10.6.2017 | 21:42
Forsetar eiga ekki að hafa alræðisvald.
- Ég myndi ekki vilja gegna þessu embætti ef ég gæti sett lög sem bönnuðu það sem mér mislíkar
- *
- Ég myndi ekki vilja búa í þannig landi. Sagði Guðni forseti á fésbókinni í dag.
En síðustu vikur hafa af því borist fréttir að Trump forseti reki menn úr störfum hægri vinstri. Engu er líkara en það sé einræði sem ríki í Bandaríkjunum.
Bandaríkjamenn, einkum ráðamenn þar státa sig sig af því að Bandaríkin séu fyrirmyndar lýðræðisríki af bestu gerð.
Þeir telja sig þess umkomna að skipta sér af öðrum þjóðríkjum ef þeim finnst að stjórnarfar þar fari ekki eftir lýðræðifyrirmynd þeirri sem þeir telja sig vera.
Það er vissulega algengt að þjóðarleiðtogar og ríkisvöld fara algjörlega á svig við þau lýðræðis sjónarmið sem við norðurlandabúar höfum.
Þetta á jafnvel um mjög valdamikil og áhrifamikil ríki. En þessi ríki hafa yfirleitt ekkert verið að þykjast vera lýðræðisríki og ekki skipt sér af stjórnarfari annarra ríkja eins og Bandaríkin gera.
Vissulega erum við íslendingar heppnir að vera hluti af fámennu þjóðfélagi sem býr við nokkuð gott lýðræði, þótt mjög margt megi lagfæra og færa til nútímans.
Rifjar upp kynni af ananasmanni | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 22:03 | Slóð | Facebook | Athugasemdir (0)
9.6.2017 | 08:47
Hugur Halldórs er allur hjá stóreignafólkinu
- Ef Halldór vill í raun og veru lækka skatta hjá almenningi í Reykjavík myndi hann boða lækkun á útsvari.
Þetta er ekki í fyrsta sinn sem hægri menn sýna þann vilja sinn að hygla stóreignafólki sérstaklega.
Ef fasteignagjöld eru lækkuð munu tekjur af útsvari vera notaðar við að kosta þjónustu við fasteignir. Það sem fasteignagjöldin eiga að brúa
Er þýðir að launafólk eigi að þjónusta atvinnurekendur og eignafólki í enn ríkara mæli.
Ef Halldór vill í raun lækka skatta ætti hann að leggja til lækkun á útsvari sem eru skattar sem launafólk eitt greiðir til borgarinnar. Útsvarið er algjörlega flatur skattur er ekki hefur í sér persónuafslátt eins og tekjaskattur.
Fasteignagjöld eru þjónustugjöld til að standa undir kostnaði sveitarfélagsins við húsnæði það sem er í borginni.
Þ.e.a.s. innviðir sem eru vegna byggðarinnar og þjónusta sem verður að veita og fólki og fyrirtækjum sem eru með fasteignir.
Það er launafólk sem greiðir útsvörin. Það gera ekki fyrirtækin og sjaldnast eigendur þeirra.
Þeir ásamt öðrum sem lifa af fjármagnstekjum greiða ekki útsvör. Þá er það staðreynd, að mikill fjöldi eldri borgara býr í mjög stórum húsum, það stórum að það hefur ekki verið launafólk sem byggði þau eða keyptu.
Leiða má að því líkur að mikill fjöldi þessa eldra fólks sem býr í risastórum húsum hafi lítið greitt af sköttum um ævina.
Draga verður úr skattbyrði | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 12:15 | Slóð | Facebook | Athugasemdir (0)
8.6.2017 | 17:52
Margt er skrýtið í kýrhausnum
- Á Íslandi er það á hreinu, að lögreglan starfar í þágu almennings í landinu. Þótt útaf hafi stundum brugðið áður fyrr.
En það er einnig hlutverk lögreglunnar að verja einstaklinga gegn áreiti annarra, sérstaklega þegar stór hópur fólks áreitir alvarlega minni hóp.
Þá er það einnig hlutverk lögreglu að verja rétt kjörin stjórnvöld eins og t.d. alþingismenn gegn áreiti.
Eins og það er einnig verkefni lögreglu að verja rétt manna til að mótmæla t.d. stjórnvöldum.
Þessi þjóðarvitund kom mjög vel í ljós veturinn 2008 til 2009. Þegar öfáir óróa seggir réðust á Alþingishúsið og á lögreglumenn að störfum við húsið. Þá gerðist það skyndilega eitt sinn að almenningur á Austurvelli fór í vörn fyrir lögreglumennina sem stóðu vaktina.
Ekki er gott að átta sig á því hvað hefði annars geta gerst. Þegar ölóðir óróaseggir komu út af vínbörum í miðborginni og réðust á þinghúsið. Í raun réðust þeir einnig á rétt fólks til að halda uppi mótmælum á vellinum.
Nú gerist það, að bandarískur forseti krefst þess að hluti lögregluyfirvalda þarna í fyrirheitna landinu lýsi yfir sérstakri hollustu við sig.
Að lögregluliðið hlutist til um að rannsaka fólk eftir geðþótta forsetans. Rétt eins og í fasista- og einræðisríkjum. Það er ótrúlegt hvað fánarnir eru líkir gömlu nasistafánunum.
Satt að segja var ég svo barnalegur að halda að löggæslan í þessu landi ætti fyrst og fremst að gæta hagsmuna almennings en ekki um einstaklings hagmuni einstakra ráðamanna þar í landi.
Comey óttaðist að Trump myndi ljúga | |
Tilkynna um óviðeigandi tengingu við frétt |
6.6.2017 | 17:57
Nú skal reynt að breiða yfir skítinn
- Fylkt skal flokkspólitískum rétttrúnaði við skipan dómara. Þessi flokkur hefur nákvæmlega ekkert lært mistökum sínum síðastu áratugina.
Það er vandi þegar ráðherra gamla valdaflokksins verður óhjákvæmilega að fylgja kröfum flokksins vegna hagsmuna hans og velja milli fólks eftir flokkslínum til að skipa heilann dómstól.
Það er að gerast nú þegar dómsmálaráðherra breytir vali mats- eða hæfnisnefndar við stöðuveitingar.
Allur almenningur er meðvitaður um þessa pólitísku spillingu. Er kallar óhjákvæmilega á orðræðu um pólitískt geðþóttaval.
Þetta verður atburður sem geymist með þjóðinni í sögu hennar.
Ráðherrann getur aðeins brugðist við með hlutlægum, faglegum og skýrum rökum. Það gerði ráðherra dómsmála ekki nú þegar skipað var í Landsrétt í fyrsta sinn.
Ráðherra byggði ekki á faglegum upplýsingum um umsækjendur frá nefndinni og sjálfstæðri skoðun. Heldur á tilskipun og plotti bak við tjöldin.
Það er eðlileg rannsóknarskylda sem hvílir á ráðherra. Ávallt gildir fyrsti skriflegur rökstuðningur sem vali ræður en eftiráskýringar og mótsagnir duga skammt.
Þau sannindi liggja fyrir að Sigríður Á Andersen hefur áður tekið þátt í aðför að Ástráði Haraldssyni.
Er Sigríður Á. Andersen, núverandi dómsmálaráðherra, var í ritstjórn Vefþjóðviljans. Þegar vefmiðillinn hæddist að Ástráði Haraldssyni lögfræðingi og uppnefndi hann vegna stjórnmálaskoðana hans.
Þetta er flokkspólitísk aðför að einum umsækjanda um dómarastarf. Ráðherrann hefur áður tekið þátt í einelti gagnvart Ástráði Haraldssyni og getur því ekki verið hæf til að koma nærri þessu máli. Hún getur ekki hafa verið hlutlaus í málinu.
Vegna þessarar gömlu athafnar hefði ráðherran átt að víkja sæti og láta öðrum ráðherra um málið. Hún gat ekki verið hlutlaus í málinu.
Á þessum tíma kom Ástráður ekki nálægt neinu pólitísku starfi. En Ástráður er ekki sá eini sem verður fyrir flokkspóltísku síunni.
Þetta verður ævinlega tengt saman vegna þess að hún ákvað að gera ekki tillögu um hann sem dómara við Landsrétt, þrátt fyrir að dómnefnd hafi komist að þeirri niðurstöðu að hann væri einn af hæfustu umsækjendunum.
Þessi tilraun Mogga litla nú, til að reyna að breiða yfir skítinn er dæmd til að mistakast. Þetta er heldur ekki fyrsta Moggaæfingin í þessari íþrótt blaðsins.
Þetta er einhver misskilningur | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 18:31 | Slóð | Facebook | Athugasemdir (1)
5.6.2017 | 20:49
Það er heimsstyrjöld í gangi
- Hrikalegt blóðbað á almennum borgurum fylgir, ekki bara í Austurlöndum og í Asíu.
* - Heldur er blóðbaðið farið að berast til Evrópu og stjórnvöld í þessum Evrópuríkjum þykjast ekkert skilja í þessu morðæði heima fyrir.
En ríkisstjórnir Evrópu þjóða uppskera það sem sáð er fyrir.
Almenningur er ævinlega skotmarkið í öllum þessum löndum.
Þeir sem stjórna styrjöldinni koma síðan hvergi nærri baðinu.
Samt er er ómögulegt að skilja það sem gerðist í Svíþjóð, þar sem það ríki á enga aðild að styrjöldinni eins og íslendingar. En á það hefur verið bent að þeir eru stórvirkir vopnasalar.
Bandaríkin fara um heimbyggðina á skítugum skónum og drepa fólk eftir hentileikum. Það hefur þetta ríki gert í áratugi og hafa áunnið sér ævarandi hatur fólks um allan heiminn. Rússar eru sjaldan langt undan.
Tvíburaturna árásin var auðvitað bara hluti af þessu stríði, þar sem aðalandstæðingurinn gat í fyrsta sinn gert árás í Bandaríkjunum.
Bandaríkjamenn trylltust og réðust þeir á Írak og hundruð þúsunda borgara létu lífið. Afleiðingar urðu ekki bara hörmulegar fyrir almenning heldur risu skuggaleg öfl sem virkjuðu hatrið gegn vesturveldunum.
Það sama átti sér í Afganistan þar voru drepnir hundruð þúsunda afgana sem ekkert höfðu til saka unnið. Eins og í Írak geysar þar enn styrjöld.
Sýrland er eitt landið þar sem Bandaríkin eru í stríði og eru jafnvel í bandalagi með talibönum eða félögum þeirra við að steypa einræðisherranum af stóli. Sennilega samkvæmt pöntun frá Sádum og Ísraelum.
Bæði Frakkar og sérstaklega Bretar fylkja liði í fremstu víglínu með Bandaríkjunum þar sem notuð eru afkastamestu morðtól sem hugsast getur til að drepa allt kvikt sem fyrir er. Ekki bara hermenn, heldur ekki síður konur og börn.
Bara í morgun hótaði núverandi forsætisráðherra breta að herða enn frekar loftárásir í t.d. Sýrlandi.
Hvenær ætla svokallaðir kristnir stjórnmálamenn að læra og að hætta ofbeldinu í heiminum?
100.000 börn í mikilli hættu í Mósúl | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 22:03 | Slóð | Facebook | Athugasemdir (4)
3.6.2017 | 13:55
Sóðalegur galdrakall
Einhver maður sem afrekaði það að pissa á dyr. Til þessa hefði ég haldið að það væri ekki hægt. En það er svo sannar lega hægt að pissa í gegnum um dyr standi þær opnar.
Síðan er einfalt að míga á hurðir bæði stórar og smáar. En hurðir eru það fyrirbrigði sem notað er til að loka dyrum. Fólk gengur t.d. inn og út um dyr og iðulega á hurðir.
Að lokum, ekki er hægt að banka á dyr þótt það sé skrifað einhversstaðar.
Pissaði á hurð Stjórnarráðsins | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 14:01 | Slóð | Facebook | Athugasemdir (0)
2.6.2017 | 18:23
Lögbrot?
Alþingi samþykkti skipun 15 dómara gegn ráðlagningu fagnefndar í einni atkvæðagreiðslu, en dómara skal þingið samþykkja hvern fyrir sig ef farið er á skjön við ráðlagningu. Því er lögmæti skipunarinnar í vafa og við hvetjum forseta Íslands að skrifa ekki undir hana.
Það er ekki í lagi að leyfa ráðherra að skipa dómara eftir forsendum sem einungis hún þekkir. Stöndum vörð um réttarkerfið okkar og krefjumst útskýringa.
- Guðni Thorlacius Jóhannesson, forseti Íslands
Þetta er tölvupóstur sem mér barst fyrir stundu síðan
Jóhannes Rúnar íhugar að leita réttar síns | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 18:31 | Slóð | Facebook | Athugasemdir (0)
1.6.2017 | 21:13
Nú hlýtur að taka við viðskiptastríð
- Almenningur hlýtur nú að sniðganga Bandarískar vörur.
Á Íslandi eru a.m.k. þrjú mengandi Bandarísk fyrirtæki og nú er engin ástæða til þess að taka á þessum fyrirtækjum með einhverjum silkihönskum.
Þetta ríki mengar mest allra ríkja að Kína undanskildu sem þó ætlar að standa við Parísarsamninginn.
Það var ljóst fyrir mörgum árum að Bandaríkin eru á fallandi fæti efnahagslega og fer stöðugt aftur í samanburði við önnur iðnríki.
Draga sig út úr Parísarsamkomulaginu | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 21:19 | Slóð | Facebook | Athugasemdir (1)
1.6.2017 | 14:33
Það eru margir hlutir óboðlegir hjá Sjálfstæðisflokknum.
- Það er ekkert nýtt að Sjálfstæðisflokkurinn hyglar sínum félögum endalaust. Flokkurinn hefur alltaf gert þetta
* - Því er ekki nema eðlilegt að bakland þessa fólks sem dómsmálaráðherra vill gera að dómurum í landsrétti verði rannsakað nákvæmlega
* - Úr því að ekki megi virða tillögur alnefndarinnar
* - Siðleysi þessa flokks er með eindæmum.
Hér kemur frétt RÚV sem er eitt dæmi um siðleysi flokksins og segir orðrétt:
Lögfræðistofan Juris fékk greiddar 107 milljónir fyrir þjónustu fyrir fjármálaráðuneytið á árunum 2013-15.
Í nýrri skýrslu Ríkisendurskoðunar kemur fram að ráðuneytin vörðu tveimur og hálfum milljarði í sérfræðiþjónustu á tímabilinu og hækkaði kostnaður milli ára úr 700 milljónum 2013 í einn milljarð 2015. Oft voru samningar ekki gerðir né heldur kostnaðaráætlanir.
Viðskipti fjármála- og efnahagsráðuneytisins við lögmannsstofuna Juris vöktu sérstaka athygli Ríkisendurskoðunar og numu þau 107 milljónum.
Einn eigandi Juris, Lárus Blöndal, hefur gegnt trúnaðarstörfum fyrir Sjálfstæðisflokkinn og Bjarni Benediktsson, þá fjármálaráðherra, skipaði hann til að mynda stjórnarformann Bankasýslu ríkisins.
Þá var annar eigandi Juris, Andri Árnason, verjandi Geirs H. Haarde í Landsdómsmálinu. Þriðji eigandinn, Vífill Harðarson, hefur verið á lista Sjálfstæðisflokksins í Kópavogi og sá fjórði, Sigurbjörn Magnússon, var framkvæmdastjóri þingflokks Sjálfstæðisflokksins 1985-1990.
Ríkisendurskoðun kallaði eftir gögnum um viðskiptin og upplýsti ráðuneytið að fyrir lægi gagnkvæm viljayfirlýsing milli ráðuneytisins og Juris frá 2006. Þá var Árni Mathiesen fjármálaráðherra.
Kaup ráðuneyta á sérfræðiþjónustu í milljónum talið
Forsætisráðuneyti --( 2013 35,6) (2014 62,1) ( 2015 49,6) samtals 147 milljónir
Atvinnuvega- og nýsköpunarráðuneyti- ( 2013 - 126,4) (2014 100,1) ( 2015 107,0) samtals 333,5 milljónir
Fjármála- og efnahagsráðuneyti --- (2013 188,4) (2014- 429,5) (2015 -555,4) samtals 1173,3 milljónir
Innanríkisráðuneyti (2013 95,5) (2014 -94,5) (2015 -112,3) samtals 302,4 milljónir
Mennta- og menningarmálaráðuneyti ( 2013 43,9) (2014 21,9) (2015 43,9) samtals 109; milljónir
Umhverfis- og auðlindaráðuneyti (2013 31,4) ( 2014 - 22,6) ( 2015 66,7) samtals 120,7 milljónir
Utanríkisráðuneyti (2013 105,5) (2014 15,3) (2015 15,5) samtals 136,3 milljónir
Velferðarráðuneyti (2013 67,2) (2014 73,1) (2015 92,7) samtals 233,0 milljónir
Eða 2555,8 milljónir hjá vildarvinum og flokksbræðrum Bjarna Benediktssonar.
Ríkisendurskoðun gerir athugasemd við að ráðuneytið hafi ekki staðið betur að samningsgerðinni við Juris og hagað þessum kaupum á sérfræðiþjónustu í samræmi við leiðbeiningar sínar til annarra ríkisaðila þar sem segir að í samningum skuli koma fram tíma- og kostnaðaráætlanir.
Fjármála- og efnahagsráðuneyti fer með málefni opinberra innkaupa og ættu vinnubrögð þess við innkaup að vera til fyrirmyndar, segir ríkisendurskoðandi.
Oft höfðu ráðuneytin samband við aðeins einn aðila og buðu honum tiltekin verkefni. Gjarnan var samband til staðar við ráðgjafann ýmist vegna fyrri verkefna eða annarra ástæðna.
Slík vinnubrögð eru í skýrri andstöðu við reglur og leiðbeiningar um kaup á sérfræðiþjónustu og ekki í samræmi við ákvæði laga um jafnræði og gagnsæi, segir ríkisendurskoðandi.
Ekkert ráðuneytanna fór í útboð eða örútboð innan rammasamninga á tímabilinu vegna kaupa á sérfræðiþjónustu.
Frétt frá RÚV í dag.
Við þurfum fokking tíma | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 15:00 | Slóð | Facebook | Athugasemdir (0)
1.6.2017 | 12:20
Gömlu valdníðslu aðferðirnar
- Það var ekki hægt að láta sér detta annað í hug þegar breytingatillögur dómsmálaráðherrans við tillögur hæfisnefndarinnar um dómaraskipan við Landsrétt voru birtar.
Ýmsar sögur hafa flogið í gegnum tíðina um hvernig Sjálfstæðisflokkurinn gætir þess ævinlega að eiga alla dómara og sýslumenn í landinu úr sínum röðum.
Valdaflokknum hefur tekist þetta vegna þess að flokkurinn hefur ráðið ráðneytum þjóðarinnar nær allan lýðveldistímann
Það er t.d. enginn vinstri maður í þessum stéttum svo vitað sé. Hæst flugu þessar sögur á tíma Björns Bónda.
Stjórnarandstöðuþingmenn hafa gætt sín á því að ræða aðeins þessa óskammfælnu aðför ráðherrans að regluverki um aðferðarfræði við skipan dómara.
Þeir hafa ekki hugsað upphátt um hvort tillaga ráðherrans um fólk í dómarasætin tengist einhverjum hagsmunahópum eða stjórnmálaflokki.
Réttur almennings stendur svo sannarlega til þess, að áður en Alþingi tekur afstöðu til tillagna ráðherrans séu öll slík tengsl könnuð ef einhver eru.
Eða á staðan enn að vera þannig, að vinstri menn geti ekki fullkomlega treyst íslenskum dómstólum.
Ákvörðun ráðherra verði rannsökuð | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 12:44 | Slóð | Facebook | Athugasemdir (0)