Styðjum Starfsgreinasambandið

• Á morgun 1. maí,baráttudag verkalýðsins mætum við öll í kröfugöngu til stuðnings við kröfur Starfgreinasambandsins um að lægstu laun verði ekki lægri en 300 þúsund á mánuði inn þriggja ára

 

• Verkamannafélögin hafa aldrei misnotað verkafallsréttinn sinn, þetta er fyrsta verkfallið í 30 ár. Lögin nr 80 frá 1930 koma í veg fyrir misnotkunn.
  *
  
• Verkalýðsfélög á Íslandi búa við veikari verkafallsrétt en verkalýðsfélög í svo nefndum viðmiðunarlöndum

 

Með þjóðarsáttarsamningunum samþykkti láglaunafólk að taka á sig verulega kjaraskerðingu tímabundið til að bjarga þjóðinni frá einni kollsteypunni sem atvinnufyrirtækin voru búin að koma þjóðinni í.  

 

En samtök atvinnurekenda voru búin að svíkja þjóðarsáttarsamninganna áður en blekið hafði þornað í undirskriftunum.

 

 

Þá var farið í að semja um vinnustaðasamninga við t.d. þá iðnaðarmenn sem stóðu utan við þjóðarsáttarsamninginn.

 

Það voru umtalsverðar launahækkanir ígildi kjarasamn-inga. Þetta voru auðvitað hrein svik við þá sem stóðu að þessum samningum.

Frá þessum tíma hafa verið ríkjandi markaðslaunasamningar á SV- horni landsins. Þeir sem taka þátt í því undirferli innan ASÍ eru t.d. byggingariðnaðarmenn og Flóabandalagið.

 

Í þessum 1990 samningum voru gerðir samningar við samtök atvinnurekenda um að bæta kjör láglaunafólks sérstaklega á nokkrum árum, það var svikið.

 

Þá var gerður samningur við stjórnvöld um samráð í efnahagsmálum, það kom ný ríkisstjórn í landið sem ekki taldi sig vera bundna af slíkum samþykktum. Þar voru einnig tóm svik. 

 

Formaðurinn ekki bjartsýnn

Við fögnum launahækkun þessa láglaunamanns

• Það er nú gott að einhverjir geti fengið launahækkun.

Þessi skrifstofumaður er eflaust með þungt heimili og mikla ómegð, það er auðvitað ómögulegt að láta skrifstofumenn svelta heilu hungri vegna lágra launa.

 

Væntanlega mun hann veita öðru láglaunafólki lið sem óskar eftir því að lágmarkslaun verði komin í 300 þúsund eftir þrjú ár.

5 milljóna launhækkun framkvæmastjóra KEA

Laun framkvæmdastjóra KEA hækkuðu um fimm miljónir króna á síðasta ári. Frá árinu 2012 hafa laun framkvæmdarstjórans hækkað um rúma sex og hálfa miljón á ári. Eigið fé félagsins í lok síðasta árs var rúmir 5,3 miljarðar.

RUV.IS

Skellur fyrir fasteignamarkaðinn

Mikilvægt dómsmál

Eins og málfrelsi er mikilvægt eru önnur mannréttindi einnig mikilvæg. Málfrelsi fylgir ábyrgð sem ber að virða. Ef eðlileg mörk á málfrelsi eru ekki virt líður ekki á löngu að löggjafinn muni skerða málfrelsið verulega.

Það eru engir tveir eins, hvernig sem á það er litið. En allir eiga, að eiga sér sín mannréttindi hvernig sem þeir eru skapaðir. Það hefur enginn rétt á því að níða niður skóinn á náunga sínum.

Því fagna ég því, að það hefur verið sett á dagskrá dómstóla landsins, hvort þau ummæli sem gjarnan eru viðhöfð gagnvart samkynhneigðu fólki séu ekki saknæm og það eigi að dæma þá seka um lögbrot sem viðhafa slík athæfi.

En svona athæfi er beitt gagnvart mörgu fólki, sumum vegna þess að þeir hafa sterkar skoðanir og fara ekki leynt með þær. Dæmi um slíkt er auðvitað Snorra-málin. Einnig er hrokinn gagnvart múslimum algjörlega óviðunandi. Þá er ónefnd stéttarskiptingin á Íslandi.

svona má lengi telja.  

Mál Samtakanna '78 á sér fordæmi

VR - Nýtt félag

• Á árum áður notuðu samtök atvinnurekenda í samstarfi með Sjálfstæðisflokknum VR til að kljúfa verkalýðshreyfinguna í herðar niður.
  *
• Forystumönnum þessa félags var aldrei treystandi og allar viðkvæmar upplýsingar láku frá þeim yfir til samtaka atvinnurekenda og flokksins jafnóðum.
  *
• Upp komst um gríðarlega spillingu í VR í tengslum við lífeyrissjóðinn þegar hrunið var orðið að veruleika.

T.a.m. var VR í lykilstöðu er  Bjarni Benediktsson  þáverandi forsætisráðherra tókst að klúfa ASÍ vegna lífeyrissjóðamálanna á 7. áratugnum, ásamt örfáum öðrum félögum sem einnig voru að berjast með rekstur á lífeyrissjóðum  sem allir börðust í bökkum.

Þetta var bara nýr skattur á launamenn og allir sjá það loks eftir hrunið á Íslandi. Enn hefur ekki verið gerð úttekt á þessu sjóðakerfi af hlutlausum aðilum vegna hrunsins.

En sameiginlegar kröfur ASÍ voru um að venjulegir félagar nytu eftirlauna í svipuðum mæli og opinberir starfsmenn og launafólk á norðurlöndunum.  Það var aldrei gerð krafa um lífeyrissjóði.

Á fjölmörgum ögurstundum brugðust verslunarmenn ófaglærðum félögum sínum í öðrum félögum og voru jafnan tilbúnir að semja um lægri laun en aðrir. Enda voru þeir framarlega í þróun markaðslauna frá gamalli tíð.

• Nú er félagið greinilega breytt og virðist vera tilbúið að berjast fyrir hækkun á lægstu launatöxtum félagsins.
  * 
• En innan þessa félags eru gríðarlega margir á ótrúlega lágum launum. Jafnvel á launum sem eru undir umsömdum lágmarkslaunum.

VR og Landssamband íslenzkra verzlunarmanna lýstu því yfir í gær að viðræður þeirra við Samtök atvinnulífsins hefðu verið árangurslausar og hafa slitið þeim.

 

Sömu sögu má segja af Flóabandalaginu, verkalýðsfélögum á suðvesturhorninu sem undirbúa verkföll.

 

 

Viðræðum VR og SA slitið

Náttúrupassinn

Hann var búinn að daðra við hana allt kvöldið og bera í hana veitingar ásamt rauðvíni og bjór, skvísan sem var bráðlagleg svo af bar, lét mjög líklega og sýndi af sér mikla blíðu í hans garð og var hin ljúfasta.

Þegar leið á kvöldið spurði stúlkan hvort hann vildi ekki keyra hana heim og hann hélt það nú. Þau kysstust í krók og kring í bílnum sem renndi í Hafnarfjörðinn. Hann gerðist æ kræfari í atlotum sínum og hún lét sér vel líka.

Síðan stoppaði bíllinn við hið glæsilega hús í Hvömmunum og hann borgaði bílinn að sjálfsögðu og gerði sig líklegan til að fara inn í þetta glæsihús og gekk með dömunni upp tröppurnar.

Skyndilega stoppaði konan við dyrnar í þessum háu tröppum sem voru við húsið stakk lyklinum í skránna. En um leið snéri hún sér að honum og spurði:

Ertu með náttúrupassa?

Það kom hik á okkar mann og þá rauk hún inn í húsið og kallaði hátt.

Einar, ég er kominn heim. Fyrirgefðu hvað mér seinkaði, en þú veist hvernig þessir fundir eru.

Afsakið, myndin er af vitlausri konu

	Dunk­in' Donuts til Noregs
Ábyrgðarmaður færslu Tenging við þessa frétt hefur verið rofin vegna kvartana.

Spilling virðist vera enn í gangi meðal stjórnmálamanna

• Á árunum fyrir hrun hafði komið í ljós að meðal stjórnmálamanna sem tilheyrðu gömlu valdaflokkunum á Íslandi að veruleg spilling var daglegt brauð og óeðlilegt samkrull með fyrirtækjum.
  * 
• Sérstaklega var þetta síðan áberandi í tengslum við prófkjörskanditata í Sjálfstæðisflokki og í Framsóknarflokki.
  *
• En einnig var borið mikið fé á flokkanna sjálfa og er það enn þótt stór hluti af þeim styrkjum séu nú neðanjarðar.

Þ.e.a.s. í þeim sömu stjórnmálaflokkum og nú standa að ríkisstjórn Íslands ríkti skelfilegt ástand.

Flokkarnir virtust geta tekið við ómældu fé frá ýmsum hagsmuna aðilum í landinu og jafnvel erlendis frá.

Þar til viðbótar var borið fé á marga aðila sem voru líklegir til að ná það langt í prófkjörum að þeir næðu kjöri bæði á þing og í t.d. borgarstjórn þar sem óeðlilegur fjáraustur var borinn í(Samfylkingarmenn).

Þar komu einnig til sögunar mjög rík tengsl voru við fyrirtæki í sjávarútvegi og við einkafyrirtæki í orkugeiranum við þessa tvo gömlu flokka og eru enn.

Enn virðist sem veruleg spilling geti verið grasser-andi þrátt fyrir hrunið og alla spillinguna sem þá kom í ljós.

Því er mikilvægt að farið verði í það verkefni á vegum Alþingis og samtaka sveitarfélaga að uppræta slíka spillingu.

Það er einnig alvarlegt umhugsunarefni, hvers vegna það er ekki rannsakað hvort einhver spilling eigi sér stað í ýmsum ferlinum þegar ákveðið er að gera stóra samninga við erlenda auðhringa um orkusölu og fjölmörg atriði önnur.

Einnig hvort allir orkusamningar séu eðlilegir.

Dæmi um skilningsleysi og kæruleysi

Nýleg dæmi um hagsmunatengsl þingmanna eru dæmi um kæruleysi og skilningsleysi á stöðunni, segir sérfræðingur hjá Siðfræðistofnun Háskóla Íslands. Umræðu skorti um hver siðferðisleg viðmið eigi að vera

RUV.IS

Fjársvik kosta 3.500 milljarða dollara

Enginn er óbarinn biskup

• Enginn verður óheiðarlegur af því einu að lenda í alvarlegum fjárhagserfiðleikum.
  *
  
• Þ.e.a.s. ef viðkomandi reynir ekki að komast hjá sannleikanum til að hagnast í því fjárhagslega á kostnað annarra.  

Vandinn er bara sá, að Illugi hefur verið ráðherra í tvö ár án þess að þessi staða hans sé uppi á borðum er veikir mjög trúverðuga stöðu hans sem ráðherra.

Auðvitað má segja að öðrum komi þetta mál ekkert við, því þetta er einkamál fjölskyldunnar.

Þá rifjast auðvitað upp mál hans í Glitni forðum sem hann sem betur fer komst frá án þess að félli blettur á æru hans.

• Þá hefur Illugi þegið háa prófkjörsstyrki

Nú vaknar spurningin um hvort ráðherrann sé algjörlega án áhrifa frá þessum aðila sem kaupir af honum hús-eignina sem hann var að missa.

Var verðið eðlilegt miðað við markaðsaðstæður á þeim tíma og eru leigukjörin eðlileg.

Hvers vegna vakna þessar spurningar?

Jú það er vegna þess, ráðherrann fer í vinnuferð til Kína á vegum þessara aðila sem kanski björguðu  honum frá gjaldþroti

Breytir þá engu þótt hann segist hafa verið í heiðarlegri vinnuferð sem ráðherra. Blikkljósin láta ljós sín skína engu að síður. 

Er hann að segja satt?  Verður hann nokkurntíma trúverðugur eftir þessa ferð í ljósi atburðanna.Er hann algjörlega óháður þessu fyrirtæki?

Eftir á er auðvelt að segja, að Illugi hefði átt að upplýsa um stöðu sína áður en hann var valinn sem ráðherra. 

Einkum vegna þess að flokkur hans hefur ekki sloppið við alvarlegan spillingar stimpil.

Illugi þurfti að selja íbúðina

Þetta með hvatann er vandmeðfarið hugtak í kjaramálum.

• Það vita forystumenn í samtökum atvinnurekenda.

Þeir hafa í gegnum tíðina barist fyrir því að hverskonar bætur eigi að vera mjög lágar. Sem dæmi má nefna örorkubætur og þó sérstaklega atvinnuleysisbætur.

Þeir óttast nefnilega samkeppnina um fólkið, því þeir vilja geta greitt laun sem eru undir fátækramörkum.

Í heildarkjarasamningum er ASÍ og SA er ævinlega samið um launaflokka sem ætlað er að stýra bótakerfinu og launum opinberra starfsmanna en hafa ekkert gildi á almennum vinnumarkaði.

M.ö.o. að það er enginn hvati fyrir ófagært fólk að fara til starfa þar sem boðið er upp á of lág laun. Sem eru mánaðarlaun undir 350 þúsund á mánuði. Það er meiri hvati til að fara bara á bætur.

En það er ansi snúið að taka undir það, að skólaganga eigi að ráða því hvað fólk fær í laun en ekki vinnuafköst og verðmætasköpun mannsins.

Þ.e.a.s. hvað hann skilar miklum arði fyrir það fyrirtæki sem hann starfar hjá.  Það er nefnilega mjög algengt að lang-skólagengið fólk stendur sig illa í atvinnulífinu og skilar engum arði.

M.ö.o. að það er algjörlega persónubundið hversu miklum verðmætum hver starfsmaður skilar inn í það fyrirtæki sem hann starfar hjá.

Afköst mannsins er auðvitað sá eini eðlilegi og réttmæti kvarði til meta hvaða laun hver einn á að fá til viðbótar við lágmarkslaun. 

Langskólagengnir geta orðið lasnir alveg eins og þeir sem ekki hafa langt nám að baki sér.

• Verkfallsvopnið er og verður ætíð algjört neyðarúrræði launafólks í átökum sínum við atvinnurekendur.
  *
• Verkafallsvopnið er einnig tvíeggjað sverð sem bítur í báðar áttir og bitnar raunar enn harðar á launafólki heldur en á elítunni sem Bjarni tilheyrir.
  *
• Sem betur fer fyrir alþýðu landsins er aðili eins og Ólafur Thors fyrrum formaður stórútgerðarinnar ekki lengur forsætisráðherra, en hann var ósvífnastur allra ráðherra á Íslandi gagnvart launafólki.
  *
• Það er kjarnastefna hjá Sjálfstæðisflokknum að láta aldrei opinbera starfsmenn ráða stefnunni í kjaramálum.
  *
  
• Það má búast við að reynt verði að kljúfa ASÍ-hópinn með því að reyna ná samningum við Reykjavíkurfélögin sem eins og oft áður eru með einhverja hnjáliðamýkt gagnvart Samtökum atvinnurekenda vegna markaðssamninga ýmiskonar.

Verkfallsvopnið á að vera neyðarúrræði

Bjarni Benediktsson, fjármálaráðherra, segir að verkfallsvopnið eigi að vera neyðarúrræði og eigi ekki að virka þannig að það valdi bara öðrum aðilanum tjóni. Hann telur að núverandi fyrirkomulag, þegar litlir hópar geta tekið stórar stofnanir í gíslingu, gangi ekki.

RUV.IS

Kröfur um 100% hækkun

Hafa skal það sem sannara reynist, blaðið fer með ósannindi

• Tekjuskattar eru einungis hluti heildar skatta. Sé dreifing þeirra tekin með fæst allt önnur mynd.
  *
• Þá kemur í ljós að fólk með meðaltekjur og lægri bera hæstu skattbyrðina en skattbyrði hinna tekjuhæstu er undir meðallagi.

Þetta má m.a. sjá í grein sem Indriði Þorláksson birti í vefritinu Stjórnmál og stjórnsýsla 2007. Síðan hefur lítið breyst því verið er að draga til baka þær breytingar sem gerðar voru 2009 - 2010 til að draga úr ójöfnuði.

http://indridih.com/skattar-almennt/skattapolitik-er-skattkerfid-sanngjarnt-og-hvernig-nytast-ivilnanir-thess/

Furðuleg framsetning og illa skrifuð áróðursgrein

• Í fréttapistlinum segir að 18% fjölskyldna greiði enga skatta, þetta eru auðvitað hrein ósannindi. 
  *
• Þetta er auðvitað furðuleg framsetning, því auðvitað greiðir þetta fólk persónuafslátt sinn í skatta.
  *
• Þá má ekki gleymast að stór hluti fólks í þessum hópi eru vinnandi fulla vinnu og fær launa samkvæmt umsömdum launatöxtum verkalýðsfélaganna.

Ef um ræðir launafólk greiðir það um 14% umsaminna tekna sinna í lífeyrissjóð, 6,9% í tryggingagjöld þess fyrirtækis sem það starfar hjá og síðan í sjóði hjá sínu stéttarfélagi um 2,5% af launum sínum.

Á einum stað í skýrslu hjá skattayfirvöldum sem vitnað er til í blaðagreininni og þar segir að skattar þessa fólks höfðu hækkað verulega á fyrstu árunum eftir aldamótin en farið lækkandi frá árinu 2007 uns að skattar þeirra hafi hækkað nú um 5,3% frá byrjun árs 2014.

Tekju­hæsta tí­und allra fjöl­skyldna hér á landi var á hinn bóg­inn með 32,8% heild­ar­tekna allra ein­stak­linga í land­inu á sama ári og greiddu þess­ar fjöl­skyld­ur 44,7% sam­an­lagðra skatta, samkvæmt orðalagi skýrslunnar og fréttarinnar.

 

Þetta segir ekkert um hversu háa skatta þetta fólk greiðir sem hlutfall af tekjum sínum. Fyrirsögnin og öll framsetning fréttarinnar er sérlega villandi og til þess fallin til að villa um fyrir fólki.

En vitað er að skattar voru verulega lækkaðir á þessum hópi skattgreiðenda í byrjun árs 2014. Auk þess, sem þessi hópur fær nákvæmlega eins og tekjulægsta fólkið í landinu, persónuafslátt sem gengur upp í skattagreiðslur þess eins og hjá öðrum skattgreiðendum.

Stórhluti þessa hóps greiðir ekki nema 20% í heildarskatta og oft af nettótekjum. Greiðir ekki í bundna lífeyrissjóði, en greiðir sinn hluta af tryggingagjöldum ef þeir eru skráðir launamenn.

Virðisaukaskattur á Íslandi er einn sá hæsti í heimi. Allir sem versla í búðum greiða hann. Ekki síður lágtekjufólk sem greiðir hlutfallslega miklu meira af tekjum sínum í slíkan skatt.

 

18% greiddu ekki skatt