Verðlagsþróun er stjórnlaus á Íslandi

 

• Þetta er léleg afsökun hjá samtökum atvinnurekenda því þessi samtök eru að bera blak af smásöluversluninni í landinu sem virðast níðast á viðskiptavinum.

 

Það er staðreynd að það eru miklar hækkanir á verði margra vörutegunda bæði á innlendum landbúnaðarvörum í smásölu og á innfluttri matvöru undanfarna mánuði. Alveg án þess að það séu raunverulegar ástæður fyrir því. 

• Það sama á við um aðra verslun í landinu 

Það gengur heldur ekki alveg fyrir samtök atvinnurekenda að bera við einhverjum verðlags vísitölum. Vegna þess einfaldlega að laun í landinu fylgja ekki slíkum vísitölum því það er bannað að verðtryggja laun.

 

• Verslunin leikur lausum hala með verðlagið rétt eins og bankarnir gera einnig með vextina.

 

Öll lög um verðbreytingar snúa eingöngu að láglaunafólki, en þar eru verðtryggingar á launum bannaðar, en það launafólk sem nýtur mannréttinda er langskólagengið fólk með yfir 700 þús í mánaðarlaun. Slík laun eru meira og minna verðtryggð með einstaklingsbundnum ráðningasamningum og eða starfslaunasamningum.

Það þarf sterkari rök fyrir þeirri verðlagsþróun sem á sér stað, bæði þegar verðmæti krónunnar hefur verið að aukast í langan tíma á íslenskan mælikvarða sem verður að skila sér fljótt í verðlag og engar launabreytur hafa verið að hafa áhrif  mánuðum saman.

Smá eftirmáli:

Það er mjög mikilvægt fyrir alla verðlagsþróun á Íslandi og hagsmuni venjulegra launamanna, að þegar gengi krónunnar styrkist séu viðbrögð verslunar í landinu jafnfljót að svara með verðlækkun, eins og þegar gengi krónunnar lækkar að þá rýkur verðlag jafnan upp á augabragði.

Slík vinnubrögð hafa miklu áþreifanlegri áhrif á alla verðbólgu í landinu heldur enn þegar kaupmenn og aðrir sem versla með innfluttar vörur byrja ævinlega að láta eiginn hag ganga fyrir hag neytenda.

Slíkir aðilar búa við frjálst verðlag, slíkt frelsi er vandmeðfarið. Neytendur geta hvenær sem er gert kröfur um virkt opinbert verðlagseftirlit vegna þess að verslunin hefur misnotað frelsi sitt í áratugi. 

Nýlega hefur verið gerður fríverslunarsamningur við Kína, en slíkur samningur mun ekki lækka verðlag á Íslandi vegna þess hvernig verslunin hefur farið með frelsi sitt. Eitt er þó alveg 100% öruggt að einhverjir munu njóta hærri álagningar í % talið 

 

• Heiðarleiki skapar heilbrigt efnahagslíf. Flóð og fjara hefur þar engin áhrif 

 

Styrking krónu skilar sér í lægra verðlagi

Kostulegur fréttaflutningur

Þegar þessi fréttaskýring er lesin fæ ég það á tilfinninguna, að það sé verið að gera lítið úr meintum afbrotum Lýðs Guðmundssonar og Bjarnfreðs Ólafssonar vegna yfirtöku Bakkavararbræðranna á Exista í desember 2008.

 

Megin áherslan í þessari frásögn virðist vera að gera lítið þessari opinberu stofnun sem er þessi fyrirtækjaskrá og síðan einnig lítið úr málflutningi sérstaks saksóknara.  

Það er auðvitað lágmarkskrafa í fréttaflutningi sem þessum, að fram fari hlutlaus umfjöllun um málið.

En ef ég er að misskilja eitthvað biðst ég afsökunar á því og þægi leiðréttingu á minni athugasemd ef ég hef rangt fyrir mér.  

Málshöfðun hefði ekki komið til

Frjálshyggjan er söm við sig

• Öll síðustu árin undir stjórn Sjálfstæðisflokksins var það fastur liður, að boðað var til reglulegra funda fyrir karla í jólafötum. Til þessara funda boðaði gjarnan fjármálakerfið með einkabankanna í forgrunni og samtök fjárfesta ásamt samtökum atvinnurekenda á Íslandi. 

Þarna var frjálshyggan boðuð grímulaust, allt miðaði þetta að því að boða rétttrúnaðinn og jafnframt að telja þjóðinni trú um yfirburði frjálshyggjunnar umfram öll önnur sjónarmið í hagstjórn.

Jafnvel í tíð þessarar ríkisstjórnar vinstri flokkanna héldu þeir áfram trúboðinu enda auðvelt að velta kostnaðinum á herðar launamanna eins og áður innan fyrirtækjanna. Áfram voru menn handvaldir eftir hreinræktuðum trúarbrögðum sínum og boðskap hvarvetna í okkar kapitalista heimi. 

Fjárfestar hafa öll síðustu árin krafist afnáms á höftunum og um leið hafa þessir menn krafist mikillar gengisfellingar. Þeir hafa gert kröfur um, að launamenn bæru enn frekari byrðar af hruninu.

Nú stígur hér fram Friðrik Jónsson hagfræðingur með meiru í pressugrein og fellir stóra dóma um efnhagsmál Íslands. Hann gagnrýnir gjörðir ríkisstjórnar Geirs Haarde mjög alvarlega og um leið síðustu stjórn og
„segir að allt síðastliðið kjörtímabil hafi ríkt ákveðin afneitun um raunverulegt umfang þess efnahagsvanda sem við er að eiga. Það megi rekja til gjaldeyrishaftanna sem blekktu mönnum sýn og leiddu til þess að vandinn var ýmist vanræktur eða vanmetinn stórlega“.

Hans gögn eru fyrst og fremst skýrsla seðlabankans um fjármálastöðuleika. Friðrik segir að ef „sú skýrsla lesin með réttum gleraugum komi í ljós að mikill vandi blasir við og að í raun séu jákvæðir punktar hennar „lítið annað en sjálfsblekking“. 

 

 

Hann segir jafnframt að stefna Framsóknarflokksins séu sjónhverfingar því „jafnvel þó allar krónueignir erlendra kröfuhafa yrðu afskrifaðar og lengt yrði þeim erlendu lánum sem um er rætt, þá dugar það hvergi nærri til“.

Hann gagnrýnir það, að snjóhengju málið skuli hafa verið látið bíða og lögin um höftin hafi í upphafi verið mjög götótt er leiddi af sér „ofmat á þeim efnahagsárangri sem menn töldu sig vera að ná, og vanmat á þeim stórkostlega vanda sem settur var í sviga.“

Friðrik vitnar til orða seðlabankastjóra í skýrslunni um skuldabréf Landsbankans og þær skuldbindingar sem í þeim felast. Hann segir það hreint út að þetta þýði að „Landsbankinn er í reynd ógjaldfær“ og í raun í sömu stöðu og forveri hans í aðdraganda hrunsins 2008. Í því ljósi segir Friðrik ágætt að hafa í huga að neyðarlögin eru enn í fullu gildi.

Ríkið og þáverandi stjórnendur nýja Landsbankans sömdu af sér þegar samið var við þrotabú gamla Landsbankans. Í ljósi orða Seðlabankastjóra um þörfina á endursamningum er eðlilegt að spyrja hvar varnaglarnir og fyrirvararnir voru í samningunum? M.v. niðurstöðuna varðandi viðbótarskuldabréfið þá virðast þeir allir hafa verið í þágu kröfuhafa.

Friðrik segir að beinast liggi við að fella þurfi gengið hraustlega til að ná því niður á sjálfbæran grunn, svo hægt sé að afnema höftin. Þetta þýði vissulega kjararýrnun sem nemur falli gengisins, en laun muni hækka að nýju um leið og viðsnúningur verður í hagkerfinu í kjölfar leiðréttingar þess.

En hann veit auðvitað að það munu ekki öll laun hækka aftur heldur aðeins þau sem kalla má markaðslaun og hálaunamenn einir búa við. 

Áður en til þessa kemur þurfa stjórnvöld að afnema vísitölu neysluverðs, tímabundið að minnsta kosti, svo ekki verði frekari stökkbreyting lána. Í þessu gæti falist nokkurs konar skuldaleiðrétting. Segir Friðrik.
Reyndar má segja sem svo að með frystingu vísitölu, gengisfellingu og almennum launahækkunum sem komi að einhverju leyti til móts við gengisfellingu og verðbólguskot verði náð markmiðum almennrar skuldaleiðréttingar verðtryggðra lána án frekari aðgerða. 

Þessi pistill segir auðvitað allt um viðhorf þessa manns sem er einskonar framlenging á frjálshyggju-hugmyndum hægri stjórnanna. 

Aðgerðir eins og hann boðar munu fyrst og fremst bitna á láglaunafólki, m.ö.o. fólki sem býr í leigu-húsnæði og er algjörlega óvarið. Þetta kallar á gríðarlega vaxtahækkun. 

Hugmyndir sem þessar munu einnig slá hugmyndir Framsóknarflokks um niðurfellingu skulda út af borðinu. Enda engin innistæða fyrir slíkum aðgerðum og ekki heldur sérstökum skattalækkunum.

Verstu spár um raunástand íslenska hagkerfisins nærri lagi - Efnahagsbatinn ofmetinn

eyjan.pressan.is

„Ef eitthvað verður æ skýrar og liggur ljósar fyrir þá er það að því miður eru 

Ræða einföldun á skattkerfinu

Álfyrirtæki blandar sér opinberlega í kosningabaráttuna

• Það er aldrei nógu oft á það minnt, að erlendir aðilar eru þegar að ráskast með íslenskar auðlindir og hverskonar hagsmuni.
  . 
• Forstjóri Century Aluminum, móðurfélags Norðuráls á Grundartanga, segist vongóður um að ný ríkisstjórn komi álveri í Helgvík í gagnið. Hann segir í ávarpi að ný ríkisstjórn muni veita félaginu stuðning og sjá um virkjanir og línulagnir vegna álversins.

Nýlegar kannanir sýna að yfirgnæfandi meirihluti Íslendinga er því mótfallinn að hér verði reist ný álver.

Fram hefur komið mikill einhugur sjálfstæðis- og framsóknarmanna um að taka upp rammaáætlun og hefja virkjanir, meðal annars í Þjórsá.

Flokkarnir tveir gætu fengið meirihluta þingmanna í kosningunum á morgun ef marka má kannanir.

Álrisi bíður eftir virkjanastjórn ‹

Alverin hafa um langan tíma tekið fullan þátt í pólitískri umræðu á Íslandi.

Þau reka upplýsingaskrifstofu sem er dugleg við að senda til þjóðarinnar ýmiskonar áróður um gildi álframleiðslu. Enginn veit hversu miklu þessi fyrirtæki hafa dælt til réttra flokka og réttra einstaklinga undanfarin ár. Hvers konar fyrirbæri er það þegar álrisar byggja íþróttahús og útdeila miklum styrkjum i til ýmiskonar starfssemi sem geta átt sér pólitískan bakgrunn.

Þótt það hafi verið settar upp reglur um styrki fyrirtækja til stjórnmálaflokka er hægur vandi að komast í kringum þessar reglur.

Hvað ætli mörg fyrirtæki greiði félagsgjöld fyrir fjöldan allan af kennitölum?

Hvað ætli ýmis fyrirtæki borgi margar óbirtar auglýsingar og greiði fyrir litlar auglýsingar stórar upphæðir?

LÍÚ hefur verið ansi stórtækt í þessum málum undanfarna mánuði og allar eru þessar auglysingar í nafni fyrirtækja. Þetta eru vissulega jafn beinir styrkir till stjórnmálaflokka og aðrir styrkir.

Það sést t.d. mjög vel fyrir þessar kosningar að þá hafa hagsmunasamtök og einstök fyrirtæki staðið fyrir miklum áróðri sem fellur að stefnu álflokkanna á Íslandi einkum þó að stefnu Sjálfstæðisflokksins. Maður þarf ekki að fara langt til að rekast á þennan áróður. Hann er bara í næstu verslun.

„Mikilvægt að ráða eigin örlögum“

Láglaunafólkið er loksins að gefa sig fram

 

• Nú eru það eru fjölskyldurnar sem eru með laun rétt yfir fátækramörkum sem skammast sín fyrir það eitt að standa sig ekki í brauðstritinu.
  .
• Fólkið sem býr í ódýrum íbúðum og ekum á litlum ódýrum bílum ef það á þá nokkurn bíl.
  .
• Fólkið sem vill ekki vera upp á aðra komið.
  .
• Fólkið sem býr í leiguíbúðum 

 

Til þessa hefur það verið hálaunafólk sem hefur grenjað úr sér augun í tæp fjögur ár vegna mikilla skulda sem það stofnaði sjálft til.  Það sama hálaunafólk hefur snúið stjórnmálaflokkunum um fingur sér og ætla flest framboðin að gera allt fyrir hálaunafólkið.

En þau framboð hefa engan áhuga á láglaunafólkinu sem er í greiðsluþroti. 

Það er aðeins Vinstri- græn sem talar til þessa fólks og gefur hálaunafólki engin loforð. 

Meira um fjölskyldufólk í vanda en áður

Æ fleiri sjá gegnum skrum Framsóknar

• Það er hárrétt mat, að boðskapur og stefna Framsóknar myndi verða mesti landsbyggðarskattur sem um getur á seinni árum.
• 
  
• En ekki bara það, heldur einnig verulegur auka skattur á láglaunafólk, einmitt fólkið sem hefur fengið stærsta skellinn í hruninu sem er fólk sem býr í leiguhúsnæði á Reykjavíkursvæðinu.

Ef íslenska þjóðarbúið getur fengið einhverjar krónur út úr þrotabúunum er það vegna þess að ríkissjóður hefur lagt til þessara föllnu banka verulega fjármuni sem greiddir hafa verið með skattfé launamanna og því er eðlilegt að þeir fjármunir komi til baka í ríkissjóð.

Peningarnir verði þá notaðir til að greiða niður skuldir ríkissjóðs svo hægt verði að byggja upp félagskerfið að nýju og lækka skatta á launfólki. Næga styrki hafa hálaunamenn notið gegnum árin með lægri skattagreiðslum.

Vísir - 20 milljarða "landsbyggðarskattur“

www.visir.is

Heildarskuldir landsmanna námu 1.878.044 milljónum króna árið 2011. Þar af voru skuldir vegna íbúðakaupa 1.151.616 krónur. Þetta kemur f

Nánast jafnstórir

MMR skoðannakannanir eru ómarktækar

Þeir sem svara virðast vera handvaldir af þeim sem gera þessar kannanir. Því gjörsamlega óviðeigandi að taka þær alvarlega. 

Mælast svipað stórir í könnun MMR

Að hika ekki við að segja ósatt

Þeir framboðsaðilar sem hér segja að ekkert sé að vanbúnaði að afnema höftin vegna þess að málið sé undirbúið eru að segja ósatt og þeir vita það. 

 

Þetta er vandasamt verkefni sem kallar á samheldni landsmanna og mun taka mörg ár. Annars munu það verða launamenn sem bbera allann kostnaðinn. 

Bjarni sagði að búið væri að kortleggja verkefnið nú þegar þrotabúin væru tilbúin að ganga til nauðsamninga og þá gæti ferlið verið fljótlegt. Hann tók fram að fara ætti fram með ýtrustu kröfur og jafnvel beita skattlagningu á kröfuhafana.

Þetta segir formaður þess flokksins sem á metin í gengifellingum og ber ábyrgð á síðustu gegnisfellingu sem varð við hrunið.

Maður veltir því fyrir sér, hver hafi þá undirbúið málið svona vel. Það hljóta þá að vera núverandi stjórnvöld sem það hafa gert.  

Sigmundur Davíð Gunnlaugsson, formaður Framsóknarflokksins, sagði að ríkisvaldið hefði þau tæki sem þurfi til að knýja fram um niðurstöðu í málinu og að Evrópusambandið hefði nú þegar verið með mun róttækari aðgerðir en menn veltu fyrir sér hér á landi. Hann sagði afnám hafta ekki eiga að taka langan tíma.

Sigmundur vitnar þá í samþykkt Alþingis um þrotabúin frá því mars 2011 þegar Sjálfstæðisflokkur lagðist allur gegn lagasetningunni og Framsóknarmenn sátu hjá í atkvæðagreiðslunni sem var að festa hugsanlegar eignir erlendra aðila í þrotabúum gömlu bankanna. 

Það er nauðsynlegt að ná samningum við þessa kröfuhafa því hörð valdbeiting kallar á hörð viðbrögð þeirra sem hafa átt viðskipti við íslendinga. Hugsanlega má nota skattlagningu á útstreymi gjaldeyris og fleiri þvinganir í þeim dúr, en það mun allt lenda á launamönnum í landinu vegna óhjákvæmilegrar gegngisfellingar í kjölfarið.  

Bjarni: Höftin burt á næstu mánuðum

Gengi krónunar hefur áhrif á olíuverð á Íslandi

 

• Getur verið að ríkisstjórn Íslands hafi áhrif á gengi krónunnar með vinnubrögðum sínum.

 

Frá áramótum hefur gengi  íslensku krónunnar styrkst um rúm 10%, aðeins mismunandi eftir gjaldmiðlum. 

Þegar gengi íslensku krónunnar lækkar er verðlag á innfluttum vörum og þjónustu umsvifalaust hækkað. Vegna gengisþróunar – eins og það heitir gjarnan. 

En nú hefur gengið styrkst og þá hljóta menn að spyrja: Af hverju lækka þá ekki innfluttar vörur og þjónusta í verði? 

Það virðist enginn hafa áhuga fyrir gengi íslensku krónunnar í þessari kosningabaráttu og allra síst fjölmiðlar. Sem ættu auðvitað við þessar aðstæður að herja á þá sem halda uppi verðlaginu í landinu.

Einnig að hjóla í þá sem telja sig hafa einhverju eftirlitshlutverki að gegna í þágu almennings.  

• Hið eðlilega væri að influttar vörur lækkuðu í verði um þessi 10% og þannig ykist kaupmáttur launafólks í landinu mjög verulega. 
  .
• En ýmsir hópar atvinnurekenda halda uppi látlausum áróðri sem fylgir ákveðinni flokkslínu í pólitíkinni bæði í fjölmiðlum og t.d. í verslunum.
  . 
• Það er engin tilviljun að þessi áróður er hafður uppi um þessar mundir, en nær væri að þessir aðilar létu vöruverð fylgja innflutningskostnaði á innfluttri vöru.

 

Olía lækkar á ný

BÍ BÍ segja framsóknarmenn og hafa lengi gert

Gylfi Magnússon segir hugmyndir framsóknarmann eins og hver annar fugl í skógi sem segir BÍ BÍ á góðviðrisdögum. 

En greinilegt er að mörgum finnst fuglasöngurinn fallegur

Hinn prúði háskólakennari sem engan vill styggja þegar hann segir að ef þessir peningar væru fyrir hendi sem framsóknarmenn segja hægt sé að fá frá erlendum kröfuhöfum að þá er hugsanlegt að það væri hægt að framkvæma hugmyndir þeirra. 

En þeir eru bara ekki fyrir hendi.

Alls ekkert heil­brigðis­vott­orð

www.dv.is

Segir heimilin fá leiðréttingu strax