Enginn er hafinn yfir gagnrýni, allra síst hálaunaður bankastjóri ríkisbanka

• Furðulegur hroki í bankastjóranum þegar hann segir orðrétt:

„Stjórnmálamenn eiga heldur ekki að kalla eftir einstökum rannsóknum frá eftirlitsaðilum. En FME, ef þeir telja ástæðu til að gera athugun á þessu þá er sjálfsagt að fara í gegnum það. En við skulum muna eftir því að leikkerfin sem við störfum eftir eru sett af Alþingi og það gengur út á það að stjórnmálamenn séu ekki að fara beint inn í málin“.

Þótt alþingismaður segi þessa skoðun getur það ekki talist vera afskipti af rekstri bankans.

 

Það er auðvitað fullkomlega eðlilegt að alþingismaður lýsi yfir vilja sínum um, að ákveðnir starfshættir í ríkisbankanum séu skoðaðir.

Jafnvel götusópararnir sem halda Austurstrætinu hreinu hafa fullan rétt á að gera kröfu um að sklík skoðun fari fram eða hver sem er. Enda geri hann málefnalega grein fyrir slíkri kröfu sinni.

En það eru auðvitað miklu meiri líkur á því að hlustað sé á þingmanninn. 

Mótmælir gagnrýni Árna Páls

Steinþór Pálsson, bankastjóri Landsbankans, segir gagnrýni Árna Páls Árnasonar, formanns Samfylkingarinnar, á sölu bankans á hlut í Borgun vera óréttmæta. Stjórnmálamenn eigi ekki að kalla eftir rannsóknum eftirlitsstofnana á einstaka…

RUV.IS

 

Hafna ásökunum Árna Páls

Sýnd veiði en ekki gefin

• Ekki hefur vöruverð lækkað í versluninni vegna afnáms á tollum og vörugjöldum sérstaklega.

Á nærri tveimur árum hefur núverandi ríkisstjórn fellt niður tolla og vörugjöld á fjölmörgum vörum. Einkum af vörum sem koma frá ýmsum Asíu-löndum. 

Almenningur hefur ekki orðið var við að tilteknar vörur hafi lækkað í verði vegna þessara niðurfellinga. 

Umfram það sem það hefði hvort sem er gerst vegna ákveðinna tilboða og hverskonar útsölu framboða í verslun þegar er verið að selja gamla lagera sem ekki seljast öðru vísi.

Það er frjáls álagning á innfluttu kjöti rétt eins og það er frjáls álagning á innlendu kjöti í smásölu.

Margoft hefur verið bent á þá staðreynd að mesta álagningin á kjöti á sér stað í smásöluversluninni. Breytir þá engu hvert söluverð frá afurðarstöð var.

• Það myndi spara marga milljarða fyrir almenning á ári hverju, ef eigendur fyrirtækjanna væru persónulega félagar í samtökum atvinnurekenda en ekki fyrirtækin.
  *
• Þá þyrftu launamenn ekki lengur að greiða félagsgjöld fyrirtækjanna í samtökum atvinnurekenda.
  * 
• Þá þyrftu atvinnurekendur sjálfir að greiða sín félagsgjöld. Af launum sem þeir hafa greitt skatt af rétt eins og launafólk.

Gæti sparað neytendum 4 milljarða

Er enn verið að hygla kaupsýslumönnum?

• Hvaða hagsmuni er fjármálaráðherrann að hugsa um í þessari Kínaferð sinni?
  *
• Hann segir að með aðild Íslands að þessum banka opnist aukin tækifæri fyrir íslenskt viðskiptalíf í Asíu. Hvaða viðskiptalíf ætli það sé?

Jú,það eru hagsmunir íslenskra kaupsýslumanna sem stunda ýmiskonar verslun með ódýrar vörur frá t.d. Kína og flytja til Íslands.

Vörur sem eru framleiddar í þrælabúðum í þessum löndum, vörur sem eru hannaðar á Íslandi en framleiddar í Kína.

Dæmi, bækur sem eru framleiddar í Kína með texta eftir íslenska rithöfunda og eru sagðar íslenskar.

Annað dæmi eru skór hannaðir á Íslandi og eru síðan framleiddir í Kína. Þessum hönnuðum hefur verið hampað endalaust.

Ekki eru það hagsmunir almennings segir Frosti Sigurjónsson formaður efnahags- og viðskiptanefndar sem hefur hinsvegar lýst miklum efasemdum um aðild Íslands og spurt hvers vegna íslenskir skattgreiðendur ættu að leggja til hliðar 2,3 milljarða til að styðja hugsanlega útrás íslenskra fyrirtækja í Asíu, þegar ávinningurinn sé mjög óljós.

Það er einnig athyglisvert það sem Katrín Jakopsdóttir bendir á, sem er að frumvarp um að aðild Asíska bankanum hefur ekki verið lagt fram á Alþingi.

Hún segist ekki vera fyrirfram á móti aðild Íslands að asíska bankanum, en hinsvegar sé full ástæða til að ræða málið.

Það hafi enn ekki verið gert, þrátt fyrir að bráðum verði liðið ár síðan ríkisstjórnin ákvað að óska eftir aðild að bankanum.

• Greinilegt er að nú er verið að fara í enn eina aðgerðina til að auka möguleika íslenskra kaupmanna til að hækka álagningu sína á innfluttum vörum frá þessari heimsálfu.

 

Vísir - Ekki góð vinnubrögð að skuldbinda Ísland án umræðu

Katrín Jakobsdóttir gagnrýnir að 2,3 milljarða skuldbinding vegna kaupa á hlut Íslands í asískum fjárfestingabanka hafi verið afgreidd án þess að Alþingi...

WWW.VISIR.IS

 

„Ávinningurinn langsóttur“

Er varaformaður FÍB kominn í borgarpólitíkina?

• Ég er félagsmaður í FÍB og er alveg sáttur við þessar hugmyndir þótt ég aki um þessa götu reglulega.

Áratugum saman hafa einkabílar haft mikinn forgang í öllu skipulagi borgarinnar. Það er löngu kominn tími til þess að taka tillit til fótgangandi fólks í borginni og raunar einnig til þeirra sem kjósa að fara um á reiðhjólum.

Ég hef horft upp á börn slasast ú umferðinni þótt ekki sé það á Grensásvegi. Fyrir mörgum árum varð einn nemandi minn fyrir alvarlegu slysi á Háaleitisbraut.

Árum saman börðust íbúar í kringum þá götu að hægt yrði á umferð þar. Var rifist um hvort það ætti að setja þrengingar og hægja á umferð við þá götu.

Menn sem óku þar um og voru á leið milli hverfa voru algjörlega á móti því að tekið yrði tillit til hagsmuna barna í þessu hverfi.

Ekkert gerðist fyrr en þetta alvarlega slys kom upp. 

Grensásvegur liggur í gegnum íbúðahverfi og skólabörn eiga leið þvert yfir þessa götu efst við götuna þá stendur til að skipuleggja íbúðahverfi í Skeifunni.

Það er mikill fjöldi skólabarna sem fer þar um einnig. Það er gríðarleg umferð bíla sem fer þarna um á hverjum degi. 

Ólafur, þú er kynntur hér sem varaformaður FÍB en væntanlega ertu ekki að ræða þetta mál sem slíkur. Eða hefur þetta félag ályktað um þetta mál?

 Blogg­færsla vara­for­manns FÍB

„Ofbeldi“ gegn bílum

Lögfræðingar ættu að skoða möguleika á listamannalaunum

• Auðvitað á almenningur að hafa áhrif á dómstólanna og á lagsetningu í landinu.
  *
• Dómstólar eiga að starfa í þágu almennings og dómarar einnig, en eiga ekki að þjóna valdhöfunum í landinu.
  *
• Hvort sem það eru hinir formlegu þjóðkjörnu valdahafar eða sjálf yfirstéttin sem ráðkast með þjóðina í krafti fjámagns og aðstöðu sinnar.

Lögfræðingar semja og fara með löng leikrit fyrir dómstólum landsins.Sumir þeirra eru hreinir listamenn sem hrífa með sér blaðamenn ýmissa blaðamanna. 

Í löngu viðtali við Fréttablaðið fer fyrrum hæstaréttardómari mikinn og það snertir þetta mál.

Flest gagnrýnisorð sem Jón Steinar Gunnlaugsson fyrrum hæstarréttardómari lætur frá sér fara um hæstarrétt á sér fylgi meðal almennings.

En alls ekki allt. Jón Steinar hefur svo sannarlega tekið pólitískan pól í hæðina í dómum sínum. Nægir að nefna kosninguna um stjórnlagaráðið.

En almenningur er ekki sammála honum um dómsmálin vegna hrunmálanna. En fólkið í landinu finnst eðlilegt að dómstólar fari yfir þau bankamál og vinnubrögð þeirra sem þar stjórnuðu og mökuðu sinn krók. Er varð til þess að þjóðfélagið í heild sinni fór á hliðina.

Almenningi hefði einnig þótt eðlilegt að dómstólar hefðu skoðað hvort stjórnvöld gæti haft hreina samvisku.

Þó menn fari til skoðunar hjá dómstólum er ekki þar með sagt að þeir séu sekir samkvæmt lögum þótt þeir séu e.t.v. siðferðilega sekir um eitt og annað.

En að segja það framan í landslýð, að almenningur eigi ekki að hafa áhrif á dómstóla landsins er ansi mikil hreysti verð ég að segja.

Sá fyrrum dómari sem vogar sér að segja slíkt hefur ekki litið á sig sem þjón þjóðarinnar, heldur valdsins.

Almenningur kýs sér alþingismenn og velur þá eftir skoðunum þeirra og stefnu væntanlega. Almenningur ætlast til þess að Alþingi fari að vilja kjósenda þegar þeir setja lög.

En ýmiskonar öflugir hagsmuna aðilar hafa veruleg áhrif á setningu laga fyrir Alþingi. Lögin bera það oft með sér að vera ekki bara eðlilegar málamiðlanir, heldur bjagaðar og óskiljanlegar hártoganir, því miður.

Dómstólum ber auðvitað að virða þessi lög og dæma samkvæmt þeim sem eru oft af þessum sökum illskiljanleg.

Almenningsálitið breytist og þróast, nær alltaf til betri vegar væntanlega. Því breytast kröfurnar um lagasetningar á Alþingi. Fólki hefur oftast þótt dómstólar hártoga það hvað hin og þessi lög þýða.

Það einkennir óneitanlega umræðuna fyrir dómstólum hvers konar útúrsnúningar lögmanna og mistúlkanir. Því alvarlegri sem málin eru því skrautlegri verða leikritin. Almenningur stjórnar dómstólum og nær sínum viðhorfum fram.

Nægir að benda á hvernig viðhorf almennings hefur haft áhrif á kynferðisbrotamál og fleiri afbrotamál eins og fjármálabrot. En það hefur einkennt viðhorf dómara í slíkum málum að vera á móti breytingum og nýta ekki refsiramma með eðlilegum hætti samkvæmt skoðun almennings.

En að lokum, nær almenningur yfirleitt sínu fram. Það sést nú berlega þegar kemur að umræðunni um fólk sem í neyð sinni biður um vernd á Íslandi. Aðkomufólk sem er að flýja styrjaldir og hvers konar kúgun. Þar hefur íhaldið verið hrakið út í horn með sín gömlu fasistaviðhorf eina ferðina enn.

 

Vísir - Ég er bara að fylgja minni sannfæringu

Jón Steinar Gunnlaugsson segir öllum ljóst að málaálagið á Hæstarétti sé of mikið. Enginn komist yfir að dæma 300 mál á ári án þess að það bitni á...

WWW.VISIR.IS

 

Saksóknari ætti að fræða sænska ríkið

þetta er auðvitað ekki endanleg niðurstaða

• Greinilegt er, að þessi flugvallarmál ætla að þvælast fyrir yfirvöldum um allt of langan tíma.

En innan ekki langs tíma mun þessi flugvöllur hverfa úr Reykjavík og fara suður með sjó. Það er enginn vafi á því. Jafnvel þó ég lifi það ekki enda á attræðisaldri

Nýjar gerðir flugvéla munu auðvitað tryggja það. Það vantar björgunar- og sjúkra þyrlur í hvern landsfjórðung.

En á myndinni hér til hliðar má augljóslega sjá að einföld lausn er til við þessu vandamáli.

Hún er sú að lengja þessa neyðarbraut í áttina til sjávar, það virðist ekki vera stórkostleg framkvæmd og varla mjög kostnaðarsöm.

Neyðarbrautarmáli vísað frá

Margar ágætar ábendingar forsætisráðherra um uppbyggingu í Reykjavík

• Eru skynsamlegar, en ekki allar.

Hef ég verið áhugamaður um að mitt gamla umhverfi í mið-borginni verði byggt upp eins og það var á fyrri tíð eins og hægt er.  T.d. eins og svæðið sem nú er kallað Ingólfstorg og næsta nágrenni. 

Það hefði verið óneitanlegara verið bæði skemmtilegra og menningalegra ef  við Reykvíkingar væru lausir við Morgunblaðshöllina og fleiri stórbyggingar í  kringum torgið.

Þar var um byggð að ræða sem brann að hluta og aldrei hirt um að byggja upp aftur á ný og svæðið þar um kring drabbaðist niður áratugum saman.  Síðan hafa verið byggðir þarna kumbaldar sem eru svo sannarlega lýti á borgarmyndinni.

Gömlu bankabyggingarnar eru dæmi um mikla eyðileggingu og það sama má segja um nánasta umhverfi Lækjartorgs og torgið sjálft.  Enn er hægt að varveita stærsta hluta Þingholtanna sem er óneitanlega fallegasta og verðmætasta hverfi borgarinnar, finnst mér.

En á þessu uppfyllta svæði í kringum höfnina stóðu aldrei hús sem hafa gildi til að varveita.

Þetta voru allskyns skúrar og vöruskemmur sem voru hróflaðar upp og ekki byggðar til einhverrar framtíðar.

Þannig ef það á að byggja upp á svæði hlýtur að koma eitthvað nýtt.  En ekki einhver mið-Evrópu húsastíll.  Auðvitað verður að fara hægt um gleðinnar dyr og gá vel að sér.

En Sigmundur Davíð á það til eins og fleiri að skjóta yfir markið í þjóðernis rembingi sínum. Í áramóta ávarpi sínu fullyrti hann t.d. eitt og annað.

Hér segir hann orðrétt:
„Fjárfesting og uppbygging sem ráðist verður í þarf að vera til þess fallin að skapa verðmæti til framtíðar. Í ferðaþjónustu, þar sem mikið er um að vera þessa dagana og mörg verkefni í bígerð, þarf uppbyggingin að vera til þess fallin að styrkja Ísland sem áfangastað til langs tíma fremur en að miða að sem mestum skammtímahagnaði. 

Þar skiptir máli að við gerum hið manngerða umhverfi, bæina og sveitirnar, sífellt meira aðlaðandi og að við byggjum í auknum mæli á þeirri auðlind sem liggur í menningu okkar og sögu.

Það á ekki hvað síst við um arfleifð víkingatímans sem að miklu leyti var mótuð á Íslandi og gæti ein og sér nægt til að gera landið að áfangastað ferðamanna til framtíðar“. 

Sigmundur Davíð hefur verið talsmaður þess að byggja upp gerfibyggðir, nefna má hugmyndir hans á Selfossi sem ganga út á flytja til hús langa leiðir til að búa til þyrpingar gamalla húsa sem eiga enga sameiginlega sögu á tilteknum stað.

Kanski er það í hugmyndaheimi hans að hnoða saman einhverjum skáldskap til að matreiða ferðamenn með. En vegna fullyrðingarinnar um víkinganna verður að láta koma fram. Að víkingamenningin á sér enga sögu á Íslandi sem betur fer.

Á Íslandi var fyrst og fremst bændafólk en ekki ótíndir glæpamenn eins og víkingar voru.  Íslendingar eru líklegast að mestu írskrar ættar, m.ö.o. komnir af írsku fólki sem víkingar gerðu að þrælum.

 

Verktakar sýni teikningarnar miklu fyrr

Illt umtal í pólitík er skárra en ekkert

• Forsætisráðherrann virðist nú vera með leiksýningu sem á væntanlega að auka fylgi flokks hans.

Þetta gerir hann nú, þegar hann sjálfur veit að aðfinnslur hans varðandi skipulagið við höfnina hefur nákvæmlega enga þýðingu nema til þess að skapa einhverja spennu.

Það er auðvitað vitað að borgarbúar eru alltaf viðkvæmir fyrir miklum og viðkvæmum breytingum á sínu nánasta umhverfi.

Það vill reyndar svo til að hugmyndir hans eru vanhugsaðir draumórar. Ráðherrann nefnir að borgin eigi að stuðla að byggingum í klassískum stíl í miðborginni.

Það yrði bara eins og hver annar brandari. Það er tæplega hægt að halda því fram að það sé hefð fyrir slíkum Evrópskum stíl á Íslandi torfhúsanna.

Ef við hefðum viljað laga til í skipulagi miðborgarinnar væri auðvitað réttast að leiðrétta þau skipuilagsslys sem áttu sér stað með breytingunni á Landsbankahúsinu og væri það til sóma að færa það hús til fyrra horfs. Það sama má segja um gamla Útvegsbankahúsið eða þar sem er nú dómshúsið við Lækjatorg.

 

Fátt getur stöðvað framkvæmdir við Tollhúsið

Ásdís Hlökk Theodórsdóttir, forstjóri Skipulagsstofnunar segir að fátt stöðvað framkvæmdir á Hafnartorgi við Tollhúsið í Reykjavík nema að byggingaleyfið sé kært vegna annmarka.

RUV.IS

 

Framkvæmdirnar vart stöðvaðar

Launamisrétti hefur aukist

• Bæði með gríðarlegum hækkunum á háum launum sumra og með breytingum á skattkerfinu þar sem hálaunamenn eru í raun að njóta skattlækkunar.

RSÍ vill fulltrúa launafólks í kjararáð

Í ályktun Rafiðnaðarmann segir að það gefi auga leið að vonlaust sé að byggja upp samfélag með jafnmikilli stéttarskiptingu og launahækkunin ber í för með sér. Hvetur miðstjórnin til þess að tekinn verði upp hátekjuskattur á það sem kallað er ofurlaun í ályktuninni.

Tryggja þurfi jöfn skipti í samfélaginu, það sé forsenda sáttar til lengri tíma. Stjórnvöld eru hvött til þess að skipa fulltrúa launafólks af almennum vinnumarkaði í kjararáð.

Þetta er svo sannarlega réttmæt ábending:
„Miðstjórn Rafiðnaðarsambands Íslands mótmælir harðlega ákvörðun kjararáðs þar sem laun dómara eru hækkuð um 300.000 – 560.000 kr á sama tíma og laun hins almenna launamanns hafa hækkað um um það bil 30.000 kr.

Seðlabanki Íslands hefur ítrekað bent á að ígildi 10% af launahækkun dómaranna geti valdið efnahagslegum hamförum í samfélaginu hvað þá tíföld sú upphæð!

Það gefur auga leið að vonlaust er að byggja upp samfélag með jafnmikilli stéttarskiptingu eins og raun ber vitni. Ákvarðanir um að deila meiri gæðum til þeirra sem meira hafa er óásættanlegt.“

Það er eðlileg krafa að venjulegt launafólk eigi fulltrúa í kjararáði, en rafiðnaðarmenn sem teljast vera hálaunahópur innan ASÍ tala með ansi holan hljóm í þessum kröfum sínum. Með því að þeir vilja ekki að allt láglaunafólk geti átt slíkan fulltrúa. Aðeins félagsmenn innan ASÍ.

Það vill nefnilega svo til, að lægst launaðasta fólkið á vinnumarkaðir eru einmitt stórir hópar opinberra starfsmanna. 

Rafiðnaðarmenn ásamt fjölmörgum landsamböndum innan ASÍ hafa átt samstarf með samtökum atvinnurekenda í bráðum 25 ár um að halda niðri launum opinberra starfsmannaog reyndar einnig bótum frá Tryggingastofnun.

Sérstaklega hefur nýr formaður VR verið áberandi í sínum málflutningi þar sem fram kemur efnislega að opinberir starfsmenn eigi tæplega að hafa samningsrétt og alls ekki verkfallsrétt.

Ég geri ráð fyrir að viðræður aðila á vinnumarkaði eins og það kallað í mæltu máli  um nánara samstarf strandi einmitt á þessum viðhorfum sem eru svo sannarlega gildandi hjá samtökum atvinnurekenda og hjá fjölmörgum forystumönnum stéttarfélaganna í ASÍ.

Á meða n þessi viðhorf eru ráðandi verður ekki að samstarfi.

Sama launastefna og fyrir hrun

Það er örðugt að meta skipulags-tillögurnar um byggð við Hafnartorg

• En það er auðvitað morgunljóst, að þeir sem keyptu þessar lóðir og byggingarréttinn vilja byggja sem mest á þessum reit.
  *
• En það er auðvitað auðvelt að taka undir orð forsætisráðherran um að þetta séu ansi hátimraðar hugmyndir að byggð.
  * 
• En þar sem ég er Reykvíkingur og átti þarna leiksvæði um miðja 20. öldina tel ég mig geta haft á þessu skoðun.

 

En vert er að hafa í huga að á þessu svæði hafa aldrei verið neinar byggingar sem hýstu fólk. En mikilvægt er að húsbyggingar séu ekki einsleitar og þær beri með einkenni af byggðinni sem er í kring.

En það ljóst, að það virðist vera alveg sama hvernig teikningar eru kynntar það verða alltaf um þær skiptar skoðanir. Eins og alltaf fleiri á móti. Peningar virðast alltaf ráða för þegar byggingar eru annarsvegar

Á þessari uppfyllingu voru meira og minna einhverjir skúrar og vörugeymslur í lélegum timburhúsum og ein matstofa. Bensínstöðin er löngu farin og húsin sem voru við Kalkofnsveg einnig. 

Allt löngu farið og það er mikil eftir sjá af gamla timburhúsinu sem stóð við Lækjatorg þar sem svarta ferlíkið stendur nú. Það hlýtur að vera hægt að fá fallegri málningu á það hús.

Þótt Sigmundur Davíð hafi einhverntíma átt heimili í Reykjavík á hann það ekki lengur.

En eins og allir vita býr hann einhvar staðar á norð austurlandi á ónýtu eyðibýli því er ómögulegt að skilja hvað honum kemur þetta við.

Hann vill kanski að skúrarnir sem Sambandið átti á þessu svæði verði endurbyggðir.

En það er auðvitað fyrir löngu búið eyðileggja alla heildarmynd við Tryggvagötuna þar sem allt er fullt af háreistum rjómtertuhúsum fyrir, svo ekki er verið að eyðileggja eldri byggð með þessum hugmyndum.

En ég er sammála forsætisráðherranum um að mikilvægt sé að hlúa eins og hægt er að gömlu byggðinni og að gömlu húsunum í miðborginni.

Ég er líka ánægður með að varveita eigi gamla hafnargarðinn og vona að hann verði ekki hafður í felum í framtíðinni.

• En það er ansi merkileg afskiptasemi íbúa á austanverðu norðurlandi um skipulagsmál í Reykjavík, nú í seinni tíð. Þeir virðast bara vilja ráða flestu um skipulagsmál í borginni.    

 

Ósammála sýn forsætisráðherra