Hálfgerðar hundakúnstir hjá ráðherra

• Árum saman hef ég notað svona matsaðferðir en þá í verklegri námsgrein sem í sjálfu sér skiptir ekki máli.
  *
  
• Það var vegna þess að námskrá gerði kröfur um slíkar lausnir í námsmati.
  *
• Nú virðist vera farið ansi bratt í málið vegna þess að skólarnir hafa bara ekki farið að þessum tilmælum eða stefnumörkun í námskrá.

Mér sýnist að hér sé um að ræða það sem við höfum lengi kallað „rúbrikkur“ á góðri íslensku. Þar eru sett ákveðin hæfnisviðmið sem eiga að standa á bak við einkunnar skalann.

Það breytir engu hvort notaðir eru bókstafir eða tölustafir þegar einkunn er gefin. Því bak við bókstafina verða alltaf  vera einhver talnagildi.

Það er einnig mikilvægt að hægt sé að nota tæki  eins og töflureikna til að auðvelda vinnuna. Ef engin talnagildi eru fyrir hendi þá verður matið einfaldlega ómarkvisst.

En það er rétt sem Hilmar segir, að það tekur langan tíma að þróa þessi viðmið svo þau verði bæði réttmæt og eðlileg fyrir hvern aldurshóp. Það er vel hægt að nota viðmið til að meta bæði hæfni og þekkingu.

En til þess að  verður að gefa aðferðinni tíma til að þróast.  Einnig er nauðsynlegt að samhæfa matsfólkið, þ.e.a.s. kennaranna sem eiga að beita þessum aðferðum.

Einnig kallar þetta á breyttar kennsluaðferðir og breytta markmiðsetningu.  En einnig breytingar á því hvernig könnun á frammistöðu nemenda fer fram.

Ég reikna með því, að ekki sé við ráðherrann að sakast í þessu efni. Það stendur að þessu stóð kennslufræð-inga með DR gráður í farteskinu sem hafa fyrir löngu komið sér saman um að þetta sé nauðsynlegt.

Hvorki núverandi ráðherra Illugi Gunnarsson eða Katrín Jakopsdóttir  eru sérfræðingar í kennslufræðum fyrir grunnskólanemendur.

Þetta er eins og áður, þessar ráðuneytisrottur ráða þarna för. Þessi ákvörðun er margra ára gömul og skólarnir hafa hunsað þessa stefnu árum saman.

Það verður engin sjálfstæð námskrá til hjá einum ráðherra, það er verk margra manna og tekur mörg ár.

 

Hvaða þýða bókstafseinkunnir

Nú standa fyrirmyndar svínabændur uppi með pálmann í höndunum

• Það eru engar líkur á því að viðskiptavinir gefi slíka fresti.
  * 
• Nú er tækifærið fyrir fyrirmyndarbúin

Þetta ástand í svínamálum gefur auðvitað þeim svínabændum sem eru með allt í 100% lagi mjög góða stöðu.

Nú fá þeir tækifæri til að upplýsa almenning um hversu vel þeir standa sig.

Þá geta þeir fengið vottun og merkt og auglýst sína vöru og það er öruggt að slíkir aðilar munu selja grimmt.

Kaupmenn munu vilja versla við slíka aðila og viðskiptamenn í verslunum. Alveg sérstaklega af svínum sem geta átt kost á eðlilegri og reglulegri útivist.

Á meðan búskussarnir sitja uppi með óseljanlegar vörur. Því enginn vill eiga viðskipti við slíka aðila sem eru með allt niður um sig.

Búskussarnir geta ekki komið með einhverja ódýra útúrsnúninga og afsakanir. Það er almenningur í landinu sem ákveður við hverja þeir vilja eiga viðskipti. 

Ég veit auðvitað ekkert um þennan aðila

 

Reiður svínabóndi: „Það er verið að heimfæra þrjár, fjórar myndir á fjögur þúsund gyltur“

Rauðir básar eru skýrasta vísbending um hvaða svínabú á Íslandi hefur farið verst með dýr sín.

 

Myndir sem koma fram í skýrslu Matvælastofnunnar hafa valdið uppnámi, en… (stundin)

 

• Stjörnugrísinn getur einnig boðið blaðamönnum á staðinn í kaffi og meððí. Einnig má bjóða þeim að mynda herlegheitin og prófa básanna. Ef allt er rétt gert í þessum húsum þá merkir hann auðvitað sínar vörur og þá munu þær væntanlega seljast beint frá býli

 

 

 

Aðlögunarfrestur svínabænda liðinn

Auðvitað ber þetta vitni um ómenningu og agaleysi hjá foreldrum

• Enginn þorir segja neitt.
  *
• Þetta klæðnaðarmál ber bara vitni um stjórnleysi og um agaleysi á heimilum þessara barna. Það er ekki hlutverk kennara að ala þessi börn upp.
  *
• En leiðir óhjákvæmilega til þess, að skólafólk fær ákveðið vafasamt álit á svona foreldrum 
  *
• Því þessir foreldrar virðast ekki ráða við hlutverk sitt að aga börn sín. E.t.v. er þeim alveg sama um börnin sín.

Klæðnaður sem þessi hefur auðvitað kynferðislega tilvísun, um það er enginn vafi  og ber vott um ákveðna ómenningu.

Þessar ólögráða stelpur 13 til 15 ára standa þarna upp í hárinu á öllu skynsömu fólki og ljóst er foreldrar þeirra ráða ekki við þær. Það hlýtur þá einnig að eiga við á fleiri sviðum.

Klæðnaðurinn er ögrandi og býður svo sannarlega hættunni heim. Auðvitað ekki í skólanum heldur annarstaðar. Kennurum er sýnt með þessu háttarlagi algjört virðingarleysi.

Það er margir vitleysingar á ferli um borgina sem túlka svona klæðnað á stúlkum að vetrarlagi sem einhver kynferðisleg skilaboð.

Þá er ég ekki að tala um skólabræður þessara krakka. Heldur menn úr þeim hópi karla sem hafa nauðgað ungum stúlkum. Því miður er slíkt allt of algengt og það í sjálfri borginni.

Það felst enginn sigur í því athæfi að komast upp með það, að geta gengið næsta fáklæddur í grunnskólum.  Þessar stelpur eru ekki kynlausar verur.  Þær mála sig og skreyta áður en þær mæta í skólann á hverjum morgni.  Maður hefði haldið að það ætti að duga.

Síðan geta strákarnir einnig tekið upp á einhverju fárálegu í klæðaburði einnig. Framundan er kaldasti hluti ársins og slíkur klæðnaður passar alls ekki.

Eða er hugmyndin að koma dúðaður í skólann að morgni og skipta síðan um föt í skólanum?

Þetta hlýtur að endurvekja umræðuna um skólabúninga sem oft hefur skotið upp kollinum á síðustu áratugum. Slíkt viðgengst í mörgum nágrannalöndum sem margir íslendingar taka sér til fyrirmyndar.

Þetta er auðvitað fyrst og fremst hallærislegt.

 

Biðst afsökunar á athugasemdunum

Karla- eða feðraveldið reynir að halda í sitt.

• Hvað sem tautar og raular.

Það er lífseig skoðun, að karlarnir skulu vera þeir sem starfa í atvinnulífinu og eru fyrirvinnur heimilanna, stjórni þjóðfélaginu með annarri hendi (með hægri og stundi flott matarboð í hádeginu með rautt í glasi) en konur séu heimavið og hugsi um heimilið og börnin.

Það taki því ekki fyrir stúlkur að fara til langskólanáms því þær munu eignast börn og af þeim sökum vera bundnar heima yfir börnum og bóni. Það er ekki langt síðan að þessi viðhorf voru ráðandi í stétt hálaunamanna og meðal embættismanna.  

Það er langt síðan að sú staða var ljós, að hjón í verkamannastétt urðu bæði að vinna fyrir heimilinu til þess, að þau hefðu fjárhagslegt bolmagn til þess að eignast þokkalegt húsnæði og til þess að styðja börn sín til náms.

Það hefur alltaf verið ljóst eftir að fræðimenn fóru að skoða mannlegt atferli á öllum sviðum þjóðfélagsins, að staða fólks í samfélaginu stétt hefur áhrif á viðhorf fólks á nánast öllum sviðum.

Þar skiptir kyn, reynsla máli og stétt miklu máli. Þá skiptir máli uppruni dómara eða hvaðan af landinu hann kemur. Jafnvel í túlkunum á lagbókstöfum sem nánast alltaf eru túlkanlegir á ýmsan hátt.

Til þessa hefur vandamálið verið að dómarar í hæstarétti hafa komið úr yfirstétt landsins og jafnvel verið ráðnir til starfa með flokkspólitískum hætti.

Því hefur það oftlega verið erfitt fyrir fólk úr verkamannastéttum að treysta þessum dómstól. Sérstaklega ef viðkomandi hefur verið í baráttusveit launafólks.

Því skiptir fjölbreyttni gríðarlega miklu máli, en einnig menntun og reynsla. Síðan er mikilvægt að karlar fari að átta sig á þeirri staðreynd og á þeirri stöðu sinni, að innan nokkurra ári verður vandamálið hvað varðar dómstóla breytt.

Árum saman hafa miklu fleiri konur útskrifast úr námi frá háskólum landsins einkum í þeim greinum þar sem námið tekur lengstan tíma og er erfiðast. Einnig koma fleiri konur úr framhaldsnámi frá erlendum háskólum.

Því má reikna með því að innan fárra ára verði konur allsráðandi t.d. í dómstólum landsins. Þá verða karlar komnir í svipaða stöðu og konur nú, gerandi kröfur um jafnrétti milli kynja í dómstólum landsins.

.  

„Fjölbreytni í dómstólum!“

Hvers vegna ætti almenningur að styrkja svínabændur til að byggja ný gripahús?

• Að landbúnaðarráðherra skuli leyfa sér að hafa orð á því opinberlega að styrkja eigi svínabændur sérstaklega til að byggja ný hús ber vott um sjúklega spilltan hugsunarhátt.

Svínabændur eru ekki að reka þessi bú fyrir almenning. Þeir gera það, til að hafa af því viðurværi sjálfir.

• Fækka verður gripum í núverandi húsum tafarlaust. Nú finnast básar fyrir gyltur sem eru innan við 50cm breiðir og gripir geta ekki hreyft sig.
  *
• Þetta er algjört svínarí og mannvonska af verstu gerð. Gylturnar eiga að geta gengið um frjálsar í stórum gerðum innanhúss. 
  * 
• Fróðlegt væri að sjá svínabændur með strekktar ýstrur af beikoni og öðru svínakjötsáti athafna sig í slíkum þrengslum.

Gera verður kröfur um að svín búi við eðlilegan aðbúnað í íslenskum svínabúum enda er þessi grein starfandi innan mikillar verndunnar í landinu.

Það á skilyrðislaust að banna sölu á grísum til slátrunar frá svona búum. Er þá sama hvort búið er íslenskt eða erlent. Eðlilegt er að búin séu vottuð í lagi.

Síðan hefði maður haldið að fólk vildi frekar kaupa svínakjöt sem er ættað frá búum þar sem gyltur hefði frelsi til útivistar og síðan eðlilegar fæðingadeildir fyrir gyltur og grísi.

Slíkt kjöt þyrfti auðvitað að vera merkt sem slíkt og best væri að dýrin væru fóðruð á umhverfisvottuðu fóðri. 

 

Sigurður Ingi: „Ekki boðlegt“

Sigurður Ingi Jóhannsson landbúnaðarráðherra telur það óboðlegt að svín líði fyrir úreltar framleiðsluaðferðir. Hann segir koma til álita að ríkið styrki framleiðendur til að endurbyggja bú sín vegna hertra reglna um velferð dýra.

RUV.IS

Orðspor greinarinnar í hættu

Maðurinn í tvílitu skónum

• Þetta er ákaflega merkilegt, því hann hefur verið ósnertanlegur á Íslandi.
  *
• Það er eins og hann sé guðleg vera og hafi aldrei gert neitt vafasamt.
  *
• Hefur hann þó komist í kast við lögin í tengslum við Hafskipsmálið

 

Hann ber sig vel, býr í stóru einbýlishúsi og ekur um á dýrum bílum.

 

Hann virðist ekki búa við neitt hokur blessaður karlinn.

 

 

Væntanlega styrkir hann flokkinn sinn ennþá.

Myndin var frá þeim tíma þegar allt lék í lyndi

Björgólfur ákærður í Frakklandi

Nú eru óveðursskýin farin að hlaðast upp á himinhvelfinguna

• Það virðast flestir reynsluboltar sjá þessa dökku og þykku skýjabólstra á morgunhimninum.
  *
• Það er a.m.k. skoðun margra stjórnmálamanna, bæði í stjórnarandstöðu og ráðherrar ríkisstjórnarinnar að blikur eru á lofti.

Þá hafa forystumenn samtaka atvinnurkenda af þessu miklar áhyggjur ásamt forystufólki hjá verkalýðs-hreyfingunni.

Í ljós hefur komið að sveitarstjórnarmenn hafa flotið að feigðarósi og ekki gert sér grein fyrir að þeir yrðu að bæta kjörin verulega hjá sínu starfsfólki. Eftir að hafa haft fólk í störfum á mjög lágum launum allar götur frá hruni.

Það er ljóst og allir málsmetandi aðilar viðurkenna og meta, að vinstri stjórnin undir forystu Jóhönnu og Steingríms gerðu kraftaverk í efnahagsmálum eftir hrunið. Settur var réttur kúrs á efnahagsmálin og reynt var að standa vörð um lífskjör þeirra sem við lökustu kjörin búa.

Jafnvel nokkrir fyrrum ráðherrar úr stjórn Geirs Haarde sáu ljósið í nokkrar mínútur eftir hrunið og áttuðu sig á því að hægri stjórnin hafði fallið á stóra prófinu. Að skipbrot stefnu ríkisstjórna Davíðs Oddssonar blasti við.

Vandinn er djúpstæðari, því stóri valdaflokkurinn neitaði síðan að viðurkenna að stefna flokksins í efnahagsmálum væri röng, landsfundur þessa flokks sagði að hrunið væri alfarið almenningi að kenna.

Núverandi ríkisstjórn hefur setið í stjórnarráðinu í tvö ár og hefur keyrt er á gömlu stjórnleysis úrræðunum frá tímum Davíðs Oddssonar og Halldórs Ásgrímassonar og óveðursbakkarnir blasa allir við.n

Enn sem betur fer keyrir seðlabankinn að mestu eftir stefnu sem mótuð var á tímum vinstri stjórnarinnar.

Þessi staða minnir mig á gömul sannindi og sögu sem ég hef einhverntíma heyrt um skiptingu fólks í hópa eftir atferli sínu í lífinu.

En samkvæmt þessari greiningu skiptist fólk í þrjá mis stóra hópa sem iðulega breytast hlutfallslega að stærð í samfélaginu.

Fyrsti hópurinn oft stærstur en ekki alltaf.
Er fólk sem veður áfram yfir hverja ófæruna á fætur annarri einkum á sviði fjármála. Fólkið sem tilheyrir þessum hópi lendir mjög oft í fjárhagslegum kröggum t.d. vegna þess að það hefur skuldsett sig of mikið og ekki hugsað fyrir skuldadögunum eða ætlað sér hluti sem það ræður ekki við.

Það er fer ævinlega þannig að það verður að leita sér hjálpar. Sérkennilegast er, að þegar búið er að bjarga málunum að þá heldur það áfram óráðsíunni eins og ekkert hafi í skorist.

Annar hópur er stundum stærstur einkum eftir mikil áföll í samfélaginu.
Þetta fólk veður áfram með alveg sama hætti og fólkið í fyrsta hópnum. Það lendir í gríðarlegum erfiðleikum og þarf aðstoð.

En munurinn er sá að þetta fólk lærir af reynslunni og gætir þess eftir reynslu sína að lenda aldrei aftur í slíkum ógöngum. Það verður að mikilvægum þjóðfélagsþegnum sem gefa af sér.

Þriðji hópurinn er ævinlega fámennastur
Kanski er fólkið í þeim hópi ekki það skemmtilegasta og ekki það vinsælasta.

En þetta er fólkið sem lærir af reynslu annarra og lendir nánast aldrei í kröggum. Þetta fólk er oftar en ekki mikilvægasta fólkið í hverju samfélagi sem forystufólk. Til þess að verða leiðtogar.

En sannleikurinn er oft sá með þetta fólk að það hefur sig lítt í frammi og lætur lítið á sér bera og er með sterkar lífsreglur sem það hefur tamið sér. Iðulega er þetta fólk langskólagengið. En vegna þessa velst það sjaldan til forystustarfa.

Það er öllum mikilvægt að draga lærdóm af reynslunni til að geta náð eðlilegum og góðum þroska. Þannig verða framfarirnar.

Það verður að segjast eins og er, það er mikilvægt að vera vitur eftir á. En það er ekki auðvelt.

Best er að geta nýtt sér reynslu þeirra sem hafa gert mistökin. Það eru t.a.m. aðferðirnar sem uppfinningamenn nota jafnan og góðir stjórnmálamenn.

„Aldrei aftur haftalaus króna“

Þetta svar Kristjáns Vals er í raun útúr snúningur.

• Það er ljóst að mjög mikill meirihluti þeirra sem eru í þjóðkirkjunni vilja að það ríki algjört jafnrétti allra í kirkjunni.

Þetta sem Kristján Valur segir er vanhugsað að mínu mati og er ekki samkvæmt boðskap leiðtoga okkar sem viljum vera kristnir.

Ekki gengur að vísa í seinni tíma menn til að réttlæta fordómanna.

Einnig eru prestar þjóðkirkjunnar ósammála Kristjáni Val og sýndi það sig ágætlega að allir þeir sem eru á línu Kristjáns Vals og gáfu kost á sér í biskupskjörinu fengu lítið fylgi meðal presta.

Því ætti þessi ágæti maður að skoða stöðu sína rækilega því honum var algjörlega hafnað í biskupskosningunum og væntanlega vegna hans íhaldssömu stefnu sérstaklega. Hann ætti einnig að skoða stöðu sína í stjórnkerfi þjóðkirkjunnar.

Einnig mætti minna á það, að Kristján Valur hrærði skyrið í þessari stofnun þegar Ólafsmálin stóðu sem hæst. Sá hræringur allur fór illa með trúverðugleika Þjóðkirkjunnar.

En Baldur Þórhallsson skuldar okkur þjóðkirkjufólki skýringu á orðum sínum í Pressunni um að Agnes hafi unnið gegn rétti samkynhneigðra.

Prestar megi ekki mismuna

Auðvitað fara hótelrekendur ekki að skipta sér af pólitík

• Það yrði auðvitað sérkennileg vinnbrögð fyrirtækis af þessu tagi sem vill eiga viðskipti við allt sómakært fólk hvaðan sem það kemur og án þess að kanna fyrirfram hvaða skoðun það hefur á hinum og þessum málum.

Ef frétt Framsóknar-DV væri rétt, væri auðvitað ástæða til þess að þessir hótelkallar hipjuðu sig strax úr landi. 

Það væri fráleitt að slíkir erlendir fjárfestar færu að skipta sér pólitík á Íslandi ef þeir ætla sér að  starfa á Íslandi. Hvort sem það er landspólitík eða sveitarstjórnarmál.

En samkvæmt  eftirfarandi frétt Mbl segir m.a.

„Áform um fjár­mögn­un hót­els­ins við Hörpu eru óbreytt. „Við lát­um öðrum eft­ir póli­tísk úr­lausn­ar­efni, hvort held­ur er á Íslandi eða á alþjóðleg­um vett­vangi. Sjálf­ur hef ég fulla trú á umb­urðarlyndi Íslend­inga og virðingu þeirra fyr­ir öllu fólki,“

seg­ir Rich­ard L. Friedm­an, for­svarsmaður fjár­festa í Ed­iti­on Hotel Proj­ect, í yf­ir­lýs­ingu.

Það er eins og móðursjúkir stjórnmálamenn á Íslandi skilji það ekki, að fyrirtæki eins og þetta sækist eftir því að starfa í lýðræðisríkjum þar sem eru frjáls skoðanaskipti.

• Hnjáliðamýkt þessa stjórnmálafólks og minnimáttarkennd á engan rétt á sér.
  *
• Einnig eru hundakúnstir sonar bílasalans undarlegar. Í frétt Mbl. í gær segir m.a.:

„Júlí­us Víf­ill Ingvars­son, borg­ar­full­trúi Sjálf­stæðis­flokks­ins, hyggst á fundi borg­ar­ráðs á morg­un óska eft­ir öll­um gögn­um tengd­um und­ir­bún­ingi inn­kaupa­banns borg­ar­inn­ar á vör­ur frá Ísra­el. Hann tel­ur ljóst að und­ir­bún­ings­ferl­inu hafi verið veru­lega ábóta­vant og hyggst senda umboðsmanni Alþing­is er­indi um málið í kjöl­farið“.

• Þetta er auðvitað afar kostulegt hjá manninum í jólafötunum. Það vill nefnilega þannig til að utanríkisstefna stjórnvalda tekur miklum breytingum frá einu ári til annars.
  *
• Því er sveitarstjórnarmönnum ógjörlegt að sveiflast í vinnubrögðum eftir breytilegri stefnu stjórnvalda hverju sinni. Auk þess sem pólitísk stefna stjórnvalda hverju sinni eru ekki landslög. 

Síðan hafa innkaupamál borgarinnar ekkert með utanríkisstefnu stjórnvalda að gera.  Sem betur fer, búa íslendingar að mestu við pólitískt frelsi.

 

Óbreytt áform um Hörpuhótel

Ekkifréttin mikla

Það er hvergi fjallað um þetta sem frétt í Evrópu nema á Íslandi og ekki einu sinni í Ísrael.

Þetta er bara eitthvað sem blásið er upp á Íslandi og notað sem pólitískar keilur. Sennilega vegna þess að málið snertir samvisku borgarfulltrúa hægri flokkanna.

Þetta er fólkið sem kynnir sig sem fullrúa fyrir lýðræðisflokkanna í landinu, en eru alltaf á móti öllum lýðræðislegum málum eins og þetta mál er svo sannarlega. Það einmitt flokkarnir þeirra Framsókn og Sjálfstæðisflokkur sem stöðva eðlilegan framgang stjórnarskrárbreytinganna.

Það er auðvitað fullkomlega eðlilegt að borgarstjórnarmenn láti sig mannréttindi varða með sínum hætti.

Mannréttindaákvæðið ekki útfært