Leyfisveitingar til að mega sýna ferðamannastaði

• Það er augljóst að veita verður sérstök og formleg leyfi fyrir aðila til að geta opnað sérstaka og eða formlega ferðamannastaði.
  *
• Breytir þá engu hver á staðinn. Ríkið í nafni þjóðarinnar og eða einka-aðilar.

Til að fá slík sýningarleyfi verður hver staður að uppfylla ákveðnar kröfur um öryggi og þjónustu, gera verður ráð fyrir mannahaldi.

Síðan er nauðsynlegt að hver ferðamaður greiði fyrir aðganginn að staðnum upphæð sem samsvarar kostnaði og leyfisveitandinn samþykkir.

Eigandi svæðis og sveitarfélag skipta með sér þessu gjaldi enda hafi báðir aðilar kostnað af umferð ferðafólks. Þar fyrir utan þarf ríkissjóður að hafa öruggar og formlegar tekjur af ferðafólki.

Slíkir staðir þurfa að vera undir reglubundnu eftirliti. Veitingarekstur er ekki á slíkum stöðum í sjálfu sér viðkomandi sjálfri ferðamannastaðnum en öll uppbygging verður að lúta skipulagsreglum.

Rústum ferðaþjónustu líkt og síldinni

Mogginn stendur með sínum mönnum

• Eins og hann hefur ætíð gert alla þá áratugi sem ég fylgst með kjarabaráttu á Íslandi
  
  þá stendur Morgunblaðið alltaf með atvinnurekendum.

Það er algjört einsdæmi á Íslandi síðustu áratugina að yfirmenn í fyrirtækjum og eða eigendur láti sér detta í hug að ganga í störf  starfsmanna sem eru í verkfalli.

• Það er ekkert smekklegt við verkfallsbrot,
  
  jafnvel þótt stórfyrirtækið hafi einn sýslumann í vasanum

Aumt er hlutverk Ketils skræks, nei fyrirgefið Ólafs Teits blaðafulltrúa Rio Tinto og annarra yfirmanna  að þurfa að hlýða í einu fyrirmælum erlendis frá.

Þetta fólk gerir þetta tæplega launalaust. Síðan er það lýsis konan sem væntanlega hefur vinnuvélaprófið sem hleypur til.  Árum saman hafa íbúar í Þorlákshöfn kvartað undan því fyrirtæki vegna ólyktar.  En það er ólykt af þessum vinnubrögðum öllum.

Orð Gylfa eru algjörlega viðeigandi, enda bæði sönn og sögð á kjarnyrtri íslensku:

„Það má segja að þetta sé dýr­asta og slak­asta lönd­un­ar­gengi í Evr­ópu. Þau af­köstuðu á ein­um degi svipað og al­vöru gengi í Straums­vík gerði á ein­um klukku­tíma,“ seg­ir Gylfi og nefn­ir sér­stak­lega „millj­óna­drottn­ing­arn­ar“ Rann­veigu Rist, for­stjóra Rio Tinto Alcan á Íslandi, og Katrínu Pét­urs­dótt­ur, for­stjóra Lýs­is og stjórn­ar­manns í Rio Tinto. 

Nú þarf að láta reyna á samtöðuna erlendis og kanna hvort erlendir félagar geti ekki stöðvað uppskipun úr þessu skipi.  En í vestur Evrópu búa launamenn við miklu meiri verkfallsrétt en hér á Íslandi.

Innan tíðar þarf að kanna innlendar aðgerðir launa-manna almennt.  Vegna þess að þessi erlendi auðhringur er að ráðast á íslenska samfélagið og gegn íslenskum lögum og venjubundnum lagatúlkunum.

Mótmælir ósmekklegum ummælum

Þú ættir bara huga að lýsis ólyktinni fyrir austan

• Þetta álver fer þá bara, það er öllum fyrir bestu nema þá einhverjum hálauna stjórnendum.
  *
• Það eru ekki þessir 11 menn sem koma í veg fyrir launahækkanir hópsins. Það eru hreinustu öfugmæli og haugalýgi.
  *
• Það eru einnig ósannindi að Rio Tinto sé að hugsa um hagsmuni starfsmanna í Álverinu. Það er öllum augljóst að þeir vilja lækka laun þeirra með því að fá fólk úr starfsmannaleigum. Þeir ætla sér að fá þræla utan úr heimi.
  * 
• Rio Tinto er þekkt fyrir grimmd gagnvart starfsfólki og veikburða stjórnvöldum

 

„Manni er gjörsamlega misboðið“

Nokkrar rúblur milli vina

• Straumsvíkurstríðið snýst ekki bara um kjaramál, það er í raun árás á grundvallaratriði í íslenskri samfélagsgerð.

Þótt við vinstri menn á Íslandi getum ýmislegt sagt um það sem miður fer á Íslandi og ekki er til góðrar eftirbreytni, er ástandið á Íslandi hrein jólahátíð miðað við það sem víðast gerist, þar sem Rio Tinto starfar.

Þetta er mjög stór ógnandi risi ófagnaðar sem er hér á ferð sem krefst þess að ráða því umhverfi sem fyrirtæki þess starfar í. Risinn er heimsþekktur fyrir grimmd gagnvart launafólki og veikburða samfélögum.

Það er einnig annar alvarlegur flötur í þessu máli. Hann t.d. sá, að þessi erlendu fjölþjóðafyrirtæki sem starfa á Íslandi hirða um 80% af allri raforku á Íslandi og greiða lítið fyrir.

Þetta eru nokkur fyrirtæki sem undanfarin ár hafa verið ansi gerandi og ráðandi í íslenskum stjórnmálum ásamt því að vera í harðri hagsmunagæslu.

Með lævísum áróðri og taktík hafa stóriðjufyrirtækin skapað sér tök á nokkrum íslenskum stjórnmálaflokkum. (Á stóiðjuflokkunum) Það er ekki erfitt að ímynda sér að þessi fyrirtæki hafi látið verðmæti renna til þessara vinaflokka sinna á erfiðum tímum.

A.m.k. var gamli valdaflokkurinn ótrúlega fljótur að ná sér upp úr nánast gjaldþroti á hruntímum þegar uppvíst var um hundruð milljóna króna styrki til flokksins og til þingmanna hans.

Tveir af núverandi ráðherrum flokksins í ríkisstjórn sóttu ársfund Repúblikanaflokksins í Bandaríkjunum á þessum örlagatímum.

Spurningin hefur ætíð legið í loftinu um að flokkurinn hafið þegið nokkrar rúblur að gjöf til bjargar undan gjaldhruni.

Með milljónir í laun við útskipun

Það var mikil kátína á Mbl í gærkvöld

• Vegna niðurstöðu sýslumanns var dansað og hlegið hátt í móanum, móanum.....
  
  Maður spyr sig auðvitað hvaða sýslumaður það er sem kemst að slíkri niðurstöðu, sem stangast á við íslenska hagsmuni og venjulegar lagatúlkanir og venjur.
  
  Niðurstaðan úr þessari deilu mun hafa mjög alvarlegar afleiðingar fyrir stöðu launafólks í framtíðinni.
  
  En það á ekki að koma neinum á óvart eftir allar hreinsanir Sjálfstæðisflokksins árum saman um hverjir fara með embætti sýslumanna og dómara. því það hefur verið skipað í þessi embætti eftir flokkspólitískum línum árum saman .

Þesskonar dómurum og sýslumönnum er ekki treystandi þegar upp koma erfiðar vinnudeilur. Þar sem hagsmunir aðila eru mjög ólíkir. 

Þessi vinnudeila er ein sú alvarlegasta fyrir launafólk um langan aldur og ef hún fer ekki vel fyrir starfsmenn álversins getur það haft mjög alvarlegar afleiðingar fyrir allt launafólk á íslandi.

Í slíkum málum dómara koma oft til álita fjölmörg atriði, sem pólitísk viðhorf geta haft áhrif á og þá getur þrýstingur fjársterkra aðila haft áhrif á slíka dóma. Því er mikilvægt að jafnvægi ríki milli aðila í slíkum dómarastörfum.

• Félagsdómur hlýtur því að hafa lokaorðið í þessu máli.
  *
• Í þessu máli hefur opinberast hver viðhorf íslensku stjórnendanna eru.
  *
• Það vekur athygli að það er blaðafulltrúinn sem virðist vera fulltrúi Rio Tinto í deilunni.
  *
• Þessir yfirmenn eru líka launamenn og þeir geta fengið sparkið í afturendann hvenær sem er.
  Þá er líklegt að komi erlendir menn til að reka fyrirtækið ásamt einhverju erlendu starfsliði
  * 
• Rio Tinto er alræmt fyrir grimmd sína um víða veröld. 

Þrír yfirmenn hafa réttindi á vinnuvélar

Þrír af þeim fimmtán yfirmönnum álversins í Straumsvík, sem hafa heimild til að ganga í störf hafnarverkamanna, hafa réttindi til að stýra vinnuvélum sem þarf við útskipun áls. Ekki þurfa þó allir að hafa meirapróf sem vinna við útskipun.

RUV.IS

 

Útskipun hefst um hádegisbilið

Svona er maður barnalegur

• En Ámann Kr Ólafsson bæjarstjóri í Kópa­vogs­bæ sagði að það væri mögu­lega til í að gefa eft­ir bygg­ing­ar­rétt­ar­gjöld ef verið er að byggja íbúðir sem eru fyrsta eign fólks.
  *
• Sala lóða ætti ann­ars að vera á markaðsverði, enda mik­il­væg­ur tekjuliður sveit­ar­fé­laga Þetta sagði hann, á Fast­eignaráðstefn­unni í Hörpu í gær.

 

Satt að segja hélt ég í sakleysi mínu að lóðaverð væri ákvarðað hverju sinni af þeim kostnaði sem sveitarfélagið legði út vegna hverrar lóðar. Þ.e.a.s. kostnaður vegna kaupa á hverri lóð, kostnaður vegna skipulags, kostnaðarhlutdeild í öllum gatnagerðarkostnaði í hverfinu, hlutdeildarkostnaður vegna umhverfis og opinna svæða , hlutdeildarkostnaður vegna vegna allra skólabygginga,  allra frístunda- og íþróttamannvirkja svo eitthvað sé upptalið.

Að það hefðu iðulega fallið dómar um að opinberir aðilar eins og sveitarfélög, ríki og stofnanir á vegum þessara aðila gætu ekki tekið þjónustugjöld til að hafa af slíkum gjöldum hagnað eða tekjur.

Það er einnig algjörlega óeðlilegt að kostnaði vegna nýbygginga á nýjum svæðum væri velt yfir á íbúa sveitarfélaganna eins og byggingaraðilar vilja að gert verði.  Að þannig verði lóðaverð niðurgreidd af íbúum sveitarfélaganna.

• Vert er að minnast baráttu sveitarfélaganna á síðustu öld þegar þeim tókst með aðstoð núverandi stjórnarflokka að brjóta niður verkamannabústaðakerfið endanlega 1998.
  *
• En lánin sem voru á þeim íbúðum voru niðurgreidd af launafólki í landinu. 

Eina framlag sveitarfélaganna til þess var sem nam 1% af  kostnaðarverði íbúðar. M.ö.o. sem nam lóðaverði og að halda uppi algjörlega óþarfri stjórnarnefnd í hverju sveitarfélagi.

Láglaunafólk átti bara að geta sótt um lán til kaupa á íbúð hjá lánastofnuninni og lánskjörin áttu auðvitað að taka mið af lífskjörum láglaunaólks. En hægri menn hafa alltaf verið á móti slíkum hliðrunum þegar láglaunafólk var annarsvegar.  

Vinna sem húsnæðislánastofnun gat vel unnið sjálf í framhaldi þess að losað væri um hagsmunagæslu byggingariðnaðarins.

Fólki var nefnilega ekki treyst sjálfu til að velja sér íbúð, því hagsmuna aðilar kröfðust þess að láglaunafólk færu alltaf í glænýjar íbúðir.

Eins jafnan áður á Íslandi að flest mál sem snerta almenning skulu taka mið af hagsmunum atvinnulífsins. Dæmi um slíkt er auðvitað gamla verkamannabústaðakerfið, skólamál á landsbyggðinni og byggðarstyrkir ganga aðeins til eignafólksins sem á lögbýsisjarðirnar og eru með búskap, ásamt því að vera aðilar að stéttarfélagi bænda.

 

 

 

Lækkað lóðarverð fyrir fyrstu íbúð

Allir eru þeir eins íhaldsmennirnir.

Nú gerir þessi annars sómamaður tillögur um að þeir sem vilja kaupa sér íbúð fái enn frekari ríkisstyrk til þess.

Þetta kæmi til viðbótar við svonefndar vaxtabætur. Líklega vill hann hækka þessar bætur verulega.

Hægrimönnum er ævinlega sama hvaðan þeir fá peningana, bara að þeir fái þá frá öðrum.

 

Föst upphæð til þeirra sem kaupa í fyrsta sinn

Prófessor við HÍ varpar fram hugmynd um að komið yrði á fót Fjárfestingarsjóði íbúðarhúsnæðis til að auðvelda ungu fólki að kaupa sína fyrstu íbúð. Sjóðurinn myndi úthluta fastri upphæð til kaupanna og eiga í raun hlut í íbúðinni. Hlutnum yrði svo skilað…

RUV.IS

 

Lækkar greiðslubyrði um allt að 30%

Hér finnst mér vanta eðlileg rök

• Ef skoðaður er fjöldi íbúa á Íslandi 1. janúar 2015 að þá búa hér á landi 329100 einstaklingar.
  *
• Það er alltaf nauðsynlegt að gæta varúðar þegar fulltrúar hagsmuna aðila reiða fram tölur. 
  *
• Þá er mikilvægt að átta sig á því, að óeðlilegt er að Íbúðalánasjóður sé að lána til slíkra íbúða.

Fjölgunin sem varð á árinu 2014 varð samtals um 3384 einstaklinga og meðal fjölskyldustærð 2,8. Þessi tala er um fædda íslendinga umfram látna þetta ár sem er svipuð og verið hefur undafarna áratugi.

Til viðbótar er hér inni 1113 aðfluttir umfram brottfluttra til landsins.

Ef þetta er rétt tala og allar þessar fjölskyldur keyptu sér íbúð væru það ekki nema innan við 1210 íbúðir.

Árum saman hefur verið notast við töluna 1500 til 1600 fyrir landið allt sem væri eðlileg meðal ársþörf fyrir nýjar íbúðir í eðlilegu árferði. 

Hér slær ungur starfsmaður stamtaka atvinnurekenda því fram að það þurfi að framleiða 2000 íbúðir árlega bara á höfuðborgarsvæðinu. 

Mér finnst hann slá fram ævintýralega hárri tölu, að vísu kann að vera inni í þessari tölu hans einhver vöntun vegna kreppunnar.

Líklega er hann að bæta við íbúðum fyrir ferðafólk sem er auðvitað ekki eðlilegt að blanda saman við venjulegar íbúðarbyggingar.

Væntanlega mun alveg á næstu árum verið farið að framleiða íbúðir fyrir slíka þörf.   

Þarf allavega 2.000 íbúðir árlega

Skósveinnin hjá Rio Tinto segir ósatt

• Að mínu mati, eru það einhverjir höfuðpaurar erlendis
  
  sem segja honum fyrir verkum.
  *
  *
• Þ.e.a.s. að láta reyna á hvort hægt væri
  
  að brjóta á starfsmönnum með þessum hætti.

Ef  Rio hefðu mátt beita þessu lúalega bragði hefðu þeir einfaldlega kallað til lögreglu sem þeir gerðu ekki.

Hvers vegna gerðu þeir það ekki?

Jú vegna þess að þeir vissu að þeir voru að brjóta lög á þessum mönnum sem hafa sýnt fyrirtækinu einstaka biðlund.

En einnig  vegna þess að þá hefðu þeir sett málið í enn stærri hnút.

Hugsanlega er fyrirtækið að takast á við stjórnvöld. Vegna hættunnar um samúðarverkföll. En samningsaðilinn við þetta fyrirtæki er Landsvirkjun en ekki ríkisvaldið.

Það er eins gott fyrir ríkisstjórnina að skipta sér ekki að þessu máli. Það gerir bara illt verra og þjóðin er ekki tilbúin að samþykkja lækkun á orkuverði.

Töldu sig vera í rétti

Hvað meinar ráðherrann?

• Ég hef ekki í langan tíma heyrt aðra eins yfirlýsingu og þessa frá ráðherra.

 

Er segir berum orðum að það sé eðlilegt að nýsköpunar fyrirtæki ættu að hafa leyfi til að stunda kennitöluflakk og stela þannig vörslufé frá ríkinu, frá sveitarfélögunum, frá lífeyrissjóðunum og frá launafólki.

Skaðann borga síðan skattgreiðendur með hærri sköttum. Skattgreiðendur á Íslandi eru fyrst og fremst launafólk

Það er einmitt það sem gerist þegar fyrirtæki og eigendum þeirra að skipta um kennitölur fyrirtækjanna.

Það eru nýsköpunarfyrirtæki í öllum atvinnugreinum, algengast er það í ferðaþjónustunni og í gömlum iðngreinum. 

• Hugmynd ráðherrans um nýsköpun felst kanski í nýjum og nýjum aðferðum síbrotamanna við að stela fjármunum frá samfélaginu.
  *
• Svona rétt eins og að skipta reglulega um nærföt og sokka.

Vill skýringar frá viðskiptaráðherra