Nauðsynlegt er að gjörbreyta virðisaukaskattkerfinu.

Það er mikilvægt skref til framfara ef hægt er að taka upp eitt virðisaukaskattsþrep í stað fjögurra þrepa eins og nú og það verði gert í ákveðnum áfangum 

 

Um leið verði lokað fyrir allar undanþágur frá skattinum. Það má örugglega lækka skattinn mjög verulega til að ná svipuðum tekjum fyrir ríkissjóð ef þetta yrði gert.

Það er ljóst að gera verði ráðstafanir erinkum fyrir tekjulága. Það er ekki það vandamál að það eigi að standa málinu fyrir þrifum. Nærtækast og eðlilegast er auðvitað að hækka bara launin. 

Þá getur Alþingi hækkað verulega skattleysimörkin til að mæta þessu eða það sem væri næstbest sem er að hækka mörkin á lægsta skattþrepi.

Það er breytt ástand á Íslandi, landið er yfirfullt af ferðafólki. Aðilar sem er eðlilegt er að greiði virðisaukaskatt af allri veittri þjónustu í landinu.

Það eru ekki bara tekjur sem koma af erlendum ferðamönnum heldur einnig verulegur kostnaður sem standa verður undir. 

Mismunandi virðisaukaskattur mismunar fólki í landinu hrikalega, þ.e.a.s. milli starfsstétta. Það er gjörsamlega óþolandi misrétti. Þannig hefur það alltaf verið eftir að teknir voru upp óbeinir skattar á Íslandi 1959 ef ég man rétt.

Líklegt er, að ef íslendingar búa við einn virðisaukaskattþrep er þýðir þá undanþágulaust muni það efla íslenskan samkeppnisiðnað á kostnað undanþágu greinanna og auka kaupmátt hjá launafólki í þessum greinum.

Hagsmunagæsluaðilar munu kveina eins og oft áður 

 

Virðisaukaskattur á matvæli hækkaður

www.ruv.is

Fjármálaráðherra stefnir að því í haust að leggja fram lagafrumvarp um hækkun á virðisaukaskatti á matvæli. Þá verður efra þrep virðisaukaskattsins lækkað. Þeir sem eigi erfitt með að ráða við 

Vill breyta virðisaukaskattsþrepum

Það er ósannur áróður að launahækkanir valdi verðbólgu

• En það gera verðhækkanir aftur á móti, þ.e.a.s. þegar fyrirtækin í landinu velta öllum (sömu %) launakostnaðarhækkunum út í verðlagið,  ásamt opinberum aðilum eins ríkisstofnanir og sveitarfélög. 
• 
• Þetta eru ekki ný sannindi
   
• Það að ASÍ skuli gera samning sem þennan sýnir einkum tvennt. Það er hversu veik forysta ASÍ er orðin vegna lítilla tengsla við félagsmenn verkalýðsfélaganna. 
• Einn hitt hversu mikill áhrifamáttur auglýsinga er orðinn í landinu, í hvers konar pólitískum áróðri.

 

Launakostnaður í verslun og í iðnaði er almennt innan við 25% af rekstrarkostn-aði fyrirtækja og því minni sem almenn laun launamanna eru lægri að meðaltali í einstökum fyrirtækjum.  Það er einfalt reiknisdæmi að 2% almenn launahækk-un veldur um 0,5% hækkun á rekstrarkosnaði fyrirtækja.

Það eru því fyrirtækin sjálf sem eru helsti skaðvaldurinn í því að valda verð-bólgu, hækkun á þjónustugjöldum opinberra aðila sem eru í raun flöt skatta-hækkun  er bitnar helst á launafólki og sérstaklega barnafólki.

M.ö.o. að fyrirtækin eru í raun að græða á þessum kjarasamningum vegna umtalsverðra skattalækkanna hjá fyrirtækjum landsins.

Ef þær hækkanir sem nú hafa komið til framkvæmda og fyrirséðar hækkanir fyrirtækja verða að veruleika, verður að skoða slíkt sem svik við gerða samninga og breytir þá engu hver þróunin var áður en samningar voru gerðar.

Það verður því að líta á 20% hækkanir á komugjöldum nú um áramótin sem hreina skattahækkun. Því áður var þessum gjöldum stillt í hóf og ekki breytt í 5 ár. Því þessi gjöld höfðu staðið í stað frá 1. janúar 2009 - er hækkuðu þá samkvæmt gjaldskrá sem Guðlaugur Þór setti 2008.

Vinstri stjórnin afnam auk þess komugjöld barna á bráðadeildir og í heilsugæslu.

Nýgerðir kjarasamningar eru í raun brostnir

Dragi verðhækkanir til baka

Sölvi Helgason reiknar nú fyrir atvinnurekendur

 

• Það er ekki í fyrsta sinn sem hann gerir það.
• Því minna því meira, en Sölvi er eldklár í þríliðunni eins og alþjóð veit 

 

Það er enginn í vafa um að lægstutaunataxtar hafa í prósentum hækkað mest allra launataxta.  En í krónum talið hafa þeir ekki hækkað nóg til að fylgja hærri launatöxtum í samfélaginu í launahækkunum.

Sölvi Helgason getur búið til helling af dæmum um fádæma hækkun á þessum launaflokkum sem eiga auðvitað ekki að vera til. Það eiga heldur ekki að vera til fyrirtæki sem komast upp með það að greiða laun undir 300 þús á mánuði fyrir fulla dagvinnu og það vita allir.

Flugleiðamaðurinn ætti einnig að vita það.

Þessar tölur eru beinlínis til skammar þar fyrir utan hafa þessi fyrirtæki sem ekki geta greitt eðlileg laun fengið helling af fólki frá Atvinnuleysistryggingasjóði til starfa án þess að þurfa að greiða úr eigin vasa fyrir vinnu þessa fólks. Nema hnefa af hrísgrjónum við og við. 

 

• Aumingja mennirnir, þeir kunna ekki að skammast sín 

 

Lægstu taxtar hafa hækkað mest

Miskiptingin er alvarleg í mörgum sjávarplássum

Í Grindavík er og hefur verið mikil stéttarskipting í gegnum árin. Róið er undir hagsmunum sjómanna á meðan landfólkið í plássinu hefur mátt lepja dauðan úr skel. Ekki er óalgengt að landfólk í Grindavík hafi þurft að þiggja atvinnuleysisbætur vegna hagsmuna útgerðar og sjómanna. 

Að mestu leiti eru atvinnuleysisbætur greiddar af fólki sem stundar hin,,óæðri störf" í Reykjavík og öðrum þeim plássum þar sem venjuleg störf eru stunduð. 

Það er fullkomlega eðlilegt að allir íslendingar sitji við sama borð þegar að skattagreiðslum kemur. Ef skoðuð eru skattaframtöl frá Grindvíkingum kemur í ljós hver hinn hrikalega miskipting er á kjörum fólks í þessu plássi.

Samþykktu vantraust á formann sinn

Verkalýðshreyfing var leidd í réttina eins og feitur sauður væri

 

• Sjaldan hefur ASÍ sýnt slík tilþrif sem þessi
  .
• Þeir hafa nú toppað öll fyrri glöp undanfarin ár og er þá langt gengið 
  .
• Margir hafa þorað að vona að verkalýðshreyfingin hafi nú sýnt ríkisstjórninni hverjir réðu samfelaginu. Því miður, ég vildi gjarnan að það væri rétt.  
  .
• En svo er alls ekki. Þessu er einmitt algjörlega öfugt farið. Ríkisstjórnin og Sjálfstæðisflokkurinn pakkaði verkalýðshreyfingunni algjörlega upp í þessum kjaraumræðum. Þeir notuðu sína smalahunda á hreyfinguna og gerði hana áhrifalitla. 

 

Menn mega gjarnan taka eftir, að opinberir starfsmenn eru skyldir eftir úti í kuldanum eins og svo oft áður. Ef þeir ætla sér að ná einhverjum árangri verða þeir að taka slaginn sérstaklega aðilar eins og kennarar og raunar allt BSRB einnig. 

Aðildarfélög ASÍ munu fara í vörn og munu mynda skjaldborg um samningin sem þau eru grautfúl með og einnig um ríkisstjórnina sjálfa.

Það er skoðun flestra forystumanna innan ASÍ, að opinberir starfsmenn megi ekki vera áhrifaaðilar varðandi kjarasamninga og þar fara saman sjónarmið þeirra og forystumanna samtaka atvinnurekenda. En ASÍ er margklofin samtök sem hafa í dag nánast engin félagsleg markmið.

Nú var skyndilega í lagi að rýra hagsmuni lífeyrissjóðanna til að bjarga loforðum þessarar ríkisstjórnar, einmitt það sem ekki mátti gera fyrir nokkrum misserum. Það kemur ekki á óvart, þar sem Sjálfstæðisflokkurinn hefur pólitísk yfirráð um lífeyrissjóðakerfið í heild sinni og tryggja það, að sjóðirnir verði áfram fjárfestingalaunasjóðir fyrir atvinnurekendur í landinu og fyrir fjárfesta.

Það er eðlilegt að velta því fyrir sér hverjir það eru sem tapa á þessum kjarasamningum, en það gerir taxtafólkið sem er að miklu leiti innan verkamannasamtakanna og eru starfandi hjá hinu opinbera. Fólkið sem starfar á launatöxtum sem eru fyrir neðan fátækramörkin.

Allir opinberir starfsmenn eru taxtafólk sem fara illa út úr þessu samkomulagi og þá einnig þeir sem lifa á einhverjum bótum hvaða nafni sem þau nefnast og eða á eftirlaunum.

Samtök launamanna gætu verið svo miklu sterkari enn þetta ef þau létu ekki leiða sig áfram eins og sauði. 

Ég mæli með því að þú skoðir þessa sögu og myndina sem er fyrir neðan:

Kona nokkur fann 5 ára gamla nótu frá Bónus og fór og keypti sömu vörur og bar saman verðið. Mismunurinn er sláandi. Svo sláandi að réttast er að boða til allsherjar verkfalls þangað til að laun í landinu verða leiðrétt samkvæmt svakalegri hækkun á matvörum. Augljóst að ríkisstjórn lýgur þegar hún segir að verðlag sé að lagast. Verðmismuninn má sjá í viðhenginu.

 

 

Skref í átt að nýjum vinnubrögðum

Það eru launamenn sem greiða atvinnulausum launamönnum desemberuppbót

 

• En ekki ríkissjóður og eða sveitarfélögin 

Fyrirbærið tryggingagjöld eru umsamin laun milli atvinnurekenda og launamanna í almennum kjarasamningum (m.ö.o. kjarasamningur) sem ríkisvald og eða aðrir aðilar hafa ekkert vald yfir.

 

Samningur sem hefur baktryggingu með settum lögum þar um. Í þeim lögum koma fram skyldur ríkissjóðs sem ekki er breytt nema að Alþingi geri samþykktir um breytingar á sínum ábyrgðum.

En Sigmundur Davíð upplýsti þjóðina um þekkingarleysi sitt atvinnuleysistrygginga-sjóði  í tíufréttum sjónvarpsins 17. desember s.l., þekkingaleysið nær bæði til alþingismanna og sveitarstjórnarmanna. Það verður auðvitað aldrei sjóðþurð á þeim bæ meðan launamenn eru við störf.

Þingmenn hafa lýst sig ánægða með þessa niðurstöðu, þ.e.a.s. hvernig á að kosta desemberuppbótina.  Í þessu sambandi er mikilvægt að gera sér grein fyrir þeirri staðreynd að peningarnir sem fara í desemberuppbótina, eru teknir úr öðrum sjóði launamanna sem heitir Starfsendurhæfingarsjóður sem launamenn kosta alfarið sjálfir með vinnu sinni og hafa gert kjarasamning um hvernig skuli fara með.

Þ.e.a.s. að launamenn almennt greiða desemberuppbótina  sjálfir úr eigin vasa til að greiða þessa desemberuppbót sem er greiðsla til atvinnulausra launamanna. M.ö.o. ekki ein einasta króna fer úr almennum sjóðum þjóðarinnar sem heildar til að greiða þessa uppbót. Þetta fé er tekið úr einum vasa launamanna og sett í annan vasa launamanna.

Rétt eins og samtök atvinnurekenda hafa alltaf viljað hafa hlutina. Þeir vilja nú láta launamenn greiða fyrir sig erlendu lánin sem atvinnurekendur veðsettu fyrirtæki sín með notuðu í einkaframtak óháð rekstri fyrirtækjanna. Launamenn voru ekki spurðir ráða um þær veðsetningar.

En sveitarstjórnarmenn ýmsir hafa verið að  gera kröfur um að sveitarfélögin ættu einhverja aðkomu að atvinnuleysissjóði.  Það er vegna erfiðleika mjög margra sveitarfélaga að standa við þær skyldur sínar að framfleyta launalausu fólki.

En auðvitað geta sveitarfélögin látið 90% af þessu fólki fá verðmæt verkefni svo fólk geti þannig unnið fyrir launum frá sveitarfélögunum við að vinna þessi störf.

Atvinnulausir hafa áhyggjur af bótunum

Fátækt afleiðing óstjórnar og vondra viðhorfa.

 

• Þetta er auðvitað hörmulegt ástand sem nú er í mörgum löndum Evrópu og einnig í Bandaríkjunum. Það er auðvitað ástæðulaust að loka augunum fyrir ástandi sem þessu hvar sem það er.

 

 

• Hvernig er ástandið hvað þetta varðar á Íslandi?
  Það er ekki gott, það eru álíkamargir íslendingar við fátækramörk á Íslandi. Þrátt fyrir að vinstri stjórnin hafi í rústabjörguninni reynt að verja kjör lægst launaðra íslendinga með ýmsum hætti. Þeir sem höfðu það betra bæði í millistétt og hálaunafólk urðu að bera samdráttinn með minni opinberum stuðningi.

En það var langt í frá að skólagengna fólkið sem þjóðin hefur hossað með ýmiskonar félagslegum aðgerðum í gegnum síðustu árin hafi brugist við með menntuðum hætti. Það er greinilegt að þetta fólk sem telur sig vera vel menntað og með ábyrðarkennd eftir langa skólagöngu í framhalds- og háskólum landsins brást.

Nú hefur þessi hópur í millistétt og hálaunafólk unnið verulegan áfangasigur með tilfærsluhugmyndum ríkisstjórnarinnar.

Einnig má sjá viðhorf samtaka atvinnurekenda gagnvart mjög hóværum kröfum láglaunafólks um launabreytingar.  Þeir hafna kröfum um örlítið hærri laun láglaunafólks  sem þrátt fyrir tillögur sínar myndu áfram flokkast sem fólk undir fátækramörkum. 

Tæpur þriðjungur Ítala við fátæktarmörk

Sundurlyndið er ekki gott veganesti

• ASÍ og landsambönd innan þess ganga klofin til leiks í þessum kjaraviðræðum.

Það er ljóst að iðnaðarmenn hafa margir hverjir notið verulegs launaskriðs undanfarin misseri og eru fyrst og fremst áhugamenn um að halda þessum yfirborgunum og fá fram skattalækkanir sem myndu gagnast millistéttinni í landinu.

Ráðandi hópur innan þeirra raða eru gjarnan þeir sem hæstu launin hafa. Ýmsar skipulagsbreytingar innan samtaka iðnaðarmanna hafa einmitt styrkt stöðu þessara aðila og hefur þeim tekist síðustu ár að sveigja stefnu ASÍ í átt að stefnu samtaka atvinnurekenda í stórframkvæmdum.

Þó eru innan raða iðnaðarmanna hópar sem eru á taxtalaunum og eiga þeir ekki lengur neina sterka forystumenn.

Innan Starfsgreinasambandsins opinberaðist alvarlegur klofningur þegar Faxaflóafélögin svikust undan nýsamþykktri stefnu SGS um launabreytingar. 

Blekið var varla þurrt á samþykktum SGS um að launakrafan ætti að vera um 20 000 kr mánaðarkaupshækkun fyrir alla félagsmenn. Faxarnir vildu fá 2% hækkun og kröfu um að vernda núverandi kaupmátt.

SGS breytti stefnu sinni á ögurstundu og opnuðu klofið með kröfu um 10 þús kr hækkun á mánaðarlaun. 

M.ö.o. launahækkunarkrafan var lækkuð um helming. Þetta er auðvitað óskiljanlegt nema að baki liggi verulegt launaskrið við Faxaflóann hjá verkafólki.

Ekki hefði ég verið hissa þótt einhverjir hefði labbað út við þessar aðstæður.

Vísar viðræðum til sáttasemjara

Málefnaleg og heiðarleg svör Steingríms J Sigfússonar

En hann óttast að boðaðar aðgerðir í skuldamálum almennings muni valda mörgum fjölskyldum sem til þessa hafa staðið í skilum miklum vonbrigðum.

Þar sem aðgerðirnar verða greinilega miklu efnisminni heldur kosningaloforð Framsóknarflokksins gáfu vonir um.  

 

Þá er ljóst að ríkissjóður muni standa fyrir og ábyrgjast 80 milljarða niðurfellingu skulda vegna þessara aðgerða. Aðgerðin verður aðeins rúmlega fjórðungur af þeim loforðum sem Framsóknarflokkurinn bauð þjóðinni fyrir kosningar.  

Steingrímur hrósar skýrslunni og segir hana gera góða grein fyrir fyrirhuguðum ráðstöfunum en það veldur honum vonbrigðum, að fólk sem áður hafði fengið nokkra aðstoð og er svo sannarlega enn í vanda muni ekki njóta aðstoðar nú nema að takmörkuðu leiti.

Fyrri aðstoð dregst frá að upphæð 65 milljarðar sem var hluti af skjaldborginni hjá síðustu ríkisstjórn til handa skuldurum eigi að koma til frádráttar, þ.e.a.s. 110%-leiðin, sértæk skuldaaðlögun, greiðsluaðlögun og sérstök vaxtaniðurgreiðsla.

Þá er afar óljóst hvort til dæmis vextir og verðbætur á leiðréttingarhluta lánanna hafi áhrif á niðurfellingu nafnverðs skulda fólks og þar með uppsafnaður bankakostnaður sem er jafnan greiddur upp við uppgjör á lánum. En þetta hefur að sjálfsögðu mikil áhrif  á niðurstöðuna hjá fólki.

En greinilegt er, að þetta verður þessi eignatilfærsla frá láglaunafólki til millistéttarinnar og hluta af hálaunastéttinni. Allar líkur eru á því að þessir 80 milljarðar lendi á skattgreið-endum næstu ár, er þá skila sér heimilanna með auknum niðurskurði ríkisútgjalda í t.d félagsmálin, í auknum sköttum og aukinni skuldsetningu ríkissjóðs sem launamenn almennt þurfa þá að greiða.

En stærstur hluti hálaunahópsins sleppur eins og venjulega auk þess sem þessi hóps nýtir óverðtryggð lán til sinna íbúðakaupa og varð ekki fyrir skaða af gengisfallinu en hafa væntanlega greitt hærri vexti tímabundið. Þetta gerir þetta fólk í krafti aðstöðu sinnar og með ýmsu móti.

Allt á þetta auðvitað eftir að skýrast væntanlega 

Leiðréttingin ávísun á vonbrigði

Launaskriðið

Það væri óneitanlega mikilvægt að fá sambærilegar tölur um opinbera starfsmenn. Eins og t.d. laun kennara sem lækkuðu um allt að 30% eftir hrunið og ekki er vitað til þessa að launataxtar hafi hækkað á þessum fimm árum.

 

Þá væri það mjög fræðandi að sjá heildar launatölur  þessara stétta því því hlutfallstölur um hækkanir á launum segja nákvæmlega ekkert um raunveruleg launakjör þessara hópa. Einnig væri fró'ðlegt inn í umræðuna að fá upp tekjutölur verkafólks í störfum hjá opinberum aðilum og t.d. í fiski. Ef þessar upplýsingar eru ekki lagðar á borðið fyrir almenning er frekar lítið að marka umræðina.

Options for this story

Það er einnig fráleit hugmynd að þessi tilfærsla á lífeyrissjóðagjöldum samkvæmt hugmyndum Guðlaugar Þórs geti verið einhver skiptimynt og komið í stað launahækkunar.

ASÍ hefur ekkert umboð til að semja um slíkar tilfærslur

Þó ekki væri nema það, að er ævinlega launamaðurinn sem greiðir allt iðgjaldið hvernig sem því er komi til skila. Atvinnurekendur og eða fyrirtæki þeirra greiða ekki mótframlagið. Þetta eru umsamin laun og þannig hefur það alltaf verið. Það er nú lágmark að þingmaðurinn viti hvað hann er að tala um.

Þá eru margir láglaunamenn sem aldrei hafa haft þau laun að þeir hafi getað greitt þetta viðbótarframlag í lífeyrissjóðina.

Gæti komið í stað kauphækkana

Guðlaugur Þór Þórðarson, þingmaður Sjálfstæðisflokksins, telur rétt að viðbótariðgjald vegna lífeyrissparnaðar megi nota til að greiða niður íbúðalán. Hann segir að aldrei hafi verið betra tækifæri til að fara þessa leið en einmitt núna.

RUV.IS

 

Laun iðnaðarmanna hafa hækkað minnst