem getur hafa verið fjárhús.   Daginn eftir víg Snorra Sturlusonar (1241) er Hrappseyjar getið í sögum, þegar Tumi Sighvatsson, frændi hans, fór frá Sauðafelli inn í Hvammsfjörð og þaðan í Hrappsey. Þar virðist hafa verið búið á þessum tíma og Skarðskirkjumáldagi frá 1237 segir frá bænhúsi þar (ekki getið 1705).  Nafn eyjarinnar er skráð þar sem Rafnnzey, sem og í vísitasíubók Brynjólfs biskups Sveinssonar 1647 og í manntalinu frá 1703 kemur nafnið Hrafnsey fram.  Í máldaga frá 1397 og í Sturlungu er nafnið Hrapsey.  Í máldaga frá 1533 heitir hún Hrafsey en í Jarðabók Árna og Páls frá 1705 heitir hún Hrappsey. Hrappsey var góð til búsetu, nægilegt graslendi og útigangur góður.  Varp var og er mikið og fugla- og dúntekja góð.  Samkvæmt jarðabókum 1705 og 1731 var landskuld greidd til Skarðverja með dúni. Tíu manns bjuggu í eynni árið 1703 og 11 árið 1762 á einum bæ. Árið 1801 voru þar 14 manns á tveimur bæjum og árið 1845 voru 18 manns á einu heimili.  Þá bjó þar Þorvaldur Sívertsen, konunglegur umboðsmaður Skógarstrandarjarða.  Sívertsenar bjuggu þarna fram yfir aldamótin 1900.  Árið 1926 voru 13 manns búsettir í eynni og þar var búið til ársins 1958 u.þ.b.  Hlunninda er enn þá vitjað og fé gengur þar sjálfala allt árið. Árið 1773 var reist og rekin þar fyrsta prentsmiðja landsins, sem laut ekki yfirráðum biskupsstólanna.  Ólafur Ólafsson (Olavius) var frumkvöðull hennar.  Hann hafði þegar látið prenta nokkur verk í Kaupmannahöfn, s.s.fyrstu útg. af Njálu.   Bogi Benediktsson, bóndi, sem átti Staðarfell, Kjallaksstaði og Hrappsey, lánaði Ólafi fyrir útborgun. Prentsmiðjan átti að vera á Vestfjörðum en skipið kom með hana til Stykkishólms.   Þá var tilhöggvin stofa flutt frá Staðarfelli til Hrappseyjar og prent-smiðjunni komið fyrir þar.  Hún starfaði til 1795, þegar Landfræðingafélagið keypti hana og flutti hana að Leirárgörðum.  Meðal góðra verka, sem voru prentuð í Hrappsey, voru Annálar Björns á Skarðsá, Lagasafn magnúsar Ketilssonar, fyrsta útgáfa Egilssögu, Atla sera Björns Halldórssonar, Búnaðarbálkur Eggerts Ólafssonar og tvær bækur með þýddum og frumsömdum ljóðum eftir tengdason Boga, Jón Þorláksson, sem var síðar kenndur við Bægisá.  Hann starfaði um tíma við prentsmiðjuna, þegar hann var hempulaus vegna barneignarbrots í Saurbæjarsveit er hann var prestur þar við Staðarhólskirkju.  Fyrsta tímarit, sem út kom á Íslandi var á dönsku og hét „Islandske Maaneds Tidender”.  Það var gefið út sem umbun til allra dönsku styrktarmannanna, sem hjálpuðu til við stofnun og rekstur prentsmiðjunnar. Sagt er, að Bogi hafi keypt prentsmiðjuhúsið á góðu verði eftir að maður hafði hengt sig í því og sumum þótti reimt þar.  Dætur Boga reyndu eitt sinn að sofa þar, þegar gestanauð var mikil á Stafafelli en varð ekki svefnsamt.   Þetta kemur fram í Þjóðsögum Jóns Árnasonar, en hann var eiginmaður Katrínar, annarrar dótturinnar. Hrappsey er í einkaeign og óheimilt er að heimsækja eyjuna í leyfisleysi. Þetta er fengið upp úr ferðamannagögnum

Enn einu sinni kemur það fram

 

• Nú í 3. sinn hjá Seðlabankanum að almenn niðurfærsla húsnæðislána er óframkvæmanleg.  
  .
• Nú kemur þetta fram í umsögn Seðlabankans til Alþingis við tíu þrepa aðgerðaáætlun ríkisstjórnarinnar vegna skuldavanda heimilanna.
  .
• Þetta kom einnig fram hjá AGS bæði fyrir og eftir kosningar.
  .
• Allir helstu hagfræðingar landsins hafa einnig komist að sömu niðurstöðu bæði fyrir og eftir kosningar
  .
• Þetta kemur auðvitað eins og köld vatnsgusa framan í kjósendur Framsóknarflokksins

 

 

Þetta vissu allir stjórnmálaflokkar fyrir kosningar og einnig  Framsóknarflokkurinn sem verður nú að láta brelluna ganga upp.

Einnig er mjög líkleg, að ef slík leið verði reynd myndu afleiðingar m.a. hafa veruleg áhrif á húsnæðisverð í Reykjavík til hækkunar. Slík eignarbóla kæmi sérstaklega illa niður á efnaminna fólki um allt land og skapaði óhjákvæmilega verðbólguskot.

Það hefur í raun aldrei verið þörf á því að færa niður skuldir á efnafólki, slíkt fólk hefur kost á því að minnka við sig skuldirnar og minnka umsvif sín. En allan tíman hefur verið raunveruleg þörf að bjarga fólki sem er í alvarlegum greiðsluvanda.

Þar er vandinn sem langskólagengna fólki í efri lögum millistéttar og hálaunafólkið tókst að koma í veg fyrir að gert væri á síðustu árum. Þetta langskólafólk átti sér stuðningsmenn í öllum stjórnmálaflokkum og því tókst að hertaka kosningarnar.

Báðir stjórnarflokkarnir 2006 vissu um yfirvofandi kollsteypu og þeirru vissu líka um væntanlegt fall bankanna.  Forráðamenn atvinnurekenda vissum um þessa og forsvarsmenn bankanna.

Hér viðurkenna þessir samtök atvinnurekenda í fyrsta sinn að þau vissu um væntanlega kollsteypu:
 „Samtök atvinnulífsins hafa einnig skilað inn umsögn um aðgerðaáætlunina. Í umsögn SA kemur fram að sagan sýni að sveiflur í efnahagslífi landsins séu mun öfgafyllri en hjá öðrum þjóðum og reglubundið birtist þær í of mikilli hækkun raungengis og kaupmáttar sem síðan leiðréttist með falli krónunnar. „Gengisfall krónunnar árin 2008-2009, verðbólgan í kjölfarið og þar með hækkun höfuðstóls verðtryggðra lána var því hvorki fordæmalaust, ófyrirsjáanlegt né einvörðungu vegna hruns fjármálakerfisins,“ segir í umsögn SA“.

Þeir eru auðvitað ekkert að nefna það, að atvinnufyrirtækin höfðu brugðist í því eðlilega hlutverki sínu að stunda nauðsynlega framþróun til að geta staðið undir eðlilegum kaupmætti.

Reyndar eins og þáverandi stjórnendur landsins reiknuðu með að myndi gerast. Rétt eins og atvinnurekendur sögðu síðar að myndi gerast ef færi yrði risaframkvæmdir.

Árum saman hafði ríkisvaldið kynt undir ofsalega ofþenslu og fyrirtækin létu vera að fjárfesta í framförum. Þau kölluðu bara á meiri þenslu og meiri fjárfestingar erlendis frá. Með tilheyrandi eignaþenslu í ársreikningum fyrirtækja og um leið skulda þenslu því tekin voru meiri lán út á útblásnar eignir. Það sama gerðist á heimilum efnafólks.

 

• Öll þessi sömu rök eiga við um skattalækkanahugmyndir gamla flokksins sem einnig stendur fyrir þeirri staðreynd að lítið er eftir vatnsvirkjunarkostum fyrir risastór álver, sem er grundvöllur efnahagstefnu þessara  flokka. 

 

Niðurfærsla lána óskilvirk og dýr

Flumbrugangur ráðherra

 

• Er farinn að ofbjóða mörgum.
  .
• Margir efast um hæfni hans til að gegna þessum hlutverkum að vera bæði atvinnuráðherra og umhverfisráðherra. 

 

Til stóð að undirrita friðlýsinguna í dag kl. kl. 15 í Árnesi, Skeiða- og Gnúpverjahreppi. Við sama tækifæri áttu fulltrúar sveitarfélaganna að undirrita yfirlýsingu um friðlýsinguna. Þetta var verkefni sem hafði verið unnið í sátt heimamenn og landsmenn alla.

Síðan hnippir hagsmunaaðili í ráðherrann, það er m.ö.o. hinn atvinnuvegaráð-herrann Ragnheiður Elín sem lengi hefur virst vera í sérstakri hagsmunagæslu fyrir álver í Helguvík.  Hún virðist loksins hafa áttað sig á þeirri staðreynd, að það er engin orka til fyrir þetta álver.

Í Morgunútvarpi Rásar tvö í morgun sagði Sigurður Ingi að það væri eðlilegt að staldra við og fara yfir þær athugasemdir sem borist hefðu vegna fyrirhugaðrar undirskriftar friðlýsingar vegna stækkunar friðlandsins í Þjórsárverum. Þar af leiðandi mun hann ekki undirrita skilmála um aukna friðlýsingu Þjórsárvera í dag líkt og til stóð.

Tími allra athugasemda er löngu liðinn og einhverjar athugasemdir frá Landsvirkjun getur tæplega verið marktæk. Því það fyrirtæki hafði á árum áður vaðið þarna yfir án allra tilskilinna alvöruleyfa.

Öfga hægri menn sem sjá ekkert í heimi sínum annað en að núverandi kynslóð eyði þjóðarauðinum í þágu nútíðar og er hjartanlega sama þótt allur arður af auðlindum þjóðarinnar fari til útlanda.

Gagnrýna ákvörðun umhverfisráðherra

Gengið erinda erlendra stóriðjufyrirtækja

 

• Það er auðvitað íslenskur almenningur sem er aðalhagsmunaaðili í þessu máli, ekki Landsvirkjun og hagsmunir einstaklinga sem eiga land að Þjórsá og myndu hagnast á virkjun þarna efst í á vatnasvæði Þjórsá. 

 

 

Þessi ákvörðun Sigurðar Inga að ætla sér að fresta friðlýsingu er pólitísk og  ekki studd fræðilegum rökstuðningi. Þarna verið að taka hagsmuni álversmanna í Helguvík  fram yfir hagsmuni íslenskrar þjóðar og fram yfir hagsmuni náttúrunnar.

Ljóst er, að núverandi ríkisstjórn stefnir í að vera hægri stjórn af verstu gerð. 

Gagnrýna ákvörðun umhverfisrá

 

Eðlilegt að staldra við

Það er auðvelt að stytta árafjöldan sem fer í stúdentspróf.

 Það má t.d. gera það með því að lengja hvert skólaár í framhaldskólunum um eina önn og með því að fækka námsgreinum til stúdentsprófs. 

En það getur ekki verið megin áhersla að fækka námsárunum, heldur fyrst og fremst að boðið sé upp á vandað nám sem skilar sér til hvers nemanda í hans framtíð er skilar sér einnig til samfélagsins. Framhaldsnám á Íslandi er allt of einsleitt eins og það hefur lengi verið.

 

Greinilegt er að hér ræða tveir aðilar um skólamál að illa ígrunduðu máli og samtök atvinnurekenda beittu sér á sínum tíma til að lengja skólaárið í grunnskólum landsins. Umræða þessara samtaka um skólanám einkennist af því gjarnan er að þeir virðast halda að grunnskólanemendur séu úr plasti og skólarnir geymslur fyrir börn foreldra sem eru að störfum í atvinnulífinu.

Þá er greinilegt að þessir aðilar vilja að stór hluti af nemendum verði settir í gæslu-stofnanir eins og var á árum áður, eins og viðgengst í mörgum löndum enn sem koma gjarnan vel út í alþjóðlegum könnunum. En verði ekki hafðir í venjulegum skólum sem kallaðir hafa verið „Skóli án aðgreiningar“. Það er út af fyrir sig sjónarmið, en eru mjög hægri sinnuð viðhorf.  

Það er sérstaklega eftirtektarvert, að þessi kumpánar minnast ekki á annað nám í framhaldskólum sem ekki leiðir til stúdentsprófs. Á ég við t.d. iðnnámsbrautir hverskonar. Þar er réttlætismál að breyta inntaki náms verulega.

Að breyta bóknáminu þannig , að hætt verði að undirbúa nemendur til háskólanáms og minni námskröfur verði gerðar um árangur í latínugreinum.

En að öll áhersla sé lögð á, að kenndar verði greinar sem eru hreinar nauðþurftir fyrir þá atvinnugrein sem nemandinn er að stunda nám í. 

Um leið verði gerðar auknar kröfur til náms og kennslu faggreina iðngreinanna. Þá er nauðsynlegt að fjölga formlegum starfs eða iðnbrautum. Þannig að framhaldskólinn þjóni öllum nemendum til náms og öllum starfsgreinum formlega.

Það var slæm þróun sem átti sér stað á 8. áratugnum þegar reynt var að steypa saman ólíkum iðngreinum eins og gerð var tilraun til sem hefur mistekist alvarlega. Afleiðingar hafa verið verra iðnám og slakari iðnaðarmenn.

Þannig að námið verði jafngilt hvort sem farið er til stúdentsprófs eða til að ljúka iðnnámi með lokaprófi. Síðan er nauðsynlegt að boðið sé upp á framhaldsnáms.

Til að ná viðmiðunarárangri í skólamálum þarf að gera ráð fyrir að yfir helmingur nemenda í hverjum árgangi fari í starfsnám án stúdentsprófs. En um leið verður að gera enn meiri bóknámskröfur til þeirra sem ætla sér í háskólanám. 

Vill útskrifa stúdenta 18 ára

Hægri stjórnin er fallin á fyrsta prófinu

•  Fráfarandi vinstristjórn fær enn eitt hrósið  

Sjálfstæðisflokkurinn lét ekki bregðast því hlutverki sínu að senda fastafulltrúa á þing Repúblikanaflokksins nú í ár sem áður.

 Þangað sóttu þeir flokkslínuna  og peningastyrkina. Framundan eru skattalækkanir hjá hinum efnameiri og hjá fyrirtækjunum. Nú eru þeir að bjóða þjóðinni upp á þessa amerísku stefnu sem eru að setja Bandaríkin í þrot.

 

Kínverjar eru að hirða bandaríkin upp í skuldir. 

 

 

 Lýgin er ævagömul tækni

 Hún hefur lengi verið notuð til að fleyta mönnum inn á Alþingi. Það þarf ekki að leita langt til að finna slíkar kúnstir og ómerkilegan áróður.

Kúnstin er  ljúga að kjósendum fyrir kosningar til að fá kosningu. 

Síðan er það kúnstin að ljúga sig frá lýginni með því koma með ódýra lýgi eins og Sigmundur Davíð reynir að gera nú. 

Með því að reyna að segja kjósendum sínum að ástandið sé miklu verra heldur en Framsóknarflokkurinn vissi um. 

 

• Ný ríkisstjórn ætlar ekki að innheimta milljarða króna sem fyrri ríkisstjórn hugðist ná í ríkissjóð með skattheimtu. Á sama tíma telur ný ríkisstjórn nauðsynlegt að skera niður útgjöld vegna fjárskorts.

 

Formenn stjórnarflokkanna segja stöðu ríkissjóðs verri en þeir töldu fyrir kosningar svo nemi hátt í 30 milljörðum. Þeir vilja því velta við hverjum steini og endurskoða öll útgjöld.

Dæmi um nokkur sem þeir hafa nefnt er uppbygging á Bakka, lenging fæðingarorlofs, ókeypis barnatannlækningar, niðurfærsla lána með lánsveð, útvarpsgjald RÚV og kjarabreytingar heilbrigðisstétta.

Niðurskurður útgjalda kemur ekki á óvart ef menn meta stöðuna slæma í ríkisfjármálunum. En ríkisstjórnin hyggst á sama tíma beita niðurskurðarhnífnum á tekjustofna ríkissjóðs. 

Þar leggur ríkisstjórnin til breytingu á sérstöku veiðigjaldi, sem lækkar tekjur ríkissjóðs um rúma 3 milljarða á þessu ári.

Að falla frá hækkun virðisaukaskatts á gistiþjónustu lækkar ríkistekjur um hálfan milljarð á þessu ári og þá hefur fjármálaráðherra sagt að engin áform séu uppi um að leggja áfram á auðlegðarskatt sem skila á ríkinu tæplega 7 og hálfum milljarði á þessu ári. Samtals eru þetta 11 milljarðar króna.

Ekki má gleyma umhyggju Sjálfstæðisflokksins fyrir efnafólkinu sem komið á eftirlaunaaldur. Fyrir það fólk sem á miklar eignir og eru með miklar fjármagnstekjur skal hækka frítekjumarkið. Einmitt fólkið sem aldrei hefur greitt skatta.

AGS sem er þekkt fyrir að beita hægri meðulum við að lækna  efnahag skuldugra þjóða gefur hugmyndum Sigmundar og Bjarna falleinkunn. Það eru raunar bábiljur að halda það að þjóðir í kröggum hafi eitthvert val, hvort það vill þiggja aðstoð AGS.

Það var eftirtektarvert sem fulltrúar AGS sögðu um fyrirhugaðar skattalækkanir á fyrirtækjunum og í útveginum að þær væru ekki til þess fallnar að auka hagvöxt og þar með þjóðartekjur.

Einu þjóðirnar sem eru fúsar til að aumkast yfir slík ríki með lánum krefjast aðkomu AGS að uppbyggingu gjaldþrota þjóða.

Ísland átti ekki fyrir lyfjum og ekki fyrir eldsneyti og  allur innflutningur var að stöðvast til landsins í byrjun árs 2009. 

Nú eru hrunflokkarnir að til valda og boða sömu stefnu og fyrr. 

Bara til að minna á eftirfarandi ef menn væru búnir að gleyma:
"Nú er búið að skýra frjálshyggjumanninn Alan Greenspan “Mesta fífl í sögu bandarískra efnahagsmála”.

Greenspan var seðlabankastjóri Bandaríkjanna frá 1987 til 2006 og ber ábyrgð á afreglun og minnkandi eftirliti og aðhaldi gagnvart fjármálageiranum. Þetta gerði hann vegna ofurtrúar á sjálfstýringarmátt markaðarins.

Nú sjá menn að Alan Greenspan var meiri hugmyndafræðingur en hagfræðingur. Róttæk frjálshyggja leiddi hann afvega og hann leiddi samfélagið út í djúpt skuldafen, brask og fjármálakreppu.

Því fylgdi verulega aukinn ójöfnuður, enda er frjálshyggjustefnan einkum í þágu auðmanna og braskara.

Greenspan er á lista tímaritsins Time yfir þá 25 einstaklinga sem bera mesta ábyrgð á fjármálakreppunni. Þar er líka Davíð Oddsson, fv. seðlabankastjóri og forsætisráðherra Íslands. 

Lítið pláss fyrir lækkanir íbúðalána

Milljarða gjafir til stórútgerðarinnar

• Félagarnir með dýru bindin kvörtuðu í dag undan slakri stöðu ríkissjóðs
• En ætla samt að færa stórútgerðinni stórgjafir frá launamönnum þessa lands, sérstaklega frá launamönnum á landsbyggðinni því þessir peningar áttu að fara til framkvæmda á landsbyggðinni.
• Úgerðin á m.ö.o. ekki að skila neinum greiðslum til byggðanna, því ekki greiða þessar útgerðir skatta til heimabyggðanna.  

Íslendingar eru að vakna upp við það að þeir hafa verið blekktir. Nú í kvöld lagði varaformaður framsóknarflokksins fram frumvarp um að draga enn úr tekjum ríkissjóðs, með því að stórlækka sérstakt veiðigjald á útgerðina. Það á að gefa sægreifunum tugi milljarða. Ljóst er hins vegar að almenningur í landinu mun víst bíða enn um sinn.

Gert var ráð fyrir um 14 milljörðum króna í veiðigjöld á þessu ári, en nú er ljóst að upphæðin verður mun lægri. Bakhjarlar sjálfstæðisflokksins og framsóknarflokksins úr stórútgerðinni reyndust því ekki þurfa að bíða lengi eftir gjöfum helmingaskiptaflokkanna.

Fjárlagaskrifstofa fjármálaráðuneytisins gerir ráð fyrir því að tekjutap ríkisins af þessari ráðstöfun nemi yfir 3 milljörðum króna og 6 milljörðum á næsta ári. Styðjumst við þá tölu út kjörtímabilð. Þá erum við að tala um skattalækkun upp á yfir tuttugu milljarða króna, á þá sem hvað mest mega sín í samfélaginu.

Hér erum við að tala um þá sem hafa blómstrað í kreppunni. Þá sem hafa grætt á hruni krónunnar, sem setti fjárhag alls almennings í stórkostlegt uppnám. Uppnám sem skilaði helmingaskiptaflokkunum sigri í síðustu alþingiskosningum. Fyrir kosningar var nefnilega bara talað um almenning.

Þetta eru all margir milljarðar sem á fyrstu dögum nýrrar ríkisstjórnar eru réttir sægreifunum. Fé sem gert var ráð fyrir að rynni i sameiginlega sjóði. Hvernig ætla þessir menn svo að bregðast við?

Blaðamannafundur forystumanna helmingaskiptastjórnarinnar í Þjóðmenningarhúsi í dag var ekkert annað en kynning á grískum niðurskurði, og til að bíta höfuðið af skömminni, er reynt að kenna fyrrverandi ríkisstjórn um.

Er við einhverju öðru að búast en að skera verði niður þegar menn byrja á því að leggja niður mikilvæga tekjustofna? Það á enda að „endurmeta“ öll útgjöld ríkisins.

(Við erum ekkert búin að gleyma því að til stendur að draga frekar úr tekjum ríkissjóðs um u.þ.b. 6 milljarða króna á kjörtímabilinu með því að hætta við að hækka virðisaukaskatt á gistingu. Skatti sem raunar virðist ekki hafa skilað krónu í ríkiskassann hingað til, á aðra atvinnugrein sem ekki tapar á hruninu.)

Enn hefur ekkert verið gert sem varðar almenning í landinu, umfram boð um að tökin á upplýsingagjöf í landinu verði hert. Allt annað má bíða.

Í millitíðinni má spyrja. Hvað verður um skólana? Sjúkrahúsin? Viðhalds- og vegaframkvæmdir? Verða stofnanir lagðar niður, samkvæmt Excel-skjali SUS?

Það eina sem við þó virðumst vita er að samningur um tannlækningar barna verður ekki efndur.

Svona birtist okkur forgangsröð ríkissjórnar sjálfstæðis- og framsóknarflokksins. Þar eru sægreifarnir númer eitt. Aðrir geta víst bara tekið númer

Heimild: Ingimar Karl Helgason 

Sérstaka veiðigjaldið lækkað í nýju frumvarpi

Hann narraði fólk til kjósa Framsóknaflokkinn með loddaraskap

 

• Fólk glaptist til að trúa þessum dreng og hélt að hann byggi yfir göldrum. Það vildi auðvitað trúa því. 
  .
• Sjálfstæðisflokkurinn fékk næstlélegustu kosningu fyrr og síðar.
  .
• Heilbrigt og velmenntað fólk er forsenta velmegunar. Fyrirtækin eiga að vera þjónar fólksins en ekki öfugt eins venja hefur verið á Íslandi

 

Báðir með 100 þúsund krónu bindi 

Íslendingar eru ekki vanir því að fólk komi fram með ódýrar lygar og narri fólk viljandi. Síðan halda þessir pabbadrengir að þeir geti platað fólk aftur  og nýbúnir. Það bara gengur ekki.

Á meðan þeir spókuðu sig í bænum og síðann á blaðamannafundi stóð formaður fjarlaganefndar hin virta Vigdís Hauksdóttir í ströngu í vonlausri vörn fyrir getuleysi og svik ríkisstjórnarinnar á Alþingi. Þar upplýstist sannleikurinn formlega.

Ríkisstjórnin kemur ekki fram með neinar tillögur að lausnum í efnhagsmálum. Heldur engar lausnir um það hvernig þeir ætla að standa  við stóru loforðin. Allt tómt plat. 

Nú þykjast þeir vera einu mennirnir á Íslandi sem ekki vissu um þann mikla vanda sem fyrri stjórnarflokkar voru búnir að útskýra fyrir kjósendum að þjóðin stæði frammi fyrir.

Nú boða þeir enn frekari niðurskurð til að reka velferðarkerfið vegna þess, að þessir flokkar ætla sér að lækka skatta á fyrirtækjum og eigendum þeirra, þeir ætla að lækka skatta á hálaunafólki og einnig á fjármagnseigendum og eða fjárfestum.

Þeir ætla að stórhækka frítekjumarkið svo stóreignafólkið sem aldrei hefur greitt skatta og eða í lífeyrissjóði fái greiðslur frá Tryggingastofnun Ríkisins.

Þessi kumpánar vissu allt um veika stöðu ríkissjóðs og það trúir þeim enginn nú.

Velferð á lánum reist á sandi