Visnstri stjórnin gerði kraftaverk

Það hefur verið hálfgerð þjóðaríþrótt, að undanförnu,

að rakka niður störf vinstristjórnar.

Af því tilefni tók Davíð Kristjánsson saman nokkur atriði sem hollt er að rifja upp:

„Nokkur atriði af því sem ríkisstjórn Steingríms og Jóhönnu gerði á síðasta kjörtímabili:

• Afnámu sérstök lífeyrisréttindi ráðherra og þingmanna sem sett voru þeim Davíð Oddssyni og Halldóri Ásgrímssyni til heiðurs.
  *
• Breyttu lögum um Seðlabankann. Þá var í fyrsta sinn í sögunni gerð hæfniskrafa til Seðlabankastjóra sem fram til þess dags komu flestir úr stjórnmálum með skelfilegum afleiðingum fyrir okkur öll.
  *
• Settu á sérstakan hóp sérfræðinga úr Seðlabankanum og utan hans til að leggja mat á efnahagslífið með tilliti til vaxta
  *
• Breyttu lögum um skipan dómara sem komu í veg fyrir vina- og ættingjaráðningar í stöðu dómara
  *
• Verðbólga fór úr 20% í 3% á kjörtímabilinu
  *
• Vextir lækkuðu úr % í 5% á kjörtímabilinu
  *
• Halli á rekstri ríkissjóðs fór úr 216 milljörðum í núll á kjörtímabilinu. (Náðu þeim árangri með því að afla tekna til jafns við óhjákvæmilegan niðurskurð)
  *
• Sérstakur þrepaskiptur tekjuskattur var lagður á, því hærri sem launin voru því hærri skattprósenta.
  *
• Hækkuðu ekki skatta á lægstu laun.
  *
• Lögðu á auðlegðarskatt
  *
• Endurgreiddu um þriðjung af vöxtum sem fólk greiddi af húsnæðislánum sínum
  *
• Settu 12 milljarða í sérstakar vaxtabætur
  *
• Hækkuðu almennar vaxtabætur
  *
• Gripu til ýmissa aðgerða sem tugþúsundir heimila nýttu sér og eru verðlagaðar á um 85 milljarða króna
  *
• Opnuðu nýjar leiðir fyrir ungt fólk til að hefja aftur nám í stað þess að vera án atvinnu. (Nærri 1.500 nýir námsmenn fóru í Háskóla Íslands vegna þeirra aðgerða)
  *
• Tóku upp víðtækt samráð við aðila vinnumarkaðarins um nýjar leiðir til náms fyrir ungt fólk
  *
• Vörðu atvinnu með því að auka tekjur í stað þess að skera endalaust niður
  *
• Settu sanngjarnt veiðigjald á útgerðina fyrst allra þjóða
  *
• Læstu þrotabú gömlu bankanna inni í landi með lagasetningu í mars 2012. Án þeirra laga væri ekki hægt að semja um lausn á uppgjöri þrotabúanna. Framsókn og íhaldið greiddu atkvæði á móti lagasetningunni
  *
• Settu lög um hvernig á að standa að sölu fjármálafyrirtækja í eigu eða hlutaeigu ríkisins til að koma í veg fyrir aðra einkavæðingu. Íhaldið og framsókn greiddu atkvæði á móti
  *
• Sögðu upp öllum aukasamningum við starfsfólks stjórnarráðsins, t.d. vegna notkunar á bíl og fleira. Aðeins greitt samkvæmt reikningum eftir það
  *
• Skáru verulega niður í utanlandsferðum ráðherra, þingmanna og embættismanna
  *
• Aðeins formenn þingmanna fóru erlendis á fundi og varamenn fóru ekki í þeirra stað
  *
• Lækkuðu laun þingmanna og hæstu laun embættismanna
  *
• Settu siðarelgur fyrir ríkisstjórn og ráðherra
  *
• Fækkuðu ráðuneytum úr 18 í 8
  *
• Fækkuðu ráðherrum úr 12 í 8
  *
• Gerðu umhverfisráðuneytið að fullbúnu öflugu ráðhuneyti
  *
• Settu fram og samþykktum áætlun um verndun og nýtingu náttúruauðlinda
  *
• Breyttu lögum um þingsköp Alþingis sem juku mjög vægi minnihlutans
  *
• Fækkuðu þingnefndum
  *
• Buðu stjórnarandstöðunni upp á formennsku í nefndnum
  *
• Breyttu gjaldþrotalögum til að hjálpa því fólki sem komst ekki undan gjaldþroti
  *
• Efldu fjármálaeftirlitið á kostnað bankanna
  *
• Breyttu lögum um bankastarfsemi m.a. til að gera lágmarkskröfur um hæfni stjórnenda þeirra sem ekki hafði verið gert áður
  *
• Lækkuðu dráttarvexti
  *
• Breyttu reglum íbúðalánasjóðs til að draga úr greiðslubyrði heimila
  *
• Gerðu umfangsmikla kjarasamninga í miðri kreppunni árið 2011
  *
• Náðu að halda friði á vinnumarkaðinum allt kjörtímabilið þrátt fyrir alla erfiðleikana
  *
• Juku framlög til velferðarmála úr 6,8% af landsframleiðslu í 7,8%
  *
• Fjölguðu framhaldsskólum til að auka námsframboð fyrir ungt fólk
  *
• Minnkuðum atvinnuleysi úr tæpum 10% í 4%
  *
• Sendu AGS úr landi fyrr en áætlað var í upphafi
  *
• Byrjuðu að endurgreiða lán sem norðurlöndin veittu okkur
  *
• Endurgreiddum Færeyingum allt það sem þeir lánuðu okkur af rausnarskap sínum
  *
• Losuðu okkur undan hryðjuverkjalögum sem Bretar settu á okkur undir hægristjórninni
  *
• Héldu heilbrigðiskerfinu gangandi sem var ekkert sjálfsagt að hægt væri að gera
  *
• Gerðu samkomulag við stjórnendur og starfsfólk Landspítalans um aðhald í rekstri til fjögurra ára og síðan uppbyggingu m.a. nýtt sjúkrahús
  *
• Settu nokkrar stórframkvæmdir í gang í vegamálum
  *
• Samþykktu og fjármögnuðu að fullu sérstaka fjár-festingaráætlun sem núverandi ríkisstjórn sló af
  *
• Hæddust ekki að almenningi
  *
• Gerðu ekki grín að mótmælendum
  *
• Kvörtuðu ekki undan gagnrýni, heldur svöruðu henni með rökum
  *
• Létu vinna ótal greiningar og skoðanir á stöðu almennings, nánast alltaf í samráði við aðra stjórnmálaflokka
  *
• Veittu stjórnarandstöðunni aðgang að efnahags-ráðgjöfum ríkisstjórnarinnar og embættismönnum við að skoða og gera úttektir á hugmyndum og tillögum sem andstaða vildi láta gera
  *
• Nokkuð gott. Ekki satt?".

Björt leiðir í Reykjavík norður

Samkvæmt yfirlýsingu ríkisstjórnarinnar eiga eldri borgarar sem eru í sambúð ekki að fá neina hækkun á eftirlaunum

Í dag hef ég lesið afar óskýra orðsendingu frá ríkisstjórninni sem fjallar um væntanlega hækkun á eftirlaunum eldri borgara og hækkun á launum öryrkja.

Hvað þýðir þetta orðalag?
– ,,Eldri borgurum sem halda einir heimili verði tryggðar 300 þúsund krónur á mánuði frá 1. janúar 2018, enda hafi þeir ekki aðrar tekjur sem hafa áhrif á fjárhæð bótanna. Bæturnar hækki í 280 þúsund krónur um næstu áramót".

Hér er aðeins talað um þá eldri borgara sem búa einir í heimili. Ekki er minnst orði á þá sem eru í sambúð með öðrum. Þ.e.a.s. hjón.

Eiga slíkir aðilar ekki að fá neina hækkun? Þetta er a.m.k. afar loðið orðalag sem getur þýtt hvað sem er. Það er auðvitað ekki boðlegt fyrir stjórnvöld að senda slíkan texta frá sér.

Blendin viðbrögð við tillögum ríkisstjórnarinnar: „Svínsleg aðferð“ og „brandari“

Ríkisstjórnin leggur til að gerðar verði breytingar á frumvarpi félags- og húsnæðismálaráðherra um almannatryggingar, meðal annars að líf­eyr­is­greiðslur…

STUNDIN.IS

 

Hækka framfærslu aldraðra og öryrkja

8 ára afmælið-- hver er þjóðarframleiðslan í samanburði við nágrannaþjóðir?

• Þeir sem eru 8 ára finnst það býsna hár aldur og að þeir hafi heilmikla reynslu enda á 3. ári í skóla.
  *
• Það var gríðarlegt að átak að rífa þjóðina upp úr dýi sem hún var sokkin í.
  *
• En margar hendur vinna létt verk, sem á Íslandi var launafólk , aldraðir og öryrkjar sem unnu afrekið.

Allann tímann vældu þeir sem voru búnir að keyra sig og fjölskyldu sína á kaf í skuldafeni löngu fyrir hrun og íbúðir eða raunar stórhýsi löngu komin á síðasta snúning í gjaldþrotameðferð.

Það var fólkið sem krafðist þess að þjóðfélagið kæmi og borguðu skuldir þeirra. Það venjulega og oftast ungt launafólk sem hafði látið glepjast af gylliboðum bankanna þagði þunnu hljóði og eiginlega skammaðist sín. Það beit á jaxlinn og setti undir sig höfuðið og herti sig í þrældómnum.

Það hafði nefnilega komið á daginn að það sem gamla settið hafði sagt um skuldsetningarnar var rétt. Fólkið sem þekkti þessar íslensku kreppur sem hafa ævinlega lagst á launafólk eins og mara á 10 ára fresti. Eða eins og veturinn í Múmindal.

Nú eru þegar farin að blikka ýmis varúðarljós í efnahagsmálum þjóðarinnar. Það án þess að ýmislegt sem hafði látið undan síga í kreppunni hafi verið lagfært. Þótt þjóðin hafi ekki farið í stórfelldar skuldsetningar enn, er það ekki stjórnvöldum að þakka.

En RÚV birtir frétt frá Financial Times
„Erlendir ferðamenn björguðu efnahag Íslands eftir bankahrunið en andrúmsloftið núna er farið að minna óþægilega mikið á góðærið í kringum 2007. Þetta er meginstef greinar sem birtist á vef Financial Times í morgun þar sem er meðal annars rætt við Bjarna Benediktsson, fjármálaráðherra, Má Guðmundsson, seðlabankastjóra, og nokkra stjórnendur innan íslensku ferðaþjónustunnar“.

En þetta sauðsvarta íslenska launafólk þarf ekki að láta heims-blaðið segja sér neitt um það ástand sem nú er farið að glitta í.

Það er auðvitað morgunljóst að gömlu valdaflokkarnir kunna engin önnur ráð í efnastjórnun en þau sem framkalla sífelldar kreppur yfir Ísland.

Á þessum 8 árum, hefðu landsfeðurnir átt að vera búnir að læra að brauðmola stjórnlistin dugar ekki. Frjálshyggjan er að þrotum komin.

FT: „Vekur upp vondar minningar“

Erlendir ferðamenn björguðu efnahag Íslands eftir bankahrunið en andrúmsloftið núna er farið að minna óþægilega mikið á góðærið í kringum 2007. Þetta er meginstef greinar sem birtist á vef Financial Times í morgun þar sem er meðal annars rætt við Bjarna…

RUV.IS

 

Landsframleiðsla á mann óvíða hærri

Skatta undanskotin

• Ásmundur G Vilhjálmsson, skattalögfræðingur og kennari við Háskóla Íslands varpaði skýru ljósi á það hvernig erlendir aðilar sem eiga fyrirtæki á Íslandi koma sér hjá því að greiða skatta á Íslandi, í Kastljósi.
  *
• Allt samkvæmt íslenskum lögum að sagt er.

Benti hann á, að með gildandi lögum væri í raun hægt að leggja skatta á þessi fyrirtæki og benti á lagagreinina sem þarf að nýta. En benti á um leið, að styrkja yrði skattayfirvöld af stjórnvöldum og þjóðinni til þess að skattayfirvöld hafi getu til þess að virkja þessa lagagrein.

En það er reyndar staðreynd að stjórnmálaflokkar á Íslandi standa ekki allir að baki slíkum aðgerðum. Nægir að nefna ræður formanna Sjálfstæðisflokksins til vitnis um andstöðu þess flokks til þessa til slíkra verka.

En þetta á reyndar við um íslensk fyrirtæki líka. Þekkt var fyrir hrun að íslendingar keyptu innlend fyrirtæki með því að skuldsetja fyrirtækin til að geta greitt kaupverðið. Síðan voru þau hreinsuð að innan eins og kallað var.

Þetta leiddi til þess að fyrirtækin skulduðu nú svo mikið, að arðurinn af framleiðslunni fór í greiða vexti af gríðarlegum skuldum og þau sýndu ekki hagnað og greiddu enga skatta.

Alveg nýlega voru sagðar af því fréttir hversu fá fyrirtæki greiddu skatta á Íslandi og hversu mörg fyrirtæki væru látin rúlla og stofnuð ný með nýrri kennitölu.

Allt eru þetta mismunandi tilbrigði við sama leikinn sem er að ná undan eignum og eða tekjum án þess að greiða skatta og gjöld.

Þessi leikur er enn leikinn með öðrum tilbrigðum enn áður og af meiri varfærni. Allt veldur þetta því að launmenn verða að bera hærri skatta til að halda uppi samfélaginu.

• Enn ein fléttan? Selt til fyrirtækis sem er í eigu fyrirtækis...og svo er seljandinn eilnhvers staðar eigandi fyrirtækis sem á fyrirtæki sem á fyrirtæki...

Ráði hvort þau greiða skatta

Á meðan lögum er ekki breytt eða látið reyna á lögmæti hárra lánveitinga erlendra fyrirtækja til dótturfélaga hér á landi, ráða þau því sjálf hvort tekjuskattur sé greiddur hér á landi. Þetta segir Ásmundur G Vilhjálmsson, skattalögfræðingur og kennari við…

RUV.IS

 

Nova selt bandarísku fyrirtæki

Íbúð á floti?

• Samkvæmt fyrirsögninni flýtur einhver íbúð um Vogahverfið.
  *
• Það væri auðvitað óskandi að hún fljóti ekki mjög langt eða út fyrir hverfið.
  *
• Eða er e.t.v. átt við, að allt sé á floti í íbúðinni
  *
• Eða að flætt hefði upp úr niðurföllum inn í íbúðina 

Vöknuðu við að íbúðin var á floti

Furðuleg stjórnsýsla sem lyktar af einræðis tilburðum

• Það er auðvitað kostulegt ef Sjálfstæðisflokkurinn ætlar að axla
  
  ábyrgð fyrir ríkisfyrtækið Landsnet.

Bæði fyrirtækin Landsvirkjun og Landsnet hafa verið þekkt fyrir að vera í harðasta ruðningi gagnvart einstaklingum og samtökum þeirra.

Fyrirtækin hafa fram undir þetta getað traðkað á einstaklingum og hunsað lög og reglur sem eiga að vernda einstaklinga.

Landsnet er þegar byrjað að tapa málum gegn einstaklingum eins sjá mátti á Vatsleysuströnd.

Fyrirtækin hafa troðið alla niður í svaðið á skítugum skónum. Í þessu lagnamáli hefur landsnet gert hrikaleg mistök og neitar að viðurkenna þau.

Það hefði verið eitthvað dýrara að fara út fyrir friðaða svæðið í byrjun.  En kostnaður sem hefði skilað sér aftur.

Það verður aldrei sátt um þá leið sem fyrirtækið vill fara.  Það var heldur aldrei farið í raunverulegar sáttaumleitanir.

En Sjálfstæðisflokkurinn ætlar að taka sig mistök ríkisfyrirtækisins Landsnets ásamt Framsóknarflokknum. Í staðin fyrir að viðurkenna mistök þess og fara með línuna um viðurkennt línustæði. Flokkurinn virðist blindur á mistök ríkisfyrirtækisins.

Væntanlega verða yfirmenn þessa fyrirtækis ekki látnir axla ábyrgð sem þeir ættu auðvitað að gera. Það var enginn að ráðast á Sjálfstæðisflokkinn.

Þessi valdníðsla eru mistök, því hægt er að breyta lögum aftur, rétt eins og Sjálfstæðisflokkurinn er þekktur fyrir.

Fundað stíft um raflínumálið

Landbúnaðar stefnan á undir högg að sækja

• Búvörusamningur líklega andvana fæddur
  *
• Ef taka má mark á könnun MMR

Það er morgunljóst, að þar sem andstaða landsmanna gegn nýjum búvörusamningi nálgast það að vera tveir þriðju af einstaklingum yfir 18 ára aldri, þýðir það að þessi samningur lifir örugglega ekki út í 10 ár.

Sérstaklega vegna þess að yngri kynslóðir, þ.e.a.s. þeir sem greiða kostnaðinn af þessum samningi bæði í vöruverði og með auknum sköttum eru í enn meiri andstöðu við samninginn. Heldur en meðaltalið segir til um.

Það kemur auðvitað ekki á óvart, að þeir sem eru komnir á eftirlaun (68 ára og eldri) séu nokkuð jákvæðir gagnvart þessum samningi. Kanski er það vegna þess, að eftirlaunafólk mun ekki bera kostnaðinn þessum gjörningi.

Það dúkkar upp einkennileg tilviljun í þessari könnun, sem er að viðhorf  kjósenda bæði Sjálfstæðisflokks og Vinstri grænna eru mjög  svipuð til samningsins. Algjör andstaða þessara kjósenda er milli 5 og 6%, síðan eru milli 16 og 18% frekar andvígir.  

Meirihluti andvígur búvörusamningunum

Þetta með stærðina

• Forsætisráðherra á auðvitað við um félagsmenn í Framsóknarflokknum.
  *
• Sem að mínu mati virðast flestir vera dvergvaxnir í hugarfari.
  *
• Aðeins örfáar undantekningar.
  *
• En fyrir utan þennan þjóðernisflokk eru þekktar mjög margar persónur
  *
• miklu stærri en þessi flokkur og mikilvægari. 

Jafnvel þótt í þessum flokk séu ótrúlega margar breiðar persónur á alla kanta, en það er allt önnur saga.

Myndarlegir karlar 

Enginn maður er stærri en flokkurinn

Einræðis tilburðir

• Það hefur alltaf verið hægt að finna viðeigandi línustæði sem hefði verið í sátt við almenning í Þingeyjasýslum.
  *
• En einræðis-fyrirtækin Landsnet og Landsvirkjun hirða ekkert um vilja almennings og hafa aldrei gert ótilneytt.

Einræðis tilburðir er það stjórnarfar sem einkennir núverandi stjórnvöld.

Kröfur sveitastjórna í Þingeyjarsýslum um stóriðjuuppbyggingu hafa árum saman einkennst af stórkalla brölti og svartsýni á eigin getu í atvinnumálum.  

Ekki má gleyma því að það voru einmitt fólk úr núverandi stjórnarflokkum sem stóðu að Alcoa álverinu (360 þús tonn)og Kárahnjúkavirkjun. Ásamt gríðarlegum náttúruspjöllum og fjárhagslegum skaða fjölmargra fjölskyldna.

Sömu aðilar ætluðu sér að byggja upp álíka stórt álver (360 þúsund tonna álver) við Húsavík, en það vantaði orku í landsfjórðunginn.

Þessu fólki virðist vera nákvæmlega sama um auðævi almennings á þessu svæði sem felast í náttúru svæðisins sem þegar tryggir almenningi mikilvæg störf fyrir alla.

Fyrirtækin Landsnet og Landsvirkjun fá að vaða yfir allt og alla eins og hver önnur stærstu tröll þjóðsagnanna. Þar sem steinrunnið hugarfar frjálshyggjunnar ræður algjörlega ríkjum.

Það hefur komið í ljós að Ragnheiður Elín Árnadóttir hikar ekki við að fara heldur frjálslega með sannleikann þegar hún í tjónkar endalaust við erlend stórfyrirtæki.

Hún talar um árangurslausar samningaviðræður sem aldrei fóru fram nema við flokksfélaga hennar og Framsóknarmenn í þessum sýslum sem sýndu einstakt siðgæði með því að kjósa Sigmund Davíð sem leiðtoga.

Auðvitað ræddi hún ekkert við almenning sem kærði yfirgang og frekju Landsnets. Nú hefur á komið á daginn, að auðvelt hefur verið að finna viðunandi lausn á línustæði sem færi framhjá friðuðu landi.

Ekki má gleyma þeirri staðreynd, að erlendu stóriðjufyrirtækin skila þjóðinni engum arði.

Landsnet hefur heldur  ekki séð sóma sinn í því að taka  niður línulagnir sem hæstiréttur hefur dæmt ólöglegar.  

Ekki var haft samband við Fjöregg

Báðir foringjar stjórnarflokkanna reyndu að ljúga að þjóðinni í gær

• Fjármálaráðherra fór með ósannindi í gær.
  *
• Sjálfstæðisflokkurinn uppfyllti ekki kosningaloforð sitt um afnám
  
  tekjutengingar ellilífeyris.

Þá hefur þjóðin orðið vitni að því, að báðir fulltrúar ríkisstjórnarflokkanna reyndu að ljúga að þjóðinni. Á fysta degi kosningabaráttunnar.

Jafnframt er ekki rétt að Sigríður Hagalín Björnsdóttir, umsjónarmaður leiðtogaumræðnanna í gær, hafi farið með rangt mál þegar hún beindi spurningu um málið til Bjarna Benediktssonar fjármálaráðherra.

Hún fór einnig með rétt mál þegar hún spurði Sigmund Davíð um aflandeyjamálin. En Sigmundur Davíð reyndi að ljúga sig frá málinu.

• Þá varð þjóðin vitni að því í dag þegar Sigmundur Davíð reyndi að ljúga að þjóðinni einhverri vitleysu um innihald fundsins hjá þingflokki Framsóknarflokksins.

Hann breytti um svip, þegar hann tók til lyganna.

• Í grein Stundarinnar er bréfið fræga sem Bjarni sendi kjósendum fyrir síðustu kosningar.

Stjórnmálamenn verða að segja satt. Hér eru leiðréttingar á þremur rangfærslum Sigmundar Davíðs í leiðtogaumræðunum á RÚV í gær:

1. Það er rangt hjá Sigmundi að hann hafi aldrei átt aflandsfélag. Hann átti aflandsfélagið Wintris Inc. með konu sinni til ársloka 2009. Tekjur af fjármagni eru í skattalegu tilliti sameiginlegar hjónum og eignin sömuleiðis.

2. Það er rangt hjá Sigmundi að Tortóla sé ekki skattaskjól. Tortóla er skattaskjól. Skattaskjól eru landsvæði sem ekki leggja á tekjuskatt eða mjög lágan. Tvísköttunarsamningur við Bresku Jómfrúreyjar er takmarkaður og nær ekki til félaga eins og Wintris Inc. Upplýsingaskiptasamningurinn er að undirlagi OECD gerður við ríki sem teljast skattaskjól og er öfugt við það sem Sigmundur heldur fram staðfesting á því að Tortóla er skattaskjól.

3. Það er rangt hjá Sigmundi að hann hafi sýnt fram á rétt skattskil vegna Wintris Inc. Þau skjáskot úr excelskjali sem Sigmundur hefur lagt fram sanna ekki neitt í þeim efnum. Skattyfirvöld eru ein bær til þess að meta hvort skattskil og skattlagning er rétt. Til þess þurfa þau að fá allar upplýsingar sem kveðið er á um í lögum og reglugerðum. Eina leiðin til að sýna fram á rétt skattskil vegna Wintris Inc. er að birta ársreikninga félagsins og skattskýrslur þeirra hjóna. Það hefur ekki verið gert og á meðan svo er getum við ekki vitað hvort Sigmundur og kona hans greiddu skatta af Wintris Inc. í samræmi við íslensk lög. Rangfærslur Sigmundar eru vanvirðing við fólkið í landinu. Kjósendur eiga heimtingu á því að kjörnir fulltrúar segi satt og rétt frá. (Svandís Svavarsdóttir.)

Bjarni Benediktsson stóð ekki við loforð til aldraðra og sakaði spyril um rangfærslu

Bjarni Benediktsson, fjármála- og efnahagsráðherra, sagði „alrangt“ hjá Sigríði Hagalín, umsjónarmanni leiðtogaumræðna Ríkisútvarpsins í gær, að ríkisstjórnin hefði ekki…

STUNDIN.IS

 

Ólöf og Guðlaugur leiða í Reykjavík