Evrópumet í aumingjaskap hjá kaupmönnum

• Nú er að verða ljóst að áróðursmeistari félags atvinnurekenda í verslunarrekstri er við það að setja Evrópumet í barlóm og hvers kyns blaðri. 

Nú vill hann að skattgreiðendur einir greiði samfélagskostnaðinn af áfengissölu og – neyslu í landinu. En þeir sem flytja þetta fíkniefni til landsins maki bara krókinn og fái hækkaða álagningu.

Það er alveg ótrúlegt að menn sem selja og eða vilja drekka vín skuli ekki tíma að greiða einhverja smápeninga í söluskatt af áfengi.

Það er nú meiri aumingja skapurinn.  Þeir vilja láta þá sem ekki nota slíka vöru eða lítið af henni bera samfélagskostnaðinn sem hlýst af þessu efnum.

• Ég sem hélt alltaf að það væri eitt meginstefið í stefnu hægri manna, að þeir sem þyrftu að nota þjónustu opinberra aðila greiddu sjálfir fyrir hana en ekki almennir skattgreiðendur.  

Síðan má alveg rifja það upp, að búið að ákveða að fella niður vörugjöld og tolla af mörgum vörutegundum sem nánast engar líkur eru á að skili sér til almennings í landinu.

Sem verði bara til þess að álagning kaupmanna eykst sem nemur þessari lækkun á gjöldum.

Það sama ætti sér stað með brennivínsgjaldið. Ef skattar eru lækkaðir enn frekar, hækkar álagning innflytjenda á víninu.

Áróður Ólafs í þessum málum er oft gruggugur rétt eins og algengt er með landann.

Ég fékk gamlan ,,Svarta dauða" úti á Kanarí í haust er ég borðaði á ,,Dönsku kránni" flott nautakjöt. Svona alvöru snafs þegar ég greiddi reikninginn.

Þeir sem ekki tíma að greiða fyrir vínið eiga að láta það vera að smakka það og fara í meðferð.

Endurheimtum Evrópumet í áfengisgjöldum

Jólakveðjur

• Kæru vinir, bæði frændfólk og félagar í netheimum, ykkur vil ég senda mínu bestu óskir um hamingjuríka jólahátíð og farsæld á nýju ári.

Það varð ljóst nú skömmu fyrir jólin að íslendingar eignuðust vitnisburð um tilveru frelsaras með þessari mynd af albanska drengnum sem var sóttur um miðja nótt til að flytja hann alvarlega veikan í burtu frá landinu.

Sjá má á myndinni að drengurinn gætir bangsans mjög vel sem minnti okkur íslendinga á skyldur okkar gagnvart þessum dreng og raunar öðrum börnum sem okkur er falið að gæta og fara með eins og væri okkar minnstu bræður og systur.

Nú er góður tími fyrir okkur eftirlaunafólk sem höfum alla ævina stritað samkvæmt lægstu launaflokkum, að ganga hægt um gleðinnar dyr um hátíðarnar og gá vel að okkur.

Um leið og við skimum eftir börnum sem þurfa á okkur að halda.

Þessi bær í Svefneyjum var fæðingastaður afa míns. Hann var raunar fóstri pabba. En faðir minn fæddist verbúðum í Keflavík á Hellissandi og eru löngu farnar undir sjó.

Hann var fluttur hreppaflutningum til Svefneyja 1920 og ólst síðan upp í Skáleyjum. Þau bæjarhús eru löngu farin undir gras enda í sama stíl og bæjarhúsin sem myndin sýnir. 

Þannig minnumst við best foreldra okkar sem ólust upp í örbirgð á Íslandi í gjarnan í kulda og trekk í ónýtum húsum um þetta leiti ársins. Þá gat trosið komið sér vel í þurrabúðunum þegar lítið var annað að fá til matar.

Gleðileg Jól kæru vinir, munum að Jesú sem við minnumst nú jólin var flóttamaður stærstan hluta úr ævi sinni.

 

 

Fagnaðarefni að forstjóri Landsvirkjunar skuli gera þær kröfur

• Að Norðurál greiði miklu hærra orkuverð heldur en það hefur gert þessa.
  *
• Að það verði á svipuðum nótum og almennt tíðkast í norður Evrópskum löndum til stórfyrirtækja
  *
• Einkum til mengnnarfyrirtækja sem greiða nánast enga skatta til þjóðarinnar.

Skattar starfsmanna eru ekki skattar fyrirtækisins. Fasteigna- og hafnargjöld eru leigu og þjónustugjöld sem eru líklega með miklum afslætti.

Það er ljóst að Hörður Arnarson forstjóri Landsvirkjunnar hefur þjóðina á bak við sig í þessu máli. Það voru mikilvægar upplýsingar fyrir þjóðina er hann sagði að  Norðurál nýtti sér kjara­deilu í samn­ingaviðræðum við Lands­virkj­un.

Breytir þá engu þótt fyrirtæækið hóti því að flytja verksmiðjuna til láglaunalandsins Kanada.

Það er algjörlega fráleitt, að almennngur í landinu haldi áfram að niðurgreiða orkuna sem þetta fyrirtæki fær. 

Ásakanir Landsvirkjunar út í hött

Spilling í fótboltanum

• Hún var ansi hrikaleg myndin sem sýnd var í sjónvarpinu í gærkvöldi sem beindi kastljósi á hrikalega fjármálaspillingu hjá FÍFA, alþjóða knattspyrnusambandinu.

Það virðist vera sama hvar borið er niður, flestir helstu leiðtogar þessarar hreyfingar virðast vera gjörspilltir. Þegar er búið að handtaka fjölmarga af þessum forystumönnum.

Svo virðist sem þeir sem ekki vilja taka þátt í soranum eru hafðir úti í kuldanum áhrifalausir. Þar með þau lönd sem þeir eru fulltrúar fyrir.

• Auðvitað vaknar spurning um það hvort þessi spilling nái til Íslands.
  *
• A.m.k. hafa nokkrir íslendingar komist til einhverra metorða á þessum vettvangi.

Væri það ekki eðlilegt verkefni fréttamanna á Íslandi að gera rannsókn á stöðu íslendinga í þessum efnum. Það hefur þrifist alvarleg spilling á Íslandi og því getur það verið á þessu sviði sem öðrum.

Frysta bankareikninga FIFA

Pólitísk spurning og pólitískt áróðurssvar

• Hér eru viljandi gefnar rangar niðurstöður vegna hugsanlegarar lokunar á álverinu í Hafnarfirði.

Áhrif þessarar lokunnar hefði sáralítil áhrif á þjóðartekjurnar því tekjur þjóðarinnar af starfsemi álversins eru hverfandi.

Mikil eftirspurn er eftir orkunni þannig að myndi strax koma biðröð eftir henni, en síðan hefur þjóðin mikla þörf fyrir þessa orku fyrir útveginn og farartæki landsins.

Álverið greiðir nánast enga skatta vegna tilbúins hallarekturs og smáaura til Hafnarfjarðarbæjar. 

 

• Fasteigna- og hafnargjöldin eru þjónustu- og leigutekjur vegna þess sem bærinn leggur þessu fyrirtæki til.

Útsvör starfsmanna eru ekki greiðslur fyrirtækisins og styrkir til íþróttafélaga eru ekki tekjur Hafnarfjarðarbæjar.Þessar 700 milljónir eru því röng tala.

Þjóðfélagið fær engar skattatekur af þessum 56 milljörðum. Ekki myndi lokun álversins spilla fyrir orðspori íslensku þjóðarinnar, þvert á móti. En orðspor Río Tinto myndi raskast alvarlega. 

Þó eru átökin í álverinu alvarleg og minna nokkuð á baráttu kolanámumanna í Bretlandi 1984 sem er reyndar grunnurinn í leikritinu um Billy Elliot.

Ég geri ráð fyrir að Rio Tinto vilji bjóða út verk á alþjóðlegum markaði. Þá er hugsanlegt að þeir fái vörur og þjónustu frá einhverjum aðilum t.d. frá Asíu löndum eða frá fyrirtækjum sem auðhringurinn hefur öll tök á.

• Þetta er þá vara og þjónusta sem þeir fá fyrir lítið, síðan þegar fyrirbærið er flutt til Íslands er sköpuð gamla bókhaldsbrellan sem þekkt er um heiminn. Það verður hækkun í hafi eða í einhverri höfninni.   

Fyrr í þessari viku bar fyrrum  formaður LÍÚ og útgerðarmaður og nú verandi hótel haldari sig illa vegna þeirra launahækkanna sem samið hefur verið um á árinu.

Samt er vitað að útgreidd vinnulaun eru oft ekki í takti við umsamda launataxta í kjarasamningum.

• Í þessu sambandi er vert að huga að því, að kannanir í sumar sýna að svört atvinnustarfsemi fer vaxandi í ferðaþjónustu og í byggingarstarfsemi
  *
• Svört atvinnustarfsemi færist í aukana í ferðaþjónustu og byggingastarfsemi. Þetta er meðal þess sem finna má í niðurstöðum kannana á vegum ríkisskattstjóra, ASÍ og SA sem unnið var að í sumar.  

Í Fréttablaðinu er haft eftir Skúla Eggerti Þórðarsyni ríkisskattstjóra að ansi margir virðist vera að koma inn í ferðaþjónustuna sem eru ekki með sín mál í lagi gagnvart skattinum.

„Fyrirtæki eru rekin án leyfis og starfsmenn á atvinnuleysisbótum eru í svartri vinnu. Það eru margir smáir í þessu og keppa þá ekki á sama grunni,“ segir Skúli Eggert. 

• Einnig á  sama tíma var verið að segja frá því, að mikið af Evrópskum námsmönnum sem koma til Íslands og vinna í ferðaþjónustu sem matvinnungar. Þ.e.a.s. kauplaust.
  *
• Það er mikið um erlent vinnuafl á Íslandi sem eru í raun í felum, mansalsfólk. T.d. í ferðaþjónustu og í byggingariðnaði.

Ekki má gleyma því, að flest ferðaþjónustufyrirtækin er rekin á erlendum gjaldmiðlum

 

Lokun hefði víðtæk áhrif

Nú hefur verið ákveðið að auka skatta á launafólki

• Hér má sjá tilkynningu frá ASÍ:

,,Alþýðusamband Íslands gagnrýnir harðlega forgangsröðun ríkisstjórnarinnar eins og hún birtist í fjárlagafrumvarpinu og öðrum aðgerðum.

Ríkisstjórnin hygli hátekjufólki á kostnað þeirra sem minna hafa á milli handanna.

Þetta kemur fram í ályktun sem miðstjórn ASÍ sendi frá sér í dag, þar sem „áhuga- og úrræðaleysi“ ríkisstjórnarflokkanna þegar kemur að hagsmunum og aðstæðum þeirra tekjulægstu í samfélaginu er harðlega gagnrýnt.

„Enn er minnisstæð lækkun tekju- og eignaskatta stóreigna- og hátekjufólks og lækkun auðlindaskatta sem leiðir til kallar á niðurskurð ríkisútgjalda, þ.m.t. heilbrigðismála. Þessi ríkisstjórn hækkar skatt á mat en lækkar skatta á lúxusvörur. Hækkanir á bótum almanna- og atvinnuleysistrygginga sitja eftir á sama tíma og skuldir eignafólks eru lækkaðar,“

segir í ályktuninni. Gagnrýnt er að í fjárlagafrumvarpinu standi ekki til að mæta nauðsynlegri fjárþörf heilbrigðiskerfisins vegna þeirra kjarasamninga sem gerðir hafa verið. Það leiði til dýrari og verri þjónustu fyrir þá sem á þurfa að halda. Á sama tíma sé verið að undirbúa enn frekari markaðsvæðingu heilbrigðiskerfisins.

Þá er gagnrýnt að ríkisstjórnin hafni því að hækka bætur almannatrygginga með sambærilegum hætti og nemur hækkun lægstu launa.

Á sama tíma leggur meirihluti efnahags- og skattanefndar til breytingar á tekjuskattsfrumvarpi fjármálaráðherra og sem heimila fulla samsköttun tekna hjóna/sambýlisfólks sem gæti lækkað tekjuskatt þeirra sem eru með meira en 1,4 milljón kr. á mánuði um allt að 75 þús. kr. á mánuði. Þessi aðgerð er talin kosta ríkissjóð um 3.500 milljónir króna á ári".

Svo mörg voru þau orð, síðan má gjarnan minna á það, kaupmenn sem flytja inn í landið fatnað t.d. frá Kína munu fá aukna möguleika á hækkaðri álagningu á þeim vörum sem þeir selja. 

Það er auðvitað ljóst, að ákveðnir flokkar leggja áherslu á að styrkja hálaunafólk sem mest og stórfyrirtækin í landinu t.d. í útgerðinni.

Aðrir flokkar leggja áherslu á að jafna lífskjörin að gæta að haga launafólks, einnkum þeirra sem búa við lág laun þrátt fyrir mikla vinnu.

Þá ku fatasalar ætla að fagna um áramótin þar ríkisstjórnin mun hækka álagningarmöguleika þeirra sem þeir flytja inn frá t.d. Kína. 

Það er kanski einhver Vigdís Hauksdóttir hér sem segir ASÍ vera notað af stjórnmálaflokkum.

Hvað segir þá Vigdís um Sjálfstæðisflokkinn og samtök atvinnurekenda með útgerðarmenn sem forystuhrúta  

Annarri umræðu um fjárlögin lokið

Vissulega segir Jón rétt frá að einu leiti

• Það var þegar hann sagði að Björk Guðmundsdóttir hefði talað niður til forsætisráðherrans og fjármálaráðherrans.
  *
• Það geta auðvitað ekki allir gert. En ef Björk talar til þeirra er það öruggt að hún talar niður til þessara litlu drengja, hún getur ekki annað þó hún ætli sér það ekki.

Hún stendur þeim nefnilega miklu ofar að öllu leiti. A.m.k. í mannvirðingarstiganum. Þótt ég hafi aldrei haft smekk fyrir tónlistina hennar, geri ég mér grein fyrir því, að það gera samt milljónir manna.

Ég geri mér einnig grein fyrir þeirri staðreynd, að konan nýtur virðingar fyrir verk sín út um allann heim og á sinn hlut í því að reisa íslenskt þjóðfélag upp rústunum eftir þá flokka sem þessir ráðherrar litlu ráðherrar eru formenn fyrir.

„Gunnar Bragi frussaði í vandlætingu“

Góð og þörf ábending biskups

• Leiðtogi kristinna manna var flóttamaður frá fyrsta degi lífs síns.

Við sem reynum að vera kristin trúum á boðskap Jesú. Boðskapurinn boðaði þáttarskil í heiminum þegar hann var settur fram fyrir u.þ.b. 2000 árum.

Íslendingar hafa státað sig á því í gegnum árin að íslensk lög beri í sér sterk áhrif frá þessum boðskap. Því er það eðlilegt að biskupinn láti í ljós skoðun sína á lögum sem hægt er að túlka með jafn ókristilegum hætti og gert var með aðförinni að þessu fólki um hánótt.

Þegar verkalýðshreyfingin varð til fyrir liðlega hundrað árum  á norðurlöndum, varð þessi boðskapur strax kjarninn í réttlætiskröfum verkafólks.

Almenningur hafði ekki annað til að byggja á.

Það hefði mörgum þótt sérkennilegt, ef biskup hefði ekki látið þetta alvarlega og miskunarlausa atvik til sín taka og það á aðventunni.  Væntanlega verður þetta mál til umræðu í messum næsta sunnudag.

Takk fyrir Agnes

Gleymir mannúð og mildi

Það er nauðsynlegt að minna reglulega á hrokafulla embættismenn

• Það er mikilvægt að skoða það hvenær opinberir embættismenn skjóta langt yfir markið og fara með algjört fleypur.
  *
• Ekki er ólíklegt að Ólafur Ragnar hafi farið með svipað bull á erlendum vettvangi trekk í trekk. Eins og ,,Silfur Egils" birti á ,,Eyjunni" og sjá hér fyrir neðan.
  
  
  
• Eitthvað hafa vinsældir hans minnkað á erlendri grundu og tekur hann helst til máls í ríkjum að mér finnst sem ekki eru viðurkennd sem lýðræðisríki.
  
  
• Þetta er býsna athyglisvert þar sem hann fékk mjög alvarlegar ávítur frá rannsóknanefnd Alþingis fyrir þjónustulund sína við útrásarvíkinga. Síðan kaus hann að hunsa þær ávítur algjörlega og komst upp með það.

Silfur Egils

Ólafi Ragnari Grímssyni þykir óþarfi að forsetaembættið setji sér siðareglur og það má svosem vel vera – eins og staðan er vitum við ekkert um hvernig næsti forseti hugsar sér valdsvið sitt eða hlutverk.

En það var ekki hik á honum þegar hann tók saman íslensku boðorðin sem hann þróaði á tíma útrásarinnar – þessi útgáfa er úr fyrirlestri hjá Sagnfræðingafélaginu sem forsetinn hélt 10. janúar 2006.

Í raun má segja að þarna sé að finna hinn eiginlega hugmyndagrundvöll útrásarinnar, það var Ólafur Ragnar sem þróaði hann öðrum fremur og einnig orðfæri hennar:

„Í fyrsta lagi vinnusemi sem ef til vill er arfur frá samfélagi þar sem allir þurftu að leggjast á árar, bæði bændur og sjósóknarar, og ekki var spurt um tímafjölda þegar lífsbjörgin var í húfi.

Í öðru lagi áhersla á árangur frekar en feril ákvarðana, að ganga beint til verks og ljúka því á skömmum tíma, spyrja hvenær frekar en hvernig og láta sér ekki vaxa í augum þótt tíminn sé naumur.

Í þriðja lagi að eiga auðvelt með að taka áhættuna, að þora þegar aðrir hika, kannski vegna þess að lífi sjómannsins fylgir jafnan hætta og útrásin er eins konar róður á ný mið.

Við vitum líka að ætíð er hægt að hverfa aftur heim til Íslands ef illa fer í leiðangrinum og eiga hér hið besta líf því öryggisnetið sem velferðar-samfélagið veitir okkur tryggir öllum sama rétt til menntunar og umönnunar óháð efnahag.

Athafnamenn í sumum öðrum löndum verða hins vegar oft að leggja velferð fjölskyldunnar á vogarskálar áhættunnar.

Í fjórða lagi að flækjur skrifræðisbákna hafa aldrei þvælst fyrir okkur Íslendingum; við erum vön að eiga beint við einstaklinga.

Kannski hefur smæðin blessunarlega komið í veg fyrir að virkisveggir skrifræðis risu hér; við höfum einfaldlega ekki haft mannskap til að hlaða þá.

Í fimmta lagi hin ríka áhersla á að treysta hvert öðru, að orðheldni sé mikil dyggð, enda formlegir samningar oft óþarfir í litlu samfélagi.

Það gerir fólki kleift að vinna saman og ná árangri hraðar en þeir sem vanist hafa skriflegri og flókinni umgjörð um samstarf áður en verkið sjálft er hafið.

Í sjötta lagi hve auðvelt er að mynda samstarfshópa sem stefna að sama marki, að skapa iðandi keðju bandamanna í ákvörðunum og ná þannig forskoti á fulltrúa hinna stóru sem bundnir eru af þunglamalegu og flóknu kerfi.

Í sjöunda lagi hinn íslenski athafnastíll þar sem stjórnandinn sjálfur er í fremstu röð, líkt og skipstjóri í brúnni sem deilir örlögum og áhættu með áhöfninni.

Fyrirtækin öðlast svipmót frumkvöðlanna, persóna hans eða hennar verður ráðandi afl og slíkt stuðlar að ábyrgð og forystu í ríkara mæli en þar sem stjórnendur standa í skjóli af stærri heildum.

Í áttunda lagi arfleifðin sem ég nefndi í upphafsorðum, landnámið og tími víkinganna, sem færði okkur fyrirmyndir, hið djúpstæða viðhorf að sá sem heldur á ókunnar slóðir verðskuldi heiður, að leggja á hafið og nema lönd færi virðingu og sóma.

Athafnamenn okkar tíma eru ærið oft metnir á slíkan kvarða og litið á þá sem arftaka hefðar sem á sér rætur í upphafi Íslandsbyggðar.

Í níunda lagi og einnig þar eru tengslin við forna tíma skýr, Eddukvæðin, Hávamál: „Deyr fé,/ deyja frændur,/ deyr sjálfur hið sama./ En orðstír / deyr aldregi / hveim er sér góðan getur.“

Við vitum að mannorðið er dýrmætara en flest annað og slík hugsun er vænlegra leiðarljós um ókunna vegu á heimsmarkaði en regluverk eða flókin vegakort sem aðrir hafa samið.

Það dugir Íslendingum lítt til sæmdar að brjótast áfram í öðrum löndum með aðferðum sem eru vafasamar því orðstírinn kann að tapast í slíkri för.

Í tíunda lagi áherslan á sköpunargáfu; virðing sem hinn frumlegi nýtur á heimaslóð og öndvegið sem skáldin sátu forðum hafa fylgt okkur um langan veg.

Orðið athafnaskáld er lýsandi dæmi um hvernig þessi hugsun hefur fengið gildi í samtímanum. Þeim sem eru skapandi í hugsun, móta nýjan texta, nýja reynslu, nýtt verkasvið, nýjan athafnavöll er skipað í virðingarsess.“

 

 

 

 

Rétt skal vera rétt

• Það eru launamenn sem greiða Tryggingagjöldin en ekki fyrirtækin og það sama á við um öll launatengd gjöld.
  *
• Eigendur fyrirtækjanna eru oftar en ekki launamenn í eigin fyrirtækjum og greiða þá einnig tryggingagjöldin.

En samkvæmt samningum um þessi launatengdu gjöld er fyrirtækjunum falið að koma þeim til skila til viðeigandi yfirvalda.

Þessir samningar eiga sér bakland í lögum sem sett hafa verið til að styrkja umgjörðina um þessa launamanna skatta.

Áður voru þessi gjöld ævinlega kölluð „launatengd gjöld“ og eru nú 7,49% af launum.

Þessa skatta ber að skoða sem skatta á launafólk og það sama á við lífeyrissjóðagjöldin sem í dag eru 12,5% upp í 15,5%.  Þessi gjöld eru einnig skattar sem eru lagðir á launafólk. 

Samtals eru þessir launaskattar nálægt 20% eða um fimmtungur umsaminna launa samkvæmt samningum.

Það versta við þessa skatta er, að þetta eru flatir skattar sem kallað er. Rétt eins og útsvarið sem launamenn greiða til sveitarfélaganna. 

En fyrirtækin greiða ekki útsvar eða skatta til sveitarfélaganna. Ekki heldur þeir sem aðeins hafa fjármagnstekjur.

Fasteignagjöld eru þjónustu- og eða leigugjöld fyrir að nýta eigur og þjónustu  sveitarfélaganna. Gjöld sem allir greiða sem eiga fasteignir. Fólk sem býr í leiguhúsnæði greiðir þessi gjöld óbeint með hærri leigugjöldum.

Það er auðvitað löngu kominn tími til að skoða þessi mál öll í samanburði við okkar nágrannalönd. Þá gengur ekki að bera saman frjálsar eftirlaunatryggingar einstaklinga við skylduþátttöku fólks til þess að greiða í fyrirfram ákveðna sjóði.

Vert er að minnast þess í leiðinni, að launafólk greiðir tekjuskatta af brúttótekjum en nýtur persónubóta. En fyrirtækin fyrirtækin greiða helmingi lægri tekjuskatta og þá af nettótekjum.

Ef það hefur verið gerður um
það kjarasamningur milli aðila á vinnumarkaði að breyta tryggingagjaldinu ber ríkvaldinu að virða það.

Því tryggingagjöldin eru launagreiðslur. Ekki gengur að ríkisvaldið kjósi sér að hafa fé almennings upp í erminni gagnvart launafólki í febrúar. 

• Á íslensku heitir þetta að þessi ríkisstjórn er að leggja sérstakan aukaskatt á launafólk.

Það má gjarnan rifja það upp að ríkisvaldið notar hluta af þessu fé í aðra hluti sem ekki hefur verið gert ráð fyrir í kjarasamningum.

Ósanngjarn skattur sem hægt er að lækka