Ungmennafélagsandinn svífur vötnum austur í sveitum Evrópu

• Ég verð að viðurkenna það, að þetta var snjall leikur hjá kaupfélagsráðherranum, ekki það að ég haldi að hann geri eitthvert gagn fyrir Úkraínu.

• Heldur slær hann forsetaundrinu gjörsamlega við, eftir uppákomu hans í Noregi á dögunum. Auk þess sem getuleysi Gunnars Braga hverfur algjörlega í skuggann fyrir sýndamennskunni.

M.ö.o. hann drífur sig austur í sveitir Evrópu og heldur uppi málflutningi sem er algjörlega á skjön við hlandmigur Ólafs Ragnars utan í Pútín. Nú er ljóst, að kallinn ætlar sér að nota þetta útspillta land sér til framdráttar eins og fleiri. Hann gætir þess vel að hafa með sér myndatökumenn rétt eins og gömlu stríðsherrarnir.

Þeir geta þetta margir getulausir stjórnmálamennirnir þessar vikurnar. Þeir geta m.ö.o. þakkað Pútín fyrir skandalinn í næsta jólapósti.

Kanski flaggar Mogginn fréttinni þvert yfir forsíðuna eins og hann gerði fyrir Halldór Ásgrímsson 11. janúar 20004. Þegar hann fann sinnepsgas-sprengjurnar í Írak um árið. Þeir eru miklir afreksmenn frammararnir.

Íslenskir eftirlitsmenn til Úkraínu