Þetta er mikið fagnaðarefni

• Nú koma fyrstu frumvörpin fram um gjaldeyrismálin og það er rétt sem einhver segir hér í athugasemdum að allir forystumenn stjórnmálaflokkanna á Alþingi munu sjá eigin fingraför á þessari vinnu og þakka sér fyrir að eiga hlut í gerð þessara frumvarpa.
  *
• Enda er það eðlilegt í jafn stóru máli og þetta er. Vinnan við málið hófst löngu fyrir stjórnarskiptin og núverandi ríkisstjórnin hefur staðið sig vel í málinu, að því er virðist við fyrstu sýn.

Katrín bendir á ósamræmi í ræðum forsætisráðherra og fjármálaráðherra

Áætlun um losun hafta var kynnt á blaðamannafundi í Hörpu í hádeginu. Byggir á aðgerðaáætlun frá 2011. Gagnrýnir ríkisstjórnina fyrir samráðsleysi og seinagang.

Kattrín Jakobsdóttir, formaður Vinstri hreyfingarinnar – græns framboðs, veltir fyrir sér hvers vegna áætlun um losun gjaldeyrishafta hafi ekki litið dagsins ljós miklu fyrr, í ljósi þess hversu miklir hagsmunir séu í húfi, en áætlunin var kynnt í hádeginu í dag.

Þá spyr hún einnig hvers vegna áætlunin var ekki unnin í nánara samráði við stjórnarandstöðuna. 

„Ég fagna því ríkisstjórnin hafi loksins kynnt aðgerðir um losun hafta. Í kynningu Seðlabankastjóra í dag kom fram að áætlun ríkisstjórnarinnar byggist á þeirri aðgerðaáætlun sem var samþykkt 2011 og hefur verið útfærð nánar.

Ég hef talsvert spurt um þetta í þinginu og fengið mismunandi svör, stundum var sagt að unnið væri að nýrri áætlun sem yrði að vera leynileg og að áætlunin frá 2011 væri byggð á algjörlega röngum forsendum,“ skrifar hún og vísar í ræðu forsætisráðherra frá því í febrúar á þessu ári.

„En stundum var bent á að unnið væri samkvæmt áætlun-inni frá 2011,“ skrifar Katrín og vísar í ræðu Bjarna Benediktssonar frá því í október 2013, en þar sagði hann að áfram væri unnið eftir þeirri áætlun sem hefur verið í gildi. 

„Nú virðist hið síðarnefnda komið á daginn og því veltir maður því eðlilega fyrir sér hvers vegna niðurstaðan sem kynnt var í dag leit ekki dagsins ljós miklu fyrr í ljósi þess hversu miklir hagsmunir eru í húfi og af hverju hún var ekki unnin í nánara samráði við stjórnarandstöðuna.

En aðalmálið er að hagsmunir almennings verði tryggðir og góð sátt náist um þær útfærslur sem nú hafa verið kynntar,“ skrifar Katrín Jakobsdóttir um málið. 

Árni Páll Árnason, formaður Samfylkingarinnar, skrif--aði einnig um málið á Facebook síðu sinni í dag en hann sagði góðu fréttirnar þær að haftatillögurnar væru miklu nær hugmyndum Samfylkingarinnar en Framsóknar vorið 2013.

„Við vildum þá nýta svigrúm í samningum við slitabúin til að lækka opinberar skuldir. Vera Framsóknar í skýjaborgum í tvö ár er þjóðinni dýr,“ skrifar Árni Páll. 

Fréttir ekki á rökum reistar

Sigmundur Davíð Gunnlaugsson sagði á Facebook-síðu sinni í morgun að stór og ánægjulegur dagur væri nú runninn upp. „Í hádeginu verður kynnt áætlun um afnám gjaldeyrishafta og ýmis atriði sem tengjast því. Mikil undirbúningsvinna, unnin af ótrúlega snjöllu og öflugu fólki, hefur staðið lengi.

Framkvæmdin hófst svo í gærkvöldi, þegar Alþingi samþykkti eins konar undanfarafrumvarp á óvenjulegum tíma,“ skrifar hann. 

Á forsíðu Fréttablaðsins í morgun var sagt frá því að leki á upplýsingum um áætlunina til DV fyrir helgi hefði skapað þrýsting og gert lagasetninguna í 

 

Árni Páll Árnason EfnahagurFjármál Ísland Katrín Jakobsdóttir Sigmundur Davíð GunnlaugssonStjórnmál

 

Áslaug Karen Jóhannsdóttir

aslaug@stundin.i

•  

Lækkar skuldir ríkissjóðs um 30%

Athugasemdir

[Hábeinn (IP-tala skráð) 9.6.2015 kl. 00:07]

Hik lögfræðingsins sem situr í sæti fjármálaráðherra og undanbrögð þegar hann var spurður um lögmæti aðgerðanna og fögnuður kröfuhafa fær mann til að halda að kröfuhafar noti tækifærið til að koma sínum fjármunum úr landi og sæki svo það sem ríkisstjórnin tók til dómstóla.