Nú er tækifærið að skipta um tryggingafélag

• Eða er kanski engin samkeppni á tryggingamarkaði?

Var ekki verið að breyta lögum um tryggingar þannig að tryggjendur eru ekki eins bundnir tryggingafélögunum. Þá er auðvitað grá upplagt fyrir okkur eldri borgara að bindast samtökum um að fá betri kjör á tryggingar.

Hækka vegna slæmrar afkomu

Margt er skrýtið í kýrhausnum

• Það virðist sem samtök atvinnurekenda og ASÍ hafi ákveðið að tryggingagjaldið ætti að lækka á næsta ári.

Vert er að minna á það, að Tryggingagjöldin eru í raun umsamin laun en hafa bakstuðning af lögum og það skýrir þessa niðurstöðu samningsaðila.

• Skattur sem launamenn ákváðu 1955 að leggja á sjálfan sig um, til að kosta atvinnuleysistryggingasjóð.
  *
• Árið 1974 ákvað launafólk undir forystu ASÍ, að skattleggja sig um 2 prósendur til viðbótar til að kosta niðurgreiðslur á vöxtum í félagslega húsnæðislánasjóðnum.

Til upprifjunar að þá gerðist það líklega 1998 að þetta gjald var lækkað verulega og um leið og verkamannabústaðakerfið var lagt niður.

Forystumenn ASÍ könnuðust ekki við að hafa tekið þátt í því að leggja niður eignakerfið í félagslega húsnæðislánakerfinu. E.t.v. hefur þetta verið einhliða ákvörðun ríkisstjórnar Davíðs Oddssonar.

Það þurfti að uppfæra lögin um það húsnæðiskerfi, en í stað þess að gera það, var það lagt af. Líklega að kröfu sveitarfélaganna og samtaka atvinnurekenda í stjórnartíð Davíðs Oddssonar. M.ö.o. launamenn greiddu sér sjálfir þá smánar launahækkun sem þeir fengu út úr þeim kjarasamningum.

ASÍ ætti að láta það ógert að ráðast á opinbera starfsmenn í tengslum við þetta mál, en það hefur tekið þátt í því gegnum áratugina með og ásamt samtökum atvinnurekenda að halda niðri launum opinberra starfsmanna.

Fyrirtækin geta ef þau eru í mikla vanda, sagt upp markaðslaunasamningum sem í gangi eru, sem á árum áður voru kallaðar yfirborganir. Opinberir starfsmenn njóta ekki slíkra kjara.

Líklega er löngu kominn tími til þess að allir landsmenn taki við þessum verkefnum og það verði ekki bara launafólk sem stendur undir þessum kostnaði. Það er bara sanngjarnt.

 

 

Bjarni Benediktsson, efnahags- og fjármálaráðherra, segir að gagnrýni sem nú snúi að stjórnvöldum, vegna þess að ekki standi til að lækka tryggingargjaldið, sé í raun yfirlýsing um að laun hafi hækkað of mikið, og að atvinnulífið ráði ekki við umsamdar launahækkanir. 

En þessi skattur hefur verið í seinni notaður til a kosta mörg önnur mál sem ekki hefur verið að ósk launafólks. Þessi 7,5% skattur er hreinn launamenna skattur rétt eins og lífeyrissjóðagjöldin en með skatti eru gjöldin um 20%, nokkuð sem launamenn einir greiða.

„Staðan er gríðarlega alvarleg“

Ánægjulegt svar ráðherra

• Er segir að nýr Herjólfur verði hannaður sem rafdrifinn.
  *
• Þetta er auðvitað gríðarleg framför  frá því sem áður var bæði hugsun og frumkvæði.
  *
• Einnig sýnir þetta að þjóðin sjálf hefur fulla þörf fyrir eigin orku.

Alveg nýlega hafa útgerðarmenn bent á þörfina fyrir að raftækja öll skip sem liggja við hafnarbakka á Íslandi

Stuttu áður hefur verið bent á að skortur er á rafmagni fyrir fiskúrvinnslu í landi.

Vitað er um bílaflotann og reikna má með því að innan tíðar verði langflestir einkabílar knúnir áfram með rafmagni og á meðan beðið er eftir lausnum fyrir stóra bíla geta íslendingar notað íslenskan orkugjafa inna margra ára.

Bara þessi sannindi sýna, að íslendingar geta ekki verið að selja útlendingum ódýra raforku.

Rafdrifin ferja spari milljarða

Hvaðan kom þrýstingurinn á verkamenn? Var það ríkisstjórnin?

• Það er ótrúlega vafasamur fréttaflutningur RÚV af tapi Hafnarfjarðar verði þessu álveri lokað.
  *
• Það er bara alls ekki víst að bærinn muni tapa á því þegar til lengdar lætur.

Ef því verður lokað, er það ekki vegna krafna starfs-manna álversins, það er allt aðrar ástæður. Kanski þær að þessi ál-starfsemi RÍO TINTO er öll á brauðfótum um heiminn.

E.t.v. var fyrirtækið bara illa rekið og gerð er atlaga að verkafólki og að íslenska samfélaginu sem enn sér ekki fyrir endan á.

Fasteignaskattur eru t.d. þjónustugjöld og leiga fyrir lóð og aðra aðstöðu. Það sama má segja um hafnargjöldin. Á móti hefur Hafnafjörður gríðarlegan kostnað af veru álversins á þessum stað.

Það er mjög mikill afsláttur af þessum þjónustugjöldum. Álverið greiðir heldur ekki útsvar eins Ríkisútvarpið hefur básúnað í allt kvöld.

Hið rétta er að flestir starfsmenn álversins greiða útsvar til Hafnarfjarðarbæjar vegna þess að þeir eru flestir íbúar í þar í bæ. Það hlýtur að vera lágmarks-krafa að RÚV fari rétt með staðreyndir. Það er heldur ekki hægt að tala um að styrkir fyrirtækisins til íþróttafélaga og annarra aðila séu tekjur Hafnarfjarðarbæjar.

Loksins þegar þetta álver er farið að greiða betra verð fyrir raforkuna er það að gefast upp. Kostnaður Landsvirkjunar vegna Búðarhálsvirkjunnar var áætlaður 12 milljarðar þegar hafist var handa við þá framkvæmd.

Þá ætlaði álverið að stækka verkssmiðjuna og reiknað var með að myndu skapast störf fyrir 12 menn í álverinu. M.ö.o. hvert ársverk átti að kosta ríkið einn milljarð. Sem betur fer varð aldrei neitt að þeirri stækkun.

Hafnfirðingar höfnuðu þessari stækkun sem betur fer. Ef álverið fer skapast miklir möguleikar á þessari lóð fyrir atvinnustarfsemi sem skilar Hafnarfirði miklu meiri tekjur og fleiri störf fyrir Hafnfirðinga.

Verk­fall­inu af­lýst, hvaðan ætli þrýstingurinn hafi komið?

 

Allt stefnir í verkfall á miðnætti

Allt útlit er fyrir að verkfall hefjist í álverinu í Straumsvík á miðnætti. Enn er ósamið í kjaradeilu starfsmanna þar. Byrjað verður að slökkva á kerjum álversins á morgun, en það ferli tekur tvær vikur.

RUV.IS

 

Íslensk atvinnustarfsemi bíður eftir þessari raforku. Það vantar rafmagn fyrir skipaflotann og fyrir fiskvinnslufyrirtækin. Síðan þarf að rafavæða samgöngur hið bráðasta.

Þessir aðilar greiða mun hærra raforkuverð og munu draga verulega úr mengun á Íslandi á hvern mann.

Ísland og Kína eru hlið við hlið á listanum um hvaða þjóðir menga mest á hvern landsmann.

 

Íslendingar geta auðveldlega breytt þessu og okkur vantar ekki fleiri álver. 

 

Verkfallinu aflýst

Við íslendingar erum svo góðir

Við skuldum heiminum ekki neitt, þegar kemur að mengun

Segir formaður Sjálfstæðisflokksins,maðurinn sem hefur ásamt samráðherra sínum hefur sótt ársfund þess stjórnmálaflokks í heiminum sem ber mesta ábyrgð á gríðarlegri mengun í Bandaríkjunum. (Repúblikanaflokkurinn)

Þótt staðreyndin  sé sú að mengun á hvert mannsbarn á Íslandi sé með því mesta sem gerist.

Það er einmitt stefna núverandi stjórnarflokka að auka á mengun á Íslandi enn frekar og því er plagg umhverfisráðherrans er loðið.

Þótt Kínverjar mengi skelfing mikið að þá er þessi þjóð svo fjölmenn að mengun á hvern einstakling að meðaltali er snökktum minni en hjá mörgum þjóðum.

Síðan er það staðreynd, að þótt margir séu verri en íslendingar í þessum efnum þýðir það ekki að íslendingar séu til fyrirmyndar. Það gerir okkur okkur ekki betri þótt aðrir séu til sem eru verri eins og t.d. Bandaríkjamenn og mörg austur Evrópuríki.

Helsta synd íslendinga í þessum efnum liggur í því, að við höfum svo gríðarlega mikla möguleika til þess að snarminnka mengun á Íslandi. Það gerir raforkan ef okkur tekst að halda henni fyrir þjóðina og hætti að selja hana fyrir gjafverði til erlendra fyrirtækja.

Erum ekki í „stórskuld við umheiminn“

Það eru ekki fyrirtækin sem greiða Tryggingagjöldin

• Það greiða þeir launamenn sem starfa í atvinnulífinu. Áður fyrr voru þessi gjöld kölluð launatengd gjöld sem var auðvitað réttnefni.

Ef eigendur fyrirtækjanna vinna fyrir launum hjá fyrirtækjum sínum greiða þeir sama hlutfall og aðrir launamenn í þennan gjaldalið.

Þessi gjöld eru samningsbundin samkvæmt kjarasamningum en eru með lög frá Alþingi að bakhjarli.

Ef þessi gjöld eru lækkuð verður að kalla það launlækkun sem það þá er.

Við samningaborðið er fjallað um þessi atriði í hvert sinn sem gerðir eru heildarkjarasamningar en reyndar með aðkomu ríkisvaldsins eins og það hefur ætíð verið.

• Á útmánuðum 1955 var háð langt og strangt verkfall. Til lausnar á verkfalli þessu var gerður samningur milli verkfallsaðila og ríkisstjórnarinnar þess efnis að sett skyldi löggjöf um atvinnuleysistryggingar.
  *
• Þann 2. júní 1955 var skipuð nefnd til að semja frumvarp til laga um atvinnuleysistryggingar og varð frumvarpið að lögum 7. apríl 1956.

Það var reyndar verkamannafélagið Dagsbrún sem reisti þessa kröfu um að stofnaður yrði atvinnuleysissjóður. Ein megin krafan var um að launamenn sjálfir stæði undir öllum kostnaði við rekstur sjóðsins.

Ríkið kostar ekki atvinnuleysistryggingasjóð, það gera starfandi launamenn. Það ríkti oft neyðarástand á Íslandi áður enn þessi sjóður var stofnaður. 

Því er það, að ef einstaklingar eru þeirrar gerðar að svíkja út atvinnuleysisbætur eru þeir að níðast á vinnandi fólki sem þá heldur þeim uppi en ekki á ríkið.

Því miður, atvinnuleysisvofan hverfur aldrei það segja okkur sársaukafullar staðreyndir og reynsla.

En atvinnufyrirtækin þurfa að fara taka sig til í andlitinu við auka sína framleiðni.

 

Fjármagna horfið atvinnuleysi

Þetta er góð umræða sem varpar ljósi á stöðu fólks á Íslandi sem eru múslimar.

• Það er mikilvægt að árásir einhverra stríðasmanna á franska þjóð og kenna sig við íslam í hagræðingarskyni verði ekki túlkaðar sem árásir á okkur íslenska þjóð.

Þetta er ekki árás á Ísland eða á íslenska menningu. Þetta er árás á franska stríðsherra sem stjórna ríkisstjórn Frakklands og halda uppi stórfelldu stríði í arapalöndum.

Franska ríkisstjórnin hefur verið í umtalsverðum stríðsrekstri í Sýrlandi og eitthvað víðar fyrir botni Miðjarðarhafsins árum saman.  Í árásum franskra hermanna með fullkomnum stríðsflugvélum er ekki bara verið drepa einhverja hermenn heldur einnig á börn og aðra saklausa íbúa þessara landssvæða.

Þetta stríð frakka er ekki styrjöld háð fyrir íslendinga. Ekki heldur herferðir Bandaríkjamanna á þessum svæðum.

Íslendingar hafa ekki verið spurð sem þjóð og ekki Alþingi rætt málið á þeim nótum.En engin veit hvað utanríkisráðherrann gasprar yfir rauðvínsglasi á fundum erlendis.

 

Því er fáránlegt að við íslendingar tjáum okkur þannig að óþverrinn sem átti sér stað í París sé árás á íslenska menningu og mannlíf eða lífsform.

Ekki frekar en árásir vesturveldanna, tyrkja og rússa á þetta fólk er ekki á okkar ábyrgð.

„Ekki í okkar nafni“

Dæmigerð stefna Sjálfstæðisflokksins í skattamálum

• Veruleg skattahækkun á launafólki í Vestmannaeyjum, sérstaklega á láglaunafólki sem býr í leiguhúsnæði og eða í mjög litlum og ódýrum íbúðum. Sem eru þá gjarnan í kjöllurum og eða uppi í risíbúðum.
  *
• Á móti eru skattar lækkaðir á stóreignafólki. Þessi stefna stóreignamanna er ekki ný og hefur gjarnan birst nágrannabæjum Reykjavíkur þar sem Sjálfstæðisflokkurinn hefur haft meirihluta í sveitarstjórnum.
  

Þessi stefna þýðir auðvitað að fyrirtækin og eigendur þeirra sem gjarnan búa í stærstu húsunum í eyjum, fá afslátt.

En fasteignagjöldin eru fyrst og fremst þjónustugjöld og lóðaleiga. Rétt eins og hafnargjöldin.

Fyrirtækin greiða engin útsvör og eigendur þeirra eiga fyrirtækin gjarnan í gegnum eignarhaldsfélög margskonar greiða engin útsvör af fjármagnstekjum sínum.

Þar fyrir utan eru hafnsækin fyrirtæki gjarnan með sérstaka afslætti.

En eigendur greiða sjálfir útsvar af opinberum tekjum sínum hjá fyrirtækjunum. Þessi útsvör eru gjarnan kölluð vinnukonuútsvör vegna þess, hversu lág þau eru almennt að þau eru sjaldnast í nokkru samræmi viðlífstíl þessa fólks.

Sjálfstæðisflokkurinn sýnir þarna sitt rétta andlit í skattamálum, efnaða fólkið greiðir litla sem enga skatta en láglaunafólk greiðir háa skatta.

• En ef svona sveitarfélag getur veitt afslátt af sköttum væri eðlilegt að allir fengju sama afsláttinn, þ.e.a.s. sömu krónutöluna.

Afgangur af rekstri í Eyjum

Það eru nýir tímar á Íslandi

• Það verða stjórnmálamenn að skilja

Það er greinilegt af þessum fréttum um klúður menntamálaráðherrans að honum eru alvarlega mislagðar hendur.

Einnig virðist ljóst, að hann virðist hrærast í gömlum vinnubrögðum sem tíðkuðust á tímum Davíðs Oddssonar og einnig á eldri skeiðum á valdatímum Sjálfstæðisflokksins. Þar sem félagar Illuga leyfðu sér nánast hvað sem er.

Ekki ætla ég mér að fella dóma í þessum fjármálum ráðherrans, en auðvitað verður hann að svara skilmerkilega þeim spurningum sem að honum er beint í þeim efnum án undanbragða og útúrsnúninga. Annars verður Illugi dæmdur sekur af almenningi.

Aðferð þagnarinnar gagnast ekki lengur í stjórnmálum. En það er nokkuð sem gamli valdaflokkurinn virðist eiga í erfiðleikum með að skilja.

Gegnsæi hefur aldrei tíðkast í vinnubrögðum Sjálfstæðisflokksins og hann hefur einnig getað skipað velviljaða flokksdindla í embættismannakerfið.

Einnig er lærdómsríkt að fylgjast með því hvernig tök Sjálfstæðisflokksins eru enn á RÚV á því herrans ári 2015. En allar götur frá 1930 hefur flokkurinn verið í aðstöðu til þess að ritstýra fréttaflutningi RÚv meira og minna.

Starfsmenn miðilsins sem hafa lengst af reynt að segja rétt og satt frá eru greinilega undir hælnum á valdaflokknum. Einkum nú á tímum fjöldauppsagna þar á bæ..

Það sýnir sig einnig hvernig menntamálaráðherra skipar nána æskuvini sína til að sitja í stjórn RÚV. Þetta er auðvitað algjörlega óeðlileg skipan. 

Sjá eftirfarandi yfirlýsingu:
,,Í ummælunum segir Eiríkur Finnur frá því að hann hafi unnið með og þekkt Illuga frá unglingsárum og eiginkonu hans frá fæðingu. Þau séu miklir vinir þeirra hjóna.
„Ég verð að viðurkenna að ég skil ekki hversu lágkúrulegum vinnubrögðum er unnt að beita til þess eins að afla sér tekna og lífsviðurværis af útgáfu fréttamiðils eins og Stundarinnar, og skeyta engu um mannorð heiðarlegs og duglegs fólks. Hver skyldi verða næstur fyrir aftökusveitina?“

Það þarf ekki að spyrja um hvert hlutverk þessa aðila er á RÚV.

Það er einnig ljóst eftir að litlu flokksblöðin lögðu upp laupanna er enginn aðili sem stendur vörð um réttlætið.

Bæði Stundin og Kjarninn hafa tekið að sér siðgæðisvaktina í íslenskum fjölmiðlum. DV er ekki treystandi lengur þar sem flokksdindlar og fjármálaspekúlantar hafa náð tökum á því blaði.

 

Fulltrúi Sjálfstæðisflokks í stjórn RÚV gagnrýnir fréttir Stundarinnar um Illuga

Eiríkur Finnur Greipsson, fulltrúi Sjálfstæðisflokksins í stjórn RÚV, gagnrýnir fréttamiðilinn Stundina harðlega fyrir lágkúruleg vinnubrögð…

KJARNINN.IS

 

Það er skelfileg fátækt í Palestínu

• Síonistar sem hafa lagt undir Ísraelsríki nánast alla Palestínu og þjóðin sem byggði þetta land eru á flótta.
  *
• Bæði í fjölmörgum löndum og í eigin landi þar sem mikill fjöldi þeirra kúldrast á örlitlum land-skikum undir ógnarstjórn Ísraelsríkis.

Á dögunum sendu Síonistar áróðursmann til Íslands.

• Orðin „ Slái þig einhver á kinnina, skaltu og bjóða hina“ voru á sínum tíma sögð af gyðingi. Maður sem við kristnir menn gerðum að leiðtoga okkar.
  *
• Síonistar hafna slíkum boðskap, þeir þrífast á hatri. Þeirra einkunnarorð virðast enn vera. ,,Auga fyrir auga og tönn fyrir tönn". Í þessu landi þrífst hreinræktaður fasismi. 

Hver er þessi rithöfundur og blaðamaður, Ben- Dror Ymeni að nafni og hvaða erindi á hann til Íslands. Á hvaða vegum er þessi maður og hver er það sem kostar þessa ferð mannsins til Íslands.

Á dögunum eða 12.október sl. hélt þessi maður fyrirlestur á Grand-hótel. Lestur mannsins var fullur af áróðri síonista í Ísrael og fullur af illmælgi í garð Palestínumanna. Þá upplýsti maðurinn fundarmenn um mildi og mannúð ísraelska hersins.

Hann sagði frá mannvonsku arapa. Þá sagði hann að nánast einhliða blóðbað, sem Ísraelsmenn hafa staðið fyrir síðustu ár, sé smámunir einir miðað við illvirki annarra stríðsherra.

Það hlýtur að vera lágsmarkskrafa, að það sé upplýst hver það er sem stendur fyrir þessari áróðurssamkomu á Íslandi. Einnig hver greiðir allan kostnað.

En ljóst var á orðum þessa manns að síonistastjórnin í Ísrael heldur uppi njósnum á Íslandi. Hafa þeir leyfi til þess?.

Fátækt barna birtist á margan hátt