Kennir þjóðinni, að óhæft er að láta hagsmunasamtök ráða samfélaginu eða stofnunum þess

• Gunnar S Björnsson fyrrum formaður hagsmunasamtaka byggingaverkataka á Íslandi
  .
• Varð síðar starfandi stjórnarformaður Íbúðalánasjóðs og leysti Guðmund Bjarnason af í leyfi og starfaði þá sjálfur sem framkvæmdastjóri sjóðsins. Er hægt að hugsa sér meiri spillingu?  

Flottræfilshúsnæði Íbúðalánasjóðs- Milljarða bygging  

Getur verið að þessi varasama stefna, að dæla fé endalaust í byggingaverktaka auk þess að sjóðurinn hafi verið misnotaður í þeim pólitíska tilgangi að vinna með ákveðnum pólitískum aðilum t.d. í landsstjórninni og í sveitarstjórnum. 

Hafi verið runnin undan slíkum spillingarvinnubrögðum. A.m.k. fengu byggingarfyrirtækin lán til að byggja íbúðir í hundraðavís án þess að hafa kaupendur að framleiðslunni og án þess að leggja fram traustar tryggingar fyrir lánunum.

Það er ekki einleikið hvernig byggingaverktökum voru tryggð völd og áhrif í þessari lánastofnun. En neytendur áttu aldrei slíka fulltrúa til að gæta hagsmuna almennings.

Þetta mátti sjá bæði á austurlandi í tengslum við álversmartröð þjóðarinnar og á Suðurnesjum. En einnig á fleiri stöðum enda hafa íbúðir staðið ónotaðar í þúsundavís í landinu án þess að til væru kaupendur af þeim.

Þetta gerðist löngu fyrir hrun.

Hrun Íbúðalánasjóðs er auðvitað hluti af hruninu og hrunflokkarnir eru ekki með hreinan skjöld í málinu þótt þeir núna vilji gleyma þessu og horfa til framtíðar. 

Voru á rangri braut

Ónýtt húsnæðiskerfi á Íslandi, gegnsýrt af spillingu og pólitískum hrossalækningum.

• Það er greinilegt að rannsóknarnefnd um Íbúðalánasjóð hefur ekki átt að skoða þá spillingu sem jafnan hefur verið sögð loða við þessa stofnun og forvera hennar frá upphafi vega. 
• Þegar stjórnmálamenn nálægir kjötkötlunum voru að hygla hinum og þessum sér þóknanlegum.  
• Hrun íbúðalánasjóðs er auðvitað hluti af stóra hruninu

 

Þá hefur það ekki verið í verkahring þessarar rannsóknarnefndar að skoða það hvernig gömlu stjórnmálaflokkarnir á Íslandi hafa notað Íbúðalánasjóð og forvera hennar í hreinum pólitískum tilgangi.

Nægir að nefna íbúðaframleiðsluna á Austurlandi í tengslum stóriðjudrauma þeirra flokka sem stjórnuðu Kárahnjúkadæminu og því að byggt yrði risa álver á Reyðarfirði.

Allt var þetta gert án þess að raunveruleg þörf væri fyrir þessa uppbyggingu, það voru aldrei neinir kaupendur að íbúðaframleiðslunni og einnig til að skapa ákveðna glansmynd til að blekkja kjósendur svo flokkarnir gætu nú haldið áfram að hræra í pottunum. 

Ekki var heldur í verkahring nefndarinnar að skoða afleiðingarnar sem hafa verið hrikalegar ekki bara á Austurlandi fyrir fjölskyldur sem nörruðust til að kaupa þar íbúðir á allt af háu verði miðað fyrirsjánlegt markaðsverð á svæðinu.

Síðan hafa lánin vaxið langt umfram núvirði íbúðanna.  En afleiðingar voru mjög alvarlega um allt land og launmenn sem eru skattgreiðendur á íslandi munu síðan greiða kosnaðinn. Þetta er ekki eina tilfellið.

Ekki var rannsakað hvernig ákveðnum hagsmunahópi var ævinlega tryggð áhrif í þessari lánastofnun fyrir og eftir breytingar.  Það er t.d. býsna merkilegt hvernig t.d. byggingarmeistarar hafa átt menn í stjórnum þeirra stofnanna sem hafa séð um húsnæðislán í gegnum tíðina. En ekki fulltrúum neytenda.

Bara með stofnun Íbúðalánasjóðs 1999 upp úr Húsnæðisstofnun þegar þegar hin félagslegu markmið með starfseminni voru aflögð og ,,félagslega" húsnæðiskerfið í raun aflagt og allt lagt í hendur einkafyrirtækja að byggja leiguíbúðir hallaði strax undan fæti fyrir hjá venjulegu launafólki sem þurfti að eignast þak yfir höfuðið.  Það var ekki rannsakað af nefndinni hverjar hinar félagslegu afleiðingar urðu.

OECD hvetur til þess að tekið verði upp félagslegt húsnæðiskerfi á Íslandi. ASÍ hefur einnig tekið nýjar kröfur um að  byggt verði upp nýtt félagslegt húsnæðiskerfi  og að öll húsnæðislán verði í raun félagsleg eins og var fyrir breytinguna. 

Hin pólitíska ábyrgð á kollsteypu húsnæðismála á Íslandi er þeirra stjórnmálaflokka sem nú enn á ný fara með landsstjórnina.  

Mistök sem kostað hafa tugi milljarða

OECD hvetur til þess að tekið verði upp félagslegt húsnæðiskerfi

En ASÍ hefur verið gera kröfur um slíka hluti. Þ.e.a.s. nýtt félagslegt húsnæðiskerfi. En inni í ASÍ eru sterkir aðilar sem ekki vilja gera húsnæðismál að einhverri skiptimynt í kjaramálum.  Þetta er auðvitað gamla staðan.

 

Glæsilegt er það blessað Úlfarsfellið 

Efnahags- og framfarastofnunin (OECD) telur þá flötu lækkun lána sem boðuð hefur verið ekki ráðlega og tekur undir þá gagnrýni Seðlabankans að slík lækkun myndi að mestu nýtast þeim sem ekki ættu í erfiðleikum með afborganir. Stofnunin sagði það mun árangursríkara að takmarka lækkanir við þau heimili sem ættu erfitt með að standa í skilum.

Stofnunin telur heldur ekki ráðlegt að gera afborganir af húsnæðislánum frádráttarbærar frá skatti. Benti David Carey, hagfræðingur OECD á slæma reynslu landa á borð við Holland af slíku fyrirkomulagi og sagði mörg þeirra landa sem stuðst hefðu við slíkt kerfi hafa afnumið það. 

Stefna Sjálfstæðisflokksins. Íslendingar hafa einnig slæma reynslu af slíku kerfi sem jók misréttið í landinu og gerði alvarlega upp á milli þjóðfélagshópa.

Fjársterkir aðilar gátu byggt endalaust og gátu staðið undir háum lánum og losnuðu þannig við að greiða tekjuskatta að miklu leiti. Á meðan láglaunafólk gat ekki lækkað sína skatta með þessum hætti.

Þess í stað lagði stofnunin til húsnæðistengd fjárframlög ríkisins til þeirra sem ættu erfitt með að standa undir húsnæðiskostnaði og greina þannig ekki á milli þeirra sem keyptu eða leigðu húsnæði.

Helstu niðurstöður skýrslunnar má finna hér.

Flöt lækkun lána ekki ráðleg

Það eru eðlileg vinnubrögð þingmanns í stjórnarandstöðu

•    Að spyrji hann um aukinn kostnað vegna fjölgunar á ráðherrum 
• Það á reyndar að vera verkefni allra alþingismanna 

Að þeir veiti sitjandi ríkisstjórn á hverjum tíma málefnalegt aðhald, en síðasta ríkisstjórn fékk það hlutskipti að takast á við hrunið og varð að skera niður á öllum sviðum og var ekki vinsæl fyrir þau verkefni sín.

 

En sú ríkisstjórn fækkaði ráðherrum úr 12  í  8 ráðherra á síðasta kjörtímabili og fækkaði opinberum starfsmönnum einnig. Skar einnig niður í heilbrigðiskerfinu og í menntamálum.

En með því að fjölga ráðherrum aftur þó ekki sé nema um einn kostar aukið fé. Það er nokkuð sem ríkisstjórnarflokkarnir  hljóta að hafa skoðað. Það kann að vera að þeir telji sig spara með þessum hætti, en sannleikurinn kemur þá í ljós.

Einu sinni auglýsti einn stjórnmálaflokkur hressilega slagorðið:

„Báknið burt“

Spyr um kostnað við fjölgun ráðherra

Gróusögur úr hádegismóum, e.t.v. rigningarþunglyndi

• Fréttaflutningur af meintum ætluðum bílakaupum og skilum var rangur.

Jóhannes Stefánsson skrifar:

Jóhanna Sigurðardóttir, fyrrverandi forsætisráðherra, pantaði ekki nýjan ráðherrabíl eins og Viðskiptablaðið hélt fram í gær. Þetta kemur fram í svari Óðins H. Jónssonar, skrifstofustjóra Forsætisráðuneytisins.

Viðskiptablaðið sagði frá því í gær að Jóhanna Sigurðardóttir hefði látið panta til reynslu Mercedes Benz E250 CDI.

Óðinn segir í erindi sínu til fréttastofu að „Jóhanna Sigurðardóttir fyrrverandi forsætisráðherra pantaði alls engan nýjan ráðherrabíl til reynslu." Frétt Viðskiptablaðsins sé því röng hvað það varðar.

Þá segir einnig í fréttatilkynningu frá Innanríkisráðuneytinu að „Ráðuneytið hefur því ekki heldur afpantað bíl eins og fjallað er um."

Skýringin á því að annar bíll hafi verið í umráðum forsætisráðherra hafi því verið eftirfarandi: „Við ríkisstjórnarskiptin 23. maí síðastliðinn voru fengnir lánaðir tveir bílar frá umboðum auk bíla frá utanríkisráðuneytinu og leigubíla sem notaðir voru en þeim var skilað eftir fáa daga."

Það sé hinsvegar rétt að Sigmundur Davíð, núverandi forsætisráðherra, hafi til umráða BMW 730 2004 árgerð sem var pantaður í forsætisráðherratíð Halldórs Ásgrímssonar.

Sigmundur lét skila bíl Jóhönnu

Ótrúleg og snögg breyting á einum fjölmiðli

 

• Undanfarin fjögur hefur Morgunblaðið rótast eins og naut í flagi á meðan hér starfaði ríkisstjórn Jóhönnu Sigurðardóttur. 
  
  
• Ríkisstjórn sem sópaði upp drullunni eftir hrun ríkisstjórnir Sjálfstæðisflokksins og spillingarælunni.

 

 

• Nú skal gefið á báðar hendur, skattar lækkaðir á fyrirtækjum, einnig á þeim sem aðeins hafa fjármagnstekjur og einnig verða frítekjumörk hækkuð verulega hjá ellilífeyris-þegum svo gamlir hálaunamenn er eiga mikla peningalega eignir geti notið lífsins.
  .
• Fólk sem aldrei hefur borgað skatta og aldrei greitt í lífeyrissjóði fá þannig sérstaka ívilnun. 
• En venjulegir launamenn á eftirlaunum sitja eftir í súpunni og fá enga skattalækkun

 

Nú er allt eins og blómstrið eina og þegar maður les yfir Moggann getur maður haldið að mað sé mættur á samkomu hjá KFUM og sé að syngja SARA, SARA    SÉRTU VELKOMIN. Nú er  Moggi litli svoooooo jákvæður og allt svo svakalega jákvætt.

En vindmyllurnar voru reyndar settar upp í stjórnartíð Jóhönnu. Góðan daginn. Það var auðvitað ekki hennar verk,  en nú býr landinn við nýjan veruleika í orkumálum. Það er búið að láta erlenda aðila fá alla ódýrustu orkukostina sér til handa eftir eru dýrir kostir fyrir íslendinga.

Tveir ráðherranna eru þrýsta á Landsvirkjun um að gefa meira með orkunni sem hugsanlega væri hægt að láta Norðurál hafa og hinn vill láta þessum aðilum í té sérstaka byggðastyrki

Rjúkandi gangur á vindmyllum

Látalætin vegna ESB nær nú hæstum hæðum

 

•  Það er nákvæmlega ekkert að marka þessi orð ráðherrans 

 

Ekki veitir af að rifja það upp að hörð pólitísk barátta var um aðildina að EFTA sem Viðreisnarstjórn Sjálfstæðis- og Alþýðuflokks kom í höfn undir forystu Gylfa Þ. Gíslasonar og Bjarna Benediktssonar.

 

 

• Andstæðingar aðildarinnar voru vinstrimenn.

 

Þegar EES-samningarnir fóru af stað voru Sjálfstæðismenn andvígir í því máli í stjórnarandstöðu. Með Viðeyjarstjórn Davíðs Oddssonar 1991 var blaðinu snúið við og utanríkisráðherrann, Jón Baldvin Hannibalsson, sem hafði byrjað samningana, fékk nú Sjálfstæðisflokkinn til liðs um að ljúka því máli.

Eins og verið hafði um EFTA, varð mikil orrahríð um EES-samninginn. Um þau skref inn í ESB, bæði EFTA og EES, hefur síðan verið sátt í þjóðfélaginu.

 

• Enn voru vinstrimenn helstu andstæðingar aðildar að EES og hafa alltaf verið ósáttir.

Leiðtogarnir Sigmundur Davíð og Bjarni boða breitt samstarf um mál sem leiða þarf til lykta. Þeir boðuðu ekki andstöðu við að halda áfram viðræðum við ESB. Það  er væntanlega vegna greinilegra hagsmuna Íslands í viðskiptum.

 

Það er vegna aðildar Íslands að mörkuðum ESB með EES aðild og ekki hvað síst vegna tímamótaákvörðunar ESB og Bandaríkjanna að taka upp viðræður um fríverslunarsamning. Þeirra er nú hið sögulega tækifæri að leiða þau mál til lykta og tryggja þjóðinni aðild að slíkum samningi henni til heilla.

 

Það er augljóst, að það verður Sjálfstæðisflokkurinn sem mun verða annar tveggja flokka sem leiðir þjóðina inn í ESB. Ekki er ólíklegt miðað við sögu Framsóknarflokksins að hann kjósi að vera með í slíkri forystu um slíkar aðildar-viðræður sem munu sagðar vera á nýjum grunni. 

Þetta eru bara mestu líkurnar eins og staðan er nú og mesta rykið fallið ásamt stóryrðunum. Það munu einmitt verða úgerðarmenn sem munu þrýsta á umsókn þegar það hentar þeirra hagsmunum og sú tíð kemur. Þá mun forsetinn skyndilega verða sammála um aðildarviðræður enda fylgir hann útgerðinni að málum.

 

• Þegar að þessu kemur munu vinstri menn enn vera í andstöðu.

 

En Framsóknarflokkurinn hefur til þessa snúist eins vindhaninn þegar rætt er um ESB og aðild Íslands að því og þeim áföngum sem þegar hefur verið stigið inn í.

Þessi ráðherra hefur ekki verið spar á gífuryrðin þessa fáu daga sem hann hefur verið ráðherra. Það er því augljóst að hann mun þurfa að éta eitt og annað ofan í sig áður en ráðherradómi hans líkur. Hann á eftir að snúa við blaðinu.

Það er augljóst að núverandi ríkisstjórn er samstjórn LÍÚ og forustu bændasam-takanna. Henni er í raun sama um hagsmuni almennings í landinu og mynduð utan um gamlar klysjur og hagsmuni þessara aðila. 

Í stjórnarsáttmála Framsóknarflokks og Sjálfstæðisflokks segir að gert verði hlé á aðildarviðræðum Íslands við Evrópusambandið og ekki verði haldið áfram með þær nema að undangenginni þjóðaratkvæðagreiðslu. Hún er hins vegar ekki tímasett. En í kosningabaráttunni lofuðu forystumenn þessara flokka um að það yrði frekast gert á fyrri hluta á þessu kjörtímabili og því sambandi minnst á sveitarstjórnarkosningar á næsta ári.

Í viðtali við Bændablaðið í dag segir Sigurður Ingi Jóhannsson, sjávarútvegs-, landbúnaðar- og umhverfisráðherra, að þjóðaratkvæðagreiðslan sé ekki á dagskrá. Það sé mat beggja stjórnarflokka og meirihluta landsmanna að hagsmunum þjóðarinnar sé betur borgið utan sambandsins. 

Þessi maður kýs nú að hunsa vilja þjóðarinnar í þessum efnum eins og í ýmsum öðrum málum en meiri hluti þjóðarinnar vill ljúka viðræðunum samkvæmt skoðanakönnunum. En rétt er það, að það er enginn meirihluti fyrir fullri inngöngu inn í ESB.

 

Þjóðaratkvæði um ESB ekki á dagskrá

Fagna ber ákvörðun Samkeppniseftirlitsins

 

• Um að gerð verði markaðsrannsókn á verði eldneytis. 

 

En  „Samkeppniseftirlitið áætlar að íslensk heimili hafi keypt bensín og díselolíu fyrir um 42 milljarða króna á árinu 2011. Ef bensín- og díselverð, án skatta og annarra opinberra gjalda, á árunum 2005-2011 er miðað við vegið meðalverð í aðildarríkjum Evrópusambandsins kemur í ljós að verð á bensíni á Íslandi var um 20% hærra og verð díselolíu um 15% hærra.

 

Verð bensíns og díselolíu er að jafnaði með því hæsta sem þekkist í samanburði við aðildarríki Evrópusambandsins“.

En þetta getur samkeppniseftirlitið gert samkvæmt nýlegum lögum og reglum um markaðsrannsóknir. Um framkvæmd markaðsrannsókna Samkeppniseftirlitsins vísast til reglna um markaðsrannsóknir Samkeppniseftirlitsins nr. 490/2013 ogumræðuskjals um markaðsrannsóknir Samkeppniseftirlitsins nr. 2/2012.

 

• En það eru vissulega fleiri vöruflokkar sem þarfnast rannsóknar við sem varðar hag íslenskra heimila með mjög afdrifaríkum hætti. Nefna má verðlagningu íslenskra banka í samkonar samanburði sem líkindi eru til að sé íslenskum neytendum mjög í óhag.
  .
• Þá er það verðlag á seldum landbúnaðarvörum á Íslandi bæði íslenskt og innflutt. Einnig að gerður verði samanburður á verði innanlands í samanburði við ESB-lönd.

 

Ekki með það fyrir augum að ráðast á bændur, heldur hitt að skoða alla verð-myndun á landbúnaðarvörum frá bónda, frá afurðarstöðum (vinnslustöðvum) flutningskostnaður og smásölukostnaður.

Þannig verði rannsakað hvort vinnslu- og eða sölukostnaður er eðlilegur á öllum póstum. Alveg nú nýlega hefur staðið yfir áróðursstríð milli hagsmunasamtaka kaupmanna sem vilja frjálsan inn flutning á þessum vörum. En atvinnuvega-ráherra  segir að aldrei verði leyfður innflutningur á hráu kjöti til Íslands.

En neytendur eru í sjálfu sér að krefjast innflutnings á hráu kjöti til Íslands, en þeir gera þá eðlilegu kröfu að þeir geti keypt landbúnaðarvörur á sambærulegu verði og neytendur gera t.d. á efnhagssvæði ESB.  

 

• Ekki gengur að hrópa það framan í fólk að verðmunur á landbúnaðarvörum á Íslandi og í ESB sé vegna þess að gæði íslensku vörunnar séu svo miklu meiri. Það er neytenda að velja hversu mikil gæði það vill kaupa í sínum vörukaupum. 
• 
  
• Ekki gengur heldur að segja, að það sé hættulegt fyrir íslendinga kaupa innflutt kjöt t.d. Evrópubúar hafa lifað af með sinn landbúnað og reyndar lengur en við íslendingar höfum gert hér í landi.
  .
• Það sama á við bankaþjónustuna, það verður bókstaflega að lækka bankakostnað á íslenskum heimilum og tryggja það að hann verði ekki hærri en almennt gerist í löndum ESB 

 

Rannsaka eldsneytismarkaðinn

Nú á að svíkja loforðin um kjaraleiðréttingu

• Í kosningabaráttunni sögðu núverandi stjórnarflokkar að skerðinginn yrði leiðrétt strax og skerðing bætt þessi fjögur ár.
• Nú á aðeins að draga úr skerðingunum en ekki að bæta að fullu eins og lofað var fyrir kosningar og strax eftir myndun núverandi ríkisstjórnar. 

• Ráðherrann kynnti fyrirhugaðar breytingar á ársfundi Tryggingastofnunar í gær og stefnir að því að leggja frumvarpið fram á sumarþingi sem hefst í vikunni, samkvæmt frétt á vef ráðuneytisins.

Á fundinum vísaði ráðherra í stjórnarsáttmálann þar sem sérstaklega er nefnd hækkun frítekjumarks vegna atvinnutekna ellilífeyrisþega og fjármagnstekna. 

• Hvar eiga þeir eldri borgarar að standa sem ekki hafa aðrar tekjur enn frá TR og mjög takmarkaðar lífeyristekjur? 

Nýr félagsmálaráðherra hefur þegar sagt  að kjör öryrkja og eldri borgara verði bætt. Bæði verði teknar til baka skerðingar frá júlí 2009 og bætur hækkaðar. Fyrstu úrbætur gætu litið dagsins ljós í sumar. 

• Nú eru kynnt undanbrögð og fyrst fremst boðuð bætt kjör hjá þeim sam hafa tekjur eins og fjármagnstekjur.  Launamenn hafa almennt ekki slíkar tekjur.
  .
• Vigdís Hauksdóttir, þingmaður Framsóknarflokksins, var spurð í umræðuþætti fyrir kosningarnar hvort 16 milljarðarnir myndu verða endurgreiddir lífeyrisþegum. 
  .
• „Framsóknarflokkurinn fer fram með þá stefnu, þá sanngirnisstefnu, að nú verða lögin numin úr gildi frá 1. júlí 2009, sem var loforð að giltu bara í tvö ár".
• Framsóknar menn sögðu aðspurðir að þeir ætluðu að leiðrétta þetta?

 

„Það er forgangsmál að þessi lög verði numið úr gildi og að eldri borgarar fá uppfærða reikninga, eða sem sagt sín laun miðað við neysluverðsvísitölu", sagði Vigdís.

Þegar þessu er lokið verði að skoða hvort greiða eigi til baka þær skerðingar sem voru í síðasta kjörtímabili. Með lögunum frá júlí 2009 jukust margs konar skerðingar, ekki bara atvinnutekjur og fjármagsntekjur heldur einnig tók grunnlífeyrir að skerðast vegna greiðslna úr lífeyrissjóði.

„Við höfum talað um að það sé forgangsverkefni að taka til baka þær skerðingar sem var farið í og það verður eitt af þeim fyrstu verkum sem farið var í", segir Eygló Harðardóttir, félagsmálaráðherra .

Þýðir það líka að bætur muni hækka aftur í samræmi við verðlag eða laun?

„Við höfum talað um það að taka til baka þær skerðingar og munum gera það. Síðan er líka mjög mikilvægt á kjörtímabilinu að það verði bætt í hvað lífeyrinn varðar hjá öryrkjum og öldruðum", segir félagsmálaráðherra.

Úrbæturnar kosta ríkissjóð umtalsvert.

„Þarna erum við að tala um milljarða og síðan að sama skapi þegar við munum halda áfram að vinna að breytingum á almannatryggingakerfinu þá eru umtalsverðir fjármunir þar líka. Það skiptir verulega miklu máli að kjör þessara hópa séu sem allra best", segir félagsmálaráðherra.

Fyrstu tillögur að úrbótum verði teknar upp á sumarþingi.

 

Vill draga úr skerðingum lífeyrisþega

Áróðurstarfsemi erlendra álfyrirtækja á Íslandi

 

• Er mjög alvarleg og álverin hafa myndað hér í landi mjög sterk hagsmunasamtök  
  .
• Það er alveg síðasta tegund af velsæmi hjá þessum hagsmunasamtökum áliðjufyrirtækja að reyna að gera lítið úr einni manneskju sem flytur fréttir um áliðnaðinn.
  .
• Það dregur ekki úr trúveruleika Guðbjartar að hún skuli vera starfsmaður þessa fjölþjóða fréttamiðils nema síður væri. 
  .
• Það er ekki hún sem er að halda því fram að vegur áliðnaðar hefur verið á fallandi fæti í langan tíma. 
  .
• Heldur er hún að birta gögn alþjóðlegrar ráðstefnu um málmframleiðslu í heiminum.

 

Það hefur reyndar verið rætt um þetta vandamál í langan tíma og nægir að nefna orð forstjóra Landsvirkjunar um áhyggjur hans um verðtengingu orkunnar við við álverð á heimsmarkaði sem hefur farið lækkandi um langan tíma.

Þetta eru ekki hennar orð heldur skýrir hún frá niðurstöðu í nýrri skýrslu um vandann í áliðnaði heimsins. Segir orðrétt:

„Í glænýrri 363 blaðsíðna skýrslu Bank of America/Merrill Lynch (héreftir nefnd: „BoFA og ML“), sem nefnist „2013 alþjóðleg ráðstefna um málma og námavinnslu, nýr raunveruleiki: Þeir hæfustu lifa af“ (e. 2013 Global Metals & Mining Conference, A new reality: survival of the fittest) sem unnin var fyrir ráðstefnu stjórnenda í þessum iðnaði sem fram fór 14.–16. maí á Spáni, er að finna greiningu BoFA og ML á horfum stórfyrirtækja í þessum iðnaði ásamt spá um verð á málmum. Þar segir á blaðsíðu 52-56 í greiningu á Alcoa m.a.:

„Meginhluti tekna AA (sem er hlutabréfaauðkenni Alcoa) er tilkominn vegna álframleiðslu þess, þar sem hækkandi kostnaður og offramboð er áhyggjuefni.“

Skýrslan útskýrir að vegna hækkandi leigu á vöruhúsum, þar sem mikið magn af áli er nú geymt gæti orðið til þess að Alcoa og aðrir álframleiðendur neyðist til að taka það úr vöruhúsum og selja álið á mjög óhagstæðum markaði.

Skýrslan minnir einnig á það að Moody's tilkynnti 18. desember sl. að það væri að íhuga að setja skuldbindingar Alcoa í ruslflokk, en það flokkar Alcoa nú sem Baa3, þar að auki með neikvæðar horfur. Standard og Poor´s og Fitch flokka bæði Alcoa með neikvæðar horfur á skuldbindingar, en til samanburðar má benda á að íslenska ríkið er með stöðugar horfur hjá öllum þessum greiningaraðilum“ (heimild Bloomberg 27. maí).

Ekki gengur að vitna í aðila eins og Klaus Kleinfeld forstjóra Alcoa: „all segments are profitable“ . Hann er ekki trúverðugur og ekki marktækur til að fjalla  um hag þessa fyrirtækis í opinberri umræðu um Alcoa nema síður væri.

Það er heldur klénir punktar sem hér eru nýttir í þessari umræðu að bera á borð einhverjar staðlaðar  klysjur úr áróðursgögnum hagsmunasamtaka álframleiðslufyrirtækja á Íslandi slík gögn eru á engan hátt boðleg.

Það er bara hallærislegt að bjóða upp á slíka umræðu.

Þessi iðnaður skilar reyndar litlum arði í hreinum gjaldeyristekjum til íslensku þjóðarinnar og er afar fjámagnfrekur fyrir ríkissjóð svo ekki sé meira sagt.  Hvert starf í áliðnaði kostar ríkissjóð milljarða króna.

Ekki er hægt  að véfengja þau gögn sem Guðbjört vísar í og hún er bara flytja  bara fréttir um málefnið frá alþjóðlegri ráðstefnu um stöðu málmiðnaðar í heiminum.

Eins og sést á greiningu Alcoa sjálfs á eigin stöðu,
http://www.alcoa.com/global/en/investment/pdfs/2013_1Q_Earnings_Presentation.pdf
ætlar fyrirtækið að minnka framleiðslu í ár og næsta ár, það er að tapa á álframleiðslu eins og er, heimsmarkaðsverð á áli (miðað við þriggja mánaða framvirka samninga dags. 24. maí 2013) stendur í $1.847,50/tonn, sem er hærra heldur en verð dagsins í dag, ég tel að hærra verð framvirku samninganna sé eingöngu örlítil leiðrétting markaðarins eftir sterka niðursveiflu frá hærra verði, það er flest í skýrslu BoFA og ML sem bendir til svartsýni á álmarkaði.
http://www.lme.com/metals/non-ferrous/aluminium/

 

„Nánast allt byggt á misskilningi“